10 ශ්‍රේණිය නව නිර්දේශය - ප්‍රශ්න මාලාව 14
66. වර්ථමාන ලෝකයේ වෙබ් අඩවි උපයෝගී කර ගනිමින් අධ්‍යාපනය වැඩි දියුණු කර ගැනීම සඳහා ස්වයං අධ්‍යයනයේ යෙදීමට පුළුවන. එසේ ම නිවසේ සිට ම අන්තර්ජාලය යොදා ගනිමින් ගුරුවරයෙකු හා සම්න්බන්ධ වීමට වෙබ් පාදක ඉගෙනුම (WBT) යොදා ගත හැකිය. මෙහි ලෙස හඳුන්වනු ලබන්නේ,
- Web Based Teaching
- Web Based Training
- Web Based Techniques
- Web Based Learning
පිළිතුරු: WBT යන්නෙහි දිගු නාමය වන්නේ Web Based Training වේ. මෙමගින් වෙබ් අඩවි උපයෝගී කර ගනිමින් අධ්‍යාපනය වැඩි දියුණු කර ගැනීම සඳහා ස්වයං අධ්‍යයනයේ යෙදීමට පුළුවන. පිළිතුර වන්නේ 2 වේ.
67. ගුරුවරයාට පාසලේ දී ඉගැන්වීම් ආධාරකයක් ලෙස තොරතුරු හා සන්නිවේදන තාක්ෂණය යොදා ගත හැකිය. එසේ ආධාරකයක් නොවන පිළිතුර වන්නේ,
- විස්තර කර දීමට අපහසු පාඩම් සඳහා රූප සටහන් , සජීවීකරණ සහ වීඩියෝ දර්ශන පෙන්වීම.
- ඉලෙක්ට්‍රොනික සමර්පන යොදා ගනිමින් විෂයයට ආකර්ෂණයක් ඇති කිරීම.
- සිසුන්ට අන්තර්ජාලය පාලනයකින් තොරව ලබා දීම.
- අන්තර්ජාලය මගින් විෂයයට අදාළ තොරතුරු ලබා ගැනීම.
පිළිතුරු: ගුරුවරුන් පාසලේ දී සිසුන් හට ඉගැන්වීමේ කටයුතු සඳහා පරිගණක සහ පරිගණක ආශ්‍රිත මෙවලම් භාවිතා කිර්‍රීම වර්ථමානයේ දැකිය හැකි නව ප්‍රවණතාවයකි. විස්තර කර දීමට අපහසු පාඩම් සඳහා රූප සටහන් , සජීවීකරණ සහ වීඩියෝ දර්ශන පෙන්වීම. ඉලෙක්ට්‍රොනික සමර්පන යොදා ගනිමින් විෂයයට ආකර්ෂණයක් ඇති කිරීම. අන්තර්ජාලය මගින් විෂයයට අදාළ තොරතුරු ලබා ගැනීම. මේ අතර වැදගත් වේ. නමුත් සිසුන් හට අන්තර්ජාලයට පිවිසීම ලබා දිය යුතු වන්නේ සීමාවක් සහිතවයි. පිළිතුර 3 වේ.
68. පාසල් අධ්‍යාපන කළමනාකරණය සහ උසස් අධ්‍යාපන කලමනාකරණය සඳහා ඉගෙනුම් කළමනාකරණ පද්ධති යොදා ගැනීම බොහෝ රටවල මෙන්ම අද වන විට ශ්‍රී ලංකාව වැනි රටවල් වල ද බහුලව දක්නට ලැබේ. ඉගෙනුම් කළමනාකරණ පද්ධතියක් (LMS – Learning Management System) මගින් සිසුන් හට සැලසෙන සේවාවක් නොවන්නේ,
- පාසලේ දී, නිවසේ දී හෝ පහසු ස්ථානයක දී අවශ්‍ය වේලාවක දී ඉගෙනුම් ඒකක හා සම්බන්ධ වීමේ හැකියාව ලැබීම.
- ශිෂ්‍ය, ගුරු සහ පාසල් තොරතුරු කළමනාකරණය කිරීමේ හැකියාව ලැබීම.
