6.0 : මෙහෙයුම් පද්ධති - අනුමාන බහුවරණ ප්‍රශ්න 8 කොටස

106. ගොනුවක අන්තර්ගත ප්‍රවේශ වරප්‍රසාද (Access privileges) පිළිබඳව නිවැරදි ප්‍රකාශය වනුයේ,

1. Read, Write, Execute, Append, Delete සහ List යනු ගොනුවක දැකිය හැකි ප්‍රවේශ වරප්‍රසාදයන් වේ.
2. ගොනුවක් නිර්මාණය කිරීමේ දී පද්ධතිය විසින් ප්‍රවේශ වරප්‍රසාද (Access privileges) සකසනු ලබයි.
3. පරිශීලකයින් හට මේවාට පිවිසිය නොහැකිය.
4. ගොනුවක් සුරැකීම ප්‍රවේශ වරප්‍රසාදයන් (Access privileges) පමණක් භාවිතයෙන් සිදුකළ නොහැකිය.
5. මෙහෙයුම් පද්ධතියට සම්බන්ධ ගොනු (System files) සුරැකීම වැදගත් කරුණක් නොවේ.

107. ගොනුවක ඇති තොරතුරු බයිට (bytes) හෝ රෙකෝඩ (records) මුල සිට අගට කියවීමේ ගොනු ප්‍රවේශ කිරීමේ යාන්ත්‍රණය (File access mechanism) හඳුන්වනු ලබන්නේ,

1. අනුක්‍රමික ප්‍රවේශය (Sequential access)
2. සෘජු ප්‍රවේශය (Direct access)
3. සසම්භාවී ප්‍රවේශය (Random access)
4. සුචිගත අනුක්‍රමික ප්‍රවේශය (Indexed sequential access)
5. ඉහත කිසිවක් නොවේ.

108. දත්ත සමුදායක (Data base) අඩංගු දත්ත වලින් අවශ්‍ය තොරතුරු ලබා ගැනීමේ දී යොදා ගනු ලබන ප්‍රවේශ යාන්ත්‍රණය (access mechanism) වන්නේ,

1. අනුක්‍රමික ප්‍රවේශය (Sequential access)                                              
2. සෘජු ප්‍රවේශය (Direct access)
3. සසම්භාවී ප්‍රවේශය (Random access)                                     
4. සුචිගත අනුක්‍රමික ප්‍රවේශය (Indexed sequential access)
5. ඉහත කිසිවක් නොවේ.

109. ඇස්කි ගොනු (ASCII Files) හෙවත් පාඨ ගොනු (Text Files) සම්බන්ධයෙන් සත්‍ය ප්‍රකාශය වන්නේ,

1. ඇස්කි ගොනු (ASCII Files) වර්ගීකරණය කරනු ලබන්නේ නාමාවලි ගොනු (Directory Files) යටතටයි.
2. ඇස්කි ගොනු වල දත්ත සටහන් වනුයේ විවිධ දිගින් යුතු පේලි ලෙසටයි. පේලි කැඩීමට කැරේජ පුනරාගමනය (Carriage return) හා පේළි යැවුම (Line feed) යන ඇස්කි අනුලක්ෂණ භාවිතා කරයි.
3. ඇස්කි ගොනු වල අන්තර්ගත වන්නේ ද්වීමය කේතයි (Binary Codes).
4. විධානීය ගොනු (Executable files), ඇස්කි ගොනු (ASCII Files) සඳහා උදාහරණයකි.
5. ඇස්කි ගොනු මුද්‍රණය කළ විට කිසිදු තේරුමක් නොමැති අනුලක්ෂණයන් පරිශීලකයින් හට දිස්වේ.

110. ද්වීමය ගොනු (Binary Files) සම්බන්ධයෙන් අසත්‍ය ප්‍රකාශය වන්නේ,

1. ඇස්කි (ASCII) නොවන ඕනෑම සාමාන්‍ය ගොනුවක් (Regular File) ද්වීමය ගොනු (Binary Files) වර්ගයට ගැනේ.
2. මෙම ගොනු මුද්‍රණය කළ විට කිසිදු තේරුමක් නොමැති අනුලක්ෂණයන් පරිශීලකයින් හට දිස්වේ.
3. විධානීය ගොනු (Executable Files), ද්වීමය ගොනු සඳහා උදාහරණයකි.
4. පාඨ සංස්කාරකයක් (Text Editor) භාවිතා කර මෙම ගොනු පහසුවෙන් සංස්කරණය කල හැකිය.
5. ද්වීමය ගොනු සඳහා ව්‍යවූහයක් (Structure) ඇත.

