MS Excel Part 4

Editing Data

Selecting Cell - Cell කීපයක් එකවර තෝරා ගැනීම

අප Excel භාවිතා කරන සෑම අවස්ථාවකදීම Active Cellනමින් හඳුන්වනු ලබන Cell එක සෑම විටම තිරය මත සක්‍රීයව පවතී.  Cell කීපයක එකතුවක් Range එකක් ලෙස හදුන්වනු ලැබේ. Range එකක් තෝරා ගැනීමට අවශ්‍ය වන්නේ නම් මවුසය Range එකෙහි පලමු Cell එක මත තබා මවුසයේ දකුණු බොත්තම ඔබාගෙන අවසාන Cell එක දක්වා මවුසය ඇඳගෙන යාම මගින් එම Cell සක්‍රීය කළ හැක.

 තීරයක හෝ පේළියක ඇති සියළුම Cell තෝරා ගැනීමට අවශ්‍ය වන්නේ නම් තීරයේ හෝ පේලියේ අක‍ෂර හෝ අංක දක්වනු ලබන කොටුව (Column Heading, Row Heading)මත මවුසය ක්ලික් කිරීම මගින් අදාල තීරුව හෝ පේළිය සම්පූර්ණයෙන්ම තෝරා ගැනීම කළ හැක. අදාල Work sheet සම්පූර්ණයෙන්ම තෝරා ගැනීමට අවශ්‍ය වන්නේ නම් Work sheet එකෙහි ඉහල වම් කෙළවරෙහි ඇති අඵ පැහැති කොටුව මත මවුසය ක්ලික් කිරීම මගින් එය සිදුකර ගත හැකිය.

Editing Cell

Cell එකක් තුලට එක් කළ දත්තයක් වෙනස් කිරීම

Cell එකක් තුලට එක් කර ඇති දත්තය වැරදියැයි වැටහුන හොත් එම දත්තය අවශ්‍ය පරිදි වෙනස් කිරීමේ හැකියාව ඇත.  මේ සදහා ඔබ වැරදි දත්තය ඇතුළත් කරනු ලැබූ Cell එක මතට ගොස් නව දත්තය Type කළ සැනින් පෙර දත්තය එම Cell එකෙන් ඉවත්වී නව දත්තය ඒ මත සටහන් වේ.  ඔබ කලින් ලියා ඇති දෙය සම්පූර්ණයෙන් ඉවත් කිරීම වෙනුවට එය වෙනස් කිරීමට අපේක‍ෂා කරන්නේ නම් අදාල Cell එක මතට ගොස් මවුසය දෙවරක් ක්ලික් කිරීම මගින් හෝ F2 යතුර Press කිරීම මගින් හෝ  Formula Bar එක මත මවුසය ක්ලික් කිරීම මගින් හෝ Cursor ය Cell එක මතට ගෙන අදාල වෙනස් කිරීම් කල හැකිවේ.

Deleting Data (Cellඑකක ඇති දත්ත සම්පූර්ණයෙන්ම ඉවත් කිරීම)

Cell එක තුලට ඔබ ඇතුල් කරනු ලැබූ දත්ත සම්පූර්ණයෙන්ම ඉවත් කිරීමට අවශ්‍ය වන්නේනම් අදාල Cell එක මතට ගොස් Delete යතුර Press කිරීම මගින් කල හැකිය.

එසේ නැතිනම් Cell එක මත මවුසයේ දකුණු බොත්තම Clickකර ලැඛෙන උප මෙනුවේ Clear Contents Click යන විධානය භාවිතා කිරීම මගින් දත්තය සම්පුර්ණයෙන් ඉවත් කළ හැක. 

එමෙන්ම Edit      Clar      Contents  යන විධානය මගින්ද දත්ත මකා දැමිය හැකිය.

නමුත් මෙහිදී Cell එක තුල ඇති දත්ත පමණක් මැකී යන අතර එම Cell එකට කිසියම් හෝ වෙනස්කමක් කර ඇත්නම් එය ඉවත් නොවේ. මේ සදහා පහත සදහන් කර ඇති ක්‍රියා පටිපාටියන් භාවිතා කරන්න.

Deleting Format

මෙමගින් අපට යම්කිසි Cell එකක ඇති විවිධ අලංකාරවත් දේ (අප විසින් ඇතුළත් කරන ලද) ඉවත් කිරීමේ හැකියාව ලබා දෙනු ලබයි.   කිසියම් Cell එකක ඇති දත්ත පමණක් නොව එම Cell එකට යොදා ඇති Formats (අකුරු වර්ග, වර්ණයන්, පසුබිම් පාට ආදිය) ඉවත් කිරීමට සිදුවන අවස්ථා අපට හමුවේ. එවැනි අවස්ථාවකදී වෙනස සිදු කල යුතු ස්ථානය තෝරා එම වෙනස්කම කිරීමට භාවිතා කල විධානයන් ඔස්සේම ගොස් ඉවත් කිරීම සිදු කල හැකිය. එය සිදුකර ගැනීම සදහා පහත සදහන් පියවරයන් භාවිතා කරන්න. (උදා- අකුරු වර්ණය වෙනස් කිරීමට Format  Cells   Font යන්න තෝරා අවශ්‍ය පාට ලබා දිය හැකිය. එය ඉවත් කිරීමටද Format    Cells   Font යන භාවිතා කිරීමෙන් Cell එකක් තුළ ඇති වර්ණයන් ඉවත් කල හැකිය.) එසේ දීර්ඝ ක්‍රමයකට නොගොස් Edit    Clear    Format යන විධානය භාවිතා කිරීම මගින් ඉවත් කල හැකිය.  එවිට අදාල Cell එකට සිදු කර ඇති සියලූම වෙනස්කම් එකවර ඉවත් කර ගැනීමේ හැකියාව ලැබෙනු ඇත.