ඉංජිනේරු තාක්ෂණවේදය හැදින්වීම (කෙටි සටහන්)

• හැදින්වීම

ඈත අතීතයේ සිටම මිනිසා සෑම විටම අලුත් දේ නිෂ්පාදනය කිරීමට උත්සහ කරන අතර නිර්මාණය කර ඇති දෑ නවීකරණය කරනු ලබයි.මෙහිදී සෑම විටම මිනිසාගේ හෝ සමාජයට පවතින ගැටළු වලට විසදුම් ලෙස මෙම නිර්මාණයන් සිදුකරන ආකාරය දැකගත හැකිය.එනම් මිට වසර මිලියන 1.5 කට පමණ පෙර විසු හෝමෝ ඉරෙක්ටස් මානවයා ගින්දර දල්වා ගැනීම සිදුකල ආකාරය පුදුම සහගතය.එනම් ගල් කැබලි 2ක් හෝ කෝටු කැබලි 2ක් එකිනෙක ඇතිල්ලීමෙන් ගිනි දැල්වීම සිදු කරන ලදී.

එදා පටන් අද දක්වාම මිනිසා අලුත් දේ නිර්මාණය කරනු ලබයි.එවැනි අවස්ථා කිහිපයක් මෙසේ දැකිවිය හැක.

• සාගරය තරණය කිරීමට - නැව්,බෝට්ටු,ඔරු
• ගුවන තරණය කිරීමට - හෙලිකොප්ටර්,ගුවන් යානා,ජෙට්,රොකට්
• දුර සිටින අයෙකු ඇමතීමට - දුරකථනය,ජංගම දුරකථනය
• ගොඩබිම තුළ ප්‍රවාහනය සදහා -මෝටර් රථය,වෑන්,බස්,ලොරි
• විවිධ දත්තයන් ගබඩා කිරීමට - CD,DVD,මෙමරි කාඩ්,Pen Drive

• ඉංජිනේරු තාක්ෂණවේදය සම්බන්ද අර්ථකථන

ඉංජිනේරු තාක්ෂණවේදය යන්න සදහා නිශ්චිත එක් අර්ථකථනයක් නොවූවද විවිධ අර්ථකථන කිහිපයක් දැකිය හැකිය.ඉන් කිහිපයක් මෙසේය.

• පවන්තා හෝ මතුවිය හැකි තාත්වික ගැටළු වලට මානව යහපත සැලසෙන ලෙස විසදුම් ලබාදීමේ ඉංජිනේරුමය ශිල්පය ඇතුලත් ක්‍රියාවලියයි.
• ලෝකයේ අවශ්‍යතාවය අනුව විවිධ තාක්ෂණික උපකරණ පද්ධති හෝ ක්‍රියාවලි නිර්මාණය කිරීම සහ නිපදවීමේ අධ්‍යපනමය සහ වෘත්තීමය ක්ෂේත්‍රයයි.
• විද්‍යාත්මක දැනුම ප්‍රායෝගික ලෙස යොදා හැකියාවන් වර්ධනය කර ගැනීමයි.
• සම්පත් වලින් උපරිම ප්‍රයෝජන ගැනීමයි.
• අතීත සෞභාග්‍ය යලි ගොඩගැනීමේ මෙවලමකි.

• ඉංජිනේරු තාක්ෂනවේදයේ විකාශනය

ඉංජිනේරු තාක්ෂණවේදය එදා සිට අද දක්වා වෙනස් වී ඇති ආකාරය අධ්‍යනය කිරීමේ පහසුවට යුග වලට බෙදා ඇත.

• යුග පහේ වර්ගීකරණය

තාක්ෂණයේ භාවිතයන් පහත සංස්කෘතික පරිවර්තනය පදනම් කරගෙන යුග පහකට බෙදා ඇත

1. ගල් යුගය

ගල් කැබලි,සත්ත්ව ඇට කැබලි හා දැව කොටස් යොදාගනිමින් ගල් ගුහාවන් වාසස්ථානය කරගත් දඩයම් කළ යුගයයි.

2. එඩේර යුගය

සතුන් හිලෑකරගනිමින් තම අවශ්‍යතා ඉටු කර ගත් අතර  අහාර පිණිස හා ප්‍රවාහන අවශ්‍යතා සදහා සතුන් ඇතිකරන ලදී.

