අ.පො.ස සා.පෙළ 2015 විභාග අත්වැල - ප්‍රශ්න මාලාව 12
56. තොරතුරු (Information) වල වටිනාකම කාලයත් (Time) සමග,
1. වැඩිවේ
2. අඩුවේ
3. සමානවේ
4. ශුන්‍ය වේ.
පිළිතුරු : 2
තොරතුරු වල වටිනාකම ඒවා නිපදවන මොහොතේ හෝ නිකුත් කරන මොහොතේ උපරිම වේ. කාලය ගත වීමත් සමගම ඒවයේ වටිනාකම අඩු වී ක්‍රමයෙන් දත්ත බවට පත්වේ. එනම් තොරතුරු වල වටිනාකම කාලය ගත වීමත් සමග ශුන්‍ය කරා ලඟා වේ. විටෙක තොරතුරක් කාලයත් සමගම දත්ත බවට පත් විය හැකිය.
57. පළමු වන පරම්පරාවේ පරිගණක වල භාවිතා කරන ලද්දේ,
1. රික්තක නල
2. ට්‍රාන්සිස්ටර
3. අනුකලිත පරිපථ
4. විශාල ප්‍රමාණයේ අනුකලිත පරිපථ
පිළිතුරු : 1
පළමු පරම්පරාවේ පරිගණක නිර්මානය වූයේ රික්තක නල භාවිතයෙනි. මේවායේ මතකය සඳහා භාවිතා කරන ලද්දේ චුම්භකිත බෙර (Magnetic drum) වේ. කාමරයක ඉඩ ඇහිරෙන ප්‍රමාණයේ තරම් විශාල වූ අතර ක්‍රියා කිරීම සඳහා විශාල මුදලක් මෙන්ම විශාල විද්‍යුත් ශක්තියක් වැය විය. නිතර බිඳවැටීම් (break downs) සිදුවූ නිසා නිතර නඩත්තුව අවශ්‍ය විය. මේවා ක්‍රියා කරන ලද්දේ "යාන්ත්‍ර භාෂා (Machine Languages) " වේ. එක් වරකට එක් ගැටළුවක් පමණක් විසඳිය හැකි විය. දත්ත ආදානය සඳහා "සිදුරු කාඩ්පත් (Punch Cards)" භාවිතා කරන ලද අතර ප්‍රතිදානය මුද්‍රිත පිටපත් (Printed Copies) විය.
58. ATM යන්න දිගු වචන වන්නේ,
1. Atomic Teller Machine
2. Automatic Teller Machine
3. Automatic Telephone Machine
4. Atomic Telephone Machine
පිළිතුරු : 2
ස්වයංක්‍රීය ටෙලර් යන්ත්‍රය (ATM – Automatic Teller Machine) යනු පාරිභෝගිකයා බැංකුවට නොගොස් තම ගණුදෙණු කටයුතු ඉතාමත් ඉක්මනින් සහ පහසුවෙන් කර ගැනීමට සකසන ලද යන්ත්‍රයකි. එසේ නොමැති නම් තොරතුරු පද්ධතියකි (Information System). ආදානයන්ට අදාලව අන්තරා පමාවකින් (Buffer Delay) තොරව සැකසීමකට ලක් කොට අදාල ප්‍රතිදානයන් ලබා දීම ස්වයංක්‍රීය ටෙලර් යන්ත්‍රය මගින් සිදු කෙරේ. මෙය තත්‍ය කාල සැකසුම් පද්ධතියක් (Real Time Processing System) ලෙස ද සැලකිය හැකිය.
59. පුස්ථකාල තොරතුරු පද්ධතියකට (Library Management System) පරිශීලකයෙකු විසින් පොතේ නම ඇතුළත් කළ විට අදාල දත්ත සමුදාය (Data Base) පිරික්සීමෙන් එම පොත පුස්ථකාලයේ තිබේ ද යන්න දක්වයි. මෙම පද්ධතිය සඳහා අදානය, කs%යාවලිය හා ප%තිදානය නිවැරදි පටිපාටියට දැක්වෙනුයේ පහත් සඳහන් කවරක ද,
1. පොතෙහි නම, පොත තිබේද යන්න වග, දත්ත සමුදාය පිරික්සීම
2. පොතෙහි නම, දත්ත සමුදාය පිරික්සීම, පොත තිබේද යන්න වග
3. දත්ත සමුදාය පිරික්සීම, පොතෙහි නම, පොත තිබේද යන වග
4. දත්ත සමුදාය පිරික්සීම, පොත තිබේද යන්න වග, පොතේ නම
පිළිතුරු : 2
තොරතුරු පද්ධතියක් (Information System) යනු පරිගණක, තාක්ෂණය, ජාල උපාංග , පරිශීලකයා ඇතුළු සංරචක වලින් සමන්විත තොරතුරු සැකසීම සඳහා යොදා ගනු ලබන පද්ධතියකි. පද්ධතියක ප්‍රධානතම සංරචක තුනකි. එනම් ආදානය, ක්‍රියාවලිය සහ ප්‍රතිදානය යි. මෙහිදී සැලකිල්ලට ගෙන ඇත්තේ පුස්ථකාල තොරතුරු පද්ධතියකි. එහි ආදානය ලෙස පොතෙහි නම පද්ධති ක්‍රියාකරු විසින් ලබා දෙන අතර ක්‍රියාවලිය ලෙස දත්ත සමුදාය පිරික්සීම සිදු කෙරේ. පද්ධතිය මගින් ලබා දෙන ප්‍රතිදානය වන්නේ පොත තිබේ ද නැති ද යන වගයි.
60. ප්‍රවාහන ක්ෂේත්‍රයේදී (Transportation) තොරතුරු සන්නිවේදන තාක්ෂණය (ICT) යොදාගැනීමේ අවස්ථාවක් නොවන්නේ,
1. මගී ආසන වෙන් කිරීම (Seat Booking)
2. රථ වාහන පාලනය (Traffic Control)
3. දුරස්ථ ප්‍රවාහනය (Distance Transport)
4. වාහන හා සේවක පිරිසගේ කාලසටහන් පවත්වා ගෙන යාම
පිළිතුරු : 3
තොරතුරු සන්නිවේදන තාක්ෂණය බෙහෙවින් භාවිතා කරනු ලබන ක්ෂේත්‍රයක් වන්නේ "ප්‍රවාහන ක්ෂේත්‍රය" . අන්තර්ජාලය මගින් මගී ආසන වෙන් කිරීම (Seat booking), මහා මාර්ග වල රථ වාහන පාලනයට හා හැසිරවීමට (Traffic Control System), රථ වාහන දෙපාර්තමේන්තුවෙහි සේවයේ නියුතු සේවකයින්ගේ කාලසටහන් සහ පෞද්ගලික තොරතුරු පවත්වා ගැනීම සඳහා පරිගණක ආශ්‍රිත මෙවලම් , වැඩසටහන් බෙහෙවින් භාවිතා කරයි. නමුත් දුරස්ථ ප්‍රවාහනය යන්න ප්‍රවාහන ක්ෂේත්‍රයේ දී භාවිතා කරනු ලබන අවස්ථාවක් නොවේ.
තවත් කොටසක් බලාපොරොත්තු වන්න.
