ජීවයේ රසායනික පදනම 1 කොටස

               1) ජීවයේ රසායනික පදනම

                                       ( 1 වන කොටස)

      

                  10 ශ්‍රේණිය 1 වන පාඩමේ පළමු වන කොටස සඳහා ඔබ සැම ඉතාමත් ම සාදරයෙන් පිළිගනු ලබමි. මෙම ලිපිය කියවීමෙන් ඔබට යම් සේ්වයක් සිදු වී නම් Like කරන්න. තව ද ඔබගේ යහලුවන්ට ද දැන ගැනීම පිණිස මෙම ලිපිය Share කරන්න. එසේ නම් අපි පාඩම ආරම්භ කරමු.

                           ජීවීන්ගේ දේහ විවිධ රසායනික සංයෝග රාශියකින් නිර්මාණය වී තිබෙයි.එම රසායනික සංයෝග නිර්මාණය වී තිබෙන්නේ විවිධ මූලද්‍රව්‍ය විවිධ ආකාරයෙන් සංයෝජනය වීමෙන් ය.

                           අප වාසය කරනු ලබන පරිසරය තුළ මූලද්‍රව්‍ය 118 ක් පමණ තිබෙයි.ඒවා අතරින් ස්වාභාවික ව පරිසරය තුළ පවතින මූලද්‍රව්‍ය 92 ක් පමණ ඇති අතර කෘත්‍රීම ව නිර්මාණය කළ මූලද්‍රව්‍ය 26 ක් පමණ තිබෙයි.මෙම ස්වාභාවික ව පවතින මූලද්‍රව්‍ය 92 ක අතුරින් මූලද්‍රව්‍ය 25 ක් පමණ ජීවී දේහ තුළ අඩංගු වෙයි. මේවා අතුරින් ද ජීවී දේහ නිර්මාණය වීම සඳහා වැඩි වශයෙන් දායක වී ඇත්තේ පහත සඳහන් වන මූලද්‍රව්‍ය 4 යි.

                         1) ඔක්සිජන් - O

                         2) කාබන් - C

                         3) හයිඩ්‍රජන් - H

                         4) නයිට්‍රජන් - N

තව ද මෙම ජීවී දේහ තුළ අඩංගු වන මූලද්‍රව්‍ය 25 අතුරින් ජීවී දේහවල පැවැත්ම සඳහා උදව් වන මූලද්‍රව්‍ය කිහිපයක් පහත සඳහන් වෙයි.

                         1) සල්ෆර් - S

                         2) පොස්ෆරස් - P

                         3) සෝඩියම් - Na

                         4) මැග්නීසියම් - Mg

                         5) කැල්සියම් - Ca

                         6) අයන් - Fe

                         7) පොටෑසියම් - K

                         8) ක්ලෝරීන් - Cl

මානව දේහය තුළ අඩංගු වන විවිධ මූලද්‍රව්‍ය කිහිපයක ස්කන්ධය අනුව සංයුතිය පහත සඳහන් වෙයි.

                        1) ඔක්සිජන් - සියයට හැට පහයි

                        2) කාබන් - සියයට දහ අටයි

                        3) හයිඩ්‍රජන් - සියයට දහයයි

                        4) නයිට්‍රජන් - සියයට තුනයි

                        5) වෙනත් - සියයට හතරයි

සජීවි සෛල හෙවත් සජීවී පදාර්ථය නිර්මාණය වී ඇති රසායනික සංයෝග ප්‍රධාන වශයෙන් කාණ්ඩ දෙකකට බෙදෙයි.

                        1) කාබනික සංයෝග - කාබන් මූලද්‍රව්‍ය අඩංගු වන මූලද්‍රව්‍ය

                        2) අකාබනික සංයෝග - කාබන් මූලද්‍රව්‍ය අඩංගු නොවන 

                                                           මූලද්‍රව්‍ය

තව ද මෙලෙසින් ඇතැම් සංයෝගවල කාබන් මූලද්‍රව්‍ය අඩංගු වුව ද අකාබනික සංයෝග ගණයට අයත් වන සංයෝග ද පවතියි.එවැනි සංයෝග කිහිපයක් පහතින් සඳහන් වෙයි.

                        1) කාබන්ඩයොක්සයිඩ් 

                        2) කාබන්මොනොක්සයිඩ්  

                        3) කාබනේට 

                        4) බයිකාබනේට 

සජීවී පදාර්ථය තුළ අඩංගු වන ප්‍රධානත ම කාබනික සංයෝග වර්ග 4 ක් වෙයි.ඒවා පහතින් සඳහන් වෙයි.

                        1) කාබෝහයිඩ්‍රේට්

                        2) ප්‍රෝටීන්

                        3) ලිපිඩ

                        4) නියුක්ලෙයික් අම්ලය හෙවත් න්‍යෂ්ටික අම්ලය

මේවා ජීවී ද්‍රව්‍යවල අඩංගු වන ප්‍රධාන ජෛව අණු ලෙස සැලකෙයි.

                        තව ද සජීවී පදාර්ථය නිර්මාණය වී ඇති අකාබනික සංයෝග පහතින් සඳහන් වෙයි.

                        1) ජලය

                        2) ඛනිජ ලවණ

                        3) වායු වර්ග

                      දයාබර ප්‍රේක්ෂක ඔබ සැමට මම මගේ මෙම ලිපිය කියවූවාට හද පිරි ස්තූතිය පුද කරන්නෙමි. අපි තවත් මෙවැනි ම වූ ඔබ සැමට ඉතාමත් ම වටිනා තොරතුරු රැසකින් සමන්විත වැදගත් ලිපියකින් හමු වන තුරු ඔබ සැමට ආයුබෝවන්....මගේ පාඨක ඔබ සැමට ස්තූතියි....

                     ඔබ සැමට තෙරුවන් සරණයි....