පුණරීක්ෂණ පාඩම් මාලා අංක 6

10. 2009 – 1 (O/L)

තොරතුරු හා සන්නිවේදන තාක්ෂණයේ ප්‍රවර්ධනය, සිසුනට නිවසේ සිට ඔවුන්ගේ අධ්‍යාපන කටයුතු පහසුවෙන් කර ගැනීමට ඉවහල් වන අවස්ථා දෙකක් නම් කරන්න.

11. 2010 – 1 (O/L)

a. ඔබ සාප්පුවකින් භාණ්ඩ කිහිපයක් මිලදී ගෙන ඇතැයි සිතන්න. අයකැමි විසින් බිල්පත නිකුත් කර ඇත. බිල්පතෙහි දැක්වෙන මුදල වැරදි බව ඔබ අනාවරණය කරගෙන, ඒ බව අයකැමි වෙත දන්වා ඇත. ඔබ මෙය පද්ධතියක් (System) ලෙස උපකල්පනය කර, මෙම සිදුවීමේ දී ආදානය (Input), ක්‍රියා පිළිවෙල (Process) සහ ප්‍රතිදානය (Output) හඳුනා ගන්න.

b. අ.පො.ස සාමාන්‍ය පෙළ විභාග ප්‍රතිඵල සැකසීමේදී හා නිකුත් කිරීමේදී තොරතුරු හා සන්නිවේදන තාක්ෂණය (ICT) යොදා ගැනීමෙහි වාසි දෙකක් ලියන්න.

12. 2012 – 6 (O/L)

1. ටෙලිවෙදකම (Telemedicine) මගින් දුරස්ථ ප්‍රදේශයක සිටින ලෙඩුන් පරීක්ෂා කිරීම, නියාමනය කිරීම (Monitoring) හා කළමනාකරණය කිරීම කළ හැකි වේ.

a. දුරස්ථ ප්‍රවේශය (remote accessibility) හැරුණු විට ටෙලිවෙදකමේ පවතින තවත් එක් වාසියක් ලියා දක්වන්න.

b. ටෙලිවෙදකම සඳහා පවතින එක් අභියෝගයක් ලියන්න.

2. “පන්ති කාමරයෙහි සාම්ප්‍රදායානුකූල ඉගෙනුම සමග සැසඳීමේ දී ඉ - ඉගෙනුම, යමකුට තමන්ට ගැළපෙන වේගයෙන් ඉගෙන ගැනීමට උපකාරී වේ.” මෙම කියමන සමග ඔබ එකඟ වන්නෙහි ද? ඔබේ පිළිතුර කෙටියෙන් පැහැදිලි කරන්න.

13. 2012 – 1 - අවසාන වාර පරීක්ෂණය - කළාප - 10 ශ්‍රේණිය

සෞඛ්‍ය වෛද්‍ය සායනයකදී එයට සහභාගී වූ මව්වරුන්ගේ සහ දරුවන්ගේ ජීව දත්ත පත්‍රිකාවක් සම්පූර්ණ කරගත් සෞඛ්‍ය වෛද්‍ය නිලධාරීතුමිය ඊලඟ සතිය වනවිට දී එම තොරතුරු ස්ථම්භ ප්‍රස්ථාර මෙන්ම වෘත්ත ප්‍රස්ථාර ද ඇඳ ප්‍රදර්ශන පුවරුවක එල්ලා, එහි පිටපතක් සෞඛ්‍ය අමාත්‍යංශය වෙත නිකුත් කරන ලදී.

a. දත්ත හා තොරතුරු යන්න කුමක්දැයි හඳුන්වා දෙන්න.

b. මෙහි සඳහන් දත්ත හා තොරතුරු නම් කරන්න.

c. තොරතුරු හා සන්නිවේදන තාක්ෂණය ඉගෙන ගන්නා සිසුන් වන අපට තොරතුරු වල වටිනාකම දැක්වෙන කරුණු 3 ක් ලියන්න.

14. 2012 – 2 - අවසාන වාර පරීක්ෂණය - කළාප - 10 ශ්‍රේණිය

a. තොරතුරු හා සන්නිවේදන තාක්ෂණය යොදා ගැනෙන ක්ෂේත්‍ර 3 ක් නම් කරන්න.

b. අධ්‍යාපන ක්ෂේත්‍රය තුලදී පරිගණකය යොදා ගැනෙන අවස්ථා 3 ක් නම් කරන්න.

c. තම සේවා ලබා දීමේදී තොරතුරු හා සන්නිවේදන තාක්ෂණය භාවිතා කරනු ලබන රජයේ ආයතන 3 ක් නම් කරන්න.

15. 2012 – 5 - අවසාන වාර පරීක්ෂණය - කළාප - 10 ශ්‍රේණිය

a. ගණිතමය කටයුතු ඉටුකර ගැනීම පිණිස මිනිසා විසින් ගොඩනැගූ ප්‍රථම උපකරණය කුමක්ද?

b. 1617 දී පමණ ලඝුගණක සිද්ධාන්තය පදනම් කරගත් උපකරණයක් බිහිවිය. එහි නම කුමක්ද?

c. Pascaline (ආකලන යන්ත්‍රය) නැමැති උපකරණය නිර්මාණය කලේ කවුරුන් විසින්ද? එයින් ඉටු කරගත හැකි ගණිත කර්ම 2 ක් සඳහන් කරන්න.