3. කෘෂිකාර්මික යුගය

ස්ථිර වාසස්ථාන හා ජනාවාස පිහිටුවා ගත් අතර ධාන්‍ය වර්ග වගා කිරීම,එළුවන්,බැටළුවන්,ඌරන්,හරකුන් වැනි සතුන් ඇතිකිරීම සිදු විය.

4. කාර්මික යුගය

කෘෂි නිෂ්පාදන වලට අමතරව කාර්මික නිෂ්පාදන බිහිවූ අතර ලෝහ උපාංගයන් එක්වූ යන්ත්‍ර සූත්‍ර දැකගත හැකි විය.

5. තොරතුරු තාක්ෂණ යුගය

සන්නිවේදනයට වඩා වැදගත් ස්ථානයක් ලැබුණු යුගයකි.ගුවන්විදුලි,රුපවාහිනී,ජංගම දුරකථනය,පරිගණකය ආදිය වඩා දියුණු පහසුකම් සහිතව නිර්මාණය වූ යුගයකි.

• යුග නවයේ වර්ගීකරණය

නව තාක්ෂණික සොයාගැනීම් මත පදනම් වූ යුග වර්ගීකරණය නව තාක්ෂණික සොයාගැනීම් මත යුග නවයකට වර්ග කර ඇත.ඒවා නම්,

1. ගල් යුගය
2. ලෝකඩ යුගය
3. යකඩ යුගය
4. මධ්‍යකාලීන යුගය
5. පුනරුදය (යටත් විජිත යුගය)
6. කාර්මික විප්ලවය
7. ලෝක යුද්ධය (1 හා 2)
8. නූතන යුගය
9. අභ්‍යවකාශතරණ යුගය

1. ගල් යුගය

ගින්දර,ගල් ආයුධ,භාණ්ඩ ප්‍රවාහනයට සම්මලු

2. ලෝකඩ යුගය

රෝදය,කෘෂි උපකරණ,සතුන් මගින් භාණ්ඩ ප්‍රවාහනය,කරත්ත,දුනු හා ලෝහ තුඩු යෙදු ඊතල

3. යකඩ යුගය

ආරුක්කු සහිත ගොඩනැගිලි,සෑදලය,වානේ ආයුධ

4. මධ්‍යකාලීන යුගය

ලෝහ ආයුධ,යකඩ හා වළලු යෙදූ සෑදලය,කාලතුවක්කු,රුවල් හා හබල් නැව්

5. පුනරුදය (යටත් විජිත යුගය)

සුකොපබෝගී නැව්,තුවක්කු,වායු බැලුන්,යුධ නැව්

6. කාර්මික විප්ලවය

හුමාල එන්ජිම,දුම්රිය,සරල විදුලි ධාරාව

7. ලෝක යුද්ධය (1 හා 2)

මෝටර් රථය,ගුවන් යානය,සබ්මැරීනය,න්‍යෂ්ටික බෝම්බ,යුධ ගුවන් යානා,ගුවන් විදුලි යන්ත්‍රය

8. නූතන යුගය

පරිගණකය,රොකට්ටුව,අභ්‍යවකාශ යානා,පරිලෝකන තාක්ෂනය(Scanning Technology),සූර්ය පැනල,අභ්‍යවකාශ ෂටල

9. අභ්‍යවකාශතරණ යුගය

ක්ලෝන,නැනෝ තාක්ෂණය

• කාර්මික විප්ලවය

18 වන සියවස තුළ එංගලන්තය කේන්ද්‍ර කරගනිමින් කාර්මික ක්ෂේත්‍රයේදී සිදුවූ පුළුල් පරිවර්තනය කාර්මික විප්ලවය ලෙස හදුන්වයි.ශ්‍රම දායකත්වය පමණක් යොදාගනිමින් සිදුකළ නිෂ්පාදනයන් වෙනුවට යන්ත්‍ර සූත්‍ර යොදාගැනීම තුළින් වඩා කාර්යක්ෂම නිෂ්පාදන ක්‍රමවේදයක් ලබාගැනීමට හැකි විය.මෙම කාර්මික විප්ලවයේ ප්‍රතිඵල ලෙස පහත නිර්මාණයන් දැක්විය හැක.

