2.0 : පරිගණක පරිණාමය : අනුමාන බහුවරණ ප්‍රශ්න 3

31. නෂ්‍ය මතක (Volatile Memory) කාණ්ඩයන් පමණක් අඩංගු පිළිතුර වන්නේ,

1. රෙජිස්තර මතකය (Register Memory), සසම්භාවී පිවිසුම් මතකය (RAM), පඨන මාත්‍ර මතකය (ROM)
2. සසම්භාවී පිවිසුම් මතකය (RAM), සංචිත මතකය (Cache Memory), ද්විතීයක ආචයනය (Secondary Storage)
3. ද්විතීයක ආචයනය (Secondary Storage), සසම්භාවී පිවිසුම් මතකය, රෙජිස්තර මතකය (Register Memory)
4. සසම්භාවී පිවිසුම් මතකය (RAM), රෙජිස්තර මතකය (Register Memory), සංචිත මතකය (Cache Memory)
5. ප්‍රධන මතකය (main Memory), පඨන මාත්‍ර මතකය (Read Only Memory), ද්විතීයක ආචයනය (Secondary Storage)

32. වාරක මතකය / සංචිත මතකය හෝ නිහිත මතකය (Cache Memory) යනු පරිගණකයේ මධ්‍ය සැකසුම් ඒකකය තුළ පිහිටි විශේෂිත වූ මතක වර්ගයකි. මේ සම්බන්ධයෙන් අසත්‍ය ප්‍රකාශය වන්නේ,

1. නිහිත මතකයේ ධාරිතාවය ඉතා අඩු අගයක් ගන්නා අතර එය රෙජිස්තර මතක ධාරිතාවයට වඩා වැඩිය.
2. ප්‍රවේශ කාලය රෙජිස්තර මතකයට වඩා අඩු අතර ප්‍රධාන මතකයට වඩා වැඩිය.
3. නිෂ්පාදන වියදම ප්‍රධාන මතකයට වඩා වැඩිය.
4. සංචිත මතකයේ ප්‍රභේද තුනකි. එනම් පළමු මට්ටම, දෙවන මට්ටම සහ තෙවන් මට්ටමයි.
5. නිෂ්පාදන වියදම රෙජිස්තර මතකයට වඩා වැඩිය.

33. සංචිත මතක (Cache Memory) ප්‍රභේද තුනකින් යුක්ත වේ. මෙම ප්‍රභේද සම්බන්ධයෙන් අසත්‍ය ප්‍රකාශය වන්නේ,

1. පළමු මට්ටමේ සංචිත මතක (L1 Cache Memory), සකසනය තුළම පිහිටයි.
2. පළමු මට්ටමේ සංචිත මතක (L1 Cache Memory) වර්ගය අනෙකුත් මතක ප්‍රභේදයන්ට සාපේක්ෂව ඉතාම වේගවත්ය.
3. දෙවන මට්ටමේ සංචිත මතකය (L2 Cache Memory) සකසනය තුළ හෝ ඉන් පිටත එනම් මව්පුවරුවේ පිහිටා ඇත.
4. තෙවන මට්ටමේ සංචිත මතක (L3 Cache Memory) වර්ගයේ වේගය දෙවන මට්ටමේ සංචිත මතක (L2 Cache Memory) වේගයට වඩා තරමක් වැඩිය.
5. මතක ධූරාවලියේ ඉහළ සිට පහළට සංචිත මතක ප්‍රභේද සැලකූ විට එය පිහිටන අනුපිළිවෙල වනුයේ පළමු මට්ටම (L1 Cache), දෙවන මට්ටම (L2 Cache) හා තෙවන මට්ටමේ (L3 Cache) සංචිත මතක ආකාර ලෙසයි.

34. ප්‍රධාන මතකය හෙවත් සසම්භාවී පිවිසුම් මතකය (Random Access Memory) සම්බන්ධයෙන් අසත්‍ය ප්‍රකාශය වන්නේ,