- පාසල් පැවරුම් නිවසේ දී ම නිමා කර එසැණින් උඩුගත (Upload) කිරීමේ හැකියාව ලැබීම.
- වීඩියෝ දර්ශන මගින් විෂය සමගාමී ක්‍රියාකාරකම් හා සම්බන්ධ වීමේ හැකියාව ලැබීම.
පිළිතුරු: ශිෂ්‍ය, ගුරු සහ පාසල් තොරතුරු කළමනාකරණය කිරීමේ හැකියාව ලැබීම සේවාවක් වන්නේ පාසලේ කළමනාකරණ මණ්ඩලයටයි. පිළිතුර වන්නේ 2 වේ.
69. පාසල් අධ්‍යාපන කළමනාකරණය සහ උසස් අධ්‍යාපන කලමනාකරණය සඳහා ඉගෙනුම් කළමනාකරණ පද්ධති යොදා ගැනීම බොහෝ රටවල මෙන්ම අද වන විට ශ්‍රී ලංකාව වැනි රටවල් වල ද බහුලව දක්නට ලැබේ. ඉගෙනුම් කළමනාකරණ පද්ධතියක් (LMS – Learning Management System) මගින් දෙමාපියන් හට සැලසෙන සේවාවක් වන්නේ,
- පාසල් පැවරුම් නිවසේ දී ම නිමා කර එසැණින් උඩුගත (Upload) කිරීමේ හැකියාව ලැබීම.
- පාසලේ දී, නිවසේ දී හෝ පහසු ස්ථානයක දී අවශ්‍ය වේලාවක දී ඉගෙනුම් ඒකක හා සම්බන්ධ වීමේ හැකියාව ලැබීම.
- දරුවන්ගේ අධ්‍යාපන ප්‍රගතිය නිවසේ සිට ම දැන ගත හැකි වීම.
- සංවාද මණ්ඩපයක් හා සම්බන්ධ වීම මගින් ගැටලු ඉදිරිපත් කිරීමේ , අදහස් දැක්වීමේ හා පිළිතුරු ලබා ගැනීමේ හැකියාව ලැබීම.
පිළිතුරු: දරුවන්ගේ අධ්‍යාපන ප්‍රගතිය නිවසේ සිට ම දැන ගත හැකි වීම මෙවැනි පද්ධතියක් මගින් සැලසෙන වාසියකි. පිළිතුර 3 වේ.
70. පාසල් අධ්‍යාපන කළමනාකරණය සහ උසස් අධ්‍යාපන කලමනාකරණය සඳහා ඉගෙනුම් කළමනාකරණ පද්ධති යොදා ගැනීම බොහෝ රටවල මෙන්ම අද වන විට ශ්‍රී ලංකාව වැනි රටවල් වල ද බහුලව දක්නට ලැබේ. ඉගෙනුම් කළමනාකරණ පද්ධතියක් (LMS – Learning Management System) මගින් පාසල් කළමනාකරණ අංශයට සැලසෙන සේවාවක් නොවන්නේ,
- කළමනාකරණය කිරීම තුලින් ගුණාත්මක ඉගෙනුම් ඒකක පද්ධතියට එකතු කිරීම.
- ක්‍රියාකාරකම් අධීක්ෂණය සහ ප්‍රතිඵල දැක්වීම.
- පාසලේ දී, නිවසේ දී හෝ පහසු ස්ථානයක දී අවශ්‍ය වේලාවක දී ඉගෙනුම් ඒකක හා සම්බන්ධ වීමේ හැකියාව ලැබීම.
- ඉ - තැපැල මගින් දෙමව්පියන්, පාසල් සංවර්ධන සමිතිය හා පාසල් ප්‍රජාව ට අවශ්‍ය තොරතුරු යැවීම සහ තොරතුරු ලබා ගැනීමේ පහසුව.
පිළිතුරු: පාසලේ දී, නිවසේ දී හෝ පහසු ස්ථානයක දී අවශ්‍ය වේලාවක දී ඉගෙනුම් ඒකක හා සම්බන්ධ වීමේ හැකියාව ලැබීම සිසුන් හට සැලසෙන සේවාවකි. පිළිතුර 3 වේ.
තවත් කොටසක් බලාපොරොත්තු වන්න.