• අතින් කළ කර්මාන්ත සදහා යන්ත්‍ර හදුන්වා දීම.
• ජලයේ හුමාල ශක්තිය ප්‍රයෝජනයට ගැනීම.
• ඉන්ධන ලෙස ගල් අගුරු භාවිතය.
• හුමාලය භාවිතයෙන් ධාවනය වන නැව්,දුම්රිය නිෂ්පාදනය
• මහා පරිමාණ නිෂ්පාදන ඇරඹීම හා ඒවාට උචිට යන්ත්‍ර නිෂ්පාදනය.

එංගලන්තය කේන්ද්‍ර කරගනිමින් ආරම්භ වූ කාර්මික විප්ලවය ප්‍රංශය,ජර්මනිය සහ ඇමරිකාව වැනි රටවලට ව්‍යාප්ත වීමෙන් මෙම රටවල් සීඝ්‍ර සංවර්ධනයට එය හේතු සාදකයක් විය.

• දෙවන ලෝක යුද්ධය

යුද්ධය සහ තාක්ෂණය අතර අනෝන්‍ය සම්බන්දතාවයක් පවතී.එනම් යුධ පාර්ශවකරුවන් සෑමවිටම උපරිම තාක්ෂනය භාවිතයෙන් යුධ ජයග්‍රහණය උදෙසා කටයුතු කරනු ලබයි.යුද්ධය නිම වීමෙන් පසු එම තාක්ෂණය මිනිසාගේ ප්‍රයෝජනය සදහා යොදාගනු ලබයි.දෙවන ලෝක යුද්ධයේදී එංගලන්තය,ඇමරිකාව හා ජර්මනිය එක් පාර්ශවයක් ලෙසද ජර්මනිය හා ජපානය අනෙක් පාර්ශවකරුවන් ලෙසද,පෙනී සිටින ලදී.එහිදී යුද්ධය සදහා මෝටර් රථ,නැව්,ගුවන්යානා,පරමාණු බලශක්ති හා යුධ තාක්ෂණය විශාල සංවර්ධනයක් සිදුවිය.ඉන්පසු යුද්ධය නිමවීමෙන් පසු දැඩි තරගකාරීත්වය සමගින් වඩා දියුණු රටවල් බවට මෙම රටවල් පත් විය.දෙවන ලෝක යුද්ධයේ සුවිශේෂී නිර්මාණ කිහිපයක් මෙසේය.

1. ජෙරී බදුන

වැඩි ඉන්ධන ප්‍රමාණයක් ආරක්ෂිතව රැගෙන යා හැකි උපකරණයකි.මෙහි හැඩලයන් තුනක් ඇති නිසා එක් අයෙකුට හෝ දෙදෙනෙකුට පහසුවෙන් රැගෙන යා හැක.

2. රේඩාර් තාක්ෂණය සොයාගැනීම

විද්‍යුත් චුම්භකතරංග සම්ප්‍රේෂණය කර ආපසු ප්‍රතිග්‍රහණය කිරීමෙන් ආගන්තුක වස්තු හදුනාගනී.ගුවන්යානා හැසිරවීම හා ආගන්තුක වස්තුන් හදුනාගැනීමටද වර්තමානයේදී භාවිත වේ.

3. න්‍යෂ්ටික බලය

යුරේනියම් හා ප්ලූටෝනියම් වැනි විකිරණශීලි මුලද්‍රව්‍ය බිදවැටීමට සැලැස්වීමෙන් අධික ශක්තිය ප්‍රයෝජනයට ගැනීම මෙම තාක්ෂණයයි.

4. වායුවෙන් සිසිල්වන එන්ජින් නිෂ්පාදනය

කාන්තාර වැනි ප්‍රදේශ වල ජලය සපයා ගැනීමේ අපහසුව හා ශිත රටවලදී ජලය හිම බවට පත්වීම ගැටළුවක් නිසා එයට පිලියමක් ලෙස වායුවෙන් සිසිල්වන එන්ජින් නිෂ්පාදනය දැකිය හැක.

