10-වසර ව්‍යාපාර හා ගිණුමිකරණ අධ්‍යයනය

ව්‍යාපාර පදනම

ව්‍යාපාර පසුබිම

  1. ව්‍යාපාර පිළිබඳ මූලික පදනම

    1.1 ව්‍යාපාර සංකල්පය                        

    1.2 ව්‍යාපාර අරමුණු හා පරමාර්ථ

    1.3 පාරිභොගික අවශ්‍යතා හා වුවමනා

    1.4 නිශ්පාදන ව්‍යාපාර

    1.5 නිශ්පාදන සාධක

  2. ඇල්මැති පාර්ශව වල අරමුණ

           2.1 ඇල්මැති පාර්ශව

        2.2 ඇල්මැති පාර්ශව වල අරමුණු

 

ව්‍යාපාර සංකල්පය


 

මිනිසා ආර්ථික හා සාමජීය වශයෙන් දියුණුවට පත් වන විට ඊට සාපේක්ෂව ඔහුගේ අවශ්‍යතා හා වුවමනාද පුළුල් විය. එම පුළුල් වූ අවශ්‍යතා හා වුවමනා ඉටු කර ගැනීමට අවශ්‍ය දෑ තනිවම නිශ්පාදනය කර ගැනීම අපහසු කාර්යක් වූ අතර විවිධ පුද්ගලයෝ තමන්ට වඩාත් හොදින් නිශ්පාදනය කල හැකි භාණ්ඩ පමණක් විශාල වශයෙන් නිශ්පාදනය කලහ.(කාර්යය විශේෂීකරණය). මේ තුලින් භාණ්ඩ අතිරික්තයක් බිහිවිය.

පසුව මෙම භාණ්ඩ එකිනෙකා අතර හුවමාරු කර ගනිමින් ඔවුන්ගේ අවශ්‍යතා හා වුවමනා ඉටුකර ගත්හ. මෙලෙස එකිනෙකා අතර භාණ්ඩ හුවමාරු කර ගැනීම භාණ්ඩ හුවමාරු ක්‍රමය හෙවත් බාටර් ක්‍රමය ලෙස හැඳින්විණ. මේ අනුව භාණ්ඩ හුවමාරු ක්‍රමයට පදනම් වූ සාදක පහත පරිදි හදුනාගත හැකිය.

  1. අවශ්‍යතා වැඩිවීම හා සංකීර්ණ වීම.
  • ආහාර අවශ්‍යතාවයට අමතරව වාසස්ථාන, ඇදුම් වැනි අවශ්‍යතා ඇතිවීම
  • ආහාර විවිධ ක්‍රම වලට සකස්කර ගැනීමේ අවශ්‍යතාවය
  1. වුවමනා වැඩිවීම හා සංකීර්ණ වීම
  • අහාර ජාති පුලුස්සා ආහාරයට ගනීම වෙනුවට ඒවා පිස ගැනීමට වළං නිශ්පාදනය
  • සිරුර ආවරණය කර ගැනීමට සත්ව සම් වෙනුවට රෙදි නිපදවීම
  1. තම වුවමනා තමටම සපුර ගැනීමට නොහැකි වීම
  • තම වුවමනා තමටම සපුර ගැනීමට කාලය ප්‍රමාණවත් නොවීම
  • තම වුවමනා වාසි දායක ලෙස සපුරා ගැනීමට සම්පත්, දැනුම සතු නොවීම
  1. පුද්ගලයන් එක් එක් කාර්‍යයට විශේෂීකරණය වීම නිසා අතිරික්ත නිශ්පාදනයක් බිහිවීම
  • වළං නිශ්පාදකයා සතුව අතිරික්ත වළං තොග පැවතීම
  • සහල් නිශ්පාදකයා සතුව අතිරික්ත සහල් තොග පැවතීම

 

භාණ්ඩ හුවමාරු ක්‍රමයේ පැවති දුර්වලතා හා ගැටලු නිසා එය අසාර්ථක වූ අතර ඊට හේතු වූ කරණු පහත පරිදි හදුනා ගත හැකිය.

  1. හුවමාරුව සම්බන්ධව දෙපාර්ශවයේ අවශ්‍යතා සමපාත නොවීම.
  • ධාන්‍යය ඇති පුදගලයාට රෙදි අවශ්‍යවූවද රෙදි තිබෙන පුද්ගලයාට ධාන්‍ය අවශ්‍ය නොවීම
  1. නිශ්චිත හුවමාරු අනුපාතයක් නොමැති වීම.
  • ධාන්‍ය බුසලකට ගවයන් කොපමණ දිය යුතුද යන්න පිළිබඳ මිණුමක් නොමැති වීම
  1. භාණ්ඩ ප්‍රවාහනය කිරීමේ දුශ්කරතාවය.
  • සහල් බුසල් 1000ක් / මස් රාත්තල් 1000ක් වැනි ප්‍රමාණයක් ගෙනයමේ අපහසුව
  1. ධනය රැස් කර තබා ගැනීමේ අපහසුව.
  • ධාන්‍ය / මස් ගෝනි විශාල ප්‍රමාණයක් කාලයක් තබා ගැනීමේ අපහසුව
  1. භාණ්ඩ කුඩා කොටස් වලට බෙදීමේ අපහසුව.
  • සහල් මලු 5කට ගවයෙකු හුවමාරු වන විට සහල් ගෝනි 1කට දිය යුතු කොටස පිලිබඳ ගැටලු මතු වීම

භාණ්ඩ හුවමාරු ක්‍රමයේ පැවති දුර්වලතා නිසා ඒ වෙනුවට මුදල් භාවිතය ආරම්භ විය. භාණ්ඩ හුවමාරු ක්‍රමය යටතේ හුවමාරු ක්‍රියාවලිය සම්බන්ධ කරන පුරුක භාණ්ඩ විය. මුදල් භාවිතය යටතේ හුවමාරු ක්‍රියාවලිය සම්බන්ධ කරන පුරුක  මුදල් විය.

