සමාජ විද්‍යාව (පුල්එළිය ගමෙහි වර්තමාන සමාජ සංවිධානය හා සමාජ ව්‍යුහය)
හැඳින්වීම
“ඔය අල්ලපු ගම පුල්එළිය .කන් දෙන් බැහැපු එවුන් තමයි ඉන්නේ.දැන් මේ රටට කාණ්ඩ දෙකක් යුද්ධ කරනවා.ඒකට මේ රට හරියටම බැලුවොත් අපිට තමයි අයිති.අපි කුවේණිගේ එවුන් ඔය පුල්එළිය ගමත් සමග අපිට කිසිම සම්බන්ධයක් නැහැ ,,
පුල්එළිය ගැන මෙලෙස අදහස් ඉදිරිපත් වන අතර තුලාවෙල්ලිය,කලවැල් පොතාන,දිවුල් වැව ,කූරිත්කඩ,රන්මකුළම යනාදී ගම් මැදිකොට ගෙන පුල්එළිය ගම පිහිටා ඇත.ගම අසලින් මන්නාරම පැත්තට ගලා බසින මල්වතු ඔය පිහිටා ඇත.පුල්එළිය යනු ශ්‍රී ලංකාවේ ,උතුරු මැද පළාතේ ,නුවර කලාවිය දිස්ත්‍රික්කයේ කැන්ද කෝරළේ ගම්මානයකි.අනුරාධපුරයේ සිට සැතපුම් 12 ක් උතුරින් පිහිටා ඇත.එය ගොයිගම කුලයට අයත් ,සිංහල කතා කරන පුද්ගලයන් වෙසෙන ගමකි.ඉතා සමීපයෙන් තිබෙන ගම්වලින් වැඩි කොටසක්ද එසේම සිංහල ගම්මාන වුවත් ,නිරිත දිගින් දෙමළ කථා කරන මුස්ලිම් ගම් කිහිපයක් ඇත්තේය.වයඹ දෙසින් දෙමළ ,හින්දු ගම්මාන දක්නා ලැබේ.සියවස් ගණනාවක් මුළුල්ලේ සිංහල රාජධානිය පැවතුණේ අනුරාධපුරය හා මිහින්තලේ කේන්ද්‍ර කොටගෙන බැවින් ,ශ්‍රී ලාංකීය ඉතිහාසඥයන්හට මෙම ප්‍රදේශය විශේෂ වැදගත්කමකින් යුක්ත වන්නකි.පැරණි සිංහල රාජධානියට අදාළ සමකාලීන වාර්තා නැති තරම්ය.එබැවින් මධ්‍යතන යුගය පිළිබද ඉතිහාසඥයන්ට සිදු වී තිබෙන්නේ පුරාවිද්‍යාත්මක සාක්ෂී හා අවබෝධයට දුෂ්කර වූ ශීලා -ලේඛන කැබලි මත එල්බගෙන සිටීමය.මෙම තත්වය යටතේ මේ අසම්පූර්ණ වාර්තාවල අර්ථය සොයන්නට යත්ත දරන උගතුන් සිංහල ගැමියන්ගේ නූතන කටයුතු තුළින් කිසියම් ඉගියක් සොයා ගැනීමට වෑයම් දරයි.නවවන සියවසේ සිරිත් විරිත් වලට සාක්ෂි වලට විසිවන සියවසේ තොරතුරු භාවිතාි කිරීමේදී ශ්‍රී ලාංකීය ගම්මානය මුළුමනින්ම මෙන් ඉතිහාසයේ බලපෑම් වලට භාජනය නොවී සියවසෙන් සියවසට පවත්නේ යැයි පිළිගන්නා තැනකට එළඹ ඇත.දසවැනි,දොළොස්වැනි ,දහසයවැනි ,දහඅටවැනි,දහනමවැනි හා විසිවන ශතවර්ෂ වලට අයත් ලිපිලේඛන නැවත නැවතත් එකටෙක යා කොට සදහන් කෙරෙන්නේ ඒ සියල්ලේම එකම දෙයක් අදහස් වන්නාක් මෙනි.වර්තමාන උතුරු මැද පළාතට අයත් පෙදෙස සම්බන්ධයෙන් මෙය විශේෂයෙන්ම සත්‍ය වෙයි.
මේ අනුව පුල්එළිය යනු උතුරු මැද පළාතේ ,නුවර කලාවියට අයත් ගම්මානයකි.පුල්එළිය පැරණි ගම විද්වතුන් අතර ප්‍රකට වෙයි .එනම් ග්‍රන්ථයක් හෙයිනි.ඊ.ආර්,ලීච් යන විදේශ ජාතිකයා 1961 දී පුල්එළීය ගැන පොතක් නිර්මාණය කරනු ලබයි.එනම් දීර්ඝ ගවේෂණයක ප්‍රතිඵලයක් වශයෙනි.’PULELIYA A VILLAGE IN CEYLON “ලෙස Cambridge press එකේ පිටපත් වෙයි.මෙම පුස්ථකය හරහා පුල්එළිය ගමෙහි ජනප්‍රියව පැවති විවිධ ගොවිතැන් ක්‍රම ඒ හා සම්බන්ධ තහංචි ,සමාජ සම්මුති හා අචාර ධර්ම ,ආහාර සපයා ගන්නා ආකාරය ,මිනිසුන් අතර පවතින සමාජික බැදීම් ,යුතුකම් හා හැසිරීම් රටාවන් තත් පෙදෙස්වල පවත්නා කුල ක්‍රමය හා එහි අද්‍යතන ස්වරූපයත්,විශේෂ පරීක්ෂණයට ලක්ව ඇත.පොදුවේ ගත් කළ අතීතයේ සමස්ථ ප්‍රදේශය පුරා ව්‍යාප්තව පැවති ගම හා එහි අන්‍යතාව පුල්එළිය ගමෙහි දක්නට ලැබෙයි.අද්‍යතනයේ “දියුණු වීම,, දියුණු කිරීම හා සංවර්ධනය කිරීම තුළින් සාම්ප්‍රධායික ගමට සිදුවන හා සිදුකරන වෙනස හෝ නවීකරණය සැබවින්ම සිංහල සංස්කෘතියේ එක්තරා අවාසනාවන්ත කඩඉමක් වෙයි.මේ අනුව නවීකරණය හේතුවෙන් වර්තමානයේ පුල්එළිය ගමද විශාල වෙනසකට පත්ව ඇත.ප්‍රධාන වශයෙන් පුල්එළීය ගම අධ්‍යයනය කිරීමේදී ප්‍රධාන අංශ කිහිපයක් යටතේ අධ්‍යයනය කළ හැකිය.එනම්:
• ඉඩම් භුක්තිය.
• කෘෂිකර්මාන්තය.
• ශ්‍රම සංවිධානය.
• කුල ක්‍රමය.
• විවාහය.
• සිරිත් විරිත්.
• ඥාතීත්වය. වෙයි.
මෙම අංශයන් තුළ විශාල වෙනසක් වර්ථමානයේ දක්නට ඇත.මෙම අභ්‍යන්තර සාධකයන් විශාල වෙනසකට ලක්ව ඇති හෙයින් සමස්ත පුල්එළිය ගම්මානයම වර්ථමානයේ වෙනසකට ලක්ව ඇත.
පුල්එළිය ගම වෙනස් වීම
පුල්එළිය යනු ශ්‍රි ලංකාවේ උතුරු මැද පළාතේ ,නුවර කලාවිය දිස්ත්‍රික්කයේ කොරළ ගම්මානයකි.අනුරාධපුරයට සැතපුම් 12ක් උතුරින් පිහිටා ඇත.පුල්එළිය ගම පැරැණ්නන් හදුන්වනු ලබන්නේ උපුල්වූ ජල,උපුල්වූ එළිය,පුල්එළිය බවට පත් වූ බවයි.පුල්එළිය යන නම නිර්මාණයට අතීතයක් තිබෙන බව පැරැණ්නන් විසින් පෙන්වා දෙයි.එනම් අතීතයේ අනුරාධපුරයේ ජය ශ්‍රී මහා බෝධිය සමග පුල්එළිය ගමට බැදිමක් පවතී.පුල්එළිය ගමේ ලස්සන වැවක් තිබෙන අතර මෙම වැවේ තිබූ නෙළුම් මල් අතීතයේදී ජය ශ්‍රී මහා බෝධියට පූජා කොට ඇත.ඒ නිසා මෙම ගම පුල්එළිය වූ බව පැරැණ්නන් විසින් විශ්වාස කරන ලදී.
පුල්එළිය ගම විද්වතුන් අතර ජනප්‍රිය වීමට එක් හේතුවක් මූලික විය.එනම් විදේශ ජාතිකතයකු වූ ඊ.ආර්. ලීච් විසින් පුල්එළිය ගම අධ්‍යයනය කොට කෘතියක් නිර්මාණය කිරීමයි.මෙම හේතුව මත පුල්එළීය ගම ලංකාවේ මානව හා සමාජ විද්‍යාඥයන් අතරද බොහෝ සෙයින් ජනප්‍රිය විය.මෙම කෘතිය තුළින් ප්‍රධාන වශයෙන් ඊ.ආර්.ලීච් කොටස් කිහිපයක් වෙත අවධානය යොමු කොට ඇත.එනම්:
• ඉඩම් භුක්තිය.
• කුල ක්‍රමය.
• විවාහය.
• ශ්‍රම සංවිධානය.
• කෘෂිකර්මාන්තය.
• සිරිත් විරිත්.