5. ජෙට් එන්ජිම

බරින් අඩු ඉතා කුඩා සැහැල්ලු බවින් යුක්ත කාර්යක්‍ෂමතාවයෙන් ඉහළ එන්ජිමකි.

• තාක්ෂනවේදයේ හැරවුම් ලක්ෂ

නව සොයාගැනීමක් තුළින් සමාජය තවත් එක් දිශාවකට වෙනස් කර ගැනීමට දායක වූ නිසා ඒවා හැරවුම් ලක්ෂ ලෙස හදුන්වයි.ඉන් කිහිපයක් මෙසේය.ගින්දර,රෝදය,ජල රෝදය,විදුලි බල්බය,දුරකථනය,මුද්‍රණ යන්ත්‍රය,ගුවන්යානා,ඉලෙක්ට්‍රොනික වෑල්වය,ට්‍රාන්සිස්ටරය,සංගෘහිත පරිපථය.

1. ගින්දර

ආහාර රටාව වෙනස් කරගත් අතර ඉන් පසු විවිධ නිෂ්පාදනයන් සදහා දායක විය.

උදා:-ලෝහ නිෂ්පාදන,විදුලිය නිෂ්පාදනය

2. රෝදය

මෙය මෙසපොතේමියානුවන් විසින් සොයාගනු ලැබූ බව සදහන් වේ.වර්තමානයේ විවිධ ක්ෂේත්‍ර වලදී භාවිත වේ.

3. ජල රෝදය

මිනිස් ශ්‍රමයෙන් සිදුකල කාර්යයන් පහසුවෙන් හා කාර්යක්ෂමව ඉටුකරගැනීම සදහා ජල රෝදයේ භ්‍රමණය යොදාගත් අතර ඉන්පසු ජල විදුලිය නිපදවීමට යොදාගත් තලබමනය දක්වා සංවර්ධනය වී ඇත.

4. විදුලි බල්බය

විද්‍යුත් ශක්තිය,ආලෝක ශක්තිය බවට පරිවර්තනය කරමින් ලොව ප්‍රථම සුත්‍රිකා බල්බය 1880 දී තෝමස් අල්වා එඩිසන් විසින් සොයාගන්නා ලදී.

5. දුරකථනය

සන්නිවේදන ක්ෂේත්‍රයේ ප්‍රබල වෙනසක් ඇතිකිරීමට දායක වූ දුරකථනය 1876 දී ඇලෙක්සැන්ඩර් ග්‍රැහැම්බෙල් විසින් සොයාගන්නා ලදී.

6. මුද්‍රණ යන්ත්‍රය

ක්‍රි.ව.1440 දී ජර්මන් ජාතික ජොහැන්නස් ගුටන්බර්ග් විසින් ප්‍රථම අකුරු ඇමිණිය හැකි මුද්‍රණ යන්ත්‍රය නිපදවන ලදී.

7. ගුවන් යානය

විවිධ අත්දැකීම් රාශියක් ලබාගනිමින් ලොව ප්‍රථම ගුවන් යානය විල්බට් ව්රයිට් හා ඔරුයිල් ව්රයිට් විසින් 1903 දී නිපදවන ලදී.

8. ඉලෙක්ට්‍රොනික වෑල්වය

විදුලි සංඤාවක් වර්ධනය කරගනිමින් සන්නිවේදන ක්ෂේත්‍රය ප්‍රබල වෙනසක් ඇතිකර ගැනීමට වෙන් වූ මෙම ඉලෙක්ට්‍රොනික වෑල්වය 1094 දී එංගලන්ත ජාතික ජෝන් ඇම්බ්‍රෝස් ප්ලෙමින් විසින් නිපදවන ලදී.

9. ට්‍රාන්සිස්ටරය

ප්‍රමාණයෙන් කුඩා අඩු ජව ප්‍රමාණයකින් ක්‍රියාකරන ඉලෙක්ට්‍රොනික උපකරණ නිෂ්පාදනය කිරීමේ හැකියාව ලැබුණි.ට්‍රාන්සිස්ටරය ලොව ප්‍රථම වරට සොයාගන්නා ලද්දේ 1947 දී ඇමරිකානු ජාතික විලියම් ෂොක්ලි,ජෝන් බාඩින් හා වෝල්ටර් බට්‍රේන් යන විද්‍යාඥයින් තිදෙනා විසිනි.

