බියෙන් සැකයෙන් තොර සාමකාමී සමාජයක් ගොඩනගමු.
...බියෙන් සැකයෙන් තොර සාමකාමී සමාජයක් ගොඩනගමු... ඇහේ තබාගෙන දරුවන් හැදිය යුතුය' යන කියමන ජන වහරයේ පවතින්නේ අතීතයේ සිටය. දරුවන් යනු ප්‍රවේශමෙන් රැකබලාගත යුත්තන් බව අතීතයට වඩා ගැලපෙන්නෙ වර්තමානයට ය. මන්ද පෙර කාලයේ සිදුනොවූ වැරදි දිනෙන් දිනම වැඩි වෙමින් පවතී. අතීතයේදී කාන්තාවන් දෙවුන්දර තුඩුවේ සිට පේදුරු තුඩුව දක්වා තනිවම මැණිකක් අතින් ගෙන ද ගමන් කළාය .නමුත් වර්ථමානයේදී අපිට ගෙමිදුලට වත් බැස ගැනීමට නොහැකි තත්ත්වයකට පත්වී ඇත .
සොරකම යනු තමන්ට අයිති නැති තමන්ගේ නොවන දෙයක් අනවසරයෙන් නැතිනම් අයිතිකරුට නොදන්වා , නොසඟවා තමන්ගේම කරගැනීමටයි. වර්ථමානයේදී හොරකම් බොහෝ සිදුවන්නේ ය. අපට රත්තරන් මාලයක් වත් දමාගෙන ගෙමිදුලට වත් යන්න බැරි තත්ත්වයක් දැන් අපේ රටේ පවතී. හොරකම් පමණක් නොව මිනීමැරුම් ද සිදුවේ. පුද්ගලයෙකුට තවත් යම් පුද්ගලයෙක් සතු තිබෙන වෛරය, ක්‍රෝධය අපටම නොදැන හොර රහසින්ම මිනීමැරුම් කරන තත්වයකට පත් වී තිබේ. මිනීමැරුම් කරන පුද්ගලයා ලොකු පවක් කර ගනී. එමගින් ඔහුටත් ඔහුගේ පවුලටත් එම දුක විඳීමට සිදුවේ.මෙම හොරකම් හා මිනීමැරුම් නිසා පවුලේ සිටින අයට පමණක් නොව රටේ සිටින ජනතාවද බියෙන් සැකෙන් රටේ ජීවත් වෙති.
හොරකම් මිනීමැරුම් පමණක් නොව මත්ද්‍රව්‍ය භාවිතය ද රට විනාශකාරී තත්ත්වයකට ඇද දමයි. " අද රට හමුවේ ඇති ප්‍රබලම අභියෝගය වන්නේ මේ මත් උවදුරය" යැයි පැවසුවද වරදක් නැත. පසුගිය වසර කිහිපය පුරාම පාසල්වියේ දරු දැරදැරියන් ද තරුණ තරුණියන් ද මත්ද්‍රව්‍ය භාවිතා කරති .ඇහේ තබාගෙන දරුවන් රැකගත නොහැකි තරමට මෙම ප්‍රශ්නය උඩුදුුවා ඇති බව මනාව පැහැදිලි වෙයි . ශ්‍රී ලංකාවේ පමණක් නොව අන් බොහෝ රටවල ද මත්ද්‍රව්‍ය භාවිතා කරන පුද්ගලයන් බොහෝමයක් සිටිති. ඔවුහු මත්ද්‍රව්‍ය පානය කර පවුලේ අයට කරදර කරති. පවුලේ පමණක් නොව අසල්වැසියන්ට හා නෑදෑයින්ට ද කරදර කරති. මෙම කරදර නිසා සෑම දෙනාටම බියෙන් හා සැකයෙන් ජීවත්වීමට සිදුවි ඇත . එවිට කෙසේද අපි සාමකාමී ජීවිතයක් ගත කරන්නේ ?
ආගමික අන්තවාදය යනු පෞද්ගලික ආගමික මතවාදයක් වන අතර එය සංහිඳියාව ට බාධා ඇති කරයි . නොදියුණු මිනිසාගෙ සිට නූතන මිනිසා දක්වා විවිධ පිළිගැනිම් හා විශ්වාසයන් ජන සමාජය තුළ තිබුණ ද නූතන සමාජය තුළ මිනිසුන් මිත්‍යාව ප්‍රතික්ෂේප කරමින් සිිිිටි. කෙසේ වුවත් යම් කණ්ඩායම්වල පැවැත්ම උදෙසා මිනිසුන් මුලා කර ආගමික මතවාදයන් ලොව පුරා ක්‍රියාත්මක වේ.මෙහිදී අපිට ඉතාමත් පැහැදිළිවම පෙනෙන දෙයක් නම් ආගමික මතවාදයන් ව්‍යාප්ත වෙමින් තිබෙන අතර ඇතැමුන්ගේ සුකිත මුකිත ජීවිත සදහා මෙය පළිහක් කර ගෙන ඇත. මේ නිසා ඇති වන ආගමික අන්තවාදී ගැටුම් තුළින් අහිංසක ජීවිත අකාලයේ මිලිනවන අයුරු අපට දැක ගත හැකි. මේ නිසා ද මිනිසුන් බියෙන් සැකයෙන් ජීවත් වනු ලබයි.