පසුකාලීනව බ්‍රිතාන්‍යයේ සිදු වූ කාර්මික විප්ලවය හේතු කොටගෙන හස්ත කර්මාන්ත/ සුලු පරිමාණ කර්මාන්ත යන්ත්‍ර සූත්‍ර යොදගෙන නිශ්පාදනයන් බිහි කරන මහා පරිමාණ කර්මාන්ත බවට පරිවර්තනය විය. නව යන්ත්‍රෝපකරන සහ ශිල්ප ක්‍රම හදුන්වා දෙමින් එවකට පැවති ආර්ථික හා සමාජ ක්ෂේත්‍ර වල සිදු කෙරුණු වර්ධනය නිසා නව පිබිදීමක් සිදුවිය. 

තාක්ෂණික යෙදවුම් නිසා ව්‍යාපාර ක්ෂේත්‍රයේ වෙනස්කම් රාශියක් සිදුවිය. ඒවා අතරින් ප්‍රධාන වශයෙන් සැලකිය හැකි වෙනස්කම් පහත වේ.

  1. නව යන්ත්‍ර සූත්‍ර භාවිතය
  2. කාර්‍යය විශේෂීකරණය
  3. විශේෂ ප්‍රාගුන්‍යය
  4. මහා පරිමාණ නිශ්පාදන බිහිවීම

වර්ථමානය වන විට තොරතුරු හා සන්නිවේදන තාක්ෂණයේ දියුණුව නිසා ව්‍යාපාර තව තවත් පුලුල් වෙමින් පවතී. පරිගණක සහ අනෙකුත් විද්‍යුත් ක්‍රම භාවිතයෙන් තොරතුරු ලබා ගැනීම, ගබඩා කිරීම යන කාර්‍යයන් තොරතුරු හා සන්නිවේදන තාක්ෂණය මගින් සිදු වේ. ව්‍යාපාර විකාශනයේ ඉමහත් පෙරලියක් ඇති කිරීමට  තොරතුරු  හා සන්නිවේදන තාක්ෂණය  හේතු වී තිබේ. වර්ථමානය වනවිට මුලු ලොවම විශ්ව ගම්මානයක් බවට පරිවර්තනය වී ඇත. 

මේ අනුව සමස්තයක් ලෙස ව්‍යාපාර විකාශනයේ අදියර පහත පරිදි පෙලගැස්විය හැකිය.

                             භාණ්ඩ හුවමාරුව

                                     

                               මුදල් භාවිතය

                                     

                             කාර්මික විප්ලවය

                                     

                   තොරතුරු  හා සන්නිවේදන තාක්ෂණය

වර්ථමානයේදී ව්‍යාපාර ක්ෂේත්‍රයේ සියලුම කටයුතු මිනිසාගේ දෛනික ජීවිතයේ කොටසක් බවට පත්වෙමින් තිබේ. මිනිසා නිරතුරුවම ව්‍යාපාර සමග අන්තර් ක්‍රියා පවත්වමින් සිටී. ආහාර, නිවාස, අධ්‍යාපනය, සෞඛ්‍යය, සන්නිවේදනය, ආරක්ෂාව, විනොදාශ්වාදය ආදී සෑම අවශ්‍යතාවයක්ම  සපුරා ගන්නේ ව්‍යාපාර ඇසුරිනි.


 

ව්‍යාපාරයක් යනු කුමක්ද?

  • මිනිස් අවශ්‍යතා සපුරාලීමට අවශ්‍ය භාණ්ඩ හා සේවා නිශ්පාදනය කිරීම හෝ සැපයීම ආශ්‍රිත ආර්ථික කටයුත්තකි.

ව්‍යාපාර යන්නට පහත නිර්වචනයන්ද සැපයිය හැකිය.

  • මිනිස් අවශ්‍යතා වුවමනා ඉටු කරන ඕනෑම කටයුත්තක් ව්‍යාපාරයකි.
  • ලාභ ලැබීමේ හෝ නොලැබීමේ අරමුණින් පවත්වාගෙන යන ඕනෑම ආර්ථික කටයුත්තක් ව්‍යාපාරයකි.

ව්‍යාපාර සඳහා උදාහරණ.

  • පාසැලක්
  • සිල්ලර වෙලෙදසැලක්
  • ආරෝග්‍යශාල
  • සිනමාහල්
  • ඇගලුම් කම්හල්
  • බැංකු ආයතන

 

ව්‍යාපාර අරමුණු පිළිබඳ මීලග ලිපියෙන් බලපොරොත්තු වන්න...


ලිපිය නිර්මාණය කලේ,
තරිඳු ඩයන්


MEMBER

අදාල තවත් ලිපි,



තරිඳු ඩයන්

10-වසර ව්‍යාපාර හා ගිණුමිකරණ අධ්‍යයනය

අනෙකුත් ලිපි