6.0 : මෙහෙයුම් පද්ධති - අනුමාන බහුවරණ ප්‍රශ්න 2 කොටස

16. මෙහෙයුම් පද්ධතියක (Operating System) ක්‍රියාකාරිත්වයේ ප්‍රධාන අංගයක් වන මතක කළමනාකරණය (Memory Management) සම්බන්ධයෙන් පහත වගන්ති අතුරින් අසත්‍ය වනුයේ,

1. විවිධ කාර්යයන් සඳහා මතකයෙහි ඉඩ සලසා දීම මෙහෙයුම් පද්ධතියට අයත් කාර්යයකි.
2. එකවර විවිධ ක්‍රියාවලි කිහිපයක් සිදුවන අවස්ථාවේදී ඒවා අතර ඝට්ටනයක් සිදු නොවන ආකාරයට මතක සංවිධානය කිරීම.
3. මධ්‍ය සැකසුම් ඒකකය තුළ ක්‍රියාත්මක වන ක්‍රියාවලි කළමනාකරණය කිරීම.
4. යම්කිසි කාර්යයක් සිදුකර අවසන් වූ විට මතකය නිදහස් කිරීම මෙහෙයුම් පද්ධතියේ කාර්යයකි.
5. පරිගණකයේ විවිධ වැඩසටහන් ක්‍රියාත්මක වනවිට ඒ සඳහා මතකයේ ඉඩ වෙන් කිරීම.

17. නූතන මෙහෙයුම් පද්ධති වල මූලික කාර්යය වන්නේ,

1. මතක කළමනාකරණය (Memory Management)                          
2. ක්‍රියාවලි කළමනාකරණය (Process Management)
3. ආරක්ෂණ කළමනාකරණය (Security Management)          
4. උපාංග කළමනාකරණය (Device Management)
5. ගොනු කළමනාකරණය (File Management)

18. ක්‍රියාවලි කළමනාකරණය (Process Management) පිළිබඳව අසත්‍ය වනුයේ,

1. නූතන මෙහෙයුම් පද්ධතිවල මූලික කාර්යය වනුයේ ක්‍රියාවලි කළමනාකරණයයි. (Process Management)
2. ක්‍රියාවලියක් ලෙස හඳුන්වනු ලබන්නේ ධාවනය වෙමින් පවතින උපදෙස් (Running Instructions) සමූහයකි.
3. ක්‍රියාවලි සඳහා දත්ත/ උපදෙස් පරිශීලකයා (User) විසින් ලබා දීම සිදු නොවන අතර මෙහෙයුම් පද්ධතිය මගින් පමණක් ලබා දේ.
4. බහු ක්‍රමලේඛ (Multi Programming) වල දී කාල විභේදනය (Time Division) වැනි ක්‍රම මගින් ක්‍රියාවලි පාලනය සිදු කෙරේ.
5. පරිගණකයේ වැඩසටහන් කිහිපයක් ක්‍රියාත්මක වීමේ දී තෝරාගත් අනුපිළිවෙළකට ඒවායේ වූ ක්‍රියාවලි වරකට එක බැගින් ක්‍රියාත්මක කරනු ලැබේ.

19. මෙහෙයුම් පද්ධතියක (Operating System) ඇතිවන වාසියක් නොවන්නේ,

1. පරිගණකය සහ පරිශීලකයා (User) අතර සම්බන්ධතාවය ඇතිකරනු ලබන අතුරු මුහුණතක් (Interface) ලබා දේ.
2. පරිගණකය ක්‍රියාත්මක කළ විට මෙහෙයුම් පද්ධතිය ක්‍රියාත්මක වීම සඳහා පරිගණකයේ පාලක මණ්ඩලය (Control Panel) වෙත යා යුතුවේ.
3. පරිගණක පද්ධතිය තුළ ඇති අනෙකුත් මෘදුකාංග, දෘඩාංග, උපාංග, මතකය, දත්ත වැනි සම්පත් සම්බන්ධීකරණය තුළින් පරිගණක භාවිතා කිරීමට පහසුකම් සැපයීමට උපකාරී වේ.
4. කේතනය (Coding) පිළිබඳව අවබෝධයකින් තොරව වුවද පරිගණකය භාවිතා කිරීමට මෙහෙයුම් පද්ධතිය උපකාරී වේ.
5. ක්‍රියාවලි, මතක, උපාංග, ගොනු හා ආරක්ෂණ කළමනාකරණය තුළින් පරිශීලකයාට පහසුවෙන් කාර්යය කිරීමට සමත් වටපිටාවක් ලබා දේ.

