පුණරීක්ෂණ පාඩම් මාලා අංක 7

21. විෂය කරුණු පුණරීක්ෂණය 2013 - කළාප අධ්‍යාපන 10 ශ්‍රේණිය

a. චාල්ස් බැබේජ් පරිගණකයේ පියා ලෙස සැලකේ. එසේ හැඳින්වීමට මුල් වූ ඔහුගේ නිෂ්පාදනය කුමක්ද? ඔහු පරිගණකයේ පියා ලෙස හැඳින්වීමට හේතු වන කරුණු මොනවාද?

b. පළමු පරම්පරාවේ පරිගණක වල යොදාගත් ප්‍රධාන උපකරණය කුමක්ද? එහි තිබූ දුර්වලතා මොනවාද?

c. දෙවන පරම්පරාවේ පරිගණක නිර්මාණය කිරීමට යොදාගත් උපාංගය කුමක්ද? එය නිර්මාණය කිරීම සඳහා දායක වූ විද්‍යාඥයින් නම් කරන්න.

d. ඉහත කී උපකරණය නිසා ඇතිවූ ප්‍රධාන වාසි මොනවාද?

e. පළමුවන පරම්පරාවේ සිට හතරවන පරම්පරාව දක්වා පරිගණක පරිණාමයේදී සිදුවූ ප්‍රධාන වෙනස්කම් මොනවාද?

22. 2013 – 1 - අවසාන වාර පරීක්ෂණය - 11 ශ්‍රේණිය

ක්‍රිකට් ක්‍රීඩකයකු එක්දින ක්‍රිකට් තරඟයක දී පිටියේ පන්දු රැකීමේ නිරත වන බව සලකන්න. ඔහු වෙත ලැබෙන උඩපන්දුවක් ඔහු හරියාකාරව රැක ගන්නේ දැයි ප්‍රධාන විනිසුරු නිරීක්ෂණය කරයි. එම උඩපන්දුව හරියාකාරව රැකගන්නේ නම් පිතිකරු දැවී යන බව විනිසුරු සලකුණු කරයි. ඉහත සංසිද්ධියේ ආදානය (Input), ක්‍රියාවලිය (Process) සහ ප්‍රතිදානය (Output) ලියා දක්වන්න.

23. 2013 – 6 - අවසාන වාර පරීක්ෂණය - 10 ශ්‍රේණිය

a. විභාග පැවැත්වීමට තොරතුරු හා සන්නිවේදන තාක්ෂණයේ දායකත්වය පිළිබඳව කෙටි සටහනක් ලියන්න.

b. පරිගණක භාවිතයේ ඇති අවාසි මොනවාද?

c. නූතන සිනමා කර්මාන්තයට හා රූපවාහිනියට තොරතුරු හා සන්නිවේදන තාක්ෂණයෙන් ඉටුවන මෙහෙය පිළිබඳව කෙටි හැඳින්වීමක් කරන්න.

24. 2007 GIT – 6

ශ්‍රී ලංකාවේ ග්‍රාමීය සමාජයට, තොරතුරු හා සන්නිවේදන තාක්ෂණයේ ප්‍රතිලාභ භුක්ති විඳීමට නොහැකි වීමට හේතුකාරක පහක් හඳුනාගන්න.

25. 2008 GIT – 6

a. පෞද්ගලික පරිගණකයක් තෝරා ගැනීමේදී සකසනයේ වේගය සහ මතක ධාරිතාව වැනි පරිගණක පිරිවිතර වැදගත් සාධක වෙයි. ගෙදරදොර භාවිතය සඳහා පෞද්ගලික පරිගණකයක්  මිලදී ගැනීමේදී මෙයට අමතරව ඔබ සලකා බැලිය යුතු වෙනත් සාධක 2 ක් කෙටියෙන් විස්තර කරන්න.

b. පහත සඳහන් ක්ෂේත්‍ර අතුරෙන් ඕනෑම දෙකක් සඳහා තොරතුරු හා සන්නිවේදන තාක්ෂණයේ යෙදුම් එක බැගින් විස්තර කරන්න.