• ඥාතීත්වය. යනාදිය වෙයි
මෙම මූලිකාංගයන් ඔස්සේ පුල්එළීය ගමෙහි පැවති අතීත සමාජ ව්‍යුහය ඊ.ආර්.ලීච් විසින් ඉදිරිපත් කොට ඇත.එහෙත් වර්තමානයේ සමාජ ව්‍යුහ වෙනස්වීම් බොහෝ වශයෙන් දක්නට ඇත.පුල්එළිය සමාජ ව්‍යුහය අතීතයේ තිබූ සමාජ ව්‍යුහයට වඩා හාත්පසින්ම වෙනස්ය.මෙයට මූලික හේතුව වශයෙන් පෙන්වා දිය හැක්කේ කාර්මීකරණය ,නාගරීකරණය,බටහිරකරණය,වාණිජකරණය යනාදී හේතූන්ය.මේ අනුව මෙම අංශයන් වර්තමානයේ වෙනස් වී ඇති ආකාරය ගත් විට
ප්‍රධාන වශයෙන් ගත්කළ පුල්එළිය ගමෙහි නිරූපනය වන වැදගත් අංගයක් ලෙස ඉඩම් භුක්ති ක්‍රමය පෙන්වා දිය හැකිය.පුල්එළිය ප්‍රදේශයේ ඇති ප්‍රවේණි ගොඩමඩ ඉඩම් බොහෝ සෙයින්ම යැපුම් කෘෂිකර්මය සදහා වෙන්ව ඇති ඉඩම් වෙයි.භුක්ති ක්‍රමයේ දක්නට ඇති ලක්ෂණය නම් තනි පුද්ගලයකු විසින් තම පවුලේ ශ්‍රමය වැඩි වශයෙන් යොදා ගනිමින් හා ඉතා සරල ගොවි උපකරණ භාවිතා කිරීමෙන් එම ඉඩම් වගා කිරීමයි. මෙය ගොඩ මඩ දෙකටම අදාළ වේ.මෙමගින් ඉඩම් ඒකාබද්ධ වීමකට වඩා ඉඩම් කැබලි වලට කැඩී යාමට ඉඩ හසර වැඩිය.මීට විසදුමක් ලෙස අතීතයේ මෙම ප්‍රදේශවල නෑනා මස්සිනා විවාහය විකල්පයක් ලෙස භාවිතා කළද වර්තමානයේ ඒ තත්වය දැකිය නොහැකිය.මේ ක්‍රමය තුළින්ද ගම්මුන් උත්සාහ ගෙන තිබුණේ තම සමූහයට අයත් ඉඩම් එම සමූහයෙන් පිටස්තර පුද්ගලයන්ට හිමිවීම වැළැක්විමයි.එහෙත් වර්තමානයේදී මෙම තත්වය සම්පූර්ණයෙන්ම වෙනස් වී ඇත.වර්තමානයේ බොහෝ වශයෙන් ඉඩම් විකිණීමට පුල්එළිය ගමෙහි ජනතාව පෙළඹී ඇත.මේ අනුව ඉඩම් විකුණා දැමීමට සිදුවිය හැකි ප්‍රධාන හේතු කිහිපයකි.එනම්, තමා පදිංචිව නොසිටින ගමකින් අයකුට ඉඩම් උරුම වන්නට පුළුවනි.ඈතක සිට ඉඩම් කළමනාකරණය කිරීමට තැත් කිරීමේ කරදරයට මුහුණ පානවාට වඩා තම අයිතීන්ගෙන් නිදහස් වීම පහසු බව ඔහුට වැටහී යන අතර මෙබදු අවස්ථාවකදී අනුගමනය වන සාමාන්‍ය පිළිවෙල වනුයේ ඉඩමට සමව ජීවත්වන සම උරැම කරුවෙකුට මුදලට විකිණීමයි.එහෙත් මුදල් යනු දුලබ දෙයකි. එහෙයින් පවුල තුළම එසේ විකිණීම පහසු නොවේ. එමෙන්ම අනෙක් කරුණ නම් ඉඩම් අලෙවිය සිදු වනුයේ උකසට සින්න වීමෙනි. සාමාන්‍යෙයන් ගැමියන් අතෙහි මුදල් ගැවසෙන්නේ මද වශයෙනි.සමාජ ,ආර්ථික පද්ධතියේ මුදුන් පෙත්තේ සිටින අතලොස්සක් හැර සෙසු අය භාණ්ඩ ණයට ගනිති.අවුරුද්ද පුරාම ගිනිපෙට්ටි,සබන්,තුනපහ යනාදිය අහළ පහල කඩයකින් ණයට ගන්නා ගැමියෝ අස්වනු නෙළා ගැනීමෙන් පසු ණය පියවති. සාමාන්‍යෙයන් එය සිදුවන්නේ ද්‍රව්‍ය සැපයීමෙනි.අස්වැන්න අසාරවත් වන අවුරුදු වලදී දිළිදු ගැමියන් විසින් හාල් පවා ණයට ගනිති. මෙවැනි ආර්ථිකයක් තුළ විශේෂ වැය සදහා ඉතිරි වන කිසිවක් නැත.එසේ වුවද අතමිට මුදල් සැලකිය යුතු ප්‍රමාණයක් අවශ්‍ය වන අවස්ථාවන්ට මුහුණ දීමට සෑම ගැමියාටම සිදුවේ.මෙම හේතූන් මත ගැමියන් විසින් ඉඩම් විකිණීමට පෙළඹී ඇත.ඇතම් විට අතීතයේ විශාල වශයෙන් ඉඩම් හිමියන් වූ පුද්ගලයන්ට ඇතැම් විට වර්තමානයේ ඉතිරිව ඇත්තේ තම ගෙවතු ඉඩම පමණී. මේ අනුව වර්ථමානය වනවිට වැඩි වශයෙන් තමන් සතු වූ සාම්ප්‍රධායික ඉඩම් විකිණීමට පෙළඹී ඇත.
පුල්එළිය ගමෙහි පවත්නා තවත් ප්‍රධාන අංගයක් ලෙස කුල ක්‍රමය පෙන්වා දියහැකිය.සියලු අන්දමේ මනුෂ්‍යයන් අතර පවත්නා වර්ග හැදින්වීම සදහා සිංහලයෝ වරිගය යන නාමය භාවිතා කරති.මේ අනුව භාෂාමය වර්ගයතක් වන ද්‍රවිඩයෝ එක වර්ගයකි.ආගමික වර්ගලයක් වන මුස්ලිම් වරුද වර්ගයකි.සමාජීය සමුහයක් වන රජකයෝ සහ බෙරවායෝද වරිග වෙති.සිංහල සංකල්පය අනුව ‘වරිගයක, මූලික ලක්ෂණය වනුයේ එහි අන්තර්ජන්‍ය විවාහ පිළිවෙතයි.වරිගයක සමාජිකයන් ඔවුනොවුන් සමග විවාහ විය යුතු නමුදු සෙසු ඕනෑම වරිගයක සමාජිකයන් සමග විවාහ වීම තරයේ තහංචි වේ.එබැවින්, පරමාදර්ශීය වශයෙන් එක් ගැමි ප්‍රජාවක සාමාජිකයන් එනම් ආගමකට අයත් එනම් භාෂාවක් සහිත උදවිය පමණක් නොව අන්තර්ජන්‍ය වරිගයක සමාජිකයන්ද වන හෙයින් ඔවුන් ඥාතීන්ද වෙති.පුල්එළිය ගමෙහි ජීවත් වන්නෝ සිංහල ගොයිගම කුලයේ එක්තරා වරිගයකට අයත් තැනැත්තෝය.තම අසල්වාසීන් වැඩි කොටසකට වඩා සංස්කෘතික හා සමාජීය වශයෙන් තමන් උසස් ලෙස සිතීමට පුල්එළිය වැසියෝ කැමැත්තක් දක්වනු ලබයි.තමන් ඔවුන්ට වඩා නිහතමානී බවද ඇදුම් පැළදුම් සහ ගේ දොර ඇතරින් වඩාත් සාම්ප්‍රධානුකූල බවකින් යුක්ත බවද ඔවුන් පවසයි.අනෙක් ගම්මාන බොහෝමයකට වඩා පුල්එළිය සාම්ප්‍රධායික රටාවෙන් යුක්ත බව පෙනෙයි.පුල්එළිය යනු නම්බුකාරකම හුවා දක්වන ගමක් ලෙස පෙන්වා දිය හැකිය.පුල්එළිය සිද්ධාන්තයට අනුව ගොයිගම කුලයේ කිසිම ගැහැණියකට වෙනත් වරිගයක පිරිමින් සමග ලිංගික සබදතා පැවැත්වීමට දරුණු භ්‍රාන්තියකට කරුණක් ලෙස සලකනු ලබයි.පුල්එළිය ගමේ සැබෑ නේවාසිකයින් සියලු දෙනාම ගොයිගම කුලයට අයත් වූවද අවශේෂ සිංහල කුල ගණනාවකට අයත් වූවෝ නොකඩවා පුල්එළිය ගමේ චාරිත්‍ර වාරිත්‍ර හා පුදපුජා ආදියට සහභාගී වෙති.ගොයිගම නොවන විවිධ සිංහලයෝ පුල්එළියේ කුඹුරු වල කම්කරුවන් ලෙස නිරතුරු සේවයට යොදා ගනී.කුලවාදී වෙනස යනු හුදෙක් අතීතයෙන් පැමිණ එන යල්පැන ගිය නෂ්ඨාවශේෂයන්ට පමණක් නොවෙයි එය තවමත් සමස්ථ සමාජය තුළම තිබෙන භූමිකාවක් රඟදක්වනු ලබයි.එහෙත් අතීතයේ තරම් දැඩිව වර්ථමානයේ කුල ක්‍රමය පුල්එළිය ගම්මානයේ නොපවතී.කුල ක්‍රමය වඩාත් ඉස්මතු වනුයේ විවාහ ක්‍රමය මතය.එහෙත් වර්ථමානයේ වෙන කුල වලට අයත් පිරිස් සමග විවාහ බොහෝ සෙයින් දැක ගත හැකිය.එමෙන්ම සමස්ථයක් ලෙස ගත්කළ අන්‍යාගමික විවාහයන්ද වර්ථමානයේ දක්නට ලැබෙයි.නිදසුනක් ලෙස :විවාහ වී පැමිණි දෙඹළ තරුණියන් දෙදෙනෙක් හා මුස්ලිම් තරුණියක් පුල්එළිය ගමේ ජීවත් වෙති. විවාහය යන පදයෙන් අදහස් වන්නේ කුමන වර්ගයේ සන්දානයන්ද යන්න විස්තර නොකර සියළුම මාදිලියේ ස්ත්‍රී පුරුෂ ලිංගික එක්වීම් යනාදිය වෙයි.එහෙත් පුල්එළිය වැනි ගමක විවාහයන් යනු දේශපාලන ක්‍රමෝපායන්ගේ කොටසක් බවට පත්ව ඇත.එනම් අදාළ වන ප්‍රධාන ප්‍රශ්නය වනුයේ එක් පරම්පරාවක සිට තවත් පරම්පරාවක් වෙත දේපළ පැවරීමයි.අතීතයේ මෙයට පිළියමක් වශයෙන් යොදාගනු ලැබ ඇත්තේ නෑනා මස්සිනා විවාහ ක්‍රමයයි.පුල්එළිය ගමෙහි එලෙස විවාහ වූ පුද්ගලයින් ජීවත්ව සිටිනාමුත් වර්ථමානයේ නෑනා මස්සිනා විවාහ දක්නට නොලැබෙයි.එයට හේතුව බවට පත්ව ඇත්තේ සෞඛ්‍යම ගැටළුය.ඒ අනුව වර්තමානයේ තරුණ පිරිස් බොහෝ විට විවිධ රැකියා තත්වයන් හෝ විවිධ කරුණු මත පිට ප්‍රදේශ වලින් ,විවිධ කුලවලට අයත් පිරිස් විවාහ කරගැනීමට පෙළඹී ඇත.