1. සසම්භාවී ප්‍රවේශ මතකය පරිගණකයේ මව්පුවරුව මත පිහිටා ඇති අතර මෙය ප්‍රධාන මතකය ලෙස ව්‍යවහාරයේ යෙදේ.
2. මධ්‍ය සැකසුම් ඒකකය අවශ්‍ය දත්ත, උපදෙස් තාවකාලිකව තැන්පත් කර තබනුයේ ප්‍රධාන මතක අවකාශයේය.
3. පරිගණකය ක්‍රියාත්මක වීමේදී ද්විතීයක ආචයන මාධ්‍යයක (Secondary Storage medium) තැන්පත් කර ඇති දත්ත හෝ උපදෙස් ප්‍රධාන මතකයට ප්‍රවේශ වීම සිදුවන අතර මෙය තැන්පත් කරන ලද වැඩසටහන් (Stored Program) යැයි කියනු ලැබේ.
4. මෙය ආකාර දෙකකින් සමන්විතයි. එනම් ස්ථිතික (Static) ආකාරය හා ගතික (Dynamic) ආකාරයයි. නවීන පරිගණක යන්ත්‍ර වල ස්ථිතික ආකාරය භාවිතා කරයි.
5. මෙය නෂ්‍ය මතක ආකාරයක් වන අතර සංචිත මතක වේගය සහ රෙජිස්තර මතක වේගයට සාපේක්ෂව වේගය තරමක් දුරට අඩුය.

35. පරිගණකයේ භාවිතා වන මතක උපාංග සන්සන්දනය සඳහා භාවිතයට ගත නොහැකි නිර්ණායකයක් වන්නේ,

1. විශාලත්වය (Physical Size)
2. ධාරිතාවය (Capacity)                  
3. මතක ආකාරය (Memory Type)
4. ප්‍රවේශ කාලය (Access Time)                                   
5. පිරිවැය (Cost)

36. පරිගණක මතක ධූරාවලියේ (Memory Hierarchy ) ඉහළ සිට පහළට ද්විතීයක මතක වර්ග (Secondary Storage Memories) වල අනුපිළිවෙල දැක්වෙන පිළිතුර වනුයේ,

1. චුම්භක මාධ්‍ය දෘඩ තැටි, ප්‍රකාශ මාධ්‍ය උපංග, ප්‍රාථමික මතක උපාංග
2. ප්‍රකාශ මාධ්‍ය උපංග, චුම්භක මාධ්‍ය දෘඩ තැටි, අනුපූරක ප්‍රවේශ මතක
3. අනුපූරක ප්‍රවේශ මතක, චුම්භක මාධ්‍ය දෘඩ තැටි, ප්‍රකාශ මාධ්‍ය උපංග
4. හුම්භක මාධ්‍ය දෘඩ තැටි, ප්‍රකාශ මාධ්‍ය උපංග, අනුපූරක ප්‍රවේශ මතක
5. අනුපූරක ප්‍රවේශ මතක, ප්‍රකාශ මාධ්‍ය උපංග,චුම්භක මාධ්‍ය දෘඩ තැටි

37. විශේෂ කාර්යය සඳහා වූ පරිගණකවල (Special Purpose Computer) කාර්යය වනුයේ,

1. විවිධ කාර්යයන් පහසුවෙන් ඉටු කිරීම                                       
2. බහුකාර්‍යය නොවීම
3. භාවිතා කරන්නා හට කැමති යෙදුම් මෘදුකාංග යොදාගත හැකි වීම          
4. විශේෂ පරිගණක උපාංග ඇසුරෙන් නිපදවා ඇත.     
5. ඕනෑම අවස්ථාවකදී යෙදුම් මෘදුකාංග වෙනස් කල හැකි වීම

38. සාමාන්‍ය කටයුතු සඳහා භාවිතා කරන (General Purpose Computer) පරිගණකයේ කාර්‍යය වනුයේ,

1. බහුකාර්යය වීම.
2. විවිධ ප්‍රභේද යටතේ ඇති කාර්යයන් හා මෙහෙයුම් ක්‍රයාවට නැංවීම සඳහා යොදාගත් හැකි වීම
3. මුද්‍රණ කටයුතු පහසුවෙන් සිදුකර ගැනීම.
4. අන්තර්ජාලයට ඉතාමත් ඉක්මනින් සම්බන්ධ වීමේ හැකියාව.
5. පරිශීලක අවශ්‍යතා වලට අනුගත වීම.