1. සංගෘහිත පරිපථය

ජර්මන් ජාතික වර්නෝ ජැබ්කෝ විසින් 1949 දී ලොව ප්‍රථම සංගෘහිත පරිපථය (ic) සොයාගන්නා ලදී.ඉලෙක්ට්‍රොනික ක්ෂේත්‍රයේ පෙරළිකාර වෙනසක් ඇති වීමට සෘජුවම දායක විය.

• තාක්ෂනවේදයේ බලපෑම

මිනිසා තම අවශ්‍යතා ඉටුකර ගැනීමේදී විවිධ ආකාරයෙන් තාක්ෂණය භාවිතා කරනු ලබයි.මෙම බලපෑම යහපත් මෙන්ම අයහපත් බලපෑම්ද ඇතිකරයි.

• තාක්ෂනවේදයේ හිතකර බලපෑම (වාසි)

• නිෂ්පාදන ධාරිතාව හා ඵලදායීතාව ඉහළයාම.
• තාක්ෂණවේදී නිර්මාණ මිනිස් ජිවිත සුඛෝපබෝගී සහ සුවපහසුව ඇති කරයි.
• තොරතුරු හා දැනුම ලබාගැනීමට මුලාශ්‍ර විශාල ප්‍රමාණයක් බිහිවීම.ස්වයං අධ්‍යන අවස්ථා ලැබීම.
• ජාන තාක්ෂණය මගින් පරිසරයට ඔරොත්තු දෙන සතුන්,බීජ වර්ග නිෂ්පාදනය කිරීම.
• නව තාක්ෂණික ක්‍රම භාවිතයෙන් වාසස්ථානවලට නුසුදුසු පරදේශ සුදුසු ප්‍රදේශ බවට පත් කිරීම.
• ස්වාභාවික විපත් කලින් හදුනාගැනීමට හැකි වීම.

• තාක්ෂනවේදයේ අහිතකර ප්‍රතිවිපාක (අවාසි)

• තාක්ෂණික දියුණුවත් සමග පවුල් සබදතා බිද වැටීම.
• මිනිසාගේ විවේකි බව තුරන් වී කාර්යබහුල ජිවිතයක් නිර්මාණය වීම මගින් සංස්කෘතියද පිරිහීම.
• අන්තර්ජාලය මගින් ඉගෙනගැනීමට තිබෙන අවස්ථාවලට වඩා අපචාර කටයුතු සදහා පහසුවෙන් යොමු වීමේ හැකියාව.
• කර්මාන්තශාලා සහ යන්ත්‍ර සූත්‍ර මගින් පරිසරයට විෂ වායුන් නිකුත් වීමෙන් පරිසර දුෂණය සිදුවීම.
• ස්වාභාවික සම්පත් අධි පරිභෝජනය නිසා ඒවා ක්ෂය වී යාම.

• තාක්ෂනවේදයේ නව ප්‍රවණතා

• නැනෝ තාක්ෂණවේදය භාවිතය
• අඩු ජවයකින් ක්‍රියාකරන LED TV භාවිතය
• බල ශක්තිය ලෙස සුර්යාලෝකය හා ජෛව ස්කන්ධ භාවිතය
• රැහැන් රහිත විදුලි ජව සම්ප්‍රේෂණය භාවිතය
• සුර්යකෝෂ ප්‍රයෝජනයට ගනිමින් ධාවනය වන මෝටර් රථ
• අභ්‍යවකාශ මධ්‍යස්ථානවල ජීවත්වීමේ ප්‍රවනතාවය

• වානිජකරණය

වෙළදපොල තුළ සැපයුම් බලවේග මත ලාභය අරමුණු කරගනිමින් මිනිස් අවශ්‍යතා හා උවමනා සපුරාලීම වානිජකරණය වේ.

• ඉල්ලුම

මිනි අවශ්‍යතා හා උවමනාවන් ඉටුකරගැනීමට භාණ්ඩ හා සේවා කෙරෙහි ඉල්ලුමක් පවතී.මෙම ඉල්ලුම කෙරෙහි බලපාන සාධක කිහිපයකි.

