සමාජානුයෝජනය
"දෙමාපියන් විසින් අනුදත් හැසිරීම් රටාවන් දරුවන් විසින් අභ්‍යන්තරීකරණය කරමින් හොද සුපහන් සිතක් තනා ගැනීමේ ක්‍රියාවලිය සමාජානුයෝජනයයි" -ජෝර්ජ් හර්බ්ට් මීඩ්-
"සමාජානුයෝජනය වූ කලී සංකෘතික සම්ප්‍රේෂණ ක්‍රියාවලියකි." -පීටර් වර්ස්ලි-
"සමාජ සමූහයේ ධර්මතාවලට අනුකූලව ජීවත් වීමට පුද්ගලයා ඉගෙන ගන්නේ සමාජානුයෝජන ක්‍රියාවලිය තුළිනි." -ඩබ්ලිව්.එෆ්.ඔග්බර්න්-
"සමාජයේ පවතින සාරධර්ම ,ආකල්ප දරුවන් විසින් ඉගෙනගෙන ඒවා තමන්ගේ ජීවිතය තුළට අභ්‍යන්තරීකරණය කර ගැනීම සමාජානුයෝජනයයි." -ටැල්කොට් පාර්සන්ස්-
සමාජ විද්‍යාව යන විෂය ක්ෂේත්‍රය ඉගෙනගන්නා අපට ඒ තුළ අතහැරිය නොහැකිම මාතෘකාවකි, සමාජානුයෝජනය.සමාජානුයෝජනය යන්නද එක්තරා සමාජ ක්‍රියාවලියකි.එනම්, සමාජයට අලුතින් එකතු වන සාමාජිකයන් අනුයෝජනය කරනුයේ සමාජානුයෝජන ක්‍රියාවලියෙනි.සමාජ විද්‍යාවිෂය ක්ෂේත්‍රය තුළ අපට හමුවන මේ සමාජානුයෝජනය යන්න කුමක්දැයි විමසා බලමු.
පුද්ගලයා තමා ජීවත්වන සංස්කෘතියට අනුව තමන්ගේ ජීවිතය සකස්කර ගැනීම සමාජානුයෝජන යන්නෙහි සරලම අර්ථයයි.එනම්,පුද්ගලයෙකු තමා අයත් සමාජයේ වෙසෙන වැඩිපිරිසක් අනුගමනය කරනු ලබන හැසිරීම් රටාව තේරුම්ගෙන ඒ අනුව තම චර්‍යාවන් සකස්කර ගැනීම මෙහිදී සිදුවේ.තවදුරටත් විමසනවිට සමාජානුයෝජනය පිළිබදව සමාජ හා මානව විද්‍යා ධරයන් විසින් පිළිගත් නිර්වචන රැසක් ඉදිරිපත් කර ඇත.සමාජානුයෝජනය ආකාර දෙකකි.එනම්; 1)ප්‍රාථමික සමාජානුයෝජනය 2)ද්විත්‍රීක සමාජානුයෝජනය
