දේශගුණ වර්ගීකරණ ( නිවර්තන ආර්ද්‍ර දේශගුණය )
උසස් පෙළට නියමිත දේශගුණ වර්ගීකරණ පාඩම හා අනුරූප වේ.
නිවර්තන ආර්ද්‍ර දේශගුණය ( ආර්ද්‍ර නිවර්තන දේශගුණය ) – A
1.නිවර්තන වර්ෂා වනාන්තර වර්ගය ( නිවර්තන තෙත් ) - Af
ව්‍යාප්තිය - සමකයේ සිට උතුරට හා දකුණට අක්ෂාංශ අංශක 5 – 10 ත් දක්වා විහිදෙයි.නිදසුන් ලෙස උතුරු දිග ඇමෙරිකාවේ ඇමසන් ගංගා දාරය සහ අප්‍රිකාවේ කොංගෝ ගංගා දාරය, මධ්‍යම ඇමෙරිකාවේ නැගෙනහිර ප්‍රදේශ, නැගෙනහිර මැඩගස්තරය, අග්නිදික ආසියාවේ සුමාත්‍රා, දකුණු පිලිපින් දුපත්, දකුණු මලයා අර්ධද්වීපය යනාදී ප්‍රදේශ හදුන්වා දීමට පුළුවන.
දේශගුණික ලක්ෂණ - වර්ෂය පුරාම ඒකාකාර වූ ඉහල උෂ්ණත්වය හා වර්ෂය පුරාම ඒකාකාර වූ අධික වර්ෂාව දක්නට ඇත.වාර්ෂික සාමාන්‍ය උෂ්ණත්වය සෙ.ග්‍රේ. 21-27 ත් අතර පවතී.ඍතුමය චලනය අල්ප වේ.වාර්ෂික උෂ්ණත්ව අන්තරය ඉතාම අඩු වේ.දිවා කාලයේදී ශරීරය දවන සුළු තාපයක් ඇතිවේ.සංවහන ධාරා දිවා කාලයේ දී ක්‍රියාත්මක වේ.
ස්වාභවික වෘක්ෂලතා හා සතුන් - නිවර්තන වර්ෂා වනාන්තර නිවර්තන සදාහරිත වනාන්තර ලෙසත් සෙල්වාවනාන්තර ලෙසත් හදුන්වනු ලබයි.මෙම දේශගුණ කලාපයේ පිහිටා ඇති වනාන්තර වලට ප්‍රවේශවීම හා සංචාරය කිරීම අපහසු වේ.ශාක ස්තර කිහිපයක් ලෙස ව්‍යාප්ත වී ඇත.මීටර් 60 දක්වා උස් වූ ශාක ද දැකිය හැකිය.එමෙන්ම ශාක වල පත්‍ර පළල් වී ඇත.ඝන යටි රෝපණයක් ද දැකිය හැකිවේ.කළුවර, මහෝගනී, උඩවැඩියා වැනි ශාක දැකගත හැකිය.
මානව කටයුතු - මිනිස් වාසයට එතරම් හිතකර නොවේ.මැලේරියා, බරවා වැනි රෝග ව්‍යාප්ත වීම ඉහල මට්ටමක ඇත.රතු ඉන්දියානු ගෝත්‍රකයින්, කොංගෝ වනයේ පිග්මිවරු වැනි අය මෙහි ජිවත් වේ.මොවුන් දඩයම් කිරීම, වන ද්ද්‍රව්‍ය රැස් කිරීම, සල ගොවිතැන වැනි ආර්ථික කටයුතු වල නියැලෙයි.
2.නිවර්තන මෝසම් සුළං වර්ගය - Am
ව්‍යාප්තිය - ශ්‍රී ලංකාවේ තෙත් කලාපය, අග්නිදිග ආසියාවේ මියන්මාර් සහ තායිලන්තයේ වෙරළබඩ ප්‍රදේශ වල, දකුණු ඇමෙරිකාවේ ඇමසන් ගංගා දාරයේ උතුරු ප්‍රදේශ වල, මධ්‍යම ඇමෙරිකාව, බටහිර ඉන්දීය දුපත්, බටහිර අප්‍රිකාවේ වෙරළබඩ ප්‍රදේශ, මැලේසියාවේ උතුරු කොටස යනාදියේ මෙම දේශගුණික වර්ගය පිහිටා ඇත.