පුල්එළිය ගමෙහි වෙනසකට ලක්ව ඇති ප්‍රධාන අංගයක් ලෙස ශ්‍රම සංවිධානය පෙන්වා දිය හැකිය.ශ්‍රම සංවිධානය යන සංකල්පය පුල්එළීය වැනි ගමක දක්නට ලැබෙන සුවිශේෂී අවස්ථාවකි.විශේෂයෙන්ම පුල්එළිය ගමෙහි ශ්‍රමය වැදගත් වන්නේ ගොවිතැන් කටයුතු වලට යෙදෙන කාලයටය.අස්වනු කටයුතු වල නිරත වන විට විවිධ අදියරයන්හිදී භාවිත කළ හැකි ශ්‍රම සංවිධාන විකල්ප වර්ග කිහිපයකි.එනම්, තම පවුලේ සාමාජිකයන්ගේ සහය ඇතිව කුඹුරු හිමියා විසින්ම වැඩපල කිරීම පෙන්වා දිය හැකිය.අතීතයේ කාන්තාවන් ගොවිතැන් කටයුතු වලට සම්බන්ධ නොවෙයි.එමෙන්ම ගැමියන් ශ්‍රම දායකත්වය දක්වන තවත් අවස්ථාවක් ලෙස කයිය පෙන්වාදිය හැකිය.අතීතයේ මිනිසුන් තරුණ,බාල,මහළු භේදයකින් තොරව කෘෂිකාර්මික කටයුතු වලට දායකත්වයක් දැක්වූ අතර වර්ථමානයේදී තරුණ පරපුර ගොවිතැන කෙරෙහි අවධානයක් යොමු නොකරයි.එමෙන්ම වර්තමානයේ බොහෝ විට දැකගත හැක්කේ ශ්‍රම සංවිධානය මුදල් මත නිර්මාණය වී ඇති බවයි.අතීතයේ මිනිසුන් සමගියෙන් එකට එකතු වී තමන්ගේ ශ්‍රමය වැය කරන අතර වර්තමානයේදී මිනිසුන් ආත්මාර්ථකාමී ලෙස තම තමන්ගේ කටයුතු පමණක් සිදු කරගැනීමට උනන්දුවක් දක්වනු ලබයි.
පුල්එළිය වැනි සාම්ප්‍රධායික ගමක ප්‍රධාන ජීවනෝපාය වනුයේ කෘෂිකර්මාන්තයයි.ගොවිතැන් කටයුතු ලෙස කුඹුරු ගොවිතැන් හා හේන් ගොවිතැන් සිදු කරනු ලබයි.වර්තමානයේදීත් කුඹුරු ගොවිතැන් හා හේන් ගොවිතැන් කටයුතු පෙර ආකාරයටම සාම්ප්‍රධායික ලෙස පවත්වාගෙන යති.එහෙත් ගොවිතැන් කටයුතු වලදී රසායන පොහොර භාවිතය හා රසායනික බෙහෙත් භාවිතයට පුරුදු වී සිටිති.එළ හා මී ගවයන් ඇති අතර ඔවුන්ගෙන් ලබා ගන්නා කිරි රජයේ කිරි එකතු කිරීමේ මධ්‍යස්ථානයට අළෙවි කරති.එහෙත් අතීතයේ මෙන් නොව අද්‍යතනයේ එළ හා මී ගවයන් සංඛ්‍යාත්මක අතින් අඩු බව නිරනුමානය.කුඹුරු ගොවිතැන් කටයුතු වලදී හරකුන් විසින් පෙරදී කරන ලද සේවය වර්තමානයේ ට්‍රැක්ටර් මගින් ලබා ගනිති.ඇතැම් විට ගොවිතැන් කටයුතු විනාශ වී ආර්ථික අතින් දුර්වල තත්වයක් ඇති වූයේ නම් තම පවුලට දීර්ඝ කාලයක් බත බුලත සැපයූ එළ මී ගවයන් මසට විකුණා මුදල් සපයා ගැනීමටද කටයුතු කරනු දැකිය හැකිය.වර්ථමානයේ ගොවීහු කුඹුරු ගොවිතැන් කිරීම වෙනුවට කව්පි,උඳු,මුං,මෑ,තල ආදී ගොවිතැන් කිරීමට කැමත්තක් දක්වති.මක් නිසාද යත් ඒවා විකිණීමෙන් වැඩිඅ ආර්ථික ප්‍රතිලාභයක් ලැබෙන නිසාවෙනි.එමෙන්ම කුරක්කන් ,මෙනේරි වැනි ධාන්‍ය වර්ගද බහුල ලෙස වගා කරනු ලබයි.කොළදින් කාලයේ ගැමියන් අතර තරමක ආර්ථික සංවර්ධනයක් දැකිය හැකි අතර මෙය බොහෝ විය ජූනි මස සිට ඔක්තොම්බර් මස දක්වා වූ දැඩි නියගය සහිත කාලයෙහි සිදු වන්නකි.මෑත භාගයේ සිට ඇතැමෙක් ගඩොල් කපා පිළිස්සීමේ කර්මාන්තය ආරම්භ කොට ඇති අතර එයින්ද තරමක ආදායමක් ලබා ගනිති.පුල්එළීය ගමේ ජනතාව වර්තමානයේ කෘෂිකර්මාන්තය මතම පදනම්ව නොසිටී.බොහෝ පුද්ගලයන් වර්තමානයේ රජයේ හෝ පෞද්ගලික අංශවල රැකියා වල නිරත වෙති.
සාම්ප්‍රධායික ගම්මානයක් වූ පුල්එළිය ගමෙහි දක්නට ලැබෙන ප්‍රධාන අංගයන් ලෙස සිරිත් විරිත් පෙන්වා දිය හැකිය.මෙලෙස අතීතයේ පැවති බෙහෝ සිරිත් විරිත් අතරින් ඇතැම් සිරිත් විරිත් වර්තමානයේද දක්නට ලැබෙයි.එනම්:
- අණබෝල් බැඳීම.
- මුට්ට් නැවීමේ මංගල්‍යය.
- පුල්ලයාර් දෙවියන් වැඳීම.
ආදී වශයෙන් පෙන්වා දිය හැකිය.අණබෝල් බැදීම දීර්ඝ කාලයක් තිස්සේ පුල්එළිය ගමෙහි පවත්නා සිරිතකි.මෙය බරපතල වූත් වගකීමකින් යුක්ත වූත් රාජකාරියකි.ආරම්භයේ දී ගමරාළ නම් නිළධාරියා විසින් කරන ලද මෙය 1936 පමණ ඇති කරන ලද වාරිමාර්ග අනපනත් වලින් පසු වෙල්විදානේවරැන් අතරට පත්විය.බෝල් බැදීම බොහෝ විට කෙරෙන්නේ වැව හා සම්බන්ධ රාජකාරී වලදීය.අණබෝල් බදින්නේ වැව ,සොරොව්ව,අමුණ,ඇල,වාන,වේල්ල ආදී ස්ථාන වලය.බෝල් බැදීමේ පරමාර්ථය වන්නේ කුඹුරු වැඩ වලදී සිරිතෙන් පිට වතුර ගැනීම ආදී නීති විරෝධී ක්‍රියා තහනම් කිරීමය.එහෙත් වර්තමානයේ මෙම ප්‍රදේශයේ බෝල් බදිනු ලබන්නේ රාත්‍රී කාලයේ හොරෙන් වැව් වල මසුන් ඇල්ලීම,අනවසරයෙන් මසුන් ඇල්ලීම තහනම් කිරීම සදහාය.බෝල් බැදීමේ දී සාමාන්‍යෙයන් මිනිසෙකුගේ උසට සරිලන ලියක් හෙවත් ඉන්නකට බෝල් පනා ,කොළ අතු මිටියක් එකව තබා බැද වැවේ මාළු ඇල්ලීම තහනම් කරන ස්ථානයේ හෝ කාටත් දර්ශනය වන ස්ථානයක සිටවනු ලැබේ.අණබෝල් බැදීම ඉතා බලගතු ආඥාවක් ලෙස ගැමියන් විශ්වාස කරති.බෝල් බැදීමෙන් පසු විදානේගේ අවසරයෙන් තොරව වැවේ වතුර ගැනීම,මාළු ඇල්ලීම ආදී කිසිවක් නොකරති.එහෙත් වර්තමානයේ බොල්බැදීම දක්නට තිබුනද අතීතයේ මෙන් එතරම් සැලකිල්ලක් නොදක්වයි.බෝල් අත්ත බැදීමෙන් පසුවද වර්තමානයේ මිනිසුන් හොරෙන් මාළු ඇල්ලීමට පෙලඹෙති.එමෙන්ම අතීතයේ චාරිත්‍රානුකූලව මාළු ඇල්ලීමෙන් පසු වෙල්විදානේට මාළු පිරිනැමූ මුත් අද එලෙස සිදු නොකරයි.එමෙන්ම අතීතයේ මාළු ඇල්ලීමෙන් පසුව මාළු නැවත බෝ කිරීමට ක්‍රීයා මාර්ගයක් ගන්නා ලද මුත් වර්තමානයේ එසේ සිදු නොකරයි.
