අ.පො.ස සා.පෙළ 2015 විභාග අත්වැල - ප්‍රශ්න මාලාව 13
61. සෞඛ්‍ය ක්ෂේත්‍රයේදී (Health) නවීන රෝහල් වල තොරතුරු සන්නිවේදන තාක්ෂණය (ICT`) භාවිතා කරයි. මෙහිදී භාවිත කරන ස්කෑන් යන්ත්‍රයක් (Scan Machine) නොවන්නේ,
1. MRI (Magnetic Resonance Image)
2. CT (Computed Tomography)
3. ECG (Electrocardiograms / Graphs)
4. ECT (Electrocardiograms Tomography)
පිළිතුරු:4
පරිගණක තාක්ෂණයේ භාවිතය පුළුල් වීමත් සමගම සෞඛ්‍ය ක්ෂේත්‍රය සඳහා මෙම තාක්ෂණය යොදා ගැනීමට වැඩි නැඹුරු තාවයක් වර්ථමානයේ දැකිය හැකිය. පහසුවෙන් රෝග නිර්ණය කිරීම සඳහා සැකසූ ස්කෑනර් යන්ත්‍ර විශාල ප්‍රමාණයක් ඇති අතර MRI , CAT, EEG, ECG මේවායින් සමහරකි. MRI (Magnetic Resonance Imaging) ස්කෑනර් යන්ත්‍රය මගින් මිනිස් සිරුරේ අභ්‍යන්තර අවයව වල විවිධ පැතිකඩ වලින් ජායාරූප ගෙන ඒවා මුද්‍රිත කඩදාසි මත මුද්‍රණය කර සංවේදී අවයව ලෙස සැලකෙන මොළය, හදවත, පෙනහැලි වැනි අවයවයන් හි ඇති වන ආබාධ හඳුනා ගැනීමය උපකාරී වේ. CAT (Computer Axial Tomography) ස්කෑනරය මගින් X – Ray තාක්ෂණය යොදා ගනිමින් ත්‍රිමාණ ආකාරයට ජායාරූප ලබා ගැනීම සිදු කරයි. ශරීර අභ්‍යන්තර අවයව වල ඇතිවන ආසාදන හඳුනා ගැනීමට උපකාරී වේ. EEG (Electroencephalograph) තාක්ෂණය මගින් මොළයේ සිදුවන අයහපත් ක්‍රියාකාරීත්වය පිළිබඳව නිවැරදි සොයා ගැනීම් සඳහා උපකාරී වේ. ECG (Electrocardiogram) ස්කෑනරය මගින් හදවතේ ඇති වන ආසාදන තත්වයන් සොයා ගැනීම සඳහා භාවිතා කරයි. CT (Computed Tomography) ස්කෑනරය මගින් විශේෂිත වූ X – Ray (X කිරණ ) ආධාරයෙන් ශරීර අවයව වල ජායාරූප ගෙන පරීක්ෂා කර බැලීම සිදු කරනු ලබයි. ඉතාමත්ම හොඳින් රෝග හඳුනා ගැනීමේ හැකියාව ඇත. පරිගණක ආශ්‍රිතව පරීක්ෂා සිදු කරන නිසා වැඩි නිරවද්‍යතාවයක් ඇත.
62. ප්‍රථම ගණක යන්ත්‍රය වනුයේ,
1. එනැයික් (ENIAC)
2. එඩ්වැක් (EDVAC)
3. විශ්ලේශන යන්ත්‍රය (Analytical Engine)
4. ඇබකසය (Abacus)
පිළිතුරු:4
ප්‍රථම ගණක යන්ත්‍රය වන්නේ "ඇබකසය (Abacus)" යි. මෙය ඈත අතීතයේ මිනිසා තම ගණිත කටයුතු පහසු කර ගැනීම සඳහා යොදා ගත් උපකරණයකි. බොහෝ දෙනාගේ මතය වන්නේ ඇබකසය අද භාවිතා කරන පරිගණකය සඳහා මූලික අඩිතාලම වු බවයි. ඇබකසය වැනි උපකරණ සොයා ගැනීමට මූලිකම හේතුව වූයේ තම එදිනෙදා කටයුතු කාර්‍යක්ෂමව සහ නිවැරදිව කර ගැනීම සඳහා ය.
63. තොරතුරු තාක්ෂණය (Information Technology) ලෙස හැඳින්වෙන්නේ,
1. පරිගණකයට ඇතුලත් කරන මූලික දත්තයි.
2. ශෝධනය හා සංවිධානය කරන ලද අර්ථාන්විතව පිළියෙල කළ දත්තයි.
3. හැමවිටම වෙනස් වීමට බඳුන්වන දත්තයි.
4. ඉහත සඳහන් කිසිවක් නොවේ.
පිළිතුරු:2
තොරතුරු තාක්ෂණය (Information Technology) යනු විද්‍යුත් මාධ්‍යයන් මගින් තොරතුරු රැස් කර ගත හැකි, එම තොරතුරු සකස් කිරීම කල හැකි, ගබඩා කර තබා ගත හැකි සහ අවශ්‍ය වේලාවට අවශ්‍ය පුද්ගලයින් හට සන්නිවේදනය කල හැකි තාක්ෂණයන්ගේ එකතුවකි. තොරතුරු තාක්ෂණයේ බල මහිමයෙන් මිනිසාගේ එදිනෙදා කාර්යයන් ඉතාමත්ම පහසුවෙන් සිදු කිරීමේ හැකියාව ලැබී ඇත.
64. තොරතුරු වල උපරිම වටිනාකම ඇත්තේ කාලය ශුන්‍ය වන අවස්ථාවේදීය. මෙය තොරතුරු පිළිබඳව,
1. සංඛ්‍යාත්මක නීතිය (Numerical Rule)
2. ගුණාත්මක නීතිය (Qualitative Rule)
3. ස්වර්ණමය නීතිය (Golden Rule)
4. ප්‍රමාණාත්මක නීතිය (Quantitative Rule)
පිළිතුරු:3
තොරතුරු නිර්මාණය කරන මොහොතේම හෝ ඒවා ලැබෙන මොහොතේම එයට වැඩි වටිනාකමක් ඇත. කාලය ශුන්‍ය ආසන්න වන අවස්ථාවේ දී තොරතුරු වල වටිනාකම උපරිම වේ. කාලය ගත වීමත් සමගම තොරතුරු වල වටිනාකම ක්‍රමයෙන් අඩුවී අවසානයේදී ඒවා දත්ත බවට නැවත පත්වේ. මෙය තොරතුරු පිළිබඳව ස්වර්ණමය න්‍යාය (The Golden rule of Information) ලෙස හැඳින්වේ.
65. PC යනුවෙන් හඳුන්වනුයේ,
1. නිර්දෝෂ පරිගණක (Perfect Computer)
2. පුද්ගලික පරිගණක (Personal Computer)
3. මුද්‍රණ යන්ත්‍ර සම්බන්ධක (Printer Connector)
4. අත්ල පරිගණක (Palm Computer)
පිළිතුරු:2
නිවසේ භාවිතය සඳහා යොදා ගනු ලබන පරිගණක පුද්ගලික පරිගණක (PC – Personal Computer) නම් වේ. මේවාට පරිශීලකයාගේ (User) අවශ්‍යතාවය මත මෘදුකාංග ස්ථාපනය කල හැකිය.
තවත් කොටසක් බලාපොරොත්තු වන්න.
