1.6. ආයතනයන්හි විවිධ යෙදුම් ක්ෂේත්‍ර වල තොරතුරු හා සන්නිවේදන තාක්ෂණයේ භාවිතය

01. තොරතුරු සන්නිවේදන තාක්ෂණයේ දියුණුවත් සමගම ආයතන වල සිදුවී ඇති වෙනස්කම්:

• ආයතන වල සිදුවන කාර්යයන් පහසු වීම.
• අවම මිනිස් ශ්‍රමය.
• කාර්යයක්ෂමතාවය ඉහළයි.
• ආයතනවල භෞතික ඉඩ ප්‍රමාණය ඉතිරි වේ.
• ආයතනවල ලබා ගන්නා ලාභය වැඩිවේ.

02. ආයතන වල සන්නිවේදනය හා බැඳි තොරතුරු සන්නිවේදන තාක්ෂණය : 

• ඉදිරිපත් කිරීමේ කටයුතු සඳහා (Presentations)
• නිවසේ සිට කාර්යාලීය කටයුතු කිරීම (Telecommuting)
• වීඩියෝ සම්මන්ත්‍රණ පැවැත්වීම සඳහා (Video Conferencing)

03. ඉදිරිපත් කිරීමක් යනු (Presentations): තම අදහස් හෝ තොරතුරු පිරිසක් ඉදිරියේ සන්නිවේදනය කිරීමක් ඉදිරිපත් කිරීමක් ලෙස හැඳින්වේ. යම් මාතෘකාවකට අදාළ අන්තර්ගතය පරිගණකය ඇසුරින් හෝ වෙනත් ආකාරයට ප්‍රේක්ෂකයින්ට ලබා දීමයි.

විද්‍යුත් සමර්පන මෘදුකාංග (Electronic Presentations Software) යොදා ගනියි. (උදා: Microsoft Power point)

04. නිවසේ සිට කාර්යාලයීය කටයුතු කිරීම (Telecommuting): නිවසේ සිට සන්නිවේදන ජාල ඔස්සේ පරිගණක ආශ්‍රිත මෙවලම් භාවිතයෙන් කාර්යාලයීය කටයුතු සිදු කිරීමයි. කාර්යාලීය සේවකයින් හට සේවා ස්ථානයට යාමට අවශ්‍ය වන්නේ නැත.
              
Skype Software, Remote Logging, Screen Sharing

05. වීඩියෝ සම්මන්ත්‍ර​ණ පැවැත්වීම (Video Conferencing): වෙනස් ස්ථාන වල සිටින දෙදෙනෙක් හෝ වැඩි ගණනක් අතර ශ්‍රව්‍ය හා දෘශ්‍ය දත්ත සම්ප්‍රේෂණය කරමින් පරිගණක ජාල ඔස්සේ සහ තොරතුරු තාක්ෂණික මෙවලම් භාවිතයෙන් සංවාදයක් පැවැත්වීමයි. ආයතනවල සම්පත් ( කාලය, මුදල්, ශ්‍රමය ) වැනි දේ මනාව කළමනාකරණය කළ හැකිවේ.

Distance Learning, Business meetings, Telecommuting  

06. තොරතුරු තාක්ෂණය සහ ව්‍යාපාරික ප්‍රජාව (Information Technology Vs. Business Community)

1. ව්‍යාපාර කටයුතු සඳහා අන්තර්ජාලය භාවිතා කිරීම. (eBay, Amazon වැනි වෙබ් අඩවි මගින් භාණ්ඩ විකිණීම සහ මිලදී ගැනීම, අතත්‍ය වෙළඳ සැල් (Virtual front stores))

2. භාණ්ඩ නිෂ්පාදනයේ සිට මිලදී ගැනීම දක්වා පරිගණක තාක්ෂණය භාවිතා කිරීම. (විද්‍යුත් උපාංග, මෝටර් රථ වැනි උපාංග රොබෝ යන්ත්‍ර සහ පරිගණක මගින් ක්‍රියාත්මක සහ පාලනය වන උපකරණ භාවිතයෙන් නිපදවීම. )

3. අන්තර්ජාලය භාවිතා කරමින් සිදු කරනු ලබන වෙළඳාම් කටයුතු නිසා ශ්‍රී ලංකාවට විදේශ විනිමය ලැබීම්.

4. භාණ්ඩවල මිල ගණන් සංසන්දනය කර තමන්ට කැමති රටකින් භාණ්ඩ නිවසටම ගෙන්වා ගත හැකි වීම (ebay.com).

5. පොත්පත්, සඟරා, පුවත්පත් වැනි දෑ මිලදී ගැනීමේ හැකියාව සහ නොමිලයේ පරිශීලනය කිරීමේ හැකියාව. (උදා: www.amazon.com, sarasavibookshop.lk)

6. නිශ්පාදන අලෙවි කරගැනීම සඳහා ජාත්‍යන්තර වෙළඳ පොළට විවෘත වීම ද අන්තර්ජාලය මගින් සිදු කරගත හැකි වේ.

7. දවසේ පැය 24 පුරා, දින 7 තුළම විවෘතව පවතින නිසා ඕනෑම මොහොතක භාණ්ඩ මිලදී ගැනීමේ හැකියාව සහ විකිණීමේ හැකියාව ලැබේ.

8. අතේ මුදල් ගැවසීම වෙනුවට Credit, Debit, ATM, Web කාඩ්පත් මගින් ගෙවීම් කටයුතු සිදු කිරීමෙන් වැඩි ආරක්ෂාව (ක්‍රෙඩිට් කාඩ් පත් භාවිතයට වඩා ආරක්ෂාකාරී ක්‍රමයක් වන වෙබ් කඩ්පත් සම්පත් බැංකුව මගින් නිකුත් කරයි).

9. භාණ්ඩ මිලදී ගැනීම පමණක් නොව ගුවන් ගමන් බලපත්‍ර වෙන් කරවා ගැනීම, සංචාර සඳහා අවශ්‍ය හෝටල් වෙන් කරවා ගැනීම, හිතමිතුරන් වෙත තෑගි භාණ්ඩ යැවීම වැනි සේවාවන් අන්තර්ජාලය මගින් සිදු කර ගැනීමේ හැකියාව ලැබේ. (Kaputa.com / Kapruka.com )

10. අන්තර්ජාලයේ දැන්වීම් ප්‍රචාරනය අද කාලයේ වඩාත් ජනප්‍රිය වෙළඳ ව්‍යාපාරයකි (Ikman.lk / vahana.lk / Autolanka.lk).

11. කොටස් වෙළඳපල (Share Market) ගණුදෙනු සිදු කිරීම සඳහා අන්තර්ජාලය මගින් හැකියාව ඇත. වර්ථමානයේ ඉතාමත්ම ජනප්‍රිය මුදල් ඉපයීමේ ක්‍රමයක් වන Forex Trading මේ සඳහා හොඳම උදාහරණයකි.

12. මිලදී ගත් භාණ්ඩ නිවසටම ගෙන්වා ගැනීමේ හැකියාව නිසා පාරිභෝගිකයින්ට භාණ්ඩ මිලදී ගැනීමට ගතවන කාලය , මුදල් , ප්‍රවාහන වියදම් අඩු කර ගැනීම.