රජරට බොහෝ ගම්වලට උරුම මුට්ටි නැවීමේ මංගල්‍යය පුල්එළියේ තියෙන ප්‍රධාන ආගමික උත්සවයක් වෙයි.මෙම උත්සවයට ගමේ සියළු දෙනා එකතු වන අතර ඇසළ මාසය මූලික කොට ගනිමින් සංවිධානය වේ.සෑම ගෙදරකම පාහේ කෑම වර්ග ,රසකැවලි වර්ග,බුලත් පුවක් හාල් එකතු කරනු ලබයි.රජරට ප්‍රදේශයේ අනෙක් ගම් වලට වඩා උත්කර්ෂවත් ලෙස සමරනු ලබයි.මෙම ගමේ සියළු දෙනා එකතු වෙලා එක් දවසක් තීරණය කර ගන්නා අතර එදින පාන්දරම මුට්ටි නැවීමට වැවට යන අතර තට්ටු 4ක් දීලා මුට්ටි පේ කර දෙවියන්ට අදාළ චාරිත්‍ර සිද්ධ කර විෂ්ණු දේවාලයට ගොස් බුලත් 5කුයි,පුවක් 5කුයි දී කිරි උතුරවනු ලබයි.මේ අනුව වර්තමානයේ අතීතයේ මෙන්ම මුට්ටි මංගල්‍යය සිදු කරනු ලබයි.
පුල්එළිය ගමේ දක්නට ඇති තවත් සුවිශේෂී වන්දනයක් ලෙස පුල්ලයාර් දේව වන්දනය පෙන්වාදිය හැකිය.පුල්එළිය ගමේ බොහෝ ජනතාව දේව වන්දනයට නැඹුරු වී ඇත.එහෙත් වර්තමානය වන විට පුල්ලයාර් දේව වන්දනයද ක්‍රමක් ක්‍රමයෙන් අභාවයට යමින් පවතී.
මීට අමතරව
• පරිපාලනය.
• ගමනාගමන සංවර්ධනය.
• අධ්‍යාපනය.
• මුල් ආගමික ස්වරූපය.
• පශු සම්පත්.
• නෑදෑ ක්‍රමය යනාදිය වර්තමානයේ වෙනසකට ලක්ව ඇත.
පුල්එළිය වැනි සාම්ප්‍රධායික ගම්මානයක රජයේ බල අධිකාරිය ක්‍රියාත්මක වන්නේ සෛදාන්තික වශයෙන්.නායකයා හැටියට ගම්වැසියන් විසින්ම තෝරා පත් කරනු ලබන වෙල් විදානේ විසිනි.කිසියම් අයකු මෙම ධූරයට පත් කරනු ලැබූ පසු ,ඔහු ඉල්ලා අස්වනු තුරු හෝ විෂමාචාර මත සේවයෙන් පහ කරනු ලබන තුරු හෝ අවුරුදු ගණනාවක් මුළුල්ලේ එම තනතුරු දැරීමට ඉඩ ඇත.සරුසාර ගමක නම්,තම බලපුළුවන්කාර තත්වය නිසා,වෙල් විදානේට සැලසෙන අනියම් ප්‍රයෝජන බොහොමයකි.අසනීප ගතිය හෝ මහලු විය හැරෙන්නට අන් කිසිම හේතුවක් මත පුල්එළිය ගමේ වෙල් විදානවරයෙකු සිය තනතුරෙන් ඉවත් වී නැත.එහෙත් වර්තමානය වන විට වෙල් විදානේ තනතුර ක්‍රමක් ක්‍රමයෙන් හීන වෙමින් පවතී.
පුල්එළියේ පිහිටි රජයේ ප්‍රාථමික පාසලෙහි එම ගමේ දරුවන් පමණක් නොව අවට ගම්මාන දෙක තුනක ළමයිද අධ්‍යාපනය ලබා ගනිති.අතීතයේ අධ්‍යාපනය එතරම් උසස් නොවීය.ඉහළ පෙළේ අධ්‍යාපනයක් ලබා සිටියේ ශිෂ්‍යයන් කිහිප දෙනෙකු පමණි.අතීතයේ පිරිමි අය අධ්‍යාපනය ලබා ගන්නා ලද මුත් ගැහැණු උදවියට අධ්‍යාපනය ලබා ගැනීමට වරම් නොලැබුණි.මල්වර වූ වහාම ගැහැණු ලබයි පිළිබද සලකනු ලබන්නේ වැඩිවියට පත් අය ලෙසයි.ඉන් නොබෝ කලක් ගතවීමෙන් විවාහයට පත් වී දරුවන් හදති.එහෙත් වර්තමානයේ මෙම තත්වය සම්පූර්ණයෙන් වෙනස් වී ඇත.කාන්තාවන් පවා අධ්‍යාපනයට යොමු වී ඇත.විශ්වවිද්‍යාල වලට පවා ඇතුල් වී ඇත.
පුල්එළිය ගම අතීතයේ දුෂ්කර මට්ටමින් පැවති ඇති මුත් වර්තමානයේ සංවර්ධනය කරා ලන්ව ඇත.මහා මාර්ග පද්ධතිය දියුණු වී ඇත.බස් රථයක් වාර දෙකක් පමණ වර්තමානයේ ප්‍රවාහනයේ යෙදෙයි.අතීතයේදී පුල්එළිය ගම්වාසීන් විසින් මූලික ලෙස අදහනු ලැබුයේ බුදුදහමයි.එමෙන්ම මහණ වීමේ අයිතිය ඇත්තේද ගොයිගම කුලයේ අයටය.එහෙත් වර්තමානයේ ගැමියන් බොහොමයක් බුදු දහමෙන් ඈත්ව දේව වන්දනය සදහා යොමු වී ඇත. පුල්එළියේ ආර්ථික කටයුතු සම්බන්ධයෙන් කෘෂිකර්මය ප්‍රධාන ස්ථානයක් උසුලන අතර ගැමියෝ සතුන්ද ඇති කරති.ප්‍රධාන වශයෙන් එළ හරක් හා මී හරක් ප්‍රධාන වේ. මේ ආදී වශයෙන් පුල්එළිය ගම්මානයෙහි වර්තමාන තත්වය පෙන්වා දිය හැකිය. සමස්තයක් ලෙස ගත් කළ පෘතුග්‍රීසි,ලන්දේසි,ඉංග්‍රීසි ආදී යුරෝපීයයන් විසින් වරින් වර ශ්‍රී ලංකාවේ නාගරික හා ග්‍රාමීය සංස්කෘතිය කෙරෙහි විශාල බලපෑමක් ඇති කර තිබේ.සිරිත්,විරිත් ,භාෂා,සාහිත්‍ය,ඇදුම්,පැළදුම් ආදී වශයෙන් විවිධ සංස්කෘතික මෝස්තර කෙරෙහි ඔවුන් විසින් කරන ලද බලපෑම් අද්‍යතනයේ වුව පැහැදිළි වහයෙන් ම දැක ගත හැකිය.බටහිර සංස්කෘතියෙන් මෙන්ම ද්‍රවිඩ සංස්කෘතියෙන් පසුගිය සියවස් ගණනාවක් තුළ සිංහල ගැමි සංස්කෘතියට එක් වූ නවාංග රාශ්‍රියක් තිබේ.දේශපාලනය,අධ්‍යාපනය ,ඇදහිලි,විශ්වාස,ඇදුම් පැළදුම් ආහාර පාන ,භාෂා සාහිත්‍ය හා සිරිත්විරිත් යනාදී විවිධ අංග කෙරෙහි තත් සංස්කෘතීන් කරන ලද බලපෑම විශේෂයෙන්ම වන්නියේ ගැමි සමාජය විශාල පරිවර්තනයකට භාජනය කිරීමට සමත් විය.මෙහිලා විග්‍රහ කෙරෙනුයේ 20වන ශත වර්ශයේ වන්නිය වෙනස් වූ ආකාරයයි.
1924 වර්ශයේ දී වර්ශයකට රුපියල් හය සියයකට වැඩි හෝ දේපළ වලින් විශාල ආදායමක් ලැබුවන්ට එ කල ව්‍යවස්ථාදායක සභාවට මන්ත්‍රීවරුන් තේරිමේදී තමාගේ ඡන්දය පාවිච්චි කිරීමට අවසර ලැබිණි.වයස අවුරුදු 21ට වැඩි සියළු දෙනාටම ඡන්ද බලය හිමි වූයේ වර්ෂ 1931 දීය.ඊට පෙර ගමේ හෝ රටේ සිවිල් පාලනයට සමිබන්ධ වීමට සාමාන්‍ය ගැමි ජනයාට අවස්ථාව ලැබුණේ නැත.1931න් පසු ඡන්ද විමසීම් කැරනු ලබන අවස්තාවල තමා කැමැති ඡන්ද අපේක්ෂකයාට නියමිත පාට ඇදුමින් සැරසී කොඩි ලෙලවමින් උද්යෝග පාථ කියමින් සහයෝගය දැක්වීමට ලැබිණි.මෙය ගැමියා ලද නවතම සංස්කෘතික අංගයක් විය.1947 වර්ශයේ දී දේශපාලන පක්ෂ ක්‍රමයට අනුව ඡන්ද පැවැත්වීමට ආරම්භ වීමෙන් පසු ගැමි ජනයා ඒ ඒ පක්ෂවලට කෙළින්ම සමිබන්ධ වී කටයුතු කළහ.තමා කැමැති හා සහයෝගය දක්වන පක්ෂ හෝ අපේක්ෂකයා ජයග්‍රහණය කළ විට උද්යෝග පාඨ කියමින් පෙළපාලි යාමටත් පරාජය පත් පක්ෂ සම්බන්ධ පුද්ගලියින්ට හිංසා පීඩා කිරීමටත් පුද්ගලයන්ගෙන් පළිගැනීමටත් ප්‍රධාන වශයෙන් ගැමියා පෙළඹුනේ දේශපාලන ව්‍යාපාර හේතුවෙනි.ඇතැම් විට මේවා අවසන් වූයේ මිනී මැරුම් හා කළ කෝලහලවලිනි
අසල්වාසීකම් ,නැදෑ හිත මිතුරුකම් ,පවා මේ නිසා විනාශ වී ගිය අතර ගමේ එතෙක් පැවැති සමගිය හා හිතවත්කම් බව මේ හේතුවෙන් කඩා කප්පල් වී ගියේ ය.අවුරුදු සිය දහස් ගණනාවක් තිස්සේ ඒකාධිපති රාජ්‍ය පාලනයක් මගින් සංවිධානය වුණු හා හික්මවනු ලැබූ ගැමි ජනතාවට අළුතින් ලද ප්‍රජාතන්ත්‍රවාදී දේහපාලනය ආශිර්වාදයක් වූ බවක් නොපෙනේ.1956 වර්ෂයේ මහා මැතිවරණයක් ජයග්‍රහණය කළ රජය යටතේ රාජ්‍ය භාෂා පනත සම්මත වීමෙන් පසුව එතෙක් ඉංග්‍රීසි භාෂාවට ගැමි ජනතාව දැක් වූ ගෞරවය හා බිය අඩු වී ගියේ ය.
