අපේ පැරණි ජන ජීවිතය 03
වෙළඳාම
පැරැන්නන් ජීවන රටාව තුළ තවත් එක් ආර්ථික ක්‍රමයක් වූයේ "වෙළඳාම" වෙළඳාම කොටස් 02ක් යටතේ සිදුවිය.
- අභ්‍යන්තර වෙළඳාම(රට ඇතුළත)
- බාහිර වෙළඳාම(විදේශීය වෙළඳාම)
වෙළඳාම සිදුකරන ලද්දේ "භාණ්ඩ හුවමාරුව හා කාසි භාවිත" කරමිනි.
භාණ්ඩ හුවමාරුව
භාණ්ඩයකට භාණ්ඩයක් හුවමාරු කර ගැනීම භාණ්ඩ හුවමාරුව වේ. භාණ්ඩ මිල දී ගැනීමට මුදල් ගෙවිය යුතු වූවක් මහිදී මුදල් වෙනුවට භාණ්ඩ ලබා දීම සිදු වේ. වෙළඳාම සම්බන්ධයෙන් වෙළඳ නගර පැවතිනි. ඒවා මූලාශ්‍රවල නිගම් යනුවෙන් හදුන්වයි. අනුරාධපුර, මාගම වැනි වෙළඳ නගර දෙකකි. වෙළඳාමෙන් ධනවත් වූ පිරිස මෙම වෙළඳ නගර වල ජීවත් වේ.
වෙළදාමට සම්බන්ධ වූ පිරිස් වෙනම කණ්ඩායමක් ලෙස සංවිධානය විය. එවැනි වෙළඳ සංවිධාන "පුග" යනුවෙන් හදුන්වයි. වෙළඳ කටයුතු නිතර වූ පිරිස් අයත් වූ වෙළඳ ශ්‍රේණි "නානාදේසිල වලඤ්‍ජියාර්" ලෙස හඳුන්වයි. ඔවුන්ටම ආවේණික සංකේත ඇත. ඒවා මුද්‍රා ලෙස හඳුන්වයි. වෙළඳාම සිදු කල වෙන ගම් පවා තිබුණි. ඒවා හැදින්වීමට කල නම් වන්නේ,
- පටුන් ගම්
- පට්ටන ගම්
වර්තමානයේදී මෙන්ම අතීතයේදී ද වෙළඳාමේ චංචනික ක්‍රියා සිදු විය. එම චංචනික ක්‍රියා නතර කිරීමට එවක පාලකයෝ කටයුතු කළේය. "ක්‍රි.ව. 945-954 කාලයේ රජකල හකරවන උදේනි රජතුමා සොරබොර ප්‍රදේශයේ හෝ පිටි ගමු වෙළඳ පොළෙහි සිදුවන අකට යුතුකම් නතර කිරීමට ශිලා ලිපියක් පිහිට වූයේය. එය බදුලු ටැමි ලිපිය ලෙස හඳුන්වයි."
වෙළඳපොළ පාලනයට අදාළ නීති රීති (බදුලු ටැම් ලිපියේ)
- වෙළඳ පොළට ගෙනෙන බඩු පෙර මගට ගොස් නොගත යුතුය.
- අනුමාන නොකළ තරාදි පඩි බාවිත නොකල යුතය.
- බුලත්, පුවක් ආදිය නිියමිත මණ්ඩප්පවල තබා විකිණිය යුතුය.
- වෙළඳ පොළට ගෙනන භාණ්ඩ විකුණුවොත් මිස ඒවා වෙළඳපොළ හරහා ගෙන ගියාට බඳුඅය නොකළ යුතුය.
හස්ඵබු කහාපණ කාසිය
හස්ඵබ්‍ර කහාපණ යනු දැනට වසර දෙදහසකට පෙර ලංකාවේ බාවිත වූ මුල්ම කාසි වර්ගයකි. මෙය අම්පාර රජකල ප්‍රෙද්ශයෙන් හමු වූ කාසියකි. ඊට අමතරව අනුරාධපුරය හැර සෙසු ප්‍රදේශ වලින්ද හමු වී ඇත. රිදීයෙන් තැන වූ මෙම කාසියේ පත්‍ර සහිත ගසක්, හස්ථි රූපයක්, සූර්යයා ආදී සංකේත දක්නට ලැබේ.
විදේශීය වෙළඳාම
ඉන්දියන් සාගරයේ මධ්‍ය ගතව පිහිටා තිබීම නිසා ලංකාව අතීතයේ සිටම විදෙස් සබදතා පවත්වා ඇත. ඒ අතරින් චීනය, අරාබිය, පර්සියාව, ඉන්දියාව, රෝමය, අග්නුනිදිග ආසියානු රටවල් වැදගත් වේ. අප රටෙන් ඇත්දත්, මුුතු මැණික්, කුළුබඩු, ඖෂධ වර්ග, වටිනා දැව, ඇතුන් ආදිය විදෙස් රට වලට අලෙවි කරන ලදි විදෙස් රට වලින් පිඟං, සේද රෙදි, සුවඳ විලවුන්, අශ්වයින් වැනි වෙළඳ ද්‍රව්‍ය විදෙස් රට වලින් මෙරටට ගෙන්වන ලදි.
ලංකාවේ විදේශීය වෙළඳාමට වැදගත් වන ස්වාභාවික වරායන් ලෙස,
- ගෝකණ්ණ (ත්‍රිකුණාමලය)
- මා තොට(මන්නාරම)
- ගොඩවාය(හම්බන්තොට) යන වරායන් ප්‍රධාන වේ. අතීතයේ දී ශ්‍රී ලංකාව විදේශ රටවල් සමග වෙළඳ සබඳතා පැවති බව සාක්ෂි වලින් හෙලි වී ඇත.
- පුරාවිද්‍යා කැනීම් මගින් විදේශීය භා්ණිඩවල කොටස් හා විවිධ රට වලට අයත් කාසි වර්ග සොයාගෙන ඇත.
- ඉන්දියාව පරිසියාව වැනි රටවල්වලට අයත් නැව් නිරන්තරයෙන්ම ශ්‍රී ලංකාවට පැමිණි බවට තොරතුරු ලැබී ඇත.
- බාතිකාභය රජු දවස රුවන් වැලි මහා සෑය අලංකරණය කිරීම සඳහා රතු පබළු ගෙන්වා ගැනීමට දූතයන් යැවූ බව මූලාශ්‍ර වල සඳහන් වේ.
සංස්කෘතිය
සංස්කෘතිය යනු කිසියම් සමාජයක පවත්නා සෑම ක්‍රියා වලියක්ම අයත් වන ලක්ෂණය වේ. සෑම මනුෂ්‍යෙයකු කිසියම් සංස්කෘතික සමාජයක අයත් වේ. ශ්‍රී ලංකාවේ විවිධ භාෂා කතා කරන, විවිධ ආගම් අදහන, විවිධ ජෘතීන්ට අයත් විවිධ ප්‍රෙද්ශ වල වාසය කරන විවිධ කුල වලට අයත් බහුසංස්කෘතික සමාජයක් ඇත. මෙම එකිනෙක කණ්ඩායම් වල විවිධ ඇදහිලි විශ්වාස, සිරිත්විරිත්, සමාජ පුරද, ඇඳම් පැළඳුම්, ආහාර පාන, ආචාර විදි ආදී විවිධ සංස්කෘතික ලක්ෂණ දක්නට ලැබේ.
සංස්කෘතිය පිළිබඳ ඉතිරි කොටස මීළඟ ලිපියෙන් බලාපොරෝත්තු වන්න.
