ආර්ථිකව වැදගත් වන ආහාර නිශ්පාදනය - පලා වර්ග යොදා ගනිමින් නිශ්පාදනයන්

ආර්ථිකව වැදගත් වන ආහාර නිශ්පාදනය - පලා වර්ග යොදා ගනිමින් නිශ්පාදනයන්

  ආර්ථිකව වැදගත් වන ආහාර නිශ්පාදනය

(Production of Important Food Products)

හැදින්වීම

 

අප ප්‍රදේශයේ බහුලව ව්‍යාප්ත වී ඇති ආහාර වර්ගයක් සලකා බලා ඒ ආශ්‍රිතව ආරම්භ කල හැකි නව ආහාර කර්මාන්තයක් සදහා වාර්ථාවක් යෝජනාවක්ද සහිතව මෙයින් ඉදිරිපත් කෙරේ.මෙහිදී ආහාර ප්‍රභවය,සැකසිය හැකි ආහාර වර්ගය,කර්මාන්තය ආරම්භ කරන ආකාරය,සම්පත් උපයෝජනය කරන අයුරු හා ගුණාත්මක බව රැකගන්නා ආකාරය යන කරුණු මෙහි අන්තරගත වේ.

අප ප්‍රදේශයන් වල ඌන උපයෝජිත ආහාර වර්ගයන් සුලභව පැවතිද ඒවා උපයෝගී කර නව නිශ්පාදන වලට යොමු නොවීමට හේතුව වී ඇත්තේ ඒ සදහා විශාල ප්‍රාග්ධනයක්(යන්ත්‍රසූත්‍ර,උපකරන)වැය වීමයි.ආහාර කර්මාන්තයක් ආරම්භ කිරීමේදී අවම මූලික  ප්‍රාග්ධනයක්,අවම ප්‍රචාරන පිරිවැයක්  යොදවා හා හොද පාරිභොගික ඉල්ලුමක් සපයාගත හැකි මෙන්ම බහුලව ලබා ගත හැකි ආහාර ප්‍රභවයක් මූලාශ්‍ර කොට ගෙන ආහාර නිශ්පාදන කර්මාන්තට පිවිසීම ඉතා යෝග්‍යෙව්. ඌන නිෂ්පාදන ආහාර ප්‍රභවයක් ලෙස පලා වර්ග යොදා ගනිමින් මෙම වාර්ථාව සකස් කර ඇත.

 

ආහාර ප්‍රභවයන්

 

- මුකුණවැන්න                           -ගොටුකොළ

-පොල්පලා කොළ                        -කරපිංචා කොළ

-වැල්පෙනල කොළ                       -මොනරකුඩුම්බිය කොළ

-ඉරමුසු කොළ                             -වැල් තිබ්බටු කොළ

-රණවරා                                    -එළබටු කොළ

-කුප්පමේනියා කොළ                      -නීරමුල්ලිය (ඉකිරිය ) කොළ

-විශ්ණු ක්‍රාන්තිය කොළ                    -නිල් කටරොළු දළු කොළ

-නෙලුම්දලු කොළ                          -දියබෙරලිය කොළ

-දියමෙනේරිය කොළ                       -කිකිරිදිය කොළ

-ලුනුවිල කොළ                              -හීංබෝවිටියා කොළ

-එරබොදු කොළ                              -කැඳ ඔළිද කොළ

-දිවුල් කොළ                                  -කොන් කොළ

-රත්තරල් හැබ කොළ                        -උදුපියලිය කොළ

-කිරි අගුණ කොළ                             -සුදු කටරොඩු කොළ

-පොල්පලා කොළ

-කතුරුමුරුන්ගා කොළ                        -බෙහෙත් අනෝදා කොළ

-බටකිරිල්ල කොළ                             -යක්නාරන්  කොළ

-ගොනික කොළ                                 -තැල් කොළ කැඳ

-නික කොළ                                      -විලද වැන්න කොළ

 

 