1956 වර්ෂයේ මහා මැතිවරණයකින් ජයග්‍රහණය කළ රජය යටතේ රාජ්‍ය භාෂා පනත සම්මත වීමෙන් පස්ව එතෙක් ඉංග්‍රීසි ඉගෙනීමක් නොමැතිව විශ්ව විස්‍යාලය උපාධිය ලබා ගත හැකි විය.
පාසල් විෂය ධාරාව ක්‍රමයෙන් වෙනස් වූ අතර පැරනි පොත පත හා ඉතිහාසය ඉන් බැහැර විය.ගම්බද තිබූ පාසල් හෙවත් ඉස්කෝල විද්‍යාල නමිනුත් මුල් ගුරුතුමා හෙවත් ලොකු මහත්තයා විදුහල්පති නමිනුත් හදුන්වනු ලැබූහ.
විද්‍යා විෂයන්ට මුල් තැන හිමි වූ හෙයින් කලා විෂයන්ට හිමි වූයේ දෙවැනි තුන් වැනි ස්ථාන යි.පාසල් සිසුන්ගේ අත් අකුරු ,අක්ෂර විනයාසය,පද බෙදීම,ආදී භාෂා ප්‍රයෝග දුර්වල විය.පාසල් දරුවන් ගුණ දහමින් පිරිහුණු අතර මව් පිය සම්බන්ධය ද තරමක් දුරට බිද වැටිණ.
1963දී එතෙක් ගම් තුලාන තුළ ක්‍රම බල අධිකිරිය පවත්නා ගෙන ආ ගම්මුලාදෑනින්ගේ එම තනතුර ඉවත් කොට ග්‍රාම සේවක නමින් නවක නිලධාරී පන්තියක් ගමේ පරිපාලන කටයුතු වලට සම්බන්ධ විය.එහෙත් ගම්මු එතෙක් ගම්මුලාදෑනීන්ට දැක් වූ බිය ගෞරවය හා පක්ෂපාතීත්වය මේ නව ග්‍රාම සේවක නිලධාරීන්ට නො දැක්වූහ.
ගමේ තරුණ තරුණියෝ ද පාරම්පරික රැකී රක්ෂා අතහැර රජයේ රැකිය සොයා ගියහ.කම්මල් වැඩ ,වළං තැනීම,වඩුවැඩ,බෙර වැයීම හා නක්ෂත්‍රය ආදී වෘත්තීමය සමාජ ක්‍රමය වෙනස් විය.ගමේ සියළු දෙනාට ම පාහේ සහල් ඇතුළු අහාර ද්‍රව්‍ය රජයෙන් ලැබුණ හෙයින් අහාර නිෂ්පාදනය කෙරෙහි පෙර පැවති උනන්දුව දක්නට ලැබුණි.කුමන ආපදාවකදී මුත් ඔවුහු රජයේ ආධාර බලාපොරොත්තු විය.ගමේ පන්සල හා වැඩිහිටියන් කෙරෙහි තිබූ දැඩි සම්බන්ධය ගිලිහී ගිය අතර සොකරි ,නාඩගම්,ටීටර් ,තොවිල් පවිල් නරඹා ප්‍රීති වීම වෙනුවට විනෝදය සදහා වන්දනා ගමන් යාමට පුරුදු වූහ.
ජීවිතයේ බොහෝ වැදගත් සමාජීය කටයුතු පමණක් නොව ගමනක් බිමනක් යාම ,ගොවි කටයුතු ආදිය පවා කිසියම් සුභ මුහුර්තයකට ,සුභ වේලාවකට සුභ දවසකට කිරීමට පුරුදු වී සිටි ගැමියා අද්‍යතනයේ නැකැත් චාරිත්‍ර ඉටු කිරීම,මගුල් අවස්ථාවකට පමණක් සීමා කර ගත්තේය.අතීතයේ ගැමි තරුණ තරුණියන් අතර ප්‍රේම සම්බන්ධතා දුලබ නමුදු අද්‍යතනයේ එවැනි තරුණ ජෝඩු දැකිය හැකි අතර ඇතැම් විට ඒවා හොරෙන් පැන යාම හෝ සියදිවි හානි කර ගැනීමෙන් අවසන් වේ.ගම් තුලානයේ මරණයක් සිදු වූ අවස්ථාවක ගමේ සියළු දෙනාම එක් රොක් වී සාමුහික වශයෙන් එම කටයුතු කිරීමටත් දින හතක් මරණය සිදු වූ නිවසේ තනි රැකීමත් එකල තිබූ සිරිතකි.එහෙත් වර්ථමානයේ ඒ සිරිත වෙනුවට එකිනෙකා වරින් වර ගොස් මළ සිරුර දෙස එබී බලා ආපසු එනු දක්නා ලැබේ.එදා මළ ගෙදර කියැ වූ මළ පොත ,වෙස්සන්තර ජාතකය යසෝදරාවත වෙනුවට තරුණයන් සුරා පැන් බී විනෝදයෙන් කාලය ගත කරයි.බෞද්ධාගමාණුකූල ජීවිතයක් ගත කළ ගැමියා තුළ ක්‍රමයෙන් පින් පව් පිළිබද විශ්වාසය තුනී වී ගොස් ඇති අතර බෝධී පූජා නමින් වූ බෝධිය නැහැවීමේ සිරිත මෝස්තරයක් ලෙස කරනු දක්නා ලැබේ.
සිංහල ගොවියා කෘෂි කටයුතුවලදී නිරන්තරයෙන් ම අදින්නේ අමුඩයයි.වර්තමානයේ කුඹුරු වැඩ වලදී වයෝවෘද්ධ ගැමියන් හැරුණ විට අමුඩය අදින කිසිවෙකු දක්නට නොහැකිය.බොහෝ දෙනා ඒ වෙනුවට කොට කලිසමක් හෝ කෙටි කර හදින ලද සරමක් භාවිතා කරයි.එවැනි අවස්ථා වල ගයනු ලැබූ ගැමි ගී කිසිවක් ගයනු දක්නට නො ලැබේ.හිසට බැදි ලේන්සුව වෙනුවට තොප්පියක් පළදිති.සාමාන්‍ය ජීවිතයේ දී පැරැණ්නන් කෙසේ වෙතත් තරුණ තරුණියන් ඇතුළු බොහෝ දෙනා පාවහන් පාවිච්චි කරති.සෑම නිවසකම පාහේ ගමන් බිමන් යාම සදහා පා පැදියක් හෝ යතුරු පැදියක් තිබේ.ගුවන් විදුල යන්ත්‍ර ,රූපවාහිනී යන්ත්‍ර හා මහන මැෂින් ආදිය බොහෝ දෙනා පාවිච්චි කරති.මේවා නොමැති ගැමියෝ ඒවා ලබා ගැනීම සදහා මුදල් යෙදවීමට අනවරත සටනක යෙදෙති.භූමි තෙල් කුප්පි ලාම්පුව වෙනුවට පැට්‍රොමැක්ස් ලාම්පු හෝ ප්‍රශක්ති පහන් භාවිතා කරති.කුප්පි ලාම්පු භාවිතා කරනුයේ පැල්පත් වල වෙසෙන දිළිදු ම ජනතාව පමණකි.අතීතයේ පාන් කෑම ඉතා පහත් ලෙස සැලකූ ගැමියන් වර්තමානයේ ආහාර වේල් කිහිපයකදී වුවද පාන් අනුභව කරනු දක්නා ලැබේ.විවිධ අප ද්‍රව්‍ය වලින් පෙරා ගන්නා ලද කසිප්පු නමින් හදුන්වනු නීති විරෝධී මත් ද්‍රව්‍ය පානය ගැමි සමාජය වෙළා ගත් මහත් ව්‍යසනයක් බවට පත්ව තිබේ.
ඕනෑම පොදු වැඩක යෙදෙන අවස්ථාවක මතු නොව පන්සලේ පිරිත් පිංකම් දිනයකදී පවා කසිප්පු නැතිවම බැරි පානයක් බවට පත්ව තිබේ.බීඩි, සුරුට්ටු ,සිගරට් ,බීමට බොහෝ දෙනා ඇබ්බැහිව සිටින අතර තරුණයන් අතර සිගරට් බීම තරුණකම හා ධනවත් බව පෙන්වීමේ මෝස්තරයක් බවට පත්ව තිබේ.තම සිගිති දරුවන්ට මාස තුන හතරකට වඩා මව් කිරි දෙන මව්වරුන් දැකීම දුලබය.ලෙඩ දුක් සම්බන්ධයෙන් ගමේ වෙද ගෙදරට ගොස් වෙද මහතා හමුවීම.සිංහල කසාය බීම,කෘෂීකාර්මික කටයුතු වලදී කෙම්පහන් කිරීම,දැකිය නොහැකි අතර ඒ වෙනුවට කෘමි නාශක වස විස භාවිතා කරති.සර්පයෙකු දෂ්ඪ කළ අවස්ථාවකදී පවා රෝහලට යාමට ඇතැමෙක් පුරුදු වී සිටිති. ගව ආදී සතුන්ට රෝගයක් ඇති වූ විට සිංහල අත් බේත් දීම්,කෙම් පහන් කිරීම වෙනුවට පශු වෛද්‍යවරයා වෙත යාම දක්නට ලැබේ.සිංහල කසාය බෙහෙත් බීමට බොහෝ දෙනා මැලිකමක් දක්වති.ගමේ සෑම ගෙයකම තිබූ බේත් සරක්කු පෙට්ටිය අද කිසිදු ගෙදරක නැති තරම්ය.අතීතයේ ගෙමිදුලේ හා ගෙවත්තේ සිට වූ බෙහෙත් පැළ බෙහෙත් ගස් වෙනුවට බොහෝ නිවෙස් වල දක්නට ලැබෙන්නේ ඇන්තූරියම් ,ක්‍රෝටන් ,බෝගන්විලා ආදී විවිධ මල් වර්ග හා ගස් වර්ග ය.ගිහින් එන්නම් ,දෙවියන්ගේ පිහිටයි,තෙරුවන් සරණයි,ආදී වශයෙන් එදා ගැමියන්ගෙන් ගිලිහිණු වචන වෙනුවට “ටටා,,බායිබායි,චෙරියෝ ,සොරි ආදී ඉංග්‍රීසි පද ගැමි තරුණ තරුණියන්ගේ මුවින් පිටවෙයි.ලද පමණින් සතුටුව අල්පේච්ජ ජීවිතයක් ගතකළ ගැමියාගේ ගෘහස්ථ ජීවිතයේ අවශ්‍යතාව ප්‍රමාණය ඉක්මවා ඇති හෙයින් සියළු දෙනාම මුදල් ඉපැයීමට විශාල වෙහෙසක් ගනිති.පූර්වෝක්ති නවඅංග,සිරිත්විරිත්,හැසිරීම් ,ආහාරපාන හා ඇදුම් පැළදුම් ආදී බොහෝ සංස්කෘතිකාංග විසින් ගමේ එතෙක් පැවති සාම්ප්‍රධායික සංස්කෘතික රටාව විශාල වශයෙන් නවීකරණය කොට ඇති බවත් ඒ තුළ අන්ද මන්ද වූ ගැමියන් විපිළිසර බවට පත්ව ඇති බවත් ,එය ඔවුන්ගේ නිහඩ ජීවිතය දෙදරවමින් සමස්ත ගැමි සමාජයම යන්ත්‍රයක් බවට පත්කර ඇති බවත් දක්නට ලැබේ.
