MS Excel Part 13

Sort (වගුවක ඇති දත්ත ආරෝහන හෝ අවරෝහන ක්‍රමයට සැකසීම)

කිසියම් දත්ත වගුවක් සැකසූ පසු එහි ඇති තොරතුරු ආරෝහන හෝ අවරෝහන ක්‍රමයට සකස්කර ගැනිමට අවශ්‍ය විය හැකිය. එවැනි අවස්ථාවක එම තොරතුරු ආරෝහන හෝ අවරෝහන ක්‍රමයට සකස්කර ගැනීම මෙහිදී කළ හැක. එනම් කිසියම් තොරතුරක් අංක පිළිවෙලට, දින පිළිවෙලට, අකුරු පිළිවෙලකට, ආදී ලෙස ලබාගැනීම මෙහිදී කල හැක.

අවරෝහන හෝ ආරෝහන ආකාරයට සකස් කර ගැනීමට අවශ්‍ය වගුව Select කර හෝ එම වගුව තුල Cell Pointerය තබා Data  --->  Sort

SortBy - ආරෝහණ හෝ අවරෝහන අකාරයට සැකසිමට අවශ්‍ය දත්ත ඇති තීරයේ නම තෝරා ගන්න

එයට ඉදිරියෙන් ඇති Ascending (අවරෝහන) Descending (ආරෝහන) වලින් අවශ්‍ය ආකාරය තෝරාගන්න

Thenby - කවුඵව තුලින් දෙවනුව හා තෙවනුව ආරෝහන හෝ අවරෝහන ආකාරයට සකසා ගැනිමට අවශ්‍ය තීරුවල නම් තෝරා ඒවාද සකස් කර ගත යුතු පිළිවෙල තෝරා ගන්න

Filtering Data  

විශාල දත්ත හා තොරතුරු ප්‍රමාණයක් අතරින් අපට අවශ්‍ය දත්ත හෝ තොරතුරු පමණක් පෙරා වෙන් කර ගැනීමට අවශ්‍ය විය හැකිය.  එහිදී තොරතුරු පෙරීම සඳහා Filter Option භාවිතා කල හැකිය. මෙහි ඇති වාසිය නම් ඇතුල් කර ඇති දත්ත අතරින් අපට අවශ්‍ය ඕනෑම තොරතුරක් වෙන් කර ගත හැකි වීමයි.  මෙසේ තොරතුරු වෙන් කිරීමේදී එය ක්‍රම කීපයකට අනුව කල හැකිය. 

• දත්ත වගුවෙහි ඇතුල් කර ඇති කිසියම් දත්යකට සමාන දත්ත
• තෝරාගත් තීරුවෙහි වැඩිම හෝ අඩුම අගයක් ඇති දත්ත කාණ්ඩය හෝ දත්තය
• කිසියම් දත්ත පරාසයක් දී එයට අදාල දත්ත ලබාගැනීම ආදී වශයෙන් 

Auto Filter

වගුව මත ඇති ඕනෑම Cell එකක් තෝරන්න.

Filter විධානය වගුව මත සක්‍රීය කර ගැනීම සඳහා  Data ---> Filter ---> Auto Filter  පිළිවෙලින් තෝරන්න. මෙවිට වගුවෙහි සෑම තීරයකම මාතෘකාව ඇති Cell එකෙහි දකුණු පස (පහළට දක්වා ඇති ඊ හිස) ආකාරයේ ලකුණක් දක්නට ලැබේ.

අදාල තීරුවෙහි (පහලට දක්වා ඇති ඊ හිස) සලකුණ මත මවුසය ක්ලික් කර ලබා ගැනීමට අවශ්‍ය දත්තය තෝරා ගන්න.

තෝරා ගත් දත්තය සහිත පේලි  පමණක් ඉතිරි වී අනෙක් පේලි වගුවෙන් ඉවත් වීම මෙහිදී සිදුවෙයි.

නැවත සියළුම දත්ත වගුවට ලබාගැනීම සඳහා මුලින් ක්ලික් කළ තීරුව මත ඇති (පහලට දක්වා ඇති ඊ හිස)  සලකුන මතම නැවත ක්ලික් කර All යන්න තෝරන්න.

Top 10 Filter භාවිතය

වගුව Filter කිරීමේදී ලැබුනු (පහලට දක්වා ඇති ඊ හිස) සලකුන මත ක්ලික් කිරීමෙන් ලැබුන විධාන අතරින් Top10 යන්න තෝරා ගැනීම මගින් වගුවේ වැඩිම හෝ අඩුම අගයන් ගන්නා දත්ත අවශ්‍ය ප්‍රමාණයක් පමණක් තෝරා ගැනීමට හැකිවෙයි.

මෙහිදී ලැඛෙන පලමු තෝරා ගැනීමේ කවුළුවේදී තෝරා ගැනීමට අවශ්‍ය ඉහලම අගයන්ද පහලම අගයන්ද යන්න තෝරාගන්න.

දෙවන කවුළුවේදී ඔබට තෝරා ගැනීමට අවශ්‍ය ප්‍රමාණයද

තුන්වන කවුළුවේදී ඔබට තෝරා ගැනීමට අවශ්‍ය වන්නේ කණ්ඩායමක් නම් Item වශයෙන්ද එක් අයකු නම් Present යනුවෙන්ද තෝරා Ok කළ යුතුවේ. 

Custom

මෙහිදී කරනු ලබනුයේ කිසියම් සීමාවක් පනවා එයට ඇතුලත් තොරතුරු පමණක් ලබාගැනීමය.  මේ සඳහා අවශ්‍ය තීරුවෙහි (පහළට දක්වා ඇති ඊ හිස) සංඛේතයට Click කර Custom තෝරා ගත් පසු ලැඛෙන තිරයෙන් තොරතුරු ලබාගත යුත්තේ කුමන ආකාරයෙන්ද යන්න සටහන් කර OK කළ යුතුය.

Chart

සකස් කරනු ලැබු දත්ත වගුවක ඇති තොරතුරු ප්‍රස්ථාරයක් ආකාරයෙන් ඉදිරිපත් කිරිම සඳහා මෙහිදි කල හැකිය. මෙහි ඇති වාසිය නම් අදාල තොරතුරු වගුවක පෙන්වනවාට වඩා පහසුවෙන් හා නිරවුල්ව කෙනෙකුට අවබෝධ කර ගැනිමට හැකි වන ලෙස ඉදිරිපත් කල හැකි වීමයි.

ප්‍රස්ථාරය ලබා ගත යුතු දත්ත ඇතුලත් වගුව තෝරාගන්න.

Insert ---> Chart

Chart Type - මෙහිදි අවශ්‍ය ප්‍රස්ථාර වර්ගය තෝරාගන්න

Chart Data sourse - ප්‍රස්ථාරය ලබා ගත යුත්තේ Row ආකාරයටද Column ආකාරයටද යන්න තෝරාගන්න

Chart Option - මෙහිදි ප්‍රස්ථාරයට නමක් ලබා දිම, X-Y අක‍ෂ නම් කිරිම, ප්‍රස්ථාරයෙහි X හා Y අක‍ෂ තව දුරටත් වෙන්කිරිම, දත්ත වගුව ප්‍රස්ථාරය ඇතුලත් ප්‍රදේශයටම ඇතුල් කිරිම ආදිය අවශ්‍ය ආකාරයට වෙනස් කර ගත හැකිය.

Chart Location - මෙහිදි ප්‍රස්ථාරය ඇතුලත් කල යුත්තේ කුමන ස්ථානයටද යන්න තේරීම