ICT Part 2 - සාමාන්‍යපෙළ තොරතුරු හා සන්නිවේදන තාක්ෂණය

ICT Part 2

පරිගණකයක කොටස්

පරිගණකයක උපාංග ප්‍රධාන වශයෙන් ප්‍රධාන කොටස් තුනකට බෙදා දැක්විය හැකිය. එනම්,

  1. ඇතුළු කිරීමේ උපාංග (Input Devices)
  2. පිට කරන උපාංග(Output Devices)
  3. ගබඩා කිරීමේ උපාංග(Storage Devices)

 

  1. ඇතුළු කිරීමේ උපාංග (Input Devices)

පරිගණකයට දත්ත ඇතුළත් කිරීම සදහා යොදා ගනු ලබන උපාංග මේ ගණයට අයත් වේ. එක්දහස් නවසිය ගණන් වල පරිගණකයකට දත්ත ඇතුළත් කිරීමට තිබුණු එක ම මෙවලම වූයේ යතුරු පුවරුවයි. පසු කාලයේ දී පරිගණකයට දත්ත ඇතුළත් කිරීමට භාවිතා කරනු ලැබූ උපාංග ප්‍රධාන කොටස් දෙකක් විය. එනම්,

  1. යතුරු පුවරු මාදිලියේ ඇතුළත් කිරීමේ උපාංග
  2. සෘජු ඇතුළත් කිරීමේ උපාංග

 

යතුරු තද කිරීම මගින් දත්ත ඇතුළත් කරන උපාංග පළමු ගණයටත් අනෙක් සියළුම උපාංග සෘජු ඇතුළත් කිරීමේ උපාංග ගණයටත් අයත් වේ.     

 

යතුරු පුවරුව (Keyboard)

පරිගණකය නිපදවූ අවදියේ දී පරිගණකයට දත්ත ඇතුළත් කිරීම සදහා භාවිතා කළ එක ම උපාංගය මෙය යි(Keyboard). මෙහි දක්නට ලැබෙන සෑම යතුරක් ම ස්විචයක් සේ දැක්විය හැකිය. යතුරු පුවරුවක(Keyboard) දැක්වෙන සැම අකුරක් සදහා ම ASCII කේත භාවිතා කරනු ලැබේ. මෙම උපාංගය පරිගණකයට සවි කිරීමට ආකාර කිහිපයක් වර්තමානයේ දක්නට ලැබේ. එනම්, serial port හරහා,Ps2 port හරහා,USB Port හරහා යනු එම ක්‍රමයි.  වර්තමානය වන විට Bluetooth ආදී ක්‍රම මගින් භාවිතා කළ හැකි ලෙස යතුරු පුවරු(Keyboard) නිර්මාණය කර ඇත.එසේම යතුරු කිසිවක් දක්නට නොමැති touch pad ආකාරයට නිර්මාණය කළ ඒවා ද දක්නට ඇත.

 

මවුසය (Mouse)

මේසය මත චලනය කළ හැකි කුඩා උපකරණයක් වන මෙය මේසය මත චලනය කිරීමත් සමග ඊට අනුරූප ව පරිගණක තිරය මත යම් කුඩා සළකුණක් ගමන් කරන අතර එය Mouse Pointer ලෙස හදුන්වනු ලැබේ. මෙම දර්ශකයේ සාමාන්‍ය ස්වරූපය නම් වම් පසට ඇලවුණු ඊතලයකි. භාවිතා කරනු ලබන එක් එක් මෘදුකාංගයන් අනුව එය වෙනස් විය හැකිය.

මුල් කාලයේ භාවිතා කරනු ලැබූ මවුස් (Mouse) වල යටි පැත්තේ කුඩා බෝලයක් දක්නට ලැබුණි. එය භ්‍රමණය වීමේ දී ඇති වන චලන රටාව හදුනාගෙන විද්‍යුත් සංඥා ආකාරයට පරිගණකයට යවනු ලැබේ. කාලය ගතවීමත් සමග වැඩි දියුණු වී ඇති මවුස් වර්ග බොහෝ ඇත. Optical Mouse එසේ දියුණු වූ එක් මවුස් (Mouse) වර්ගයකි. මේවායේ ආලෝක විමෝචන ඩයෝඩ (Light-Emitting diode   - LED ) නැමති සංඥා ක්‍රමය භාවිතා කරනු ලැබේ. (ඇතැම් අය මේවා ලේසර් මවුස් ලෙස වැරදි ආකාරයට වටහාගෙන සිටී.)  

වර්තමානයේ දුරස්ථ පාලක මගින් හැසිරවිය හැකි මවුස් වර්ග ද නිපදවා තිබේ.  BluetoothMouse ඒ ගණයට වැටේ. සාමාන්‍ය මවුසයක් (Mouse)  මීටර් දහයක් පමණ දුර සිට වැඩ කිරීමේ හැකියාවක් පවතී. එසේම ඉතා දුර ප්‍රදේශයක සිට පාලනය කළ හැකි ඒවා ද දක්නට ලැබේ.    

මවුසය (Mouse)  වර්ගීකරණය කරනු ලබන්නේ එල්ල කරනු ලබන උපාංග ඝනයටයි. Joy sticks, Light pen ආදිය මේ වර්ගයට ඇතුළත් කළ හැකි තවත් උපාංග කිහිපයකි.  

මවුස් එක භාවිතා කිරීමේ දී පහත අවස්ථා ප්‍රයෝජනවත් වේ. එනම්,

  1. Click
  2. Double Click
  3. Right Click
  4. Mouse Drag

 

  1. Click

මවුස් (Mouse) උපකරණයෙහි වම් පස යතුර භාවිතා කර යම් අවස්ථාවක් තෝරා ගැනීම මෙනමින් හැදින්වේ.

 

  1. Double Click

ඉතා කුඩා කාල පරාසයක් තුළ Mouse උපකරණයේ වම් පස යතුර එක වර දෙවරක් භාවිතා කිරීම මෙනමින් හැදින්වේ. එමෙන්ම යම් සළකුණක් මත Double Click කිරීම යනු එම ස්ථානය විවෘත කිරීමයි.    

 

  1. Right Click

මවුස් (Mouse) උපකරණයේ දකුණු පස යතුර භාවිතා කිරීම මගින් යම් ස්ථානයක් click කළ පසු එම ස්ථානයට අදාළ විධාන තීරුවක් ප්‍රදර්ශනය කිරීම මෙහි විශේෂ ලක්ෂණයක් වේ.

 

  1. Mouse Drag

Mouse එකෙහි වම් පස යතුර Click කර එය නිදහස් නොකර වෙනත් ස්ථානයක් වෙත රැගෙන යාම මෙනමින් හදුන්වනු ලැබේ.