පුණරීක්ෂණ පාඩම් මාලා අංක 30

මෙහෙයුම් පද්ධති (Operating Systems) ආශ්‍රිත ප්‍රශ්න

16. නවීන පරිගණක පද්ධතියක් (Computer System) ස්ථර (layers) ලෙස වර්ගීකරණය කළහොත් එහි පහළම ස්ථරයේ සිට ඉහළම ස්ථරය දක්වා අනුපිළිවෙලින් දැක්වෙනුයේ,

1. දෘඩාංග (Hardware), යෙදුම් මෘදුකාංග (Application Software), පද්ධති මෘදුකාංග (System Software), පරිශීලකයා (User)
2. පරිශීලකයා (User), දෘඩාංග (Hardware), පද්ධති මෘදුකාංග (System Software), යෙදුම් මෘදුකාංග
3. දෘඩාංග (Hardware), පද්ධති මෘදුකාංග (System Software), යෙදුම් මෘදුකාංග (Application Software), පරිශීලකයා (User)
4. පරිශීලකයා (User), යෙදුම් මෘදුකාංග (Application Software), පද්ධති මෘදුකාංග, දෘඩාංග (Hardware)

17. පරිගණකයේ මෙහෙයුම් පද්ධතියක (Operating System) ප්‍රධාන කාර්යයක් නොවනුයේ,

1. පරිගණකයේ මෘදුකාංග (Software) සහ දෘඩාංග (Hardware) කළමනාකාරිත්වය.
2. පරිගණකයේ දෘඩාංග සහ මෘදුකාංග වලට පිවිසීමට අතුරු මුහුණත් (Interfaces) සැපයීම.
3. පරිගණක පද්ධතියට අයත් සියළුම උපාංග ඒකාබද්ධව ක්‍රියාත්මක කිරීම.
4. පරිගණක පද්ධතියේ ක්‍රියාත්මක වන ක්‍රමලේඛ (program codes) පරිශීලකයා (User) හට දිස්වීමට සැලැස්වීම.

18. පද්ධති මෘදුකාංගයක් (System Software) නොවන්නේ,

1. සම්පාදක මෘදුකාංග (Compilers)                                
2. වෙබ් බ්‍රවුසරය (Web Browser)
3. සංස්කාරක මෘදුකාංග (Editors)                                   
4. විධාන පරිවර්ථක (Command Interpreters)

19. නිෂ්පාදන කාර්යයේදී වාහන, යන්ත්‍ර සූත්‍ර, ගුවන්යානා වැනි උපකරණ ආදිය සැලසුම් කිරීම සඳහා භාවිතා කරනු ලබන මෘදුකාංගයක් වන්නේ,

1. Adobe Photoshop               
2. Auto CAD                    
3. Microsoft Paint            
4. Word Processing Software

20. පරිගණක පද්ධතියක පරිශීලකයාහට (User) තම අවශ්‍යතාවය ඉටුකරදෙනු ලබන්නේ,

1. දෘඩාංග (Hardware) මගිනි                                  
2. පද්ධති මෘදුකාංග (System Software) මගිනි
3. යෙදුම් මෘදුකාංග (Application Software) මගිනි                           
4. විධාන පරිවර්ථක (Command Interpreters) මගිනි

21. මෙහෙයුම් පද්ධතියක (Operating System) මූලික ක්‍රියාකාරිත්වයක් නොවනුයේ,

1. මතක කළමනාකරණය (Memory Management)                          
2. ක්‍රියාවලි කළමනාකරණය (Process Management)
3. මෘදුකාංග කලමනාකරණය (Software Management)         
4. උපාංග කළමනාකරණය (Device Management)

22. ඔබ ප්‍රදේශයේ නිතර නිතර විදුලිබල සැපයුම බිඳ වැටීම් (Power break down) වලට ලක් වේ යැයි සිතන්න. ඔබ පරිගණකයක් භාවිතා කිරීමේදී ඇතිවන හානිය වලක්වා ගැනීම සඳහා වඩාත් උචිත ක්‍රියාමාර්ගය වනුයේ,

1. විකල්ප විදුලි ජනකයක් (Generator) භාවිතා කිරීම.
2. අදාල කාලය තුල පරිගණකය අක්‍රිය (Shutdown) කර තැබීම.
3. අඛණ්ඩ බල සැපයුම් ඒකකයක් (Uninterruptable Power Supply - UPS) භාවිතා කිරීම.
4. වෝල්ටීයතා ස්ථායකයක් (Voltage Stabilizer) භාවිතා කිරීම.

