තාක්ෂණය සමග ආර්ථිකයේ සිදු වන වෙනස්කම්
වර්තමාන ජනයාගේ අසීමිත වූත් සංකීර්ණ වූත් අවශ්‍යතා ඉටු කර ගැනීම සදහා පරිසරයේ තිබෙන සම්පත් බහුලව ම යොදා ගනු ලැබේ. ඒවා පරිසරය තුළ පවතින්නේ සීමිත වශයෙනි. එම නිසා සීමිත වූ සම්පත් යොදා ගනිමින් අවශ්‍යතා ඉටු කර ගැනීමට භාණ්ඩ හා සේවා නිෂ්පාදනය කිරීමට අතීතයේ සිටම ජනයා පෙලඹි ඇත. මේ අනුව ඕනෑම රටක ආර්ථිකය සිදු වන ප්‍රධාන ක්‍රියාවලි තුනකි. ඒවා නම් පහත පරිදි වේ.
- නිෂ්පාදනය
- බෙදාහැරීම
- පරීබෝජනය යනු එම ක්‍රියාවලි තුන වේ.
ආර්ථිකයක පවතිනා වූ සම්පත් මිනිස් වුවමනා ඉටු කර ගත හැකි ආකාරයට වෙනස් කිරීම නිෂ්පාදනය නම් වේ.මිනිසාගේ ශ්‍රමය මෙන්ම ඔවුන් සතු ශිල්ප ක්‍රම යොදා ගෙන මිනිසාගේ අවශ්‍යතාවලට සරිලන පරිදි භාන්ඩ බවට පත් කිරීම නිපදවීම තුලින් සිදු වෙයි. එමගින් නිෂ්පාදනය කරනු ලබන භාණ්ඩ හා සේවා පාරිබෝගිකයා දක්වා ලබා දීමේ ක්‍රියාවලිය බෙදාහැරීම නම් වේ. ඒම භාණ්ඩ හා සේවා මගින් මිිනිස් අවශ්‍යතා හා සේවා ඉටු කර ගැනීම පර්භෝජනය නම් වේ. රටක ආර්ථිකයක සිදුවන වෙනස්කම් ප්‍රධාන අංශ තුනක් යටතේ බෙදා වෙන් ක හැකිය. ඒවා නම් පහත පරිදි වේ,
- කෘෂීකාර්මික අංශය
- කාර්මික අංශය
- සේවා අංශය වේ. දැන් අපි මේ අංශ තුනේ සිදුවන වෙනස්වීම් එකින් එක සොයා බලමු.
01. කෘෂිකාර්මික අංශයේ සිදුවන වෙනස්වීම්
ශ්‍රී ලංකාව අතීතයේ සිටම කෘෂිකර්මය තම ජීවනෝපාය බවට පත් කර ගෙන ඇති රටකි. එහිදී ගොවිතැන ප්‍රධාන කොටස් දෙකක් යටතේ සිදු විණි. එනම් ගොඩ ගොවිතැන හා මඩ ගොවිතැන වෙයි. මෙහිදී මඩ ගොවිතැන වශයෙන් වී වගාව ද ගොඩ ගොවිතැන වශයෙන් හේන් වගාව ප්‍රචලිතව පැවතිනි. මීට අමතරව පලතුරු, එළවලු, අල වර්ග, ධාන්‍ය වර්ග හා කුළු බඩු ආදී ද්‍රව්‍ය වලින් කෘෂිකාර්මික අංශය සමන්විත වී පැවතිනි.
බටහිර ජාතීන් මෙරටට පැමිණීමත් සමග වැවිලි කෘෂිකර්මාන්තය මෙරට ඇරඹිනි. එහි දි බෝග වගා ලෙස පොල්, තේ, රබර් වගා ආරම්භ විය. මෙරට නවීන තාක්ෂණයේ දියණුවත් සමග කෘෂිකාර්මික අංශයේ ද වෙනස්කමක් රැසක් දක්නට ලැබිනි.
- රසායනික පොහොර හා පළිබෝධනාශක ද්‍රව්‍ය භාවිතයට ගැනීම.
- ජාන තාක්ෂණික ක්‍රම භාවිතය.
- නවීන ජල සම්පාදන ක්‍රම යොදා ගැනීම. ආදී තවත් බොහෝ වෙනස්කම් රැසක් සිදුවිය.
02. කාර්මික අංශයේ සිදු වන වෙනස්කම්
නවීන තාක්ෂණික සොයා ගැනීම්වල ප්‍රතිඵල බහුලවම සොයා ගෙන ඇත්තේ කාර්මික ක්ෂේත්‍රයේ දියුණුව සඳහාය. කාර්මික අංශයේ දියුණුවත් සමග සිදු වූ වෙනස්කම් පහත පරිදි වේ.
- අධිතාක්ෂණික කර්මාන්ත බිහි වීම.
- එකලස් කිරීමේ කර්මාන්ත බිහි වීම.
- විවිධාකාර ගවේශණ හා පර්යේෂණ සඳහා අවශ්‍ය යන්ත්‍ර හා උපාංග නිපද වීම.
- රෝබෝ තාක්ෂණය යොදා ගැනීම වැනි ක්ෂේත්‍රවල විශාල පරිවර්තනයක් සිදුව ඇත.
03. සේවා අංශයේ සිදවන වෙනස්කම්
ආර්ථිකයේ සේවා අංශයට ප්‍රධාන තැනක් හිමි වෙයි. භාණ්ඩ හා සේවා නිපදවීමේ දී සිට පරිබෝජනය දක්වා විවිධ මටට්ටම්වල දී සේවා සැපයීමට සිදු වෙයි. මෙහි දී අධ්‍යාපන, බැංකු, සෞඛ්‍ය, ප්‍රවාහන වැනි ක්ෂේත්‍ර ඔස්සේ සේවා සපයනු ලැබේ. සේවා සැපයීමේ දී තාක්ෂණය යොදාගැනීම හා එහි වෙනස්වීම් ද විශාල වශයෙන් සිදු වී තිබේ. පහත දැක්වෙන්නේ සේවා අතරින් කිහිපයක් ගැන පමණි.
අධ්‍යාපන
අතීතයේ දී ළමුන් අධ්‍යාපනය ලැබුවේ තම නිවසේ සිටින වැඩිහිටියන්ගෙනි. එය හැදින්වූයේ ගුරු ගෙදර නමිනි.එම කලයේ දී වැලි පීල්ලේ ලිවීම භාවිතා කලහ. ඉන් පසු ගල් ලෑල්ල බාවිතා කලේය. පසුව යුරෝපීයන් පැමිණිමත් සමග මෙරට විධිමත් පාසල් ක්‍රමයක් ආරම්භ විය.
සෞඛ්‍ය
නවීන තාක්ෂණයේ දියුණුවත් සමග සෞඛ්‍ය සේවාවද පුළුල් විය. එහිදී රෝගීන්ගේ සියලුම කටයුතු සිදු කිරීම අතිශයින් පහසු විය.