ජාතිවාදය යනු වර්ග වාදයන්ගෙන් වෙනස් වන ප්‍රධාන සාධකයකි .බොහෝ විට ජාතිවාදය ඇති වන්නේ භූමිය සමඟ දක්වන සබඳතාව නිසාවෙනි .ජාතිවාදය නිසා එහිදී ජාතියට අයත් බොහොමයක් පිළිබඳව යම් සම්මුතියක් එම වර්ගයට අයත් පුද්ගලයන් අතර තිබුනට ජාතියේ ගාමක බලය වන්නේ වාර්ගික විඥාණයයි.වාර්ගික ආශාවන් තෘප්ත කිරීම සඳහා ඇතැම්විට භූමිය ආක්‍රමණශීලී ලෙස පුළුල් කර ගැනීම ද උත්සාහ කරයි. මෙම ජාතිවාදය හා ආගම්වාදය නිසා මිනිසුන් වෛරය, ක්‍රෝධය හා බිය ඇතිකර ගනී. ඔවුන් පාරේ ඇවිදීමටත් මිනිසුන්ට මුහුණ දීමටත් බොහෝ බිය වෙයි. අපිට සාමකාමී සමාජයක් ගොඩනගා ගැනීමට නොහැකි වෙයි.
ත්‍රස්තවාදී සාමාජිකයන් ඉතා තද විනයකටත් එසේම දැඩි පුහුණුවකටත් යටත් වූවන් වෙති.අන් සියලුම අවශ්‍යතා තම සංවිධානය වෙනුවෙන් කැප කිරීම ද ත්‍රස්තවාදී සාමාජිකයන් හට සිදුවේ. ලංකාවේ පාස්කු ත්‍රස්ත ප්‍රහාරය සිදු වූ ඛේදනීය දිනයක් යයි හැමෝම හොඳින් දනී.පාස්කු ඉරිදා උදාවත්ම මරාගෙන මැරෙන ත්‍රස්තයන් විසින් ඉතා සංවිධානාත්මක ලෙස රට පුරා ප්‍රදේශ කකිහිපයකටත්, දේවස්ථාන කීපයකටත්, නගරය ප්‍රසිද්ධ හෝටල් කිහිපයකටත් දරුණු හා මාරාන්තික ප්‍රහාර දියත් කළ අහිංසක මිනිසුන්ගේ ජීවිත රැසක් බිලි ගැනීමේ අරමුණෙනි. අප රටේ පමණක් නොව සෑම රටකම ත්‍රස්තවාදීන්හු ජීවත් වෙති. එම නිසා මිනිසුන් බියෙන්, ක්‍රෝධයෙන් හා වෛරයෙන් ජීවත් වෙති.ඔවුන් තනියම ස්ථානයකට යාමට නොහැකි තත්ත්වයෙන් පීඩා විඳිති. එවිට අපට සාමකාමී සමාජයක් ගොඩනැගීමට ද නොහැකි වෙයි.
අප මෙම මිනීමැරුම්, හොරකම්, ත්‍රස්තවාදියන්, කුඩුකාරයන්,මත්ද්‍රව්‍ය භාවිතා කරන මිනිසුන්ව නිවැරදි මාර්ගයට ගැනීමට නම් අප රටේ තිබෙන නීතිය නිසි ලෙස හා නිවැරදිව තිබිය යුතුයි. සෑම පුද්ගලයකුටම, සෑම ආයතනයකටම, සෑම දේකටම වඩා නීතිය උත්තරීතර ව තිබිය යුතුයි.පාතාලයන්ට මෙන්ම පාලකයින්ට ද නීතිය උත්තරීතව හා එක සමානව තිබිය යුතුයි.රටේ පාලකයා වු ව ද නීතිය කඩ කළ හොත් ඔහුට ද නීතියට යටත්ව දඬුවම් විඳීමට සිදුවිය යුතුයි. සියල්ලම නීතියට අනුව කටයුතු කළ විට අප හැමෝටම වෛරයෙන්, ක්‍රෝධයෙන් හා බියෙන් ජීවත්වීමට අවශ්‍ය නැත.හැමෝටම බියෙන් සැකයෙන් තොර සාමකාමී සමාජයක් හා ජීවිතයක් ගොඩනඟා ගත හැකියි.
Name - Shabeeha Fazniyas
Grade - 9
School -Holy Family Balika Maha Vidyalaya