23. මෙහෙයුම් පද්ධතියක (Operating System) ක්‍රියාකාරිත්වයේ ප්‍රධාන අංගයක් වන මතක කළමනාකරණය (Memory Management) සම්බන්ධයෙන් පහත වගන්ති අතුරින් සත්‍ය වනුයේ,

1. විවිධ කාර්යයන් සඳහා මතකයෙහි ඉඩ සලසා දීම මෙහෙයුම් පද්ධතියට අයත් කාර්යයක් නොවේ.
2. එකවර විවිධ ක්‍රියාවලි කිහිපයක් සිදුවන අවස්ථාවේදී ඒවා අතර ඝට්ටනයක් සිදු නොවන ආකාරයට මතක සංවිධානය කිරීම.
3. යම්කිසි කාර්යයක් සිදුකර අවසන් වූ විට මතකය නිදහස් කිරීම මෙහෙයුම් පද්ධතියේ කාර්යයක් නොවේ.
4. පරිගණකයේ විවිධ වැඩසටහන් ක්‍රියාත්මක වනවිට ඒ සඳහා මතකය වෙන් කළ නොහැක.

24. නූතන මෙහෙයුම් පද්ධති වල මූලික සංකල්පය වනුයේ,

1. ක්‍රියාවලීන් (Processes)                                 
2. මතකය (Memory)
3. වැඩසටහන් (Programs)                                
4. ඇනලිටිකල් එන්ජිම (Analytical Engine)

25. ක්‍රියාවලි කළමනාකරණය (Process Management) පිළිබඳව අසතd වනුයේ,

1. නූතන මෙහෙයුම් පද්ධතිවල මූලික සංකල්පය වනුයේ ක්‍රියාවලි වේ.
2. ක්‍රියාවලියක් ලෙස හඳුන්වනු ලබන්නේ ධාවනය වෙමින් පවතින උපදෙස් (Running Instructions) සමූහයකි.
3. ක්‍රියාවලි සඳහා දත්ත -  උපදෙස් පරිශීලකයා (User) විසින් ලබා දීම සිදු නොවේ.
4. බහු ක්‍රමලේඛ (Multi Programming) වල දී කාල විභේදනය වැනි ක්‍රම මගින් ක්‍රිsයාවලි පාලනය සිදු කෙරේ.

26. තොරතුරු සන්නිවේදන තාක්ෂණයේ (Information & Communication Technology) පරිණාමය සඳහා ආධාරක වූ ක්ෂේත්‍රයක් නොවන්නේ,

1. තොරතුරු තාක්ෂණය (Information Technology)       
2. සන්නිවේදන තාක්ෂණය (Communication Technology)
3. කෘෂිකාර්මික තාක්ෂණය (Agriculture Sector)             
4. ඉංජිනේරු විද්‍යාව (Engineering)

27. ලොව ප්‍රථම පරිගණක ජාලය (Computer Network) හඳුන්වනුයේ,

1. CISCO                               
2. Net Assist                                   
3. Arpa Net                                          
4. Internet

28. මෙහෙයුම් පද්ධතියක (Operating System) ඇති වාසියක් නොවන්නේ,

1. පරිගණකය සහ පරිශීලකයා (User) අතර සම්බන්ධතාවය ඇතිකරනු ලබන අතුරු මුහුණතක් (Interface) ලබා දේ.
2. පරිගණකය ක්‍රියාත්මක කළ විට මෙහෙයුම් පද්ධතිය ක්‍රියාත්මක වීම සඳහා පරිගණකයේ පාලක මණ්ඩලය (Control Panel) වෙත යා යුතුවේ.
3. පරිගණක පද්ධතිය තුළ ඇති අනෙකුත් මෘදුකාංග , දෘඩාංග, උපාංග, මතකය, දත්ත වැනි සම්පත් සම්බන්ධීකරණය තුළින් පරිගණක භාවිතා කිරීමට පහසුකම් සැපයීමට උපකාරී වේ.
4. කේතනය (Coding) පිළිබඳව අවබෝධයකින් තොරව වුවද පරිගණකය භාවිතා කිරීමට මෙහෙයුම් පද්ධතිය උපකාරී වේ.

29. CLI යනු පරිගණකයේ මෙහෙයුම් පද්ධතිය (Operating System) මගින් ලබාදෙන පරිශීලක අතුරු මුහුණතකි (User Interface). මෙහි දිගු නාමය වනුයේ,

1. Command Linear Interface                                     
2. Command Line Interface
3. Command Line Interchange                                    
4. Command Like Interchange

30. මොඩම් (MODEM) යන්ත්‍රයක් සවි කිරීමට උචිත කෙවෙනිය (Port) වනුයේ,

1. Universal Serial Bus, PS/2                                      
2. Serial Port, PS/2
3. Serial Port, Universal Serial Bus                                         
4. Parallel Port, Serial Port
   
    

විවරණය සහ පිළිතුරු පසු ලිපි මගින් බලාපොරොත්තු වන්න.