මීට අමතරව පුල්එළිය ගම ,ගෙවල් හා එහි ස්වරූපය ඒ අකාරයෙන්ම කෙසේ වෙතත් බොහෝ ප්‍රමාණයක් පැරණි බව දෘෂ්‍ය වන්නාවූ ගම ගෙවල් හා ඒ අවට වූ පරිසරය සහිත ප්‍රදේශ තවමත් පුල්එළිය ගමේ දක්නට ලැබේ.මේ අනුව පුල්එළිය ගම මුළුමනින්ම නවීකරණය නැතුවාක් මෙන්ම මුළුමනින්ම පැරණි ස්වභාවයෙන් දක්නට නොලැබේ.මේ නවීකරණයේ ප්‍රවනතාව වැඩිවුයේ විසිවන ශතවර්ෂයේ මැද භාහයේදී එ නම් 1956 න් පසුව යැයි කීවද නිවැරදිය.ඉන් වසර විසි එකකට පසුව එනම් 1977 න් පසුව එතෙක් පැවති ගම,ඉතාමත් වේගවත් නවීකරණයකට භාජනය වූ බව නොරහසකි.ඇතැමෙක් මේ අළුත් ප්‍රවනතාව දියුණුවක් හෝ සංවර්ධනයක් ලෙස ද හදුන්වති.පුල්එළිය ගමේ ගැමියෝ අලුත්ගම කියාත් නවීකරණය වූ ගෙවල් අලුත් ගේ,උළුගේ ආදී විශේෂණ පදවලින් හදුන්වනු ලබයි.අතීතයේ ගැමියන් හේන් වශයෙන් භාවිත කළ ඇතැම් භූමි භාග වර්තමානයේ නව ජනපද හා උදාගම් නමින් දක්නා ලැබේ.ඒවායේ ස්වරූපය පැරණි ගමට වඩා වෙනස් වන අතර ගැමියන් විසින් පෞද්ගලිකව ගොඩ නගා ගත් නවීකරණය වූ ගමක් ලෙස පුල්එළිය පෙන්වා දිය හැකිය.මෙම ප්‍රදේශයේ පැරණි බව පළ කරන ඇතැම් වගාවන් වර්තමානයේ දක්නට නොලැබේ.මෙම ඉඩම් අතුරින් පොල් ගස් එකක් දෙකක් දක්නට ඇත.මුරුංගා කජු වැනි වාණිජ බෝග වගා කොට තිබේ.පැරණි කැළෑ ප්‍රදේශයක් ලෙසට ඉගියක් හෝ ලැබෙනුයේ ඉද හිට තැනින් තැන අතරින් පතර දැකිය හැකි දැවැන්ත පලු වීර බුරුත ආදී ගස්වලිනි.කවුපි, උදු,මුං,තල වැනි භෝගද බොහෝ වශයෙන් වගා කරනු ලබයි.විශාල ගස් කපා ඇති අතර කැලය වෙනුවට කූරටියා වැනි කුඩා පදුරඅ සුලභව දක්නට ලැබේ.මෙසේ සාම්ප්‍රදායික වනය විනාශ කිරීම මෙම ප්‍රදේශයට ජලය හිග වීමේ ප්‍රශ්නය තව දුරටත් බැරෑරුම් කොට තිබේ.
බොහො නිවැසියන්ගේ ස්ථීර නිවාස වරිච්චි බැද මැටි ගසා බිත්ති කපරාරු කොට හුණු පිරියම් කරන ලද ඒවාය.ඇතැම් ගෙයක් හුණූ පිරියම් නොකළද කපරාරු කොට තිබේ.මෙම නව නිවෙස් වල ස්වරූපය අතීතයේ ගෙවල් වල ස්වරූපයට හාත් පසින්ම වෙනස්ය.පළ හතරක් වන ලෙස සාදන ලද වැඩි කාමර ගණනකින් යුත් මෙම ගෙවල්වල බිමට සිමෙන්ති දමා වහලයට උලු හෝ ඇස්බැස්ටස් හෝ ටකරන් සව් කොට තිබේ.ඇතැම් නිවැසියන් රජයේ ආධාර මත වැසිකිළි හා බොන වතුර ළිං සාදා ගනී.පැරණි ගැමි පැල්පතක මෙන් නොව මෙම ගෙවල් වල භාවිතා කෙරෙන ගෘහ භාණ්ඩවල පවා විශාල වෙනසක් දක්නට ලැබෙයි.බොහෝ නිවැසියන්ට රේඩියෝ යන්ත්‍රයක් හෝ කැසට් යන්ත්‍රයක් තිබෙයි.ඇතැමෙකුට කලු සුදු රූපවාහිණී යන්ත්‍ර තිබේ.විදුලි බලය නොමැති ගෙවල් වල ශක්ති පහන් කාර් ලොරි බැටරි වලින් ගන්නා ශක්තියෙන් ආලෝකවත් කරන විදුලි බුබුලු දල්වති.මෙසේ නවීකරණය වූ නිවෙස්හි ගෙපිල පැරණි ගෙපිල තරම් උසින් යුතු නොවෙයි.එහි වහලද තරමක් උසින් යුක්තය.ඇතැම් ගෙදරක් රජයේ ආධාර මත රජයේ සැලැස්මකට අනුව ඉදි කොට තිබේ.බොහෝ නිවැසියන්ට පා පැදියක් යතුරු පැදියක් ත්‍රීරෝද රථයක් තිබේ.බොහෝ දෙනා නවීකරනය ගොදුරු වී නගරයේ තිබෙන්නා වූත් , රූපවාහිනිය මගින් නිතර ඉදිරිපත් කරන්නා වූත් මෝසතර , විලාසිතා ,ආහාරපාන හා සුඛෝපොභෝගී භාන්ඩ පරිභෝජනයට හුරු වන බවක් විද්‍යාමාන වේ.වැඩිහිටි බොහෝ දෙනා ගොවියන් වන නමුත් ඊළග පරපුරේ දූ දරුවෝ රජයේ හා පෞද්ගලික අංශයේ රැකියා කරති.දරුවන්ගේ අධ්‍යාපනය ඉහළ තත්ත්වයකට ගෙන ඒම සදහා දෙමව්පියන් පෙරට වඩා උනන්දුවක් දක්වති.බොහෝ දෙනා ආත්මාර්තකාමී ලෙස කටයුතු කරනු දැකිය හැකිය.ස්ත්‍රීන් ගමන් බිමන් යාමේදී සාරිය ඔසිරිය හා ගවුම් හැදීමට හුරු වී තිබෙන අතර නගරය අනුකරණය කරන ඇතැම් තරුණයෝ දිග කලිසම්ද තරුණියෝ ජීන්ස්ද ඇදීමට ඇබ්බැහි වී සිටිති.ඔරලෝසුව වේලාව බැලීමට නොව විලාසිතාවක් ලෙස පාවිච්චි කරති.
කුඹුරු ගොවිතැන් හා හේන් ගොවිතැන් කටයුතු පෙර ආකාරයටම සාම්ප්‍රධායික ලෙස පවත්වා ගෙන යති.එහෙත් ගොවිතැන් කටයුතුවලදී රසායනික පොහොර භාවිතය හා රසායනික බෙහෙත් භාවිතයට පුරුදු වී සිටිති.එළ හා මී ගවයන් ඇති කරන අතර ඔවුන්ගෙන් ලබා ගන්නා කිරි රජයේ කිරි එකතු කිරීමේ මධ්‍යස්ථානයට අළෙවි කරති.එහෙත් අතීතයේ මෙන් නොව අද්‍යතනයේ එළ හා මී ගවයන් සංඛ්‍යාත්මක අතින් අඩු බව නොඅනුමානය.කුඹුරු ගොවිතැන් කටයුතු වලදී හරකුන් විසින් පෙරදී කරනු ලද සේවය වර්තමානයේ ට්‍රැක්ටර්වලින් ලබා ගනිති.ඇතැම් විට ගොවිතැන් කටයුතු විනාශ වී ආර්ථික අතින් දුර්වල තත්ත්වයක් ඇති වූයේ නම් එතෙක් කම පවුලට දීර්ඝ කාලයක් බත බුලත සැපයූ එළ හා මී ගවයන් මසට විකුණා මුදල් උපයා ගැනීමට ද මෙම නවීකරණය වූ පුද්ගලයින් කටයුතු කරනු දැකිය හැකිය.