20. CLI යනු පරිගණකයේ මෙහෙයුම් පද්ධතිය (Operating System) මගින් ලබාදෙන පරිශීලක අතුරු මුහුණතකි (User Interface). මෙහි දිගු නාමය වනුයේ,

1. Command Linear Interface                                                             
2. Command Line Interface
3. Command Line Interchange                                                            
4. Command Like Interchange
5. Computer Line Interface

21. රූපක පරිශීලක අතුරු මුහුණත් (Graphical User Interface - GUI) සම්බන්ධයෙන් අසත්‍ය වනුයේ,

1. පරිශීලකයාට (User) පරිගණක පද්ධතිය භාවිතය වඩාත් පහසු හා සරල කරනු පිණිස මෙහෙයුම් පද්ධතියේ රූපක / චිත්‍රක (Images/ Graphics) අතුරු මුහුණත් (Interfaces) භාවිතා කරයි.
2. පරිශීලකයාට විධාන (Commands) මතක තබා ගැනීමට අවශ්‍ය නොවේ.
3. රූපක ආකාරයේ අතුරු මුහුණත් වල ප්‍රධාන සංරචක වනුයේ කවුළු (Windows), නිරූපක/ අයිකන (Icons), මෙනුව (Menu) සහ දක්වනයි (Pointer).
4. මෙම අතුරු මුහුණත් වලදී පරිගණකය භාවිතා කරන්නා උපදෙස් / විධාන (Commands) සෘජුවම මෙහෙයුම් පද්ධතියට යතුරු ලියනය (Type) කළ යුතු වේ.
5. බොහෝ අවස්ථා වලදී තිරය මත ඇති අයිකන / නිරූපක (Icons) විස්තර කරන කුඩා වාක්‍ය ඛණ්ඩයක් (Tooltip) දැන ගැනීමට ලැබීමෙන් අදාළ ක්‍රියාව කුමක් දැයි වටහා ගැනීමට ලැබේ.

22. නිදහස් මෘදුකාංග (Open Source Software) භාවිතය පිළිබඳව වර්ථමාන සමාජයේ වැඩි පෙළඹවීමක් සහ නැඹුරුතාවයක් ඇතිවෙමින් පවතියි. එමගින් සමාජයට සහ රටට අත්වන වාසි වනුයේ,

a. වියදමකින් තොරව මෘදුකාංග භාවිතා කිරීමේ හැකියාව
b. නිදහස් මෘදුකාංග වැඩිදියුණු කර අපට ගැලපෙන ආකාරයට භාවිතා කිරීමේ හැකියාව
c. මෘදුකාංග සඳහා පිටරටට ඇදීයන විනිමය ඉතිරි කරගත හැකි වීම.
d. එම මෘදුකාංග ඉලක්ක කරගත් වෛරස් ප්‍රමාණය වැඩිවීම.

1. a, b පමණි                     
2. a, c පමණි                           
3. a, b, c පමණි                 
4. a, b, c, d                    
5. ඉහත සියල්ලම

23. වර්ථමානයේ භාවිතා වන මෙහෙයුම් පද්ධති සියල්ලක්ම වාගේ එක් මෘදුකාංගයක කොටස් වෙන් වෙන් වශයෙන් සමගාමීව ධාවනය කිරීමක් සිදුවේ. මේවා වර්ගීකරණය සඳහා යොදා ගත හැකි පොදු නාමය වන්නේ,

1. තනි පරිශීලක – තනි කාර්යය (Single user – Single task)                     
2. තනි පරිශීලක – බහු කාර්යය (Single user – Multi task)
3. බහු පරිශීලක – බහු කාර්යය (Multi user – Multi task)             
4. බහුපොට (Multithreading)
5. තත්‍ය කාල (Real Time)

