10 ශ්‍රේණිය නව නිර්දේශය - ප්‍රශ්න මාලාව 21
101. තොරතුරු සන්නිවේදන තාක්ෂණය, කෘෂිකර්මාන්තය (Agriculture) සමග සම්බන්ධ වීම තුලින් සැලසෙන වාසිය නොවන්නේ,
- විවිධ කෘෂි කටයුතු සඳහා අන්තර්ජාලය සහ ඉලෙක්ට්‍රොනික තැපෑල භාවිතය.
- කෘෂිකර්මාන්තයට අත්‍යවශ්‍ය වන කාලගුණික දත්ත හුවමාරුව.
- ගොවියාට සිය නිෂ්පාදන සඳහා නිසි මිලක් නොලැබීම සහ අතරමැදි පුද්ගලයින් විසින් සූරාකෑමට ලක් වීම.
- වෙළඳපල මිල ගණන් පිළිබඳ විස්තර හුවමාරු කරගැනීම.
පිළිතුරු: අන්තර්ජාලය සහ ඉලෙක්ට්‍රොනික තැපෑල භාවිතය, කෘෂිකර්මාන්තයට අත්‍යවශ්‍ය වන කාලගුණික දත්ත හුවමාරුව, වෙළඳපල මිල ගණන් පිළිබඳ විස්තර හුවමාරු කරගැනීම. ආදිය කෘෂිකර්මාන්තයේ තොරතුරු සන්නිවේදන තාක්ෂණයෙහි ප්‍රායෝගික භාවිතයන් වේ. ICT භාවිතය නිසා ගොවියාට සිය නිෂ්පාදන වලට නිසි වෙළඳපොළක් ලැබීම සහ අතරමැදි පුද්ගලයන් විසින් සූරා කෑමට ලක් නොවීම මෙහිදී සිදුවන වාසි වේ. පිළිතුර 3 වේ.
102. කර්මාන්ත ක්ෂේත්‍රය සඳහා තොරතුරු තාක්ෂණය යොදාගනිමින් විවිධ භාණ්ඩ හා උපකරණ නිර්මාණය කිරීමෙන් ලැබෙන වාසියක් නොවන්නේ,
- භාණ්ඩ හා උපකරණ පිළිබඳව මූලික සැලසුම් සකස් කිරීමට හැකි වීම.
- නිමාවේ ස්වරූපය පිළිබඳව කලින් දැක ගත හැකි වීම.
- අවසාන නිෂ්පාදනය දෝෂ වලින් තොරව සම්පූර්ණ භාණ්ඩයක් ලෙස එලි දැක්වීමට හැකිවීම.
- භාණ්ඩ වල කල් පැවැත්ම අඩුවීම.
පිළිතුරු: භාණ්ඩ හා උපකරණ පිළිබඳව මූලික සැලසුම් සකස් කිරීමට හැකි වීම, නිමාවේ ස්වරූපය පිළිබඳව කලින් දැක ගත හැකි වීම , අවසාන නිෂ්පාදනය දෝෂ වලින් තොරව සම්පූර්ණ භාණ්ඩයක් ලෙස එලි දැක්වීමට හැකිවීම ට හැකි වන අතර කල්පැවැත්ම ද වැඩි වේ. පිළිතුර වන්නේ 4 වේ.
103. තොරතුරු තාක්ෂණය හා සමාජය (Information Technology & Society) පිළිබඳව මාතෘකාව සැලකීමේදී කෘෂිකර්මාන්තය පිළිබඳව විශේෂ අවධානයක් යොමුකිරීම සැලකිය හැකිය. මෙම ක්ෂේත්‍රයට තොරතුරු තාක්ෂණය මගින් සිදුවිය හැකි සේවයක් නොවනුයේ.
- කෘෂි ගෙවීම් පිළිබඳ වාර්ථා පරිගණකගත කිරීම.
- ප්‍රජා ගුවන්විදුලි , රූපවාහිණී හෝ සේවා මධ්‍යස්ථාන වල දැනුවත් වීමේ වැඩසටහන් පැවැත්වීම.
- කෘෂි පර්යේෂනයන්හි නියුතු විද්‍යාඥයන්ට තොරතුරු හුවමාරු කරගැනීම සඳහා නිසි ජාල පද්ධති නිර්මාණය කිරීම
- සිටවන ලද බෝග වල ආයුකාලය නිර්ණය කිරීම සහ බෝග වල ආරක්ෂාව සඳහා යොදා ගැනීම.
පිළිතුරු: සිටවන ලද බෝග වල ආයුකාලය නිර්ණය කිරීම සහ බෝග වල ආරක්ෂාව සඳහා යොදා ගැනීම ප්‍රායෝගිකව සිදු කළ නොහැකි දෙයකි. පිළිතුර 4 වේ.
104. කෘෂිකාර්මික ක්ෂේත්‍රයේ දී භාවිතා වන හරිතාගාර (Green houses) සම්බන්ධයෙන් අසත්‍ය ප්‍රකාෂය වන්නේ,
- භෝග වගාවේ දී ගොවියාට තම භෝග ස්වාභාවික ව්‍යවසනයන් ගෙන් (තද අව්ව, වැස්ස, උශ්ණත්වය, සීතල, කෘමීන්, වසංගත ආදිය) ආරක්ෂා කර ගැනීම සඳහා හොඳ විසදුමක් ලෙස හරිතාගාර පෙන්වා දිය හැකිය.
- ඉතා උසස් තත්ත්වයේ දුර්ලභ භෝග නිෂ්පාදන වෙළඳපොළට එක් කිරීමට මෙමගින් අවස්ථාව ඇත.
- CCTV කැමරා පද්ධතියක් මගින් හරිතා ගාර වල ඇති භෝග ආරක්ෂා කරගත හැකිය.
- හරිතාගාර වල පාලනය සඳහා තොරතුරු හා සන්නිවේදන තාක්ෂණය යොදා ගැනීමෙන් වගාවන්ට සුදුසු ලෙස ආර්ද්‍රතාවය, ආලෝකය, ජලය සහ වාතය පාලනය කරනු ලැබේ.
පිළිතුරු: CCTV කැමරා පද්ධතියක් මගින් හරිතා ගාර වල ඇති භෝග ආරක්ෂා කරගත හැකි වීම ප්‍රායෝගිකව සිදු කළ නොහැකි දෙයකි. පිළිතුර 3 වේ.
105. සත්ත්ව ගොවිපල සඳහා තොරතුරු සන්නිවේදන තාක්ෂණික යෙදවුම් ලෙස සතුන් ගණනය කිරීමට, හඳුනා ගැනීමට සහ ඔවුන් සිටිනා ප්‍රදේශ දැන ගැනීම සඳහා සතුන්ගේ ශරීරයේ පළඳවන උපකරණයකි...................... උපකරණය. හිස්තැන පිරවීම සඳහා වඩාත්ම යෝග්‍ය පිළිතුර වන්නේ,
- QR කේතය
- තීරු කේතය (Bar Code)
- ගුවන් විදුලි සංඥා හැඳුනුම් (RFID – Radio Frequency Identification Device)
- ISBN අංකය
පිළිතුරු: ගුවන් විදුලි සංඥා හැඳුනුම් (RFID – Radio Frequency Identification Device) උපකරණය මගින් සතුන් ගණනය කිරීමට, හඳුනා ගැනීමට සහ ඔවුන් සිටිනා ප්‍රදේශ දැන ගැනීම සිදු කරයි. පිළිතුර 3 වේ.
තවත් කොටසක් බලාපොරොත්තු වන්න.