කුඹුරු ගොවිතැන් කිරීමට වඩා කවුපි , උදු,මුං,මෑ , තල ආදිය ගොවිතැන් කිරීමට කැමැත්තක් දක්වති.මක් නිසාද යත්,ඒවා විකිණීමෙන් වැඩි ආර්ථික ප්‍රතිලාබයක් ලැබෙන හෙයිනි.කොළදිං කාලයේ ගැමියන් අතර තරමක ආර්ථීක සංවර්ධනයක් දැකිය හැකි අතර ගොවිතැන් කටයුතු නියගෙන් පාථවට ගිය කල්හි පෙරදී මිලයට ගෙන තිබූ සුඛෝපභෝගී භාණ්ඩ විකුණා දෛනික අවශ්‍යතා සදහා මුදල් ලබා ගැනීමේ පුරුද්ද නිරන්තරයෙන් දැකිය හැකිය.මෙය බොහෝ විය ජූනි මස සිට ඔක්තොම්බර් මස දක්වා වූ දැඩි නියගය සහිත කාලයෙහි සිදු වන්නකි.මෑත භාගයේ සිට ඇතැමෙක් ගඩොල් කපා පිළිස්සීමේ කර්මාන්තය ආරම්භ කොට ඇති අතර එයින්ද තරමක ආදායමක් ලබා ගනිති.පුල්එළිය ගමෙහි පවත්නා වැව ආහාර ගබඩාවක් වැනිය.මෙය කුඹුරු ගොවිතැනට,දිය නෑමට හා බීමට ජලය සපයන්නා හා ම නියන් කාලවලදී එහි ඇති ඹ්ලු නෙළුම් අල ආදියෙන්ද ඇතැමෙකුට ආදායමක් මෙන්ම ඇතැමෙකුට ආහාරයක්ද සැපයේ.ඹ්ලු ගෙඩිවලින් ලබා ගන්නා ඹ්ළු හාල් වලින් පිසින බත් කෑමට බොහෝ දෙනා ප්‍රිය කරති.කෙකටිය අළ තම්බා කෑමත් ,කෙකටිය කරල් වෑංජනයක් ලෙස පිළායෙල කිරීමත් මානෙල් අළ තම්බා කෑමත් ගැමියන්ට හුරු පුරුදුය.වැව ඉස්මත්තේ ඇති පන්වලෙන් ලබා ගන්නා පන්වලින් පැදුරු ,වට්ටි,පෙට්ටි වියා නගරයේ පොළට ගෙන ගොස් අළෙවි කර තරමක ආදායමක් ලබා ගැනීමටත් පුල්එළියේ ගැමි කාන්තාවන් පුරුදු වී සිටිති.
සන්නිවේදන මාධ්‍ය ගම කරා පැමිණීම තුළින්ද වර්තමානයේ පුල්එළිය ගම විශාල වෙනසකට ලක්ව ඇත.වරින් වර විවිධ යෝජනා ක්‍රම ,සංවර්ධන ක්‍රම හා වෙනත් හේතූන් නිසා මෙකී පුරාණ ගම ක්‍රමයෙන් වෙනස් විය.ඒ සමගම පුල්එළිය ගම තුළ පිරිහෙමින් හා වරින්වර ජිවය ලබමින් ශේෂව පැවති අවබෝධය,විශ්වාසය ,සමගිය ,ඥාතීත්වය සමග බැදුණු වත් පිළිවෙත් ගොවිතැන් ක්‍රම ,ජන ක්‍රීඩා ,ජන කලා ආදිය ආක්‍රමණය කරමින් විදේශ ආධාර ඔස්සේ ගලා ආ නවීන තාක්ෂණය ,පරිපාලනය හා සන්නිවේදන ක්‍රම ,විවිධාකාරයෙන් ගමට පිවිස ඇත.මේ නිසා ජන සමාජයත් ඔවුන්ගේ ඇවතුම් පැවතුම් පමණක් නොව කෘෂිකාර්මික ජීවන රටාව පවා විවිධාංගීකරණය වී තිබේ.යම් ජන කොට්ඨාසයක් තුළ සන්නිවේදනයේ ප්‍රබලතාවය රැදී පවත්නේ එම ජන කොට්ඨාසයේ සාමාජිකයන් අනුවය.එය සම්ප්‍රධායික සන්නිවේදනයේ ස්වභාවයයි.මෙම සම්ප්‍රධායික සන්නිවේදන ක්‍රම වසර සියදහස් ගණනක් තිස්සේ තත් සමාජය තුළ මුල්බැස ගෙන ස්ථාවර වී තිබේ.පුල්එළීයේ ගැමියා මේ කෙරෙහි දක්වන ගෞරවය ගොඩ නැගී ඇත්තේ එහි පවත්නා විශ්වාසනීයත්වය මතය.මෙබදු සම්ප්‍රධායික සන්නිවේදන ක්‍රම අතර වඩාත් ජනප්‍රිය වී ඇත්තේ කට කථාව,ඕප දූප,පණිවිඩ,කවිකොළය,කැලෑ පත්තරය,හූ හඩ නැගීම ,බෝල බැදිම,අඩබෙර ගැසීම,කොළ අතුඑල්ලීම,රෙදි කැබැල්ලක් එල්ලීම ආදියයි.නවීන තාක්ෂණය මගින් ගමට පිවිස ඇති සන්නිවේදන ක්‍රම අතරින් පුවත්පත්,සඟරා ගුවන්විදුලිය,චිත්‍රපටය හා රූපවාහිනිය මාධ්‍ය ප්‍රධාන තැනක් ගනී.අතීත ගැමියා සිය පරිසරයට හුරුවී කටයුතු කළාක් මෙන් වර්ථමාන ගැමියාට මුළු ලෝකයම සිය පරිසරය වශයෙන් ගෙන කටයුතු කිරීමට සිදුව තිබේ.ගැමි ජනයා වැටුප් පිණීස රැකියා වල යාම සදහාද නගරය හා ඊට තදාසන්න ප්‍රදේශ කරාැ සංක්‍රමණය වීමෙන් පුල්එළීය ගමේ ජන විකාශන ක්‍රමය වෙනස් ක්‍රමයක් ගත්තේය.පුරාණ පුල්එළිය ගම තුළ පැවති සන්නිවේදන ආකෘතිය වූයේ මධ්‍යම ආණ්ඩුවෙන් දෙනු ලබන ආඥ,නියෝග,ආරංචි ඔස්සේ පවුල් කිහිපයකට හෝ ගමෙහි ගමරාළ වැනි ගමේ නායකයින් මගින් ගැමියා ටෙවත පණිවිඩ යැවීමයි.කට වචනය,සාමූහික සන්නිවේදනය,සම්මුති එහිදී වැදගත් තැනට පත්විය.මෙම ක්‍රමය වෙනස් වූ ආකාරය වඩාත් පැහැදිලි ලෙස දැකිය හැක්කේ ගම ආශයෙන්ම පැන නැගී අළුත් සංවර්ධන ප්‍රදේශ තුළ ය.ඒවායේ නිළධාරී මට්ටමෙන් සිරස් සන්නිවේදන ආකෘතියක් තිබේ.තත් පාලන නියෝග ඒ ආකාරයෙන්ම ක්‍රියාත්මක වේ.එකී සන්නිවේදන ක්‍රියාවලිය නිල නියෝග, දැන්වීම් ,සාකච්ඡා ,දේශන හා රැස්වීම් යන ක්‍රම මගින් ඉටුකරනු දක්නට ලැබේ.