24. බොහෝ විට මහා පරිගණක යන්ත්‍ර වල භාවිතා වන ජාලගත පද්ධති මඟින් බොහෝ පරිශීලකයන්ට එකවර වැඩ කටයුතු සිදුකිරීමට හැකි මෙහෙයුම් පද්ධතිය මඟින් පරිගණකයේ සම්පත් පරිශීලකයන්හට වෙන් කර දෙනු ලබන මෙහෙයුම් පද්ධති වර්ගීකරණය සඳහා යොදා ගත හැකි නාමය වන්නේ,

1. තනි පරිශීලක – තනි කාර්යය (Single user – Single task)                     
2. තනි පරිශීලක – බහු කාර්යය (Single user – Multi task)
3. බහු පරිශීලක – බහු කාර්යය (Multi user – Multi task)             
4. බහුපොට (Multithreading)
5. තත්‍ය කාල (Real Time)

25. විධාන රේඛා / පෙළ අතුරු මුහුණත් (Command Line Interfaces - CLI) සම්බන්ධයෙන් අසත්‍ය වනුයේ,

1. චිත්‍රක පරිශීලක අතුරුමුහුණත් (GUI) මෙන් නොව මේවා පරිගණකය භාවිතා කරන්නන් හට මිත්‍රශීලී වටපිටාවක් ලබා නොදේ.
2. පරිශීලකයා විශේෂ රීති වලට අනුව විධාන මතක තබා ගත යුතුවේ.
3. MS DOS, UNIX, Linux විධාන රේඛා අතුරු මුහුණත් සඳහා උදාහරණ වේ.
4. MS Windows, Apple Mac, Windows 7 විධාන රේඛා අතුරු මුහුණත් සඳහා උදාහරණ වේ.
5. විධාන පෙළ අතුරුමුහුණත් සහිත මෙහෙයුම් පද්ධති වල තිරය මත ප්‍රේරකයක් (Prompt) දක්නට ලැබෙන අතර අවශ්‍ය කරන උපදෙස් හා විධාන (Syntax) නිවැරදි ආකාරයෙන් යතුරු ලියනය කළ යුතු වේ.

26. DOS යනු මෙහෙයුම් පද්ධතියකි (Operating System). මෙහි දිගු නාමය වනුයේ,

1. Denial of Service                               
2. Disk Operating System                           
3. Disk Opening System          
4. Disk Operating Screen                       
5. Disk Opening System

27. මෙහෙයුම් පද්ධතියක (Operating System) උපාංග කළමණාකාරීත්වය (Device Management) සම්බන්ධයෙන් අසත්‍ය ප්‍රකාශය වනුයේ,

1. විවිධාකාර උපාංග රාශියක් විවිධාකාර පැති ඔස්සේ (බහුමාන ) කළමණාකරනය කිරීම මෙහෙයුම් පද්ධතිය සතු කාර්යයකි.
2. උපාංග යනුවෙන් හඳුන්වනුයේ, පරිගණක පද්ධතියක මුද්‍රණ යන්ත්‍ර (Printers) මතක ගබඩාව (Memory Storage), මව්පුවරුව (Motherboard) යනාදියයි.
3. ක්‍රියාවලි කළමනාකරණය (Process Management), උපාංග කළමනාකරණය (Device Management) මත රඳා පවතියි.
4. උපාංග වල ක්‍රියාකාරී සීග්‍රතාවය, තොරතුරු වල ප්‍රමාණය, එහි අරමුණු, තොරතුරු ගලා යාමේ දිශාව, තොරතුරු සම්ප්‍රේෂණය කිරීමට භාවිතා කරනු ලබන නියමාවලිය (Protocol) හෙවත් සන්නිවේදන රීති මෙම උපාංග කළමනාකරණයට බලපායි.
5. දෘඩ තැටියේ ඇති ලේඛනයක් (Document) කියවීමට අවශ්‍ය නම්, දෘඩ තැටියට ප්‍රවේශ වීම ඉතා සරල කටයුත්තක් බව පෙනුණ ද එය කුඩා කාර්යයන් ගණනාවක එකතුවක් ලෙස සැලකිය හැකිය. මෙම කළමනාකාරෙත්වය සිදුකරනුයේ මෙහෙයුම් පද්ධතිය මගිනි.

