ICT Part 3 - සාමාන්‍යපෙළ තොරතුරු හා සන්නිවේදන තාක්ෂණය

ICT Part 3

Camera (කැමරාව)

    චලනය වන දර්ශනයක් පරිගණකය තුළට ලබා ගැනීම සදහා මෙම උපකරණය භාවිතා කරනු ලැබේ. අතීතයේ දී ඡායාරූප ගබඩා කිරීම සදහා යොදා ගනු ලැබුවේ සේයා පටල යි. ඒවා ඉතා මිල අධික විය. අතීතයේ භාවිත වූ එම කැමරා  (Camera)  ඉතා විශාල විය. එසේම එමගින් ඡායාරූප ගැනීමේ දී මුළු කැමරාව ම (Camera)කළු රෙද්දකින් ආවරණය කරනු ලබයි. මේසේ සිදු කරනු ලබන්නේ කැමරාව (Camera) තුළට ආලෝකය පැමිණීම වැළැක්වීමට යි. නමුත් අද තාක්ෂණයේ දියුණුවත් සමග එම සියල්ල පහසු කර තිබේ. අද භාවිතා වන කැමරා වල අතීතයේ භාවිතා වූ සේයා පටල දක්නට නොමැත. කැමරාව (Camera) තුළ ම එම රූප ගබඩා වීමට Memory යක් එසේ නැතිනම් මතකයක් ඇත. එම නිසා එම ඡායාරූප කැමරාව (Camera) පරිගණකයකට සම්බන්ධ කර එයට ලබා ගත හැකිය.

   අද වන විට ලෝකයේ විවිධ කැමරා(Camera) වර්ග බොහෝමයක් දැකිය හැක. විවිධ අයතන මගින් විවිධ තාක්ෂණයන්, විවිධ හැඩයන්, විවිධ වර්ණයන් භාවිතා කරමින් මේවා නිපදවනු ලබයි. මෙම ආයතන අතර Nikon, Sony, Kodak, Samsung, Panasonic, ……. ආදී බොහෝ වර්ග දැකිය හැකිය.

   ඡායාරූප ගැනීම සදහා ම නිපදවා තිබෙන කැමරා බොහෝමයක් දැකගත හැකිය. මේවායේ ඇති Pixel ගණන මත ඡායාරූපයේ පැහැදිලි භාවය තීරණය වේ. Pixel එකක් යනු කුඩා හතරැස් කොටුවකි.(PPI – Pixel Per Inch ) මෙවැනි හතරැස් කොටු බොහෝ ගණනක් එකතුවෙමින් ඡායාරූපයක් නිර්මාණය වේ. මෙවැනි එක් Pixel යක ඇත්තේ එක් වර්ණයකි.  

   DPI – Dot Per Inch යනුවෙන් හදුන්වනු ලබන්නේ කැමරාවක් මගින් ලබා ගන්නා රූපයක් මුද්‍රණය කිරිමේ දී මෙය වැදගත් වේ. මෙය මුද්‍රණය කිරීමට භාවිතා කරනු ලබන කඩදාසිය මත තීරණය කළ යුතු වේ.

   Video Camera විශේෂය Video කටයුතු කිරීම සදහා විශේෂයෙන් සැකසූ එකකි. මෙහි දී Pixel මෙන්ම තිර ප්‍රමාණයන් ද ඪාවිතා කරනු ලැබේ. එනම්, CRT තිර සදහා භාවිතාවනුයේ 4:3 ප්‍රමාණය යි. එසේ ම LCD තිර සදහා 16:4 ප්‍රමාණය න් භාවිතා කෙරේ. මෙම ප්‍රමාණය HD ප්‍රමාණය ලෙස ද හැදින්විය හැකිය.

   Web Camera වර්ගය භාවිතා කරනු ලබන්නේ අන්තර්ජාලය හරහා චලන රූප සජීවී ව හුවමාරු කර ගැනීම සදහා ය. සාමාන්‍ය කැමරා වලට වඩා මෙම කැමරා ප්‍රමාණයෙන් කුඩා වේ. Skype වැනි තාක්ෂණයන් භාවිතා කරමින් දුර බැහැර සිටින පුද්ගලයන් සමග සජීවීව සම්බන්ධ වීමට මෙමගින් හැකිය. එසේම කාර්යය බහුල ජීවිතයක් ගත කරන පුද්ගයන් හට සම්මන්ත්‍රණ, දේශන ආදී දෑ පැවැත්වීමට යම් ස්ථානයකට පැමිණීමට නොහැකි නම් මෙවැනි තාක්ෂණයක් හරහා එය බොහෝ සාර්ථකව, පහසුවෙන් සිදු කර ගැනීමට හැකිය. 

   

Scanner (පරිලෝකන යන්ත්‍රය)

    අක්ෂර සහිත ලිපියක් හෝ රූපයක් ස්කෑන් කිරීම මෙම උපකරණය භාවිතා කරනු ලබයි. මෙම යන්ත්‍රය තුළට ඇතුළත් කරනු ලබන ලේඛනය හෝ රූපය ඒ ආකාරයෙන් ම පරිගණකයට ලබා ගැනීම මෙමගින් සිදු කර ගත හැකිය. මේ සියල්ල රූපමය මාධ්‍යයක් සේ පරිගණකයට ලබා දේ. මේවායේ ද වර්ණ ස්කෑන සහ කළු සුදු ස්කෑන ලෙස වර්ග දෙකක් දැකිය හැක.  

  

MIC

    පරිගණකයක් තුළට භාහිරින් ඇති ශබ්දයක් ඇතුළත් කර ගැනීම සදහා මෙම MIC උපකරණය භාවිතා කරනු ලැබේ. කලකට පෙර මෙම MIC උපකරණය wire (රැහැන්) සම්බන්ධතාවයක් මගින් සම්බන්ධ කිරීමට සකසා තිබූ අතර වර්තමානය වන විට wireless තාක්ෂණය මගින් ශබ්ධයක් පරිගණකය තුළට ලබා ගැනීමේ හැකියාව පවතී. එසේම ඉතා කුඩා ප්‍රමාණයේ (බොත්තම්) ප්‍රමාණයේ MIC වර්තමාණයේ දැකිය හැකි අතර ඒවා Nano තාක්ෂණය උපයෝගී කර ගනිමින් නිපදවා ඇත.