විවිධ සංගීත සංදර්ශන ,නැටුම් සංදර්ශන ආදී නාගරික සංස්කෘතිය තුළ අත්‍යවශ්‍ය අංග සේ ගැනෙන විවිධ කලාංග ගම කරා පැමිණ ඇති බැවින් ගැමියන් ඒ කෙරෙහි උනන්දුවක් දක්වති.වෙනදා එම අඩුපාඩුව පිරිමසාලු සොකරි ,නාඩගම්, හා විවිධ තොවිල් පවිල් කෙරෙහි දක්වන ප්‍රසාදය හා ඇල්ම ක්‍රමයෙන් හීන වන බව ඔවුන් තුළින් විද්‍යාමාන වේ.ගමේ ගොඩේ ජනතාවගේ එදිනෙදා විනෝදාස්වාදය පිණිස රඟ දක්වන ලද විවිධ නාට්‍ය හා පෙර සදහන් කළ තොවිල් පවිල් සොකරි ආදී ජන කලාංග පමණක් නොව ගැමි ගීත කතාන්තර ආදියද ක්‍රමයෙන් ඔවුන් අතරින් වියෝ වෙමින් පවතී.වෙනදා අම්බරුවන් යොදා කළ සියලු ගොවිතැන් කටයුතු අද්‍යතනයේ ට්‍රැක්ටර් යොදා කරනු දක්නා ලැබේ.මේ හේතුවෙන් අඩහැර,කමත් කවි,ගොයම් කවි ආදී ගායනා කරමින් තත් කාර්යන්හි සාමූහිකව නියැලුණු ගැමියන් විරල විය.ඒවා ගයමින් තත් කාර්යන්හි යෙදීම මදි පුංචි කමක් ලෙස සලකන ලදී.හේනක පැලක නිවසක ඉතා කුඩා ගුවන්විදුලි යන්ත්‍රයක් හෝ තිබීම විශාල වස්තුවක් ඇති සෙයක් පල කරතැයි ගම්මු කල්පනා කරති.එදිනෙදා කෘෂි ජීවිතයේ ඒ ඒ කටයුතු පෙරදී මෙන් ජන ගායනා වලින් ඔපවත් කරනු වෙනුවට ,ඔවුන්ගේ මුවින් කිසිවක් ගයා ඒ තුළින් වෙහෙස මහන්සිය දුරු කරගනු වෙනුවට ගුවන් විදුලි යන්ත්‍රය භාවිතා කිරීම හේතුවෙන් ඔවුන් සතුව පැවති වටිනා ජන කලාංග ද ගිලිහී යනු වළක්වනු බැරිය .මේ අනුව නව සන්නිවේදන ප්‍රවණතාවන් හේතුවෙන් පුල්එළිය ගමේ ව්‍යුහය මෙලෙස වෙනස් වී ඇත
එමෙන්ම තවත් ප්‍රධාන හේතුවක් ලෙස වෙළඳ ආර්ථිකයේ ආක්‍රමණය මගින් නිර්මාණය වූ ප්‍රතිඵල හේතුවෙන් පුල්එළීය ගම විශාල වෙනසකට ලක් විය.තමා සතු වූ කුඩා ඉඩම් කැබලි හේන් ආදිය පෞද්ගලික මට්ටමින් ගොවිතැන් කළ ගැම්යන්ට නාගරික මධ්‍යස්ථාන සමග සම්බන්ධ වීමෙන් වූ ක්‍රියාවලිය මහත් බලපෑමක් ඇති කළේය.ගැමියන්ගේ වෙනස් වීමත් සරළ කෘෂි ආර්ථීකයේ වෙනස් වීමත් එක විට සිදු වීම මෙහිලා විශේෂයෙන් සදහන් කළ යුතුය.ගැමියාගේ සරළ කෘෂි ව්‍යාපාරය වූ කලී ස්වයංපෝෂිත එමෙන්ම ස්වාධීන වූ එකකි.මෙහි මුඛ්‍ය පරමාර්ථය යැපුම් කෘෂී වගාවයි.ඒ තුළ මුදල් හුවමාරුව එතරම් දක්නට නොලැබුණී.ගමේ ආර්ථීක ඒකකය තුළ පැවැති අන්තර් පුද්ගල සම්බන්ධතා එහි පැවැති සමාජ ඇගයුම් ,චාරිත්‍ර,ප්‍රතීමාන මගින් ඒකීය සමූහයන් ලෙස ගොනු කරනු ලැබිණ.සරළ ආර්ථිකය පවත්වාගෙන යාමේදී මෙම සාමූහික ඒකාග්‍රතාව අත්‍යවශ්‍ය විය.ජීවන තත්ත්වයෙන් අන්තර් පුද්ගල සම්බන්ධතාවයෙන් හා නිෂ්පාදනයෙන් ඔවුහු නාගරික වාණිජ ආර්ථික ක්‍රමයෙන් ඉදුරා වෙනස් වූහ.ඔවුන්ගේ සංස්කෘතියද නාගරික සංස්කෘතියට වඩා වෙනස් විය.එහෙත් ජන ගහබාය් ස්වාභාවික වර්ධනයත් ,පැවැති සම්පත් සීමා වීමත්,නොදැනුවත් කරත් හේතුවෙන් ගොවි සමාජයට පිටස්තරව සිට ඒ දෙසට ක්‍රියාත්මක වූ ඇතැම් බලවේග හා ක්‍රියාවලිය විසින් ගැමියන්ගේ සරළ කෘෂි ආර්ථිකය හා ජීවන රටාව උඩු යටිකුරුකර තිබේ.මෙම බලපෑම් නාගරික මධස්ථාන වලින් ආරම්භ වී ගම කරා වේගයෙන් ක්‍රියාත්මක විය.සංවර්ධන ක්‍රියාවලිය නමින් බොහෝ දෙනා හදුන්වනු ලබන විවිධ මැදිහත් වීම් මෙහි මූලික ප්‍රවාහ ලෙස ක්‍රියාත්මක වේ.ගැමියන්ට එය පිළිගැනීම මිස කිසිසේත් ප්‍රතික්ෂේප කිරීමට හැකියාවක් නොමැත.මේ බලවේග අතර මූලික වූයේ වාණිජවාදි වෙළද පොලේ පැතිරීමයි.මේ හේතුවෙන් සරළ ද්‍රව්‍ය හුවමාරු ක්‍රමය වෙනුවට මුදල් හුවමාරුව මතම ගොඩ නැගුණු ගැමි ජීවිතයක් ගැමියන් අතර නිර්මාණය විය.මෙමගින් ගැමි ආර්ථික ස්වාධීනත්වයද අහිමි විය.තව දුරටත් තහවුරු කරන ලද්දේ වෙළද පොල සමග පැතිරුණු රාජ්‍ය නිළබල ආයතන හා සුබසාධන ආයතනයි.මේ හා ඇති වූ රාජ්‍ය හා පෞද්ගලික ප්‍රවාහන රටාවන්ගේ පැතිරීම ග්‍රාමීය හා නාගරික මධ්‍යස්ථාන අතර සම්බන්ධතාව තවදුරටකත් පුළුල් කළේය.ඒ ප්‍රවාහන මාර්ග ඔස්සේ ගමේ නිෂ්පාදන එක එල්ලේම නාගරික මධ්‍යස්ථාන කරා ගලා ගිය අතර ඊට ප්‍රතිවිරුද්ධව නාතරික මධ්‍යස්ථාන වල සිට නගරයේ වූ විවිධ නිෂ්පාදන පමණක් නොව නාගරකයන්ගේ අදහස්,ආකල්ප,ලෙඩ රෝග හා සංස්කෘතික අංග ආදී වශයෙන් යහපත් හා අයහපත් සියළු අංග ග්‍රාමීය ප්‍රදේශ කරා ගලා ආ බව පෙනෙයි.මෙහි ප්‍රතිපලයක් වශයෙන් සරළ කෘෂී ආර්ථිකය තුළ දක්නට ලැබෙන එමේම ක්‍රියාත්මක වූ නිෂ්පාදන හුවමාරු සම්බන්ධතා හා මහජන ආයතන හා ඇගයුම් ප්‍රතිමාන වෙනස් වන්නට විය.මේ සෘජු වශයෙන්ම ගැමි ආර්ථිකයේ සරළ බව විනාශ කිරීමට බලපෑ ප්‍රධාන සාධකය විය.මෙම විපර්යාසයත් සමගම ග්‍රාමීය හස්ත කර්මාන්ත පරිහානියට පත් විය.ඒ වෙනුවට නාගරික නිෂ්පාදන ආදේශ ගොඩ නැගුණි.වාණිජ භෝග නිෂ්පාදනයේදී ගොවියන් හා ගැමියන් පෙරට වඩා මූල්‍ය ආයතන කෘෂීකාර්මික උපදේශ ආයතන සමග සම්බන්ධතා ඇතිකර ගන්නා ලදි.රාජ්‍ය ආයතනවල නායොජිතයෝ ගම කරා පැමිණියහ.මෙම වෙනස් වීම්වල අතුරුපල වශයෙන් ගැමියා තුළ පැවැති සමාජ ආර්ථික සම්බන්ධතාද පවුලේ පැවැති සම්බන්ධතාද බිදී ගියේය.සමස්තයක් ලෙස ගත් කළ අන්තර් වශයෙන් පැවැති කයිය අත්තම වැනි ශ්‍රම උපකාරී ක්‍රමය වෙනස් වී ඒ වෙනුවට වැටුප් ශ්‍රමිකයෝ බිහි වූහ.ගමේ පවුල්වල තිබූ අතිරික්ත ශ්‍රමය වැටුප් ශ්‍රමිකයින් ලෙස පවුලින් පරිබාහිර වූ ඇතැම් විට දේශීය ප්‍රජාවටගන්ද බාහිර වූ ආයෝජකයින් ලෙස පෙනී සිටින ශ්‍රම සූරා කන්නන් යටතට පත් විය.ඊට සම්බන්ධ වූ ගැමි තරුණ තරුණියෝ තම පවුලට අහාර සපයන්නන් වෙනුවට මුදල් සපයන්නෝ බවට පත් වූහ.මේ හේතුවෙන් සාම්ප්‍රධායික ජන ජීවිතය ඉතා ඛේදනීය ලෙස උඩුයටිකුරු විය.එමෙන්ම කෘෂිකාර්මික සේවාවන් සපයන ආයතන ,පාසල්,වෛද්‍ය පහසුකම් සපයන ආයතන,ණය දෙන ආයතන,විවිධ ස්වේච්ඡා ආයතනහා පරිපාලන ආයතන ආදිය විශාල වශයෙන් නිර්මාණය විය.කෘෂිකාර්මික සේවාවන් සපයන ආයතන මගින් නවීන කෘෂී බීජ වර්ග ,රසායනික පොහොර,කෘමි නාශක,වල් පැළෑටි නාශක,නවීන තාක්ෂණීක ක්‍රම තවදුරටත් පුළුල් කරනු ලැබීය.මේ අනුව පුල්එළීය ගම්මානය වඩ වඩාත් පුළුල් තත්වයට පත්විය.මේ ආදී වශයෙන් වර්තමානයේ පුල්එළිය ගම්මානය තුළ සමාජ ව්‍යුහය හා සමාජ සංවිධානය නිර්මාණය වී ඇත.
සාරාංශය
නවීන තාක්ෂණය ,සන්නාවේදන මාධ්‍යය ,සමාජ කටයුතු ආදිය තවදුරටත් නවීකරණය වී පුළුල් වීමේ ප්‍රතිඵලය වූයේ එතෙක් කාලයක් සාම්ප්‍රධායික වශයෙන් පවත්වාගෙන ආ කැටයම් ආදී කලා අංග ,ධාන්‍ය වර්ග,වී වර්ග,ගොවි උපකරණ,ගොවිතැන් ක්‍රම,අධ්‍යාපනය ,චාරිත්‍ර වාරිත්‍ර ,ආදී හැම දෙයක්ම පාහේ වෙනස් වන්නට විය.අල්පේච්ජ දිවි පෙවතක් ගත කළ මෙම ප්‍රදේශයේ ගැමියන් වර්තමානයේ රූපවාහිනී වැනි ප්‍රබල සන්නිවේදන මාධ්‍ය තුළින් තොරතෝංචියක් නැතිව එළිදක්වන සුඛෝපභෝගී භාණ්ඩ,ආහාර මතු නොව සිරිත් විරිත් ආදිය පවා අනුකරණය කිරීමට හුරුවන බවක් විද්‍යාමාන වේ.කෙසේ වුවත් තවත් වසර කිහිපයකට පසුව මේ වන විට පවත්නා ආකාරයේ හෝ සාම්ප්‍රධායික සිංහල ගම ,ගෙදර ,වතුපිටි, ගොවිතැන්,භාෂාව,ඇදිහිලි,විශ්වාස ආදිය මතු නොව ගස් කොළන් ආදිය වුව දැක ගැනීම අසීරු වනු ඇත......
ආශ්‍රිත ග්‍රන්ථ නාමාවලිය..
මුදියන්සේ දිසානායක,වන්නියේ සමාජ සංවිධානය හා නවීකරණය.
ඊ.ආර්.ලීච්,පුල්එළිය.