• පාරිභෝගික සංඛ්‍යාව
• මිනිස් ආකල්ප
• බාහිර පෙනුම
• රාජ්‍ය ප්‍රතිපත්ති හා නීතිරීති
• සංස්කෘතික ලක්ෂණ
• කල් පැවැත්ම
• ක්‍රය ශක්තිය
• පරිසර ස්වාභාවය
• යුගයට ගැලපීම

• තාක්ෂණවේදී කළමනාකරණය

මානව යහපත උදෙසා භාණ්ඩ හා සේවා බිහිකිරීම තාක්ෂණවේදී කළමනාකරණය වේ.කළමනාකරණය පහත ආකාරයට දැක්විය හැක

• නවීකරණ නිෂ්පාදන තුළ දැකිය හැකි ලක්ෂණ

• නිවැරදි ක්‍රියාකාරිත්වය
• ඉහළ කාර්යක්ෂමතාවය
• මානව සාධක නියාමන හා ගැලපීම
• බහු කාර්ය අංග
• සෞඛ්‍යාරක්ෂිත බව
• අතුරු මාරු හැකියාව
• පරිසර හිතකාමී බව
• උසස් නිමාව
• අලංකාරයතත්ත්ව හා ප්‍රමිතිවලට අනුකුලවීම

• නිෂ්පාදන වැඩිදියුණු වීම තුළින් සමාජය හා පරිසරය කෙරෙහි සිදුකරන බලපෑම

• හිතකර බලපෑම්

• රුචිකත්වය අනුව භාණ්ඩ හා සේවා තෝරාගැනීමේ හැකියාව.
• සෞඛ්‍යය නිෂ්පාදනය වැඩිදියුණු වීම නිසා සෞඛ්‍යය සම්පන්න ජනතාවක් බිහිවීම.
• අධ්‍යාපන ක්ෂේත්‍රයේ නිෂ්පාදන වැඩිදියුණු වීම හේතුවෙන් පුළුල් දැනුමක් සහිත පුද්ගලයින් බිහිවීම.
• නව වෘත්තීන් බිහි වීම.
• ස්වාභාවික විපත් කලින් හදුනාගැනීම නිසා ආරක්ෂාවීමේ හැකියාව.

• අහිතකර බලපෑම්

• සම්පත් අධිපරිභෝජනය නිසා සම්පත් ක්ෂය වීම.
• පරිගණක,රුපවාහිනී.ජංගම දුරකථන,විනෝද ක්‍රීඩා භාණ්ඩ ආදිය කෙරෙහි ඇබ්බැහිවීම හේතුවෙන් පවුල් සබදතා බිද වැටීම සහ පුද්ගල මනස විකෘති වීම.
• යන්ත්‍ර භාවිතය වැඩිවීම සමග ශ්‍රමික විරැකියාව වැඩි වීම.
• අවශ්‍යතාවයන්ට වඩා උවමනාවන්ට මුල්තැනක් ලැබීමෙන් අනවශ්‍ය භාණ්ඩ හා සේවා පාරිභෝගිකයා අතට පත්වීම.
• කර්මාන්ත ශාලා මගින් බැහැර කෙරෙන අපද්‍රව්‍ය හේතුවෙන් වායුගෝලය ඇතුළු පරිසරය හානිවීම.
• අතිරික්ත නිෂ්පාදන හා යල් පැනගිය නිෂ්පාදන අපද්‍රව්‍ය ලෙස පරිසරයට නිකුත් කිරීම.

• දේශීය කර්මාන්ත

දේශීය කර්මාන්ත ආරම්භ වුයේ කිනම් කාලයකදැයි කිව නොහැකි වුවත් විජය රජු ඇතුළු පිරිස ශ්‍රී ලංකාවට ගොඩ බසින අවස්ථාවේ කුවේණි කපු කටිමින් සිටි බව ඉතිහාසයේ සදහන් වේ.ඉන් අදහස් වනුයේ ඒ කාලයේද නූල් යොදාගනිමින් රෙදි නිෂ්පාදන කර්මාන්ත තිබූ බවයි.ඉන්පසු දේශීය කර්මාන්ත සංවර්ධනය වී ඇති ආකාරයත් ඒවා වර්ගීකරණය කර ඇති ආකාරයත් මෙසේ දැක්විය හැක.

