View Menu වෙහි ඇති තිර පාලන ආකාර කිහිපයක් පහත දැක්වේ.

Normal

මෙමගින් සකස් කරනු ලැබු චිත්‍ර, ප්‍රස්ථාර අකුරු සහිතව සම්පූර්ණ Slide ය බලා ගත හැකි අතර විවිධ වෙනස් කම් කරමින් Slide ය සංවර්ධනය කිරීම කල හැකිය.  

Outline

මෙහිදී Slide යක ඇති තොරතුරු වෙනම පෙන්වීමක් කරන අතර අපට අවශ්‍ය නම් නැවත වෙනස් කිරීම් ආදිය සිදු කරගත හැක. මෙහිදී Type කර ඇති තොරතුරු පමණක් වෙනම පෙන්වීමක් සිදු කරන අතර Slide යෙහි ඇති පිංතූර, වගු ආදිය නොපෙන්වයි.

Slide Sorter

මෙහිදී Presentation යෙහි ඇති සියලූම Slide එක් තිරයක කුඩාවට පෙන්වීම සිදු කරයි. එහිදී Slide මැකීම, අපට අවශ්‍ය අකාරයකට එක් එක් ස්ථානයකට ගෙන ගොස් දමා පිළිවෙලකට සැකසීම, පිටපත් කිරීම ආදිය සිදු කල හැකිය. 

Notes Page

NotePage මගින් එක් එක් Slide ය සඳහා එහි ඇතුලත් කරුණු වලට අතිරේකව කිසියම් සටහනක් වැනි දෙයක් දමා ගැනීමට අපට අවස්ථාව ලබා දෙයි. 

Slide Show

Slide Show අවස්ථාවේදී සකස් කරන ලද Presentation ඇති Slide තිරය පුරා දර්ශණය කිරිමට සහ එම Slide ය සඳහා යොදා ඇති Animation වර්ගය, එම Slide ය හෝ Slide යෙහි ඇති තොරතුරු තිරයට පැමිණීමට ගතවන කාලය, වේගය ආදිය බලා ගත හැකිය.  මෙම විධානයම Slide Show ---> View Show මගින් ද එසේත් නැත්නම් KeyBoard හි F5 Key එක මගින් ද ක්‍රියාත්මක කරගත හැකිය.

Presentation එකක් තිරය මතට ලබාගැනීම

Power Point Package ය තිරය මතට ලබාගත් පසු අඵතින් Presentation එකක් ලබාගැනීම

File ---> New

ඉහත විධානය මගින් අලුතින් Presentation එකක්තිරය මතට ලබාගැනීම සඳහා අවස්ථාව ලබා දේ.  මෙහිදී ද Package ය තිරය මතට ලබාගැනීමේ දී සිදුකරනු ලැබූ ආකාරයටම ඔබට අවශ්‍ය Presentation වර්ගය තෝරා ගැනීම සිදු කල හැකිය. අවශ්‍ය තෝරා ගැනීම් සිදුකිරීමෙන් අනතුරුව OK තෝරා ගැනීමෙන් Presentation එකෙහි පළමු Slide එක සැකසිය යුතු ආකාරය ‍තෝරා ගැනීම සඳහා අවස්ථාව ලැඛෙනු ඇත.  

Enter your own text - Slide එක මතට දත්ත ඇතුල් කිරීම

Presentation එක Outline View අවස්ථාවේ ඇති විට එය මතට ඉතා පහසුවෙන් හා වේගවත්ව දත්ත ඇතුල් කිරීම සිදුකළ හැකිය. Outline View හිදී Slide එකෙන් Slide එකට ගමන් කිරීමකින් තොරව එකම Window එකක් මත සිට අවශ්‍යය වෙනස් කිරීම කළ හැක. මෙයට අමතරව Slide එකෙහි  අදාල Text box මතට Click කිරීම තුලින් ද දත්ත ඇතුල් කළ හැකිවේ.

Insert New Slide

තිරයට ලබාගත් Presentation එකට අඵතින් Slide එකතු කර ගැනීම සඳහා මෙය භාවිතා වේ.

Insert ---> New Slide විධානය දුන් පසු ලැඛෙන තිරයෙන් අවශ්‍ය Slide වර්ගය තෝරා Ok කළ යුතුය.

Entering and Editing Text

Auto Content Wizard භාවිතා කර සකසනු  ලැබූ Presentation එකකට නිවැරදි තොරතුරු ඇතුලත් කිරීමට පෙර එහි අඩංගු තොරතුරු Slide එක මතින් ඉවත් කළ යුතුය.  මේ සඳහා මැකිය යුතු වාක්‍ය ඉදිරියෙන් ඇති bullet එක මත Click කිරීම මගින් අදාල පේලියමද Slide Icon එක මත Click කිරීම මගින් සම්පූර්ණ Slide එකමද තෝරා ගැනීම සිදුකළ හැකිය.  

Close, Presentation තිරයෙන් ඉවත්කිරීම

File ---> Close

Close කිරීම යනුවෙන් අදහස් කරන්නේ තිරය මත ඇති Presentation වසාදැමීමයි.  තිරය වසා දමන්න යන  උපදේශයත් සමග පරිගණකය අනුගමනය කරණ පිලිවෙත් කිහිපයක් ඇත.

Save කරන ලද Presentation තිරය මත දිගහැර ඇති විටෙක මෙම  විධානය ලද වහාම තිරය වසා දමයි. Presentation එක සුළු වෙනසකට හෝ භාජනය කළේ නම් වසා දැමිය යුත්තේ කලින් තිබුණු තත්වයෙන් ද වෙනස් කිරීමෙන් පසු ද යන්න ඔබට සිහි කැඳවයි.

Save නොකරන ලද Presentation නම් ඒ බව ඔබට සිහි කැඳවයි.  සිහි කැඳවීම නොසලකා හැරි විට සිදුවන්නේ Presentation වසා දැමීමක් නොව මකා දැමීමයි.