සෑදිය හැකි ආහාර නිශ්පාදන වර්ග

  • නැවුම් කොළ කැඳ පානයන්

1       ගොටුකොළ කැඳ     2   හාතාවාරිය කොළ කැඳ  3    පොල්පලා කොළ කැඳ

4       කරපිංචා කොළ කැඳ                         5       වැල්පෙනල කොළ කැඳ

6       මොනරකුඩුම්බිය කොළ කැඳ           7       ඉරමුසු කොළ කැඳ

8       වැල් තිබ්බටු කොළ කැඳ                   9       රණවරා කොළ කැඳ

10    එළබටු කොළ කැඳ                           11     කුප්පමේනියා කොළ කැඳ

12    නීරමුල්ලිය (ඉකිරිය ) කොළ කැඳ    13     විශ්ණු ක්‍රාන්තිය කොළ කැඳ

14    නිල් කටරොළු දළු කොළ කැඳ         15     නෙලුම්දලු කොළ කැඳ

16    දියබෙරලිය කොළ කැඳ                    17     කොහිල අල කොළ කැඳ

18     දියමෙනේරිය කොළ කැඳ                 19     කිකිරිදිය කොළ කැඳ

20    ලුනුවිල කොළ කැඳ                          21     හීංබෝවිටියා කොළ කැඳ

22    එරබොදු කොළ කැඳ                         23     ඔළිද කොළ කැඳ

24    දිවුල් කොළ කැඳ                              25     කොන් කොළ කොළ කැඳ

26    රත්තරල් හැබ කොළ කැඳ                27     උදුපියලිය කොළ කැඳ

28    කිරි අගුණ කොළ කැඳ                      29     සුදු කටරොඩු කොළ කැඳ

30    මුකුණුමැන්න කොළ කැඳ                 31     පොල්පලා කොළ කැඳ

32    කතුරුමුරුන්ගා කොළ කැඳ               33     බෙහෙත් අනෝදා කොළ කැඳ

34    බටකිරිල්ල කොළ කැඳ                     35     යක්නාරන් කොළ කැඳ

36     ගොනික කොළ කැඳ                         37     තැල් කොළ කැඳ

38     නික කොළ කැඳ                               39     විලද වැන්න කොළ කැඳ

 

 

  • ඇසුරුම් කරන ලද පළා කොළ
  • කොළ කැඳ සඳහා ඇසුරුම් කරන ලද පළා
  • කපා සකස් කල ක්ෂණික පලා මිශ්‍රනය

 

 

කර්මාන්තය ආරම්භ කරන අයුරු

 

01.වෙළඳපොල විශ්ලේශනය

          කිසියම් නිශ්පාදනයක පැවැත්ම රඳා පවතින්නේ පාරිභෝගික ඉල්ලුම මතය.එබැවින් මෙම නිශ්පාදනය සඳහා වෙළඳපොල ඉල්ලුම  පරීක්ෂා කිරීම මුලිකවම සිදුකලයුතු කාර්යය වේ.වෙළඳපොලේ පලා වලට ඇති ඉල්ලුම,රුචිකත්වය,නැඹුරුව හා  ඒ සඳහා පාරිභෝගිකයාට වැය කල හැකි මුදල පිළිබඳව අවධානය යොමු  කල යුතුය.එමෙන්ම මෙම  නිශ්පාදනය සඳහා හොඳ වෙළඳපොලක් පවතින්නේ කුමන ප්‍රදේශ වලද ආදී ලෙස වෙළඳපොල විශ්ලේෂණයක් සිදු කිරීම මගින් නිශ්පාදනයේ අලෙවිය පිළිබඳ දල අදහසක් ලබාගත හැකිවේ.

02.අමුද්‍රව්‍ය හා සම්පත් සපයාගැනීම.

03.මෙම ආහාර වර්ග වල සාම්පල් සැකසීම.

