MS PowerPoint Part 1

MS - PowerPoint

             පිරිසක් සමග සන්නිවේදනයේ යෙදෙන විට ඉදිරිපත් කරන තොරතුරු පැහැදිලිව සහ නිරවුල්ව ඉදිරිපත් කිරිම සඳහා කුමක් හෝ ක්‍රමයක් අප යොදා ගනියි.  එසේ යොදා ගන්නා කිසියම් ක්‍රමයක් වඩාත් සාර්ථක වන්නේ සංනිවේදනය ලබන්නාට අදාල තොරතුරු හොදින් අවබෝධ වන්නේ නම් පමණි. MS Power point පරිගණක වැඩසටහන මෙසේ වඩාත් නිවැරදිව සහ නිරවුල්ව අපගේ අදහස් ඉදිරිපත් කිරිමට සකස් කර ඇති පරිගණක වැඩසටහනක් ලෙස හඳුන්වා දිය හැකිය. 

 MS Power point වැඩසටහන මගින් විවිධ අකුරු වර්ග, අකුරු වර්ණ, විශාලත්වයන්, චිත්‍ර, ප්‍රස්ථාර හා වගු වැනි පහසුකම් භාවිතා කර තොරතුරු වඩාත් ක්‍රමවත්ව ඉදිරිපත් කිරීමට අවස්ථාව ලබා දෙයි. එසේ විවිධ පහසුකම් භාවිතා කර තොරතුරු ඉදිරිපත් කරන්නේ කෙසේද යන්න පිළිබඳව අප දැන සිටීම අත්‍යාවශ්‍යය.  එමෙන්ම කිසියම් තොරතුරක් වඩාත් නිවැරදිව තවත් පාර්ශයවයක් වෙත ඉදිරිපත් කල හැක්කේ එය අප නිරවුල්ව අවබෝධ කරගෙන ඇත්නම් පමණි. මෙම වැඩසටහන ලෝකයේ බොහෝ දෙනා අතර ප්‍රචලිත වූ වැඩසටහනකි. තාක්ෂණය බොහෝ දියුණු වුවත් අදටත් මෙම වැඩසටහන යාවත්කාලීන වෙමින් පවතී.එසේ වන්නේ මෙය බොහෝ දෙනා අතර ප්‍රසිද්ධ නිසාය.

 MS Power point පැකේජය මගින් සකස් කරනු ලබන Slide නැතහොත් තොරතුරු කවුලූව පරිගණකයක් ඇසුරෙන් Projectorඑකක් යොදාගෙන හෝ මුද්‍රණය කිරිම මගින් ලබා දිය හැකිය.  එමෙන්ම මෙසේ චිත්‍ර ප්‍රස්ථාර ඇසුරින් ඉදිරිපත් කරන දේ පිළිබඳව විස්තර දැක්වීම යනාදියද MS Power point මගින් කල හැකි වීම මෙහි ඇති තවත් වාසියකි.

 මේ හේතුව නිසා පරිගණකය අධ්‍යාපන උපකාරක යන්ත්‍රයක් වශයෙන්, තොරතුරු ඉදිරිපත් කිරිමේ මෙවලමක් වශයෙන්, යමක් පෙන්වීමේ හෝ දැක්විමේ උපකරණයක් වශයෙන් යොදා ගැනීමට හෝ කිසියම් නිර්මාණයක පුර්ව ඡායා පිටපතක් වශයෙන් යොදාගැනීමට අපට හැකිවී ඇත.

MS Power point Package තිරය මතට ලබාගැනීම

Start ---> Program ---> MS PowerPoint

ඉහත පියවර අනුගමනය කිරිමේදි ඔබට අලුත් Presentation එකක් ලබා ගැනීමට අවශ්‍ය පහසුකම් ලබා දෙයි. එහිදී ලැඛෙන කවුඵව මතින් ඔබගේ Presentation සකසා ගතයුතු ආකාරය  තෝරා ගත හැකිය. එහිදී,

Auto content wizard  - එක් එක් තොරතුරු කාණ්ඩයන් යටතේ සකස් කර ඇති Presentation තෝරා ගත හැකිය. මෙහිදී සකස් කර ඇති සැලැස්ම අවශ්‍ය අකාරයට වෙනස් කිරීම්ද කල හැකිය.  මෙහි අප තෝරා ගත් මාතෘකාවකට ගැලපෙන අකාරයට තොරතුරුද ඇතුල් කර ඇත.

Design Template - නිර්මාණය කර ඇති ආකෘතියකට අනුව Presentation එකක් ලබාගැනීම මෙහිදී සිදුවේ. මෙහිදී ලබා දෙන Slide හි අකුරු වර්ගය, අකුරු වර්ණය, Bullet හා ඒවායෙහි ප්‍රමාණ, Bullet ඇතුල් කල යුතු ස්ථානය, පසුබිම් පැහැය ආදිය අපට සකස් කර දී ඇත.  මෙහිදීද අපගේ තොරතුරු ඇතුල් කිරීම කල හැකි අතරම ඉහතදී දැක්වු අකුරු වර්ගය ආදිය අපට අවශ්‍ය ආකාරයට වෙනස් කිරීම් කල හැකිය.

Blank Presentation  - භාවිතා කරන්නාට අවශ්‍ය පරිදි නිර්මාණය කරගත හැකි හිස් Presentation එකක් ලබාගැනීම

Presentation  - Power Point Package භාවිතා කර නිර්මාණය කරනු ලැබූ File එකක් Presentation එකක් ලෙස හැඳින්වේ. මෙවැනි Presentation යක පිටු ගණනාවකින් සමන්විත විය හැකි අතර එම පිටු Slide ලෙස හැඳන්වේ.

Slide - Presentation යක ඇති එක් පිටුවක් Slide එකක් ලෙස හැඳින්වේ. අදාල නිර්මාණය කිරීමේදී Slide වර්ග 27 ක් පමණ Office 2003 හිදී ලබාගත හැකි අතර එබැවින් අපගේ නිර්මාණය ගැලපෙන Slide තෝරා ගත හැක. මෙම Slide මතට අකුරු, රූප ආදිය එක්කර ගත හැකි අතර එහි පසුබිම ද අවශ්‍ය ආකාරයට වෙනස් කර ගත හැකිය.

 Powerpoint Package භාවිතා කර සකස් කරනු ලැබූ Presentation එකක් කිහිප ආකාරයකින් තිරය මතට ලබා ගැනීමට හැක. ඒ සඳහා View මෙනුව භාවිතා කල හැකිය.