පෘථිවියේ විශාලතම හා වැඩිම ජනගහනයක් ජීවත් වන මහද්වීපය වන්නේ ආසියා මහද්වීපයයි. මෙය පෘථිවියේ නැගෙනහිර හා උතුරු අර්ධගෝලය තුළ පිහිටා ඇත. උතුරින් ආක්ටික් සාගරයෙන් ද, නැඟෙනහිරින් පැසිපික් සාගරයෙන් ද, දකුණෙන් ඉන්දියන් සාගරයෙන් ද, බටහිරින් යුරෝපා මහද්වීපයෙන් ද මායිම්ව ආසියාව පිහිටා ඇත. ආසියාව වර්ග කිලෝමීටර් 44,579,000 ක භූමි ප්‍රමාණයක වර්ග සැතපුම් 17,212,000 පැතිරී ඇති අතර එය පෘථිවි මුළු ගොඩබිම් භූමි ප්‍රමාණයෙන් 30% ක් පමණ වේ. පෘථිවි මුළු පෘෂ්ඨයේ 8.7% ක් පමණ ප්‍රදේශය මීට අයත්ය.
ආසියාව, යුරෝපය හා අප්‍රිකාව භූමියෙන් එකිනෙකට සම්බන්ධ වේ. ඒවා සුසේස් ඇල, යූරල් කඳුවැටිය, යූරල් ගඟ, දකුණු කොකේසස් කඳුවැටිය, මධ්‍යධරණී, රතු සහ කලු මුහුද යන භූගෝලීය සාධකයන්ගෙන් මායිම්ව ඇත. ආසියාව වර්තමාන නම්වලින් ජපන් දූපත්, ඉන්දුනීසියානු දූපත්, පිලිපීන දූපත්, අන්දමන්, නිකෝබාර්, මාලදිවයින් හා ශ්‍රී ලංකාව වැනි ලොකු කුඩා දූපත් රාශියකින් ද සමන්විත වේ.
භූගෝලීය ඛණ්ඩාංක අනූව (Geographical coordinates) දකුණු අක්ෂාංශ 10“ සිට උතුරු අක්ෂාංශ 80“ ත් අතර හා නැඟෙනහිර දේෂාංශ 25‘ සිට දකුණු දේෂාංශ 180‘ අතර පිහිටා තිබේ. ආසියාවට සුවිශේෂි වූ භූ ලක්ෂණ කිහිපයකි.
18 වන සියවසෙන් පසුව සමස්තයක් ලෙස ආසියාවට අයත් ප්‍රදේශයන් නිර්වචනය කරන ලදි. ඒ අනූව වර්තමානයේ පහත රටවල් ආසියාවට අයත් වේ.
මේ අනූව ආසියාව ලෝකයේ සුවිශේෂි භූමි කලාපයකට හිමිකම් කියනු ලබයි. දේශගුණයෙන් මෙන්ම ස්වභාවික සම්පත්වලින් ආසියාව පරිපූර්ණ වේ. කඳු, ගංඟා, සානු හා වනාන්තර අනිකුත් කලාපයන්ට වඩා ස්වභාවිකත්වයෙන් පරිපූර්ණය. ආසියවේ මෙම භූගෝලීය සාධක ඉතිහාසය හැඩ ගැසීම කෙරෙහි සෘජුවම බලපා තිබේ. දේශපාලන, ආගමික, සංස්කෘතික, සමාජීය හා ආර්ථික යන සෑම අංශයක් කෙරෙහිම ආසියාවේ භූගෝලීය පිහිටීම බලපා ඇත. විශේෂයෙන් ආර්ථික අංශය වර්ධනයෙහි මෙම සාධක උපයෝගී විය. එහිදී වාණිජ ඉතිහාසය සඳහා ප්‍රබල බලපෑමක් කිරීමට ද මෙම භූ ලක්ෂණයන් සමත්ව තිබේ.
මෙම වෙබ් අඩවියේ ඇති ලිපි නොමිලේ පරිශීලනය කිරීමට ඔබට අවසර ඇත.
සැලකිය යුතුයි :
මෙම වෙබ් අඩවියේ පලවන ලිපි වල වගකීම ලිපි සම්පාදකයා සතුවේ.
කිසියම් හෝ ලිපියක දෝෂයක් ඇත්නම් කරුණාකර ඒ පිළිබදව අපව දැනුවත් කරන මෙන් කාරුණිකව ඉල්ලා සිටිමු.
අප විසින් ඔබගේ රහස් වචනය ඔබ ලියාපදිංචි වන විට ඇතුලත් කර Email ලිපිනයට යොමු කරන අතර එය ඔබගේ Email ලිපිනයෙන් ලබා ගත යුතු ව්.