පාසැල හා පුස්තකාලය සමාජ සංවර්ධනයට දායක වන්නේ කෙසේද?
පුස්තකාල වර්ධනය තුලින් සමාජ සංවර්ධනය
මානව ශිෂ්ටාචාරයේ ආරම්බයේ සිටම එක් පරපුරක් සතු දැනුම තවත් පරපුරක් වෙත උරුම කරමින් සමාජ සේවයක් ඉටු කරන ආයතනයක් ලෙස පුස්තකාලය හැදින්විය හැක. අතීතයේ මැටි පුවරු ලබා ගෙන තිබු ස්ථානය වර්තමානයේ පුස්තකාලවල පරිගණකය හිමි කර ගෙන ඇත. අතීත පුස්තකාලාධිපති වරුන්ගේ ප්‍රධාන දර්ශනය වූ ආරක්ෂණ පිළිවෙත වෙනුවට වර්තමානයේ සමාජ සේවය මුලික වී ඇත. ඕනෑම රටක ජනතාවගේ ආධ්‍යාත්මික වරදානයක් හේතු කොට ගෙන භෞතික සංවර්ධනයක් ඇති කිරීමෙහිලා මහගු බලයක් පුස්තකාලය සතුය. නුතනයේ අප ජිවත්වන වෙනස් වන සමාජයේ එම වෙනස්කම් ජනතාව වෙත ගෙන යන්නේද පුස්තකාලයී. පුස්තකාලය තුල අතීත මෙන්ම වර්තමාන සිතුම් පැතුම් වලට අනුව ලිය වුනු පොත් පත් දක්නට ඇත. ඒ අනුව පුස්තකාලය යනු මානව දැනුම ගබඩා කර තිබෙන මහා ධාන්‍යගාරයකි.
ඕනෑම දේශයක ජනතාවගේ සිතුම් පැතුම් වෙනස් කිරීමෙහිලා හා හැඩ ගැස්සිමෙහිලා පුස්තකාලය ඍජු බලපෑමක් කරන බව රාජ්‍ය පාලකයන් පවා පිලි ගෙන ඇති බව ඉතිහාසය දෙස බලන විට පෙන්නුම් කරයි.උදාහරණ ලෙස හිට්ලර් ජර්මනියේ නාසි පක්ෂයත් සමග බලයට පත් වූ විට ජර්මනියේ පුස්තකාලවල තිබු හිට්ලර්ගේ අදහස් වලට විරුද්ද අදහස් ඇති පොත් පත් සියල්ල විනාස කර දැමුවේය.1917 දී රුසියානු විප්ලවයෙන් පසුව බලයට පත්වූ පාලක පක්ෂයද මෙලෙස තම පක්ෂයට විරුද්ධ පොත් පත් විනාස කළහ. එමෙන්ම ජර්මනියේ යුද්දෙන් පසු බලයට පත් වූ කොමියුනිස්ට් පක්ෂයද තම පක්ෂයට විරුද්ද වූ පොත් විනාස කළහ. 2වන ලෝක යුද්දයේදී ජර්මනිය ප්‍රංශය ආක්‍රමණය කළ පසු ප්‍රංශයේ සිටි පුස්තකාලාධිපති වරුන්ටද හිරි හැර කළහ. මේ සියලු ඉතිහාස කරුණු වලින් හෙළි වන්නේ පුස්තකාලයට මිනිසුන්ගේ සිතුම් පැතුම් වෙනස් කල හැකි බවයි.
වර්තමානයේ තම අයිතීන් අහිමි කළු ජාතිකයන් තම අයිතිවාසිකම් දිනා ගැනීමට උපකාරී කර ගන්නේ පුස්තකාලයී. එමෙන්ම දුප්පත්කමින් පෙළෙන ආසියා, අප්‍රිකා, ලතින් ඇමෙරිකා රටවල් තම දුප්පත්කමින් නිදහස් වීමට උපකාරී වීමට උදවු කරන්නේද පුස්තකාලයී. පුස්තකාලය වෙනුවෙන් දරන පිරිවැයේ ප්‍රතිලාභය වනුයේ යහපත් පුරවැසියන්ය.