04.නිශ්පාදනයන් වල මිල නියම කිරීම.( නිශ්පාදනය සදහා අමුද්‍රව්‍ය ලබා ගැනීමේ සිට පාරිභෝගිකයා අතට පත්වන තෙක් නිශ්පාදකයාට දැරීමට සිදුවන වියදම් ඇතුලත් වන පරිදි)

05. නැවුම් කොළ කැඳ පානයන් ලබා දීමේදී නගරබදව මෙය ස්ථාපිත කල යුතුය. ඒ නැවුම් කොළ කැඳ පානයට වැඩි ඉල්ලුමක් පවතින්නේ නගරබද බැවින්. කොළ කැඳ පානය සැකසීමේ සියලුම ක්‍රියාවලිය පාරිභෝගිකයාට පෙනෙන අයුරින් සිදු කල යුතුය.එයින් පාරිභෝගිකයාගේ විශ්වාසය දිනා ගත හැකිය.

 

සම්පත් සපයා ගන්නා ආකාරය

 

අපගේ නිශ්පාදනය සදහා අවශ්‍ය භෞතික දේ,අමුද්‍රව්‍ය,ගොඩනැගිලි ,ශ්‍රමය මෙන්ම ප්‍රවාහන අවශ්‍යතා සම්පත් ලෙස ගත හැකිය.

  1. අමුද්‍රව්‍ය : අමුද්‍රව්‍ය සපයා ගැනීමේදී තම වගා භූමියක වගා කිරීමෙන් හෝ වෙනත් ගොවියෙකුගෙන් මිලදී ගැනීම සිදු කල හැකිය.
  2. නිශ්පාදනාගාරය : අපගේ නිශ්පාදනය සරල උවද එය පිරිසිදුවට,පිළිවෙලට පවත්වා ගැනීම මගින් නිශ්පාදනයේ ගුණාත්මක බව උසස්ව පවත්වා ගැනීමටත් ශ්‍රමය කාර්‍යක්ෂමව හා ඵලදායී ලෙස ප්‍රයෝජනයට ගැනීමේ හැකියාව ලැබේ.

ගුණාත්මක බව පාලනය

ඉහත නිෂ්පාදනයන්ගේ ගුණාත්මක බව පාලනය කිරීමට නම් වගාව ආරම්භයේ පටන් අවසන් පාරිභෝගිකයා අතට පත් වන තුරුම අවධානය යොමු කල යුතුය.මෙම ක්‍රියාවලිය පහත ආකාරයට කොටස් කර ගත හැකිය.

  1. වගා භූමිය තුලදී ගුණාත්මය පාලනය කිරීම.

භූමියක් තෝරා ගැනීම : වගාව සදහා යොදා ගනු ලබන භූමිය ජලයෙන් යට      නොවන  කෘෂිරසායනික දේ එකතු නොවූ එකක් වීම ඉතාමත් සුදුසු වේ.

වගාව ස්ථාපනය කිරීම හා පවත්වාගෙන යාම : තෝරාගත් භූමිය තුල වගාව ස්ථාපනය කර අස්වනු නෙලන අවස්ථාව දක්වාම වගාව සදහා කාබනික පොහොර යොදන්නේ නම් වස විසෙන් තොර නිෂ්පාදනයක් බිහි කල  හැකි වේ.

  1. නිෂ්පාදනාගාරය තුලදී ගුණාත්මය පාලනය කිරීම.

      නිෂ්පාදනාගාරය තුලදී ගුණාත්මක පාලනය:එනම්  නිෂ්පාදනාගාරය තුලට පිවිසීමේදී   අත් පා  සෝදා නිෂ්පාදනාගාරයේදී ඇදිය යුතු ඇදුමින් සැරසීම ඉතා යෝග්‍ය වේ.සෑම දිනකම වැඩ ආරම්භ කිරීමට පෙර නිෂ්පාදනාගාරය පිරිසිදු කල යුතු වේ.

  • නිෂ්පාදන ක්‍රියාවලිය තුලදී ගුණාත්මය පාලනය කිරීම.