111. පහත දැක්වෙන ප්‍රකාශ සළකා බලන්න.  (2011 A/L , 33)

A - මතකයෙන් කියවීමේ කාල පමාව (Latency) නොගිණිය හැකි යැයි උපකල්පනය කිරීම.
B - ධූරාවලි ස්මරණ ව්‍යවූහය (Hierarchical memory structure) භාවිත කිරීම.
C - සකසූ ස්පන්ද සංඛ්‍යාතයෙහි (Processor clock speed) සීමාව පූර්වයෙන් දැකීමට නොහැකි වීම.

වොන් නියුමාන් (Vonn Neumann) නිර්මාණකරණය ඉක්මවන සේ තාක්ෂණික වර්ධනය වළක්වන ලද්දේ ඉහත දැක්වෙන කවරක් මගින් ද?

1. A පමණි.                              
2. B පමණි.                              
3. C පමණි.                              
4. A, B පමණි.
5. A, C පමණි.

112. FAT32 (File Allocation Table 32) ගොනු ආකෘතිය සම්බන්ධයෙන් අසත්‍ය ප්‍රකාශය වන්නේ,

1. ගොනුවක උපරිම ප්‍රමාණය (Maximum file size ) සීමාසහිතයි.             
2. සුරක්ෂිත භාවයක් (Security) නැත.     
3. සාම්ප්‍රධායික ගොනු ආකෘතියකි (Traditional file structure).                
4. යුනිකේත (Unicode) සඳහා සහය දක්වයි.
5. ගොනු නාමයේ උපරිම දිග (Maximum file name length) සීමාසහිතයි.

113. NTFS (New Technology File System) ගොනු ආකෘතිය සම්බන්ධයෙන් සත්‍ය ප්‍රකාශය වන්නේ,

1. ගොනුවක උපරිම ප්‍රමාණය (Maximum file size) සීමාසහිතයි.              
2. සුරක්ෂිත භාවයක් (Security) ඇත.
3. සාම්ප්‍රධායික ගොනු ආකෘතියකි (Traditional file structure).                
4. යුනිකේත (Unicode) සඳහා සහය නොදක්වයි.
5. ගොනු නාමයේ උපරිම දිග (Maximum file name length) සීමාසහිතයි.

114. ස්වයංක්‍රීය ගුවන් ගමන් පාලන පද්ධතියක් සඳහා වඩාත්ම සුදුසු මෙහෙයුම් පද්ධති වර්ගය වන්නේ, (A/L 2012, 18)

1. බහු පරිශීලක - බහු කාර්යය වේ.                                                                      
2. තනි පරිශීලක - බහු කාර්යය වේ.
3. තත්‍ය කාල (real time) වේ.                                                                
4. තනි පරිශීලක - තනි කාර්යය වේ.
5. බහු - අනු ක්‍රියායන (multi - threading) වේ.

115. මුල් යුගවල භාවිතා වූ පරිගණක සම්බන්ධයෙන් අසත්‍ය ප්‍රකාශය වන්නේ,

1. එකල පරිගණක වල සකසනයක කාලය (Time) වැඩි වටිනාකමින් යුක්ත විය.
2. පරිගණකයේ උපාංග වල ක්‍රියාකාරිත්වය බෙහෙවින්ම මන්දගාමී විය.
3. අතුරු බිඳුම් (Interrupt) සඳහා ක්ෂණික ප්‍රතිචාර දැක්වීමේ හැකියාව පැවතින.
4. පරිශීලකයින් වැඩි ප්‍රමාණයක් එක්ව කටයුතු කිරීමේ හැකියාව පැවතුනි.
5. එක් වැඩසටහනක් පමණක් එක් වරක දී ධාවනය කළ හැකි විය.