16. 2012 – 3 - අවසාන වාර පරීක්ෂණය - කළාප - 10 ශ්‍රේණිය

a. පරිගණක වැඩසටහනක් (Computer Program) සැකසූ පළමුවන කාන්තාව කවුද?

b. දෙවන පරම්පරාවේ පරිගණක වල වාසි අවාසි ගෙනහැර දක්වන්න.

c. රික්තක නල (Vacuum Tubes) යොදා ගනිමින් නිර්මාණය කල පරිගණක අයත් වන්නේ කිනම් පරම්පරාවටද?

17. 2013 – 1 - අවසාන වාර පරීක්ෂණය - කළාප - 11 ශ්‍රේණිය

a. ඔබ මිලදී ගත් පරිගණකයක එනම් එහි වේගය, RAM ධාරිතාව, CPU වර්ගය යනාදිය පිළිබඳ පහසුවෙන් බලාගත හැකි වන්නේ කෙසේද?

b. ශ්‍රී ලංකාවේ මහජනතාවගේ සුභ සිද්ධිය සඳහා පරිගණක තාක්ෂණය යොදා ගන්නා රාජ්‍ය ආයතන 2 ක් ලියන්න.

c. ප්‍රතිසම පරිගණක (Analog Computers) සඳහා උදාහරණ 2 ක් ලියන්න.

18. 2013 – 6 - අවසාන වාර පරීක්ෂණය - කළාප - 11 ශ්‍රේණිය

a. පාසල් කළමනාකරණය සඳහා පැතුරුම්පත් (Spreadsheets) භාවිතය පිළිබඳව කෙටි සටහනක් ලියන්න.

b. විද්‍යුත් වාණිජ්‍ය (E - Commerce) යන්න පැහැදිලි කරන්න.

c. ඉලෙක්ට්‍රොනික තැපෑල (E - Mail) සහ සාමාන්‍ය තැපෑල යන්න කෙටියෙන් පහදන්න.

d. පරිගණක භාවිතය නිසා ඇතිවන රෝගාබාධ පිළිබඳව කෙයි සටහනක් දෙන්න.

19. 2012 – 6 - පළමු වාර පරීක්ෂණය - කළාප - 11 ශ්‍රේණිය

a. තොරතුරු සන්නිවේදන තාක්ෂණය ශ්‍රී ලංකාවේ අධ්‍යාපන ක්ෂේත්‍රයේ දියුණුවට යොදා ගත හැකි ආකාරය පිළිබඳව කෙටි සටහනක් ලියන්න.

b. පරිගණක ක්‍රීඩා සහ ළමා පරපුර පිළිබඳව කරුණු යෝජනා කරන්න.

c. තොරතුරු තාක්ෂණය හා සම්බන්ධ රැකියා අවස්ථා 3 ක් නම් කරන්න.

20. විෂය කරුණු පුණරීක්ෂණය 2013 - කළාප අධ්‍යාපන 10 ශ්‍රේණිය

පහත දැක්වෙන ඒවායින් තොරතුරක් දැක්වෙන අවස්ථා වෙන්කර දක්වන්න. එය තොරතුරක් වන්නේ ඇයි දැයි කෙටියෙන් පහදන්න.

a. සේවකයෙකුගේ මාසික වැටුප් ලේඛනය
b. භාණ්ඩයකට ලැබෙන වට්ටම 5% කි.
c. වෘත්තයක අරය සෙ. මී. 7 කි.
d. වෘතාකාර ධාවන පථයේ වටේ දිග
e. පාසලක පිරිමි සහ ගැහැණු සිසුන්ගේ ප්‍රතිශතය දැක්වෙන ප්‍රස්ථාරය
f. ගණිතය විෂය සඳහා 10 ශ්‍රේණියේ සිසුන් ලබාගත් උපරිම ලකුණ
g. පුස්තකාලය විවෘතව ඇති දින
h."යෙදවුම් මෘදුකාංග" නැමැති පොත පුස්තකාලයෙන් බැහැරගෙන ගිය පොතක් ද, නැත්ද යන්න"
i. උණ රෝගියෙකුගේ පැයකට වතාවක් නළලට පැයකට වතාවක් අත තබා උණ බැලීම.
j. පොත් සාප්පුවක ඇති පොත් වල වැඩිම මිලේ සිට අඩුම මිල දක්වා තෝරා සංවිධානය කරන ලද පොත් ලැයිස්තුවක්
k. නිවසක් ඉදි කිරීම සඳහා අදාල වියදම් ඇස්තමේන්තුව


ආදර්ශ පිළිතුරු පසු ලිපි මගින් බලාපොරොත්තු වන්න.