අ.පො.ස සා.පෙළ 2015 විභාග අත්වැල - ප්‍රශ්න මාලාව 47
199. පරිගණක මෙහෙයුම් පද්ධතියක ප්‍රධාන කාර්යය වන්නේ,
- පරිගණක මෘදුකාංග සහ දෘඩාංග කළමනාකරණය කර දෘඩාංග සහ මෘදුකාංග වල ඇති සංකීර්ණ බව පරිශීලකයන්ගෙන් සඟවා පරිශීලකයින්ට එම සම්පත් වලට ප්‍රවේශ වීමට අතුරුමුහුණතක් ලබා දීමයි.
200. නවීන පරිගණකයක පරිගණක පද්ධතිය සහ පරිශීලකයා අතර සම්බන්ධතාවය,
- පරිශීලකයා, යෙදුම් මෘදුකාංග, පද්ධති මෘදුකාංග (මෙහෙයුම් පද්ධති, උපයෝගීතා වැඩසටහන් ), දෘඩාංග
201. උපයෝගීතා වැඩසටහන් (Utility Programs) යනු මොනවා ද?
- මෙහෙයුම් පද්ධතියේ ක්‍රියාවලිය වඩාත් කාර්‍යක්ෂමව සිදු කිරීම සඳහා මෙහෙයුම් පද්ධතිය සමග ස්ථාපිත වන මෘදුකාංග වේ.
Disk Scan, Disk Defragmentation, Disk Partition
202. ක්‍රියාවලියක් (Process) යනු කුමක්ද?
- මධ්‍ය සැකසුම් ඒකකය තුල ක්‍රියාත්මක වන වැඩසටහනක් ක්‍රියාවලියක් වේ. නුතන පරිගණක වල මූලිකම සංකල්පයකි.
203. පද්ධති සංවර්ධන ජීවන චක්‍රයේ (SDLC – Software Development Life Cycle) තොරතුරු රැස් කිරීමේ ක්‍රමවේද මොනවා ද?
- සම්මුඛ සාකච්ජා මගින්
- නියැඳි භාවිතයෙන්
- විමසුම් මගින්
- ප්‍රශ්නාවලි මගින්
204. මෙහෙයුම් පද්ධතියක් මගින් භාවිතා කරනු ලබන පරිශීලක අතුරුමුහුණත් ආකාර වන්නේ,
- විධාන රේඛා අතුරු මුහුණත්(CLI – Command Line Interface)
- චිත්‍රක පරිශීලක අතුරු මූහුණත් (GUI – Graphical User Interface)
205. චිත්‍රක පරිශීලක අතුරු මුහුණත් වල දැකිය හැකි සංරචක මොනවා ද?
- කවුළු (Windows)
- නිරූපක / අයිකන (Icons)
- මෙනු (Menu)
- දක්වනය (Pointer)
206. චිත්‍රක පරිශීලක අතුරු මුහුණත් (GUI – Graphical User Interface) භාවිතා කිරීමේ වාසි,
- විධාන මතක තබා ගත යුතු නැත.
- පරිගණක ක්‍රමලේඛනය පිළිබඳව දැනුම නැති පුද්ගලයින්ට හැසිරවිය හැකිය.
- පරිගණක තිරය මත කුඩා වාක්‍ය ඛණ්ඩ ආදිය දිස්වීම නිසා පරිශීලකයාට උදව් ලබා ගත හැකිය.
207. වින්ඩෝස් වටපිටාවේ ඇති "ප්‍රතිචක්‍රීය කරණ බඳුනෙහි (Recycle Bin)" කාර්යය වන්නේ,
- යම් කිසි ගොනුවක් මකා දැමූ විට එම ගොනුව පිහිටි ස්ථානයෙන් ඉවත්ව ප්‍රතිචක්‍රීකරණ ෆෝල්ඩරය වෙත යයි. අවශ්‍ය නම් එය නැවත ලබා ගත හැකිය.
208. අංකිත ප්‍රතිබිම්බ කෙලින්ම පරිගණකයට ආදානය කිරීමට හැකි ආදාන උපාංග වන්නේ,
- අංකිත කැමරාව (Digital Camera)
- සුපරීක්ෂකය (Scanner)
209. පරිගණකයක් තුල සංකේත නිරූපණය කිරීම සඳහා අක්ෂර ආකේත කිරීමේ (Encoding systems) ක්‍රමවේද භාවිතා වේ. පරිගණකයක නිරූපණය කෙරෙන සංකේත සංඛ්‍යාව, ආකේත කිරීමේ ක්‍රමවේදය සඳහා භාවිතා කෙරෙන බිටු සංඛ්‍යාව මත රඳා පවතියි. බිටු 8 ක් භාවිතයෙන් කොපමණ එකිනෙකට වෙනස් සංකේත සංඛ්‍යාවක් නිරූපනය කල හැකිද?
28 = 256
210. පද්ධති සංවර්ධන ජීවන චක්‍රයේ (SDLC – Software Development Life Cycle) දී භාවිතා වන අවශ්‍යතා සොයාගැනීමේ ක්‍රමවේද වන්නේ,
- සම්මුඛ සාකච්ජා මගින්
- නියැඳි භාවිතයෙන්
- විමසුම් මගින්
- ප්‍රශ්නාවලි මගින්
211. පියෙක් තම පුතුට රුපියල් 100 ක් දී අසල ඇති කඩයකින් පාන් ගෙඩියක් මිලට ගෙන එය මවට දෙන ලෙස දැන්වීය. මෙම කාර්යය සඳහා සුදුසු ඇල්ගෝරිතමයක් ව්‍යාජ කේත ආකාරයෙන් දක්වන්න.
- ආරම්භය (Begin)
- පියාගෙන් මුදල් ලබා ගැනීම
- කඩයට යාම
- පාන් ගෙඩියක් අවශ්‍ය යැයි මුදලාලිට දැනුම් දීම.
- මුදල් දීම
- පාන් ගෙඩිය සහ ඉතුරු මුදල් රැගෙන ඒම
- පාන් ගෙඩිය මවට දීම
- ඉතිරි මුදල් මවට දීම
- අවසානය (End)
212. සන්නිවේදනය සඳහා ෆැක්ස් යන්ත්‍රයක් භාවිතයේ ඇති අවාසි ,
- ශ්‍රව්‍ය , දෘශ්‍ය ගොනු යැවිය නොහැකි වීම.
- ආරක්ෂිත බාවය අඩු වීම (ලබන්නා ගේ ස්ථානය හරි හැටි නොදැනීම ).
- පිටුවක් සඳහා මුදලක් වැය වීම.
213. කෘෂිකාර්මික කටයුතු වල නියැලී සිටින ගොවීන් හට අන්තර්ජාලය හරහා වෙළඳ මහතුන් සමග කෙලින්ම සම්බන්ධ වී කටයුතු කිරීමේ හැකියාව ඇත. එමගින් සැලසෙන වාසි වන්නේ,
- අතරමැහි පුද්ගලයින්ගෙන් සූරා කෑම වැලකීම.
- සිය නිෂ්පාදන සඳහා හොඳ මිලක් ලබා ගැනීම.
- සිය වෙළඳ පොළ පුළුල් කර ගැනීමේ හැකියාව ලැබීම.
- කාලගුණික තොරතුරු කල් තියා දැනගත හැකි වීම.
තවත් කොටසක් බලාපොරොත්තු වන්න.
