සාර්ථක දිවියකට ධර්ම චින්තා
සියලුම සතුන්ගෙන් උසස්ම වූ මනසක් ඇතිව මනුෂ්‍ය සත්වයෙකු ලෙස උපත ලැබූ ඔබ, ස්වභාව ධර්මයේ මහා අනර්ඝ අටි විශිෂ්ඨ නිර්මාණයක් බව නිරතුරුවම සිහි තබා ගනිමින් ඔබ ලැබූ අති දුර්ලභ මිනිසත් බවින් උපරිම ඵල ප්‍රයෝජන ලබා ගැනීම සඳහා අප්‍රමාදව දහම් සිතිවිලි ක්‍රියාවට නංවමින්, අද අදම සද්ධර්ම මාර්ගයේ ගමන් කරන්න. ඒ සඳහා............
1. ඔබගේ මෙන්ම සියලු සත්වයින්ගේ වටිනා ජීවත් වීමේ අයිතිය සුරකින්න. මේ ලෝකයේ ජීවත් වන සියලූම සත්වයින්ට ජීවත් වීමේ අයිතිය ඇති බව මතක තබා ගන්න. හැකි සෑම විටම අන් අයගේ ජීවිත සුරකින්න. හැකිනම් අනෙකුත් සතුන්ගේ මස් අනුභව කිරීමෙන් වලකින්න. ඔවුන්ටද ඇත්තේ තමන්ගේ ආකාරයටම ජීවිතයක් බව හැකි සෑම විටම සිහියට ගන්න.
2. ආශාවන් අඩු වන තරමට දුක අඩු වන බව සිතට ගන්න. ඇසට දිස්වන සියලුම දේවල් වලට අශා කිරීමෙන් අවසානයේදී ඇතිවන්නේ දුකක් පමණක් බව මතක තබා ගන්න. හැකිතාක් ආශාවන්ගෙන් ඈත් වන්න.
3. අනුන් ගැන සෙවීමෙන් වැලකී තමන් ගැන සොයා නිවැරදි වන්න. අනුන්ගේ අඩුපාඩු, වැරදි, ජීවන රටාව ගැන සෙවීමෙන් වැලකී තමන්ගේ අඩුපාඩු, වැරදි සොයා ඒවා නිවැරදි කර ගැනීමෙන් සාර්ථක දිවියකට මග සාදාගත හැක.
4. කටයුතු බහුල කර නොගෙන සරල දිවියකට හුරුවෙන්න. එදිනෙදා කටයුතු සැලැස්මක් අතිව සිදු කරගෙන යාමෙන් නිදහසකින් යුක්තව දිවිය ගෙවිය හැක. කාර්ය බහුල කටයුතු වලින් හැකිතාක් ඈත් වන්න. නිදහසේ දිවිය ගත කරන්න.
5. අනුන්ගේ දියුණුවට සැපයට ඊර්ෂ්‍යා නොකරන්න. අනුන්ගේ දියුණුවට එක සිතින්ම ආශිර්වාද කරන්න, සතුටු වෙන්න. තමන්ගේ දියුණුවට මාර්ගය සාදා ගන්න. සාර්ථක දිවියකට මාර්ගය සාදන තවත් එක් කරුණකි එය.
6. දේපල, තනතුරු, මුදල් ආදිය ලද පමණින් සතුටු වන්න. කිසිම විටෙක දෙපල, තනතුරු, මුදල් බලෙන් වංචාවෙන් ලබා ගැනීමට උත්සහ නොකරන්න.
7. පවුලේ සමගිය දියුණුවෙහි සතුටෙහි පදනම බව සිතට ගන්න. ප්‍රශ්න වලින් වැලකී සිටින්න. පවුලේ අනිත් සාමාජිකයන් සමග ප්‍රශ්නයක් පවතිනවානම් ඒ සාමජිකයන් සමග සුහදව සාකච්ඡා කොට ප්‍රශ්නය විසඳගන්න. සෑම විටම සතුටින් සමගියෙන් ජීවත් වන්න.
8. අනුන්ගෙන් සිදුවන වැරදි සිතෙහි තබා නොගන්න. යම් අයෙකුගෙන් ඔබට වැද්දක් සිදු වූවානම් එක් නිමේශයකින් එය අමතක කරන්න. සෑම විටම අන් අය සමග සුහදව සිටින්න.
9. කියන දේ කරන, කරන දේ කියන අවංක කෙනෙකු වන්න. කිසිම විටක බොරුවක් වංචාවක් කර අන් අය වටීමට උත්සහ නොකරන්න. එයින් වටෙන්නේ අනුන් නොව තමන් බව මතක තබා ගන්න.
10. පාප මිත්‍ර ඇසුර පිරිහීමට මුල බව මතක තබා ගන්න. තමන්ට අවැඩක් කරන, තමන් පරිහානියට පත් කරන මිතුරන් ඇසුරු කිරීම මේ මොහොතේම නතර කරන්න. ඔබට වඩා උගත් දැනුවත් පුද්ගලයින්ව සැම විටම ආශ්‍රය කරන්න.
11. පිරිසිදු සිතින් කරන කියන දේ ඉටුවන බව බව සිතට ගන්න. කිසිම විටෙක පවිටු චේතනාවෙන් කිසිම දෙයක් සිදු නොකරන්න.
12. සාර්ථක දිවියකට, නිරෝගී දිවියකට පාන්දර අවදි වී වැඩ අරඹන්න. පාන්දර අවදි වූ විට දවසේ සියලූම කටයුතු ප්‍රබෝධමත්ව සිදු කල හැක. එය දවසෙහි කටයුතු සාර්ථක වීමට මනා පිටුවහලක් වන අතර ලෙඩ රෝග වලින් වැලකී සිටීමටද පිටුවහලක් වෙයි.
13. සුරාවට සූදුව ඔබ සතු ධනය විනාශයට මුල බව මතක තබා ගන්න. සුරාවෙන් සූදුවෙන් තමන්ට කිසිදු සතුටක් දියුණුවක් නොලැඛෙන බවද, එමගින් තමන්ගේ පරිහානියට මාර්ගය සාදන බවද සිහියට ගන්න.
14. කතා කරන වචනයේ ඵල විපාක දැන කතා කරන්න. වචනයක් පැවසීමට ප්‍රථමයෙන් ඒ පිලිබදව එක් වරක් පමණක් නොව දෙතුන් වතාවක්ම සිතා කතා කරන්න. අප්‍රමාදව අලස නොවී ධාර්මිකව තම දියුණුව සලසා ගන්න. ධර්මය පහුරක් කොටගෙන සසර සයුරින් එතෙර වන්න.
15. අප්‍රමාදව අලස නොවී ධාර්මිකව තම දියුණුව සලසා ගන්න. ධර්මය පහුරක් කොටගෙන සසර සයුරින් එතෙර වන්න.
