අ.පො.ස සා.පෙළ 2015 විභාග අත්වැල - ප්‍රශ්න මාලාව 40

128. "චාල්ස් බැබේජ්" (Charles Babbage) පරිගණකයේ පියා (The father of Computer) ලෙස සැලකීමට වඩාත්ම සුදුසු වනුයේ,

චාල්ස් බැබේජ් විසින් පළමු යාන්ත්‍රික පරිගණකය සඳහා අවශ්‍ය කරන ආකෘතියක් නිර්මාණය කරන ලදී. එය " ඩිෆරන්ස් එන්ජිම (Difference Engine) " ලෙස හඳුන්වා ඇත. දශකයකට පසු ඔහු විසින් නිර්මානය කල " ඇනලිටිකල් යන්ත්‍රය (Analytical Engine) " හි ක්‍රියාකාරීත්වය පිළිබඳව සලකා බැලීමේ දී එහි ඇති විශේෂ ලක්ෂණයක් වන්නේ දත්ත ආදානය, තැන්පත් කිරීම, සැකසීම සහ ප්‍රතිදානය යන කාරයයන් සඳහා අවශ්‍ය කරන උපාංග එය තුල නිර්මානය කර තිබුණි. ඔහු විසින් නිර්මානය කරන ලද " ඇනලිටිකල් යන්ත්‍රයේ " ක්‍රියාකාරීත්වය නූතන පරිගණකය සෑදීමේ දී පාදක විය.

129. ලොව ප්‍රථම විද්‍යුත් සංඛ්‍යාංක පරිගණකය (Digital Computer) වුයේ කුමක් ද?

ENIAC (Electronic Numerical Integrator and Computer) ලොව ප්‍රථම විද්‍යුත් සංඛ්‍යාංක පරිගණකය ලෙස හඳුන්වයි. මෙහි රික්තක නල විශාල සංඛ්‍යාවක් අන්තර්ගත විය. මෙය නිර්මානයට දායක වී ඇත්තේ "ජෝන් ප්‍රෙස්පර් එකර්ට් (John Presper Eckert)" ය.

130. කෘතීම බුද්ධිය (AI – Artificial Intelligence) යනු කුමක් ද?

කෘතිම බුද්ධිය (AI – Artificial Intelligence) යනු යන්ත්‍ර හා සම්බන්ධ වු බුද්ධිමත් ක්‍රියාකාරීත්වය මෙන්ම එවන් ක්‍රියාකාරීත්වයක් ඇති කිරීම සදහා ක්‍රියාත්මක වන විද්‍යා ක්ෂේත්‍රය හැදින්වීමට ද යෙදෙන පදයකි. මෙම ක්ෂේත්‍රයෙහි අරමුණ වන්නේ මිනිසා මෙන් නිර්මානශීලීව කටයුතු කල හැකි රොබෝ යන්ත්‍ර සහ පරිගණක වැඩසටහන් නිර්මානය කිරීමයි. ක්ෂුද්‍ර පරිගණක (Micro Computers) මේ සඳහා යොදා ගනු ලබයි.         

131. අන්තර්ජාලය (Internet) යනු

එකිනෙකට සම්බන්ධ වූ අතිවිශාල ලෝකව්‍යාප්ත පරිගණක ජාලයකි.අන්තර්ජාලය සඳහා නිවහනක් හෝ ප්‍රධාන පාලක පරිගණකයක් නැත. ඇත්තේ ලොව පුරා, තොරතුරු විශාල ප්‍රමාණයක් සහිත එකට සම්බන්ධ කරන ලද පරිගණක විශාල සංඛ්‍යාවක් පමණි. අන්තර්ජාලයට සම්බන්ධ වීම සඳහා පරිගණකයක් (Computer), සන්නිවේදන මෘදුකාංගයක් (Communication Software ), දුරකථන මාර්ගයක් (Telephone Line), මොඩම් යන්ත්‍රයක් (MODEM) සහ අන්තර්ජාල සේවා සපයන්නෙක් (ISP – Internet Service Provider) අත්‍යවශ්‍ය වේ. අන්තර්ජාලයේ සේවාවන් ලෙස විශ්ව විසිරි වියමන (WWW – World Wide Web ), විද්‍යුත් තැපෑල (E - Mail), ගොනු හුවමාරුව (File Transfer) සහ සජීවී කතා බහ (Online Chat) පෙන්වා දිය හැකිය.               විවිධ පුද්ගලයින් විසින් අන්තර්ජාලයට විවිධ සත්‍ය අසත්‍ය කරුණු පුවත් එකතු කල හැකිය. මෙහි පලවන සියල්ලක්ම සත්‍ය කරුණු නොවේ.

132. රචනා වර්ගයේ පිළිතුරු පත්‍රයක් පරිගණකය ආශ්‍රිත උපාංග මගින් කියවිය නොහැක්කේ ඇයි?

ඇතැම් අත්යුරු පද්ධති (Manual Systems) වල පවතින දුර්වලතා නිසා විවිධ ආයතන පරිගණක ගත පද්ධති (Computerized Systems) කරා යොමු වීමට පෙලඹී ඇත. මෙම පද්ධති මගින් පාසලක විවිධ ක්‍රියාකාරකම් කාර්‍යක්ෂමව ඉතාමත්ම පහසුවෙන් සිදු කල හැකිය. උදාහරණ ලෙස පාසලක ශිෂ්‍ය ඇතුලත්වීම්, පාසලේ පුස්ථකාලයේ සියළුම කාර්යයන්, පන්ති මට්ටමින් සිසුන්ගේ විභාග පිළිතුරු පත්‍ර වල ලකුණු සටහන් කිරීමෙන් පසු සාමාන්‍ය ලකුණු සහ ශ්‍රේණි ගණනය කිරීම්, ගුරු භවතුන්ගේ පෞද්ගලික කාල සටහන්, නිවාඩු ආදිය පිළිබඳව පාසල් කළනමාකරණ පද්ධතියක් මගින් සිදු කල හැකි ක්‍රියාකාරකම් වේ.             
විභාග වල කෙටි ප්‍රශ්න ආශ්‍රිත පිළිතුරු පත්‍ර ලකුණු කිරීම සඳහා පරිගණක ආශ්‍රිත උපාංග යොදා ගනු ලබන අතර මෙය වර්ථමානයේ දැකිය හැකි සුලභ දෙයකි. එහෙත් විභාගයක රචනා වර්ගයේ පිළිතුරු පත්‍ර සලකුණු කිරීමට පරිගණක යොදා ගැනීම තවමත් සිදු නොවන දෙයකි. මන්ද රචනා වර්ගයේ ප්‍රශ්න සඳහා සිසුන් ලියනු ලබන පිළිතුරු එකකට එකක් වෙනස් ස්වරූපයෙන් වීමයි. අනාගතයේ දී මෙම අරමුණ ද ඉටු වනු නොඅනුමානය. කෘතීම බුද්ධිය (AI – Artificial Intelligence) ආශ්‍රිත ක්‍රමලේඛන හෝ වැඩසටහන් මගින් මේ ආකාරයට කටයුතු කිරීමට හැකිවීමයි.              

තවත් කොටසක් බලාපොරොත්තු වන්න.