1. අධ්‍යාපනය                                                     
2. සෞඛ්‍ය                                                            
3. ව්‍යාපාර

26. 2011 GIT – 6

ඔබේ ඥාතියකු ඔහුගේ නිවසෙහි භාවිතය සඳහා පරිගණකයක් තෝරා ගැනීමට ඔබේ උදව් පැතූ අවස්ථාවක් මෙනෙහි කරන්න. ඔහුට සුදුසු පරිගණකයක් තෝරා ගැනීමේදී සැලකිල්ලට ගත යුතු ඉතා වැදගත් තාක්ෂණික පිරිවිතර (Technical Specification) තුනක් ලැයිස්තුගත කරන්න.

27. 2013 GIT – 1

පරිගණක වල පරම්පරා වර්ගීකරණය සඳහා ඒවායේ මධ්‍ය සැකසුම් ඒකකයේ ඇති ප්‍රධාන ඉලෙක්ට්‍රොනික අංගය (තාක්ෂණය) යොදා ගත හැකිය. පහත දක්වා ඇති වගුව ඔබගේ පිළිතුරු පත්‍රයට පිටපත් කරගෙන දෙවන තීරුව පුරවන්න.

28. ආදර්ශ ප්‍රශ්න 1

a. පළමු පරම්පරාවේ පරිගණකයන්හි රික්තක නල භාවිතය නිසා මතුවූ ගැටළු 2 ක් දක්වන්න.

b. දෙවන පරම්පරාවේ පරිගණකවල තොරතුරු ගබඩා කිරීම සඳහා භාවිතා කරන ලද උපක්‍රම 2 කි ලියන්න.

c. පූර්ව යාන්ත්‍රික යුගයට (Pre mechanical - era) අයත්වන ගණක යන්ත්‍රයක් නම් කරන්න.

d. ලඝු ගණක හඳුන්වා දෙමින් ගණිතයට විශාල මෙහෙයක් ඉටුකල පුද්ගලයා සහ ඔහු විසින් පූර්ව යාන්ත්‍රික යුගයෙහි සකසන ලද ගණිත උපකරණය නම් කරන්න.

29. ආදර්ශ ප්‍රශ්න 2

a. දත්ත වල මූලික ලක්ෂණ 2 ක් ලියන්න.

b. පරිගණකයේ පියා ලෙස විරුදාවලි ලැබූ පුද්ගලයා සහ ඔහු සොයාගත් යන්ත්‍රය කුමක්ද?

c. පළමුවන පරිගණක පරම්පරාව සහ තෙවන පරිගණක පරම්පරාව අතර වෙනස්කම් දෙකක් ලියන්න.

d. පරිගණක වර්ගීකරණය සඳහා යොදාගනු ලබන නිර්ණායක 2 ක් ලියන්න.

e. "තොරතුරු සන්නිවේදන තාක්ෂණය” කෙටියෙන් හඳුන්වන්න.

f. ප්‍රමාණය සැලකිල්ලට ගෙන පරිගණක වර්ගීකරණය කරන ආකාර මොනවාද?

g. උකුල් පරිගණක සහ අත්ල පරිගණක යන්ත්‍ර වල ඇති වාසි මොනවාද?

h. පස්වන පරම්පරාවේ පරිගණක වල ලක්ෂණ පැහැදිලි කරන්න.

i. වොන් නියුමාන් (Von Neumann) සංකල්පය කුමක්ද?

j. ලොව ප්‍රථම විද්‍යුත් සංඛ්‍යාංක පරිගණකය ලෙස සැලකෙනුයේ කුමක්ද?

k. ඇනලිටිකල් යන්ත්‍රය සහ එහි ඇති විශේෂත්වය කුමක්ද?

 
 ආදර්ශ පිළිතුරු පසු ලිපි මගින් බලාපොරොත්තු වන්න.....