මෙහිදී මුලින්ම ප්‍රභවය ලෙස ගන්නා පලා වර්ග සේදීම සිදු කල යුතුය(මඩ හා පස් ඉවත් කිරීමට).පසුව හානි වූ කොටස් හා අනවශ්‍ය කොටස් ඉවත් කර තේරීම් කල යුතුය.පසුව විශාල බදුන් 3-4ක් භාවිතා කරමින් සේදීම කල යුතුය.මෙහිදී 1,2 බදුන් වල ජලය අව පැහැ වන විට ඒවා ඉවත් කර 3,4 බදුන් වල ඇති ජලය ඒවාට පුරවා 3,4 බදුන් වලට පිරිසිදු ජලය පිරවීම කල යුතුය.අවශ්‍ය නම් මෙම ජලයට හිතකර විෂබීජ නාශකයක් යෙදිය හැකිය.

ඊලග පියවර ලෙස නැවුම් ලෙස වෙළදපොල යවන පලා වර්ග සමාන කොටස් ලෙස සකසා බර කිරා පොලිපොපිලින් කවර වල දමා සීල් කර ලේබල් කරනු ලැබේ.

කපා සකසන ලද ක්ෂණික පලා නිෂ්පාදනය සකස් කිරීමේදී තැලීම්,පොඩිවීම් වලට ලක් නොවන අයුරින් හීනියට කපා බර කිරා පොලිපොපිලින් කවර වල දමා සීල් කර ලේබල් කරනු ලැබේ.

කැද පානය සදහා පලා සකස් කිරීමේදී තෝරාගත් පලා වෙන වෙනම අඹරා යුෂ ගැනීම කල යුතුය.

 

 

  1. ප්‍රවාහනය කිරීමේදී ,ගබඩා කිරීමේ ගුණාත්මය පාලනය කිරීම.

අමුද්‍රව්‍ය(පලා වර්ග) නිෂ්පාදනාගාරය වෙත ගෙන යාමේදී නැවුම් තත්වයේ පවතින බැවින් එයට හානි නොවන ලෙස ප්ලාස්ටික් කූඩ තුල අසුරා ප්‍රවාහනය සුදුසු වේ.

අවසන් නිෂ්පාදනයන් වල ජීව කාලය කෙටි බැවින් දිගු කාලයක් ගබඩා කිරීම නුසුදුසු වේ.වෙළදපොලට යවන තෙක් තාවකාලික ගබඩාවක රදවා තබා වෙළදපොල තුලද අනවශ්‍ය ලෙස තොග ගබඩා නොකර එදිනෙදා ඉල්ලුමට සරිලන නිෂ්පාදනයක් සිදු කිරීම මගින් අවාසි සහගත තත්වයන් මගහරවා ගත හැකිය.

නවප්‍රවනතා

                වර්ථමානයේ ලොව පුරා ඇති කාර්යබහුලත්වය නිසා මිනිසුන් ක්ෂණික හෝ සැකසූ ආහාර පාන වලට නැඹුරු වී ඇත.නමුත් බොහොමයක් නිශ්පාදන වල ඇති කෘතීම බව හා කෘෂි රසායනික ද්‍රව්‍ය මිනිසාට අහිතකරය. කෘතීම හා කෘෂි රසායනික ද්‍රව්‍ය නොමැති  ශරීරයට හිතකරව නිපදවූ නිෂ්පාදනයන්ට පාරිභෝගිකයා වැඩිපුර නැඹුරු වේ.

 

                   "පහසුව සඳහා වෙහෙසෙන පාරිභෝගිකයින් හැම විටම සොයනුයේ කටයුතු වඩා ‍හොඳින්, පහසුවෙන් සහ ලාභයට ඉටු කර ගත හැකි මාර්ගයකි. බොහෝ විට, එහි අදහස වනුයේ විශේෂිත සේවාවන් වෙත ගමන් කිරීමේදී ව්‍යවසායකයා අදාළ කටයුත්ත ඉටු කිරීමේ ආකාරය දන්නා බවය."

 

 

 


කතෘ : Thakshila Dilhani
ලිපිය : සාමාන්‍ය ලිපි
කියවූ ගණන : 5,013
කැමති ගණන : 0