116. දෘඨ ඩිස්කයක බෙදීම් (partitions) එකකට වඩා වැඩියෙන් නිර්මාණය කිරීමේ ප්‍රධාන වාසිය වන්නේ, (A/L 2012, 41)

1. මෙහෙයුම් පද්ධතිය සහ ක්‍රමලේඛ ගොනු වෙන් කරනු ලැබීමයි.
2. ගොනු (files) කාර්‍යක්ෂමව සමුද්ධරණ (retrieve) හැකියාවයි.
3. නාමාවලි (directory) හා උප නාමාවලි (sub directory) සැකසීමේ පහසුවයි.
4. බහු පරිශීලකයින් පහසුවෙන් නිර්මාණය කිරීමේ හැකියාවයි.
5. තෝරාගන්නා ලද ගොනු වල උපස්ථ (backups) ලබා ගැනීමේ පහසුවයි.

117. සකසනයක් එකවර ක්‍රියාත්මක කරන්නේ එක් ක්‍රියායනයක එක් උපදේශයක් පමණක් වුවද යම්කිසි කාල පරාසයක් තුළ ක්‍රියායන ගණනාවක් රඳවා තබා ගනියි. මෙම ක්‍රියායනයන් සඳහා සකසනය මගින් කාලජේද ලබා දේ. මෙම කාලජේද ලැබෙන තුරු ඉතිරි ක්‍රියායන තාවකාලික ක්‍රියාවිරහිත තත්වයේ පවත්වා ගනියි. යම්කිසි ක්‍රියායන ප්‍රමාණයක් එකම වේලාවක දී ක්‍රියාත්මක නොවී යම් කාලජේදයක් තුළ ක්‍රියාත්මක වීම හඳුන්වනු ලබන්නේ,

1. බහු ක්‍රමලේඛනය (Multi programming)                                 
2. බහු පරිශීලනය (Multi using)
3. පුනරාදානය (Re - entered)                                                    
4. සමගාමී ක්‍රියාත්මක වීම Concurrent execution)
5. කාල විභජනය (Time haring)

118. සන්දර්භ ස්විචය (context switching) භාවිත කරමින් ව්‍යවහාරික ක්‍රමලේඛ (application programs) ගණනක් අතර එකම ක්ෂුද්‍ර සකසනය බෙදා හදා ගැනීම (sharing) .............. ලෙස හැඳින්වේ. ඉහත හිස්තැන පිරවීම සඳහා වඩාත්ම යෝග්‍ය පිළිතුර කුමක්ද? (2013 A/L, 05)

1. බහු පරිශීලක සැකැස්ම (Multi user processing)                                              
2. බහු කාර්යය කිරීම (Multitasking)
3. බහු සැකසුම (Multiprocessing)                                                                     
4. කාණ්ඩ සැකසුම (Batch processing)
5. මාර්ගගත සැකසුම (Online processing)

119. ඇතැම් අවස්ථා වල දී ක්‍රියායනයන් (processes) අවසන් වීමට පෙර අතරමග නතර කිරීම සිදු කළ හැකි අවස්ථාවක් ලෙස දෘඩාංග (Hardware) වලින් බාධා පණිවිඩයක් නිතුත් කරන අවස්ථාවක් හඳුන්වා දිය හැකිය. මෙම අවස්ථාව හැඳින්වීමට යොදාගත හැකි වඩාත්ම උචිත ආකාරය වනුයේ,

1. අතුරු බිඳුමක් (Interrupt)                                                       
2. මෘදුකාංග අතුරු බිඳුමක් (Software Interrupt)
3. දෘඩාංග අතුරු බිඳුමක් (Hardware Interrupt)                          
4. අනු ක්‍රියායනයක් (Thread)
5. පුනරාදානය (Re - entered)

120. ආයතනයක සේවකයන්ගේ මාසික වැටුප් විස්තර ජනනය කිරීම උදාහරණයක් වන්නේ, (2013 A/L, 33)

1. කාණ්ඩ සැකසුම (Batch processing) සඳහාය.                         
2. තත්‍ය කාල සැකසුම (Real time processing) සඳහාය.
3. මාර්ගගත සැකසුම (Online processing) සඳහාය.                                 
4. ගණුදෙනු සැකසුම (Transaction processing) සඳහාය.
5. අන්තර්ක්‍රියා සැකසුම (Interactive processing) සඳහාය.

විවරණය සහ පිළිතුරු පසු ලිපි මගින් බලාපොරොත්තු වන්න.