පාසැල
පාසලක් යනු ළමා පරපුර අනාගතය සඳහා හැඩගස්වන ප්‍රධාන ආයතනයයි. අතීතයේ ගුරු ගෙදරින් අධ්‍යාපනය ලැබූ පිරිස සීමිතයි. එත් වර්තමානයේ පාසැල නම් ආයතනයෙන් වැඩිම පිරිසක් අධ්‍යාපනය ලබයි. පාසැල තුලින් දරුවන්ට හොද සිරිත් විරිත්, ආචාර ධර්ම, සාරධර්ම හුරු පුරුදු කරනවා. ඒ වගේම විෂයානුබද්ධ දැනුමත් ලබා දෙනවා. අනාගතය වෙනුවෙන් සුදුසු පුරවැසියන් බිහි කර දෙන්නේ පාසලයි. රටක අධ්‍යාපන අරමුණු රජයෙන් තීරණය කරනවා. එම අරමුණු ඉටු කර ගැනීමට සුදුසු ක්‍රියා මාර්ග ගැනීම සිදු කරන්නේ පාසැල විසිනුයි.
පාසැල විසින් සමාජයට හොද පුරවැසියන් සකස් කලොත් අනාගත සමාජයම යහපත් වෙනවා. මුළු රටම යහපත් බවට පත් වෙනවා. එසේ සිත බලන විට යහපත් සමාජයක අඩිතාලම වන්නේ පාසලයි.
පාසැල මගින් දරුවන් වන අපට කුඩා කාලයේ සිටම හොද ගුණ ධර්ම පුරුදු පුහුණු කරනවා. අගමනනුකුල ජිවත් වන හැටි අපට කියා දෙනවා. අනාගතය වෙනුවෙන් ලබා ගත යුතු දැනුමෙන් හැකියාවන්ගෙන් අප පෝෂණය කරනවා. අපගේ සංස්කෘතිය සතු සාරධර්ම අපට හුරු පුරුදු කරනවා.
පාසලක් කියන්නේ පොදු දේපලකි. අපේ රටේ සැම ගමකම පහේ පාසලක් තියෙනවා. එම පාසල් පරම්පරා සිය ගණනකට නිසි මග පෙන්වා හැඩ ගස්වා තිබෙනවා. අපේ සමාජය මෙසේ පවතින්නේ පාසලින් සිදු කෙරුණු එම අනාගත සේවාව නිසයි. එසේ නම් සිතා බලන්න මිතුර අපේ පාසැල මොන තරම් පුජනිය ස්ථානයක්ද? අපේ පාසැල ආරක්ෂා කිරීම, ගොඩනගා ගැනීම හා සංවර්ධනය කිරීම අප විසින් කල යුතු වෙනවා. එහි ඇති ගහකට, කොලයකට, භාණ්ඩයකට, වැලි කැටයකට වත් හානි සිදු කරන්නේ නම් එය අප කරන අපරාධයක්. වර්තමානයටත් අනාගතයටත් එය බලපානවා. අප ඉගෙන ගෙන පාසලෙන් පිටවී ගියත් අනාගත පරම්පරා සිය ගණනකට එම පාසලෙන් අධ්‍යාපනය හැදෑරීමට හැකි වන සේ අප පාසලෙන් පිටවී යා යුතු වේ.
Etisalat නම් REG(space)econ ලෙස type කර 4499 ට SMS කරන්න.
උසස් පෙළ
ආර්ථික විද්‍යාව
(සිද්ධාන්ත/පුනරීක්ෂණ)
තනි හෝ කණ්ඩායම් පන්ති
076-6557372 (කොළඹ/ගම්පහ අවට පමණි)
(විශ්වවිද්‍යාල සිසුවෙකු විසින් මෙහෙයවයි)
මාගේ වෙනත් ලිපි
