Computer Hardware 07

Monitor

Monitor යනු Soft Copy ලබා ගැනීම සඳහා පරිගණකයට සම්බන්ධ කර භාවිතා කරන උපකරණයකි.  මෙය පරිගණකයක් සදහා තිබිය යුතුම උපාංගයක් ලෙස සැලකිය හැකිය. මෙය නොමැතිව කිසිම කාර්යක් සිදු කිරීමට නොහැකිය. එය නිසා මෙම උපකරණය පරිගණකයේ මූලික උපාංගයක් ලෙස හදුන්වනු ලබයි. මේ නිසා (VDU- Visual Display Unit) ලෙසද හඳුන්වයි.  ප්‍රධාන වශයෙන් භාවිතා කරන Monitor වර්ග දෙකකි.

1. Monochrome Monitor
2. Color Monitor

Monochrome Monitor යක හැසිරිය හැක්කේ එක් වර්ණයක් පමණි.  මේ නිසා සුදු කළු වර්ණ පමණක් මෙහිදී ලබා ගත හැකිය.  

දෙවනි වර්ගය වන වර්ණ Monitor වල වර්ණ 16 සිට දශලක‍ෂ 32 දක්වා සාමාන්‍යයෙන් වර්ණ වල සංයෝජන ලබා දිය හැකිය.  එහෙත් ඒ ඒ Monitor නිශ්පාදන තත්වය අනුව එක් එක් Monitor වල වර්ණ හැසිරවීමේ සීමාවන් පවතී.  ඕනැම Monitor යක ගුණාත්මකතාවය මනින මිනුම් දඩු තුනක් පවතී.  

Monitor යේ තිරයේ ප්‍රමාණය 

Monitor යේ දර්ශණ ලබා දෙන තිරයේ දිග හා පළල අනුව එහි දර්ශණ වල ගුණාත්මක භාවය මැනීම මෙහි අදහස වේ.  මෙහිදී තිරස් හෝ සිරස් අතට නොව Monitor යේ එක් මුල්ලක සිට අනෙක් මුල්ලට ඇති දිග සැලකිල්ලට ගනු ලබයි.  මෙම දිග ප්‍රමාණයන් 14”, 15”, 17”, 21” යනාදි වශයෙන් විවිධ ප්‍රමාණයන්ගෙන් දැකිය හැකිය. අදවන විට මීටත් වඩා විශාල ප්‍රමාණයේ තිරයන් දැකිය හැකිය. 

Resolution

Monitor යෙහි හතරුස් අඟලක් තුල පතිත වන ආලෝක ලප ප්‍රමාණය Monitor යෙහි Resolution ලෙස හඳුන්වයි.  මෙම අගය වැඩි වීමත් සමඟ රූප වල පැහැදිලිතාවය වැඩි වේ.  නුතන Monitor වල භාවිතා කරන Resolution කිහිපයක් පහත දැක්වේ.

480x600, 600x800, 720x820, 1024x720, 1024x1024

Radiation

 Monitor ය ක්‍රියාත්මක වන විට විවිධ කිරණ නිකුත් වීම සිදු වේ.  මෙම කිරණ සමහරක් මිනිස් සිරුරට අහිතරකර නිසා එසේ නිකුත් කරන කිරණ වලින් ආරක‍ෂාවීමට තිරය මත විශේෂ රසායනික ආලේපයක් ආලේප කර ඇත.  මෙම රසායනික ආලේපයේ ගණත්වය හා ගුණාත්මක බව මත Monitor යෙන් නිකුත් කරන කිරණ වලට භාවිතා කරන්නා ගොදුරු වීමේ අවධානමක් පවතී. අඩු Radiation ප්‍රමාණයක් නිකුත් කරන Monitor හොඳ තත්වයේ Monitor වේ.  මේ නිසා Law Radiation Monitor, High Radiation Monitor වලට වඩා උසස් යැයි කියනු ලැබේ.

Monitor තාක‍ෂණය

Monitor යක් ක්‍රියාත්මක වන්නේ කැතෝඩ කිරණ බටයකට කිරණ විඳීමෙනි.  මෙවැනි Monitor වලට CRT Monitor යැයි කියනු ලබයි.  මේවා ප්‍රමාණයෙන් විශාල වේ.  එහෙත් වෙනත් තාක‍ෂණයන් හා සසදන විට මෙම Monitor මිලෙන් අඩු බැවින් ජනප්‍රිය වී ඇත.  මෙවැනි Monitor යක් පරිභෝජනය කරන විදුලිය ප්‍රමාණය විශාල අගයක් ගන්නා බැවින් පරිගණකයේ විදුලි සැපයුම් ඒකකය භාවිතා නොකර ගෘහස්ත විදුලි සැපයුමක් හරහා සෘජුව විදුලිය සැපයීමෙන් වුවද ක්‍රියාත්මක කල හැකිය.   

මෙය ඉතා සංකිර්ණ උපකරණයක් නිසාද එහි තාක‍ෂණය රුපවාහිනි තාක‍ෂණයට නැකම් කියන නිසාද සාමාන්‍ය පරිගණකය භාවිතා කරන අයෙකුට මෙය අලූත්වැඩියා කල නොහැක.  අවම ලෙස Monitor යක් ගලවා පරික‍ෂා කිරිම පවා අලූත්වැඩියාව පිළිබඳ අවබෝධයක් නැති අයෙකු විසින් නොකල යුතු දෙයකි.  මෙහි IC, Chips, Controllers, Fly bag ආදි අවයව රාශියක් සහිත මව් පුවරුවක් පිහිටුවා ඇත.  මොනිටරය ක්‍රියාත්මක නොවන අවස්ථාවකදී වුවද මෙහි ඇති විද්‍යුත් පරිපථ වල විදුලිය ගබඩා වී ඇති නිසා මොනිටරයක් අලූත්වැඩියාව පිළිබඳව නොදැන නොකල යුතුය.

Flat Panel තාක‍ෂණය වැනි තාක‍ෂණයන්ගෙන් නිපදවා ඇති Monitor භාවිතයේදී පරිගණක තාක‍ෂණයට සමාන අඩු විදුලි ප්‍රමාණයක් භාවිතා කරන ලෙස සකසා ඇති නිසා ඉහත ආකාරයේ අතුරු ගැටලූ පැන නොනගී.