• දේශීය කර්මාන්ත වර්ගීකරණය

1. නිෂ්පාදන ස්වරූපය අනුව
2. කර්මාන්ත ව්‍යුහයේ පරිමාණය අනුව
3. ස්ථානීය ස්වාභාවය අනුව
4. නිෂ්පාදනය සිදුකරන ආකාරය අනුව

1. නිෂ්පාදන ස්වරූපය අනුව

• පතල් හා කැනීම් (මිනිරන්,මැණික් වැනි)
• ද්‍රව්‍ය සැකසීම (තේ,පොල්,රබර් වැනි)
• නිමි භාණ්ඩ තැනීම (පිගන්,සපත්තු,දැව ගෘහ භාණ්ඩ වැනි)
• අලුත්වැඩියා,නඩත්තු හා සේවා (වාහන,ගොඩනැගිලි,ප්‍රවාහන වැඩ)

2. කර්මාන්ත ව්‍යුහයේ පරිමාණය අනුව

• සුළු පරිමාණ කර්මාන්ත
• මාධ්‍ය පරිමාණ කර්මාන්ත
• මහා පරිමාණ කර්මාන්ත

(මෙම වර්ගීකරණයට යොදවා ඇති ප්‍රාග්ධනය,පරිභෝජනය කරනු ලබන විදුලි ප්‍රමාණය යන සාධක සැලකිල්ලට ගෙන ඇත)

3. ස්ථානීය ස්වාභාවය අනුව

• ගෘහ කර්මාන්ත (ගඩොල්,වලං,පැදුරු,බුරුසු,පාපිසි,පිත්තල,කුරුදුපොතු,බතික්,හකුරු වැනි)
• කර්මාන්ත ශාලා (ඇගලුම්,ටයර්,ලෝහ භාණ්ඩ,විදුරු බෝතල්,කිරිපිටි,චීස්,යෝගට්,උළු වැනි)

4. නිෂ්පාදනය සිදුකරන ආකාරය අනුව

• සම්පුර්ණ මිනිස් ශ්‍රමය(Manual)
• අර්ධ ස්වයංක්‍රිය(Semi Automatic)
• ස්වයංක්‍රිය(Fully Automatic)

• දේශීය කර්මාන්ත සංවර්ධනය

දේශීය කර්මාන්ත සංවර්ධනයට විවිධ උපක්‍රම භාවිතා කරනු ලබයි.එසේම විවිධ ක්ෂේත්‍රයන්හි සංවර්ධනය වෙනුවෙන් මේ වන විට දියුණු තාක්ෂණික ක්‍රමෝපායන් රාශියක් භාවිතා කරනු ලබයි.

• ධිවර කර්මාන්තය

• මාළු ඉසව් සොයාගැනීමට GPS තාක්ෂණය යොදාගැනීම.
• බෝට්ටු ඔරු වෙනුවට බහුදින ධිවර යාත්‍රා නිර්මාණය කිරීම.
• නයිලෝන් දැල් මගින් මාළු ඇල්ලීම.

 

• ගොඩනැගිලි ඉදිකිරීම් කර්මාන්තය

• ගෙබිම සදහා පිගන් මැටි,බිම් ගඩොල් හෝ ඔපදැමූ කළුගල් (Granite) භාවිතය.
• හුණු වැලි බදාමය වෙනුවට සිමෙන්ති වැලි බදාමය භාවිතය.
• වහල සදහා දැව වෙනුවට යකඩ කාප්ප භාවිතය.
• දැව වෙනුවට කොන්ක්‍රීට් භාවිතය.

• බෝග නිෂ්පාදන කර්මාන්තය

• නල ජල පහසුකම් ලබාදීම.
• නිරතුරුව ජලය සැකසීමට බිංදු ජල සම්පාදනය.
• දෙමුහුම් බීජ හදුන්වාදීම.
• රසායනික කෘමි/වල්නාශක හදුන්වාදීම.
• රසායනික පොහොර වර්ග හදුන්වාදීම.