දේශගුණික ලක්ෂණ - මධ්‍ය දෛනික උෂ්ණත්වයත්, මධ්‍ය මාසික, මධ්‍ය වාර්ෂික උෂ්ණත්වයත් ඉහල අගයක් ගනී.උෂ්ණත්ව අන්තරය ඉතා අඩුය.මෝසම් සුළං ක්‍රියාත්මක වේ.වර්ෂාපතනය බොහෝවිට මිලි මීටර් 2000 ඉක්මවනු ලබයි.
ස්වාභවික වෘක්ෂලතා හා සතුන් - නිවර්තන තෙත් දේශගුනයේදී මෙන්ම මෙම දේශගුණයේ දී ද ස්වභාවික වෘක්ෂලතා වර්ගය වනුයේ නිවර්තන වර්ෂා වනාන්තර වේ.
මානව කටයුතු - අධික ලෙස ජනාවාසකරණයට මෙම ප්‍රදේශ ලක්ව ඇත.වී වගාව, කුළුබඩු වර්ග වග කිරීම, තේ රබර් පොල් ආදී වැවිලි භෝග වගාවන් සිදු කිරීම යනාදිය ආර්ථික කටයුතු ලෙස සිදු කරනු ලබයි.
නිවර්තන තෙත් හා වියලි හෙවත් සැවනා වර්ගය - Aw / As
ව්‍යාප්තිය - මධ්‍යම ඇමෙරිකාවේ මෙක්සිකෝව, කියුබාව, කෙන්යාව, උගන්ඩාව, ශ්‍රී ලංකාවේ වියලි කලාපය, ඉන්දියාව, උතුරු හා ඊසාන ඔස්ට්‍රේලියාව, තායිලන්තය, වියට්නාමය, කාම්බෝජය, නයිජීරියාව ආදී ප්‍රදේශ වල මෙම දේශගුණික වර්ගය ව්‍යාප්තව ඇත.
දේශගුණික ලක්ෂණ - උෂ්ණත්වය සාමාන්‍යයෙන් අධික වේ.දිවා සහ රාත්‍රී කාලයේ උෂ්ණත්ව වෙනස ද ඉතා අඩු වේ.මෙම දේශගුණය අන්තර් නිවර්තන අභිසරණ කලාපයේ පිහිටයි.වර්ෂාපතනය මිලි මීටර් 1000-1500 ත් අතර වේ.සෑම වසරකම ඉතා පැහැදිලි තෙත් ඍතුවක් හා වියලි ඍතුවක් දක්නට ලැබේ.
ස්වාභවික වෘක්ෂලතා හා සතුන් මෙම දේශගුණික වර්ගයේ දී ස්වභාවික වෘක්ෂලතා වර්ග දෙකක් හදුනා ගත හැකිය.එනම්,
1.නිවර්තන මෝසම් වනාන්තර හෙවත් පතනශීලි වනාන්තර
2.නිවර්තන තෘණ භුමි හෙවත් සැවනා
මානව කටයුතු - පහත් තැනිතලා ප්‍රදේශ වී වගාවට යොදවා තිබේ.එමෙන්ම තිරිගු, ඉරිගු වැනි ධාන්‍ය වර්ග ද වගා කෙරේ.වනාන්තර ගිනි තබා එලි කර සල ගොවිතැන ද සිදු කරනු ලබයි.
උසස් පෙළ
ආර්ථික විද්‍යාව
(සිද්ධාන්ත/පුනරීක්ෂණ)
තනි හෝ කණ්ඩායම් පන්ති
076-6557372 (කොළඹ/ගම්පහ අවට පමණි)
(විශ්ව විද්‍යාල සිසුවෙකු විසින් මෙහෙයවයි)