28. මෙහෙයුම් පද්ධතියේ ක්‍රියාවක් වන ගොනු කළමනාකරණය (File Management) සම්බන්ධයෙන් අසත්‍ය වනුයේ,

1. ලිපිගොනු (Files/ Folders) අවශ්‍ය වන තුරු යම් ස්ථානයක ගබඩා කර තැබීමත් ඒවා මනා ලෙස කළමනාකරණය කිරීම ගොනු කළමනාකරණයේ කාර්යයකි.
2. මෙහෙයුම් පද්ධතිය මගින් ගොනු සෑදීම (File/Folders Creation), ගොනු ක්‍රමාණුකූලව තබා ගැනීම (Organize), නම් කිරීම (Naming), ආරක්ෂා කිරීම (Protest), ප්‍රවේශ වීම (Access) සහ භාවිතා කිරීම (Use) යන ක්‍රයාවන් කළමනාකරණය කරයි.
3. ගොනු නාමාවලි / ගොනු ආවරණ සෑදීම (Files / Directories / Folders creation), මකා දැමීම (Delete), පිටපත් ලබා ගැනීම (Copy), තවත් ස්ථානයකට ගොනුව යැවීම (Move) සහ එහි නම වෙනස් කිරීම (Rename) වැනි කාර්යයන් ගොනු කළමනාකරණයේ කාර්යයන් වේ..
4. විවිධාකාර උපාංග රාශියක් විවිධාකාර පැති ඔස්සේ (බහුමාන) කළමනාකරණය කිරීම ගොනු කළමනාකරණයේ කාර්යයකි.
5. ගොනු කළමනාකරණයේ දී ඩිරෙක්ටරි (Directory) යනුවෙන් ද හඳුන්වනු ලබන්නේ ගොනු (Files) වේ.

29. DOS මෙහෙයුම් පද්ධතිය (Operating System) සම්බන්ධයෙන් අසත්‍ය ප්‍රකාශය වනුයේ,

1. DOS මෙහෙයුම් පද්ධතිය විධාන පෙළ මුහුණත් (Command Line Interface - CLI) මෙහෙයුම් පද්ධති ගනයට අයත් වේ.
2. DOS භාවිතා කරන විටදී පරිගණකය මත සෑම කාර්යයටම යතුරු ලියනය (Keyboard) භාවිතා කළ යුතු වේ.
3. DOS මෙහෙයුම් පද්ධතිය නොමිලයේ ලබාගත හැකි අතරම නොමිලයේ බෙදාහරිනු ලබන්නා වූ පිටපත් (Copies) අන්තර්ජාලය මගින් නොමිලයේ භාගත කළ හැකිය (Download).
4. DOS මෙහෙයුම් පද්ධතිය සඳහා පරිගණක මතකයේ ඉතාම අඩු මතක (Memory) ප්‍රමාණයක් අවශ්‍ය වේ.
5. DOS මෙහෙයුම් පද්ධතියේ දිගු නාමය වන්නේ Disk Operating System ය.

30. වින්ඩෝස් මෙහෙයුම් පද්ධතියේ (Windows Operating System) ඇති Control Panel විධානය (Command) මගින් සිදුවනුයේ,           

1. Windows මගින් ක්‍රියාත්මක කල හැකි (Executable) වැඩසටහන් වලට විධාන (commands) ලබා දී විවෘත කිරීමයි.           
2. Windows සමග පැමිණි විවිධ මාතෘකා සඳහා උපකාර ලිපි විවෘත කිරීමයි.
3. Windows වටපිටාව වින්‍යාසගත (Configure) කිරීමයි.
4. ගොනු (Files), පින්තුර (Images) සහ ෆෝල්ඩර (Folders) ආදිය සකසා ගැනීමයි.
5. පරිගණකයේ ධාවනය වෙමින් පවතින වැඩසටහන් (Running programs) පරිශීලකයාට දිස්වීමට සැලසීම.

විවරණය සහ පිළිතුරු පසු ලිපි මගින් බලාපොරොත්තු වන්න.