ජිවිතයට මුහුණ දෙන්න ................
මට සිතන්නට ඇති දේ බොහෝ ය. එහෙත් ඒවා සිතන්නට කාලයක් නැත. මා බොහෝ දේ සිතුවත් ඒවා කියන්නට කෙනෙක් නැත. ඒ නිසා මම මා ගැනම සිතන්නට වීමි. සිතන දේ කියන්නට කෙනෙක් නැත්නම් මා තවත් සිතන්නේ කුමකට ද? ආදරණීය දූ දරුවනි, මේ ඔබ සිතන දේය. ලියන දේය. කියන දේය. සවන් දෙන දේය. එවන් සිතුවිලෙන් ඔබ ඔබ ගැනම සිතනවා නම් යහපත් සිතුවිලි ආකල්ප ගොඩනගා ගන්නවා නම් ඔබේ අධ්‍යාපනය පිළිබද සිතනවා නම් ඔබේ අනාගතය යහපත් වේවි.
ඔබ ඔබ ගැන සිතන ආකාරයට අන් අය ගැනත් සිතන්න, ලියන්න, කියන්න, සවන් දෙන්න ඒ තුල සමාජමය වටිනාකමක් රැදී තිබෙනවා නොඅනුමාන ය. මේ හැම දේම ජයගත හැකි එකම මාර්ගය නම් ඉගෙනීමයි. ඉගෙනීම තුලින් මේ සියලු අබියෝගයන් ජය ගත හැකි ය. ඉතින් මොකක්ද මේ ඉගෙනීම කියන්නේ? ඉගෙනීම පිළිබද විවිධ නිර්වචන ඉදිරිපත් කර තිබේනවා. ඒ අනුව “ඉගෙනීම යන්න චර්යාත්මක වෙනසකි. එම වෙනස කෙරෙහි ඉගෙනීම් ක්‍රියාවලිය බලපෑ ආකාරය ඉගෙනීමට පෙර පුද්ගලයාගේ චර්යාව හා ඉගෙනීමට පසු පුද්ගලයාගේ චර්යාව සංසන්දනාත්මකව විග‍්‍රහ කිරීමයි” මෙම චර්යාත්මක වෙනස හදුනා ගැනීම උදාහරණයක් මගින් විමසා බලමු. දිනපතා තම අභ්‍යාස නොකර එන ශිෂ්‍යායාට ගුරුවරයා කාරුණිකව කරුණු අවබෝධ කර දෙයි. දින කිහිපයක් මෙසේ කරුණු අවබෝද කර දීමෙන් පසු ශිෂ්‍යායා තම අභ්‍යාස නිවරදිව කරගෙන එයි. මෙය චර්යාත්මක වෙනසකි. මේ ඔබගේ අද්දැකිමකි. මේ ආකාරයෙන් කටයුතු කිරීම තුලින ගුරු සිසු සබදතාවය ද මැනවින් වැඩි දියුණු කර ගත හැකිවනු ඇත.
මේ පිළිබද ඔබට වැටහීමක් ඇති වේය කියා අප සිතනවා. ඉතින් ආදරණීය දූ දරුවනි, මේ තමයි ඉගෙනීම කියන්නේ. ඔබ කුමන විෂය ධාරාවක් යටතේ ඉගෙනීම ලැබුවත් ඉගෙනීමෙන් ඔබ ලැබූ චර්යාත්මක වෙනස හදුනා ගන්න.එසේ නම් අද්දැකිම් තුලින් ඉගෙන ගන්න. ඉතින් ඒ ගැන සිතන්න, ලියන්න, කියන්න, සවන් දෙන්න කිසි දිනෙක ඔබ දන්නා දේ මේ ආකාරයෙන් කිරීමට පැකිලෙන්න එපා. ඔබ ගුණගරුක මානව හිතවාදී පෞරැෂයකින් යුක්ත සමාජයට වැඩදායී පුද්ගලයකු වන්න හැමවිටම උත්සහ කරන්න. මේ ගැන සිතා ඔබ ඔබේ දෙමාපියන්ට ගුරු බවතුන්ට ගරු කරන්න, කීකරු වන්න. ඔවුන්ට සවන් දෙන්න. නිතර ම සමාජ ආචාර ධර්ම පිළිපදින ගුණගරුක දරුවකු වන්න. යහපත් සිතුවිලි වලින් ඔබගේ අධ්‍යාත්මය පෝෂණය කර ගන්න. එවිට ඉගෙනීම තුලින් ඔබ සාර්ථක පුද්ගලයකු වනවාට කිසිම සැකයක් නැත. ඔබ හොදින් ඉගෙන ගැනීමට නම් ඔබ ඉගෙන ගන්නා කුමන හෝ විෂය ධාරාව ගැන තියුණු අවබෝදයක් ඔබ සතුව අනිවාර්යයෙන් ම තිබිය යුතු ය. ඔබ ඉගෙන ගන්නා කාලය කොතරම් වටිනා කාලයක් ද යන්න පිළිබදව ද, ඉතා හොද අවබෝදක් තිබිය යුතු ය.ඔබට උගන්වන ගුරුවරයාගේ ගුරු සේවය පිළිබදව ද ඔබට වැටහීමක් තිබිය යුතු ය.
දිනපතා ඉගෙන ගන්නා විෂය කරුණු පිළිබද ඔබ හොදින් අධ්‍යයනය කල යුතු යි. ඔබ විෂය කරුණු හදාරනවා වගේ ම ඔබගේ හැදියාව යහපත් ආකල්ප වර්ධනය කර ගත යුතුයි. නිතර ම ධනාත්මක ආකල්ප වර්ධනය කර ගත යුතු ය. කරුණාව, දයාව, ෙමෙත්‍රීය ඔබගේ සිත්හි රදවා තබා ගත යුතුයි. සෑම කරුණක් දෙසම විමසිලිමත් විය යුතු ය. යහපත් පෞරැෂ ගති ලක්ෂණ ඇති කර ගත යුතු ය. අධ්‍යාපනයෙන් ලබන ඔබගේ මේ අත්දැකීම් තුලින් අනාගත ජිවිතයට මුහුණ දීමට මග පාදා ගත යුතු ය. ජීවිතය ජය ගන්න. එවිට ඔබ සමාජයට වැඩදායී සුහදශීලී යහපත් පුද්ගලයකු වනවා නොඅනුමාන ය. මේ ආකාරයෙන් කටයුතු කිරීම තුලින ඔබගේ ජීවිතය සාර්ථක ව යහපත් කර ගැනීමට හැකිවනු නියත ය.