39. වාණිජ මට්ටමින් නිපද වූ ලොව ප්‍රථම විද්‍යුත් සංඛ්‍යාංක පරිගණකය (UNIVAC – Universal Automatic Computer) නිර්මාණය කරන ලද්දේ,

1. බ්ලේස් පැස්කල් (Blaise Pascal)                                            
2. චාර්ල්ස් බැබේජ් (Charles Babbage)
3. ජෝන් වොන් නියුමාන් (John Von Neumann)                                   
4. ජෝන්. වී. අටන්සොෆ්ට් (John V. Atanasoft)
5. ජෝන් ප්‍රෙස්පර් එකර්ට් (John Presper Eckert)

40. තොරතුරු හා සන්නිවේදන තාක්ෂණ ඉතිහාසය බෙදනු ලබන කාල වකවානු අනුපිළිවෙලින් දැක්වෙන පිළිතුර වන්නේ,

1. පූර්ව යාන්ත්‍රික යුගය, . විද්‍යුත් යාන්ත්‍රික යුගය, විද්‍යුත් යුගය, යාන්ත්‍රික යුගය
2. විද්‍යුත් යාන්ත්‍රික යුගය, විද්‍යුත් යුගය, යාන්ත්‍රික යුගය, පූර්ව යාන්ත්‍රික යුගය
3. පූර්ව යාන්ත්‍රික යුගය, යාන්ත්‍රික යුගය, විද්‍යුත් යාන්ත්‍රික යුගය, විද්‍යුත් යුගය
4. පූර්ව යාන්ත්‍රික යුගය, විද්‍යුත් යුගය, යාන්ත්‍රික යුගය, විද්‍යුත් යාන්ත්‍රික යුගය
5. යාන්ත්‍රික යුගය, පූර්ව යාන්ත්‍රික යුගය, විද්‍යුත් යුගය, විද්‍යුත් යාන්ත්‍රික යුගය

41. 1822 දී චාල්ස් බැබේජ් විසින් "ලොව ප්‍රථම යාන්ත්‍රික පරිගණකය" සඳහා අවශ්‍ය කරන ආකෘතියක් ඉදිරිපත් කළහ. මෙය හඳුන්වන ලද්දේ,

1. ආකලන යන්ත්‍රය (Adding Machine)                                     
2. ENIAC                                              
3. Difference Engine      
4. Step Reckoner යන්ත්‍රය                                                             
5. ඇනලිටිකල් යන්ත්‍රය (Analytical Engine)

42. ගබඩා කළ ක්‍රමලේඛන යොදාගත් මුල්ම අංකිත පරිගණකය (The 1^st digital computer which used stored programs) ලෙස නම් කරන ලද්දේ,

1. ENIAC                                                              
2. Difference Engine                                                      
3. EDVAC                            
4. UNIVAC                                                          
5. Analytical Engine

43. VLSI යන්නෙහි දිගු නාමය වනුයේ,

1. Very Large Size Implementation                                                          
2. Very Large Scale Implementation
3. Very Large Scale Integration                                                                  
4. Very Least Scale Integration
5. ඉහත කිසිවක් නොවේ.

44. වැඩහල් පරිගණක යන්ත්‍ර (Workstations) සම්බන්ධයෙන් අසත්‍ය ප්‍රකාශය වන්නේ,

1. වඩා වැඩි හැකියාවන්ගෙන් යුතු ක්‍රියාකාරකම් සිදු කිරීම සඳහා භාවිතා කරයි.
2. වැඩි පිරිසකට එකවර වැඩ කළ හැකිවේ.
3. ආදාන හා ප්‍රතිදාන උපාංග ලෙස ටර්මිනල (Terminals) යොදා ගනියි.
4. ව්‍යාපාරික ස්ථාන වල භාවිතා කරන POS ටර්මිනල (Point of Sale Terminals) මේ සඳහා උදාහරණ වේ.
5. ත්‍රිමාණ සහ සජීවිකරණ නිර්මාන (Animations) කටයුතු සඳහා යොදා ගනියි.

45. උකුල් / ලැප්ටොප් පරිගණක යන්ත්‍රයකට වඩා තරමක් කුඩා වූ පරිගණක වර්ගයක් වන මේවා තැනින් තැන පහසුවෙන් රැගෙන යා හැකිය. මෙම ක්ෂුද්‍ර පරිගණක වර්ගය හඳුන්වනු ලබන්නේ,

1. උකුල් පරිගණක (Laptop Computer)                                                   
2. අත්ල පරිගණක (Palmtop Computer)
3. පුද්ගලික සංඛ්‍යාංක සහකරු (PDA – Personal Digital Assistant)  
4. නෝට්බුක් පරිගණකය (Notebook Computer)
5. සාක්කු පරිගණකය (Pocket PC)

විවරණය සහ පිළිතුරු පසු ලිපි මගින් බලාපොරොත්තු වන්න...