MS WORD Part 7

Delete

එකම වචනය කිහිප වරක් එක ලඟ Type  කරඇති විට  Change  බොත්තම Delete  බවට පෙරලේ. 

Delete Click කිරීමෙන් අනවශ්‍ය ලෙස නැවත නැවත එක ලඟ ලියා ඇති වචන මකාගත හැක.

Auto Correct

එකම ආකාරයට නිතරම වරදින වචනයක් වේ නම් එය හමුවන මුල්ම අවස්ථාවේදීම නිවැරදි කර ගැනීමට මෙහිදි ඉඩ සලසා ඇත.

Ignore

වැරදි යැයි අපවෙත දැනුම් දෙන වචනයක් නොසලකා හැර ඊලඟ වචනය වෙතයාමට මෙම විධානය භාවිත කල හැකිය.  නමක් සටහන්ව ඇති අවස්ථාවක වුවද එය වැරදි යැයි සටහන් කරන වග අප දන්නා බැවින් එම වචනය පරික‍ෂා කිරිම නොසලකා හරින ලෙස විධාන කරන්නේ මෙහිදිය. 

Ignore All

වැරදියැයි සටහන් කරන වචනය ඉදිරියටත් ලිපියෙහි වේ නම් නැවත නැවතත් එය සටහන් කිරීම වැලැක්වීම සඳහා එසේ සටහන්ව ඇති වචන සියල්ල නොසලකා හරින්නයි විධාන කිරීමට භාවිතා කෙරේ. 

Add

පරිගණක ශබ්ධකෝෂයේ නැති බැවින් වැරදි යැයි  පෙන්වන එහෙත් නිවැරදි වචන එයට ඇතුල් කිරීම කරන්නේ Add හිදීය. පරිගණක ශබ්ධකෝෂයට නිතර භාවිත කරන නිවරදි යැයි ඔබ දන්නා වචන ඇතුල් කර තබා ගැනීම පහසුවකි. එසේ  ඇතුල්කර ඇති  වචන වැරදි යැයි නොපෙන් වීමට පරිගණකය වග බලාගනී. මේ සදහා අමුතුවෙන් වචන type කිරීමක් අවශ්‍ය නොවන අතර type කර ඇති වචනයෙන්ම එය කළ හැකිය. ආයතනයෙහි නම එහි ලිපිකාරිණියට නිතර භාවිතා කිරීමට සිදුවන වචනයකි. එවැනි අවස්ථාවකදී ආයතනයෙහි නම පරිගණක ශබ්ධකෝෂයට ඇතුලත් කර ගත හැක. 

Check Grammar

ලිපියක අක්‍ෂර නිවරුදිතාවය පරීක්‍ෂා කර ගත් පසු  අවශ්‍ය නම් ව්‍යාකරණ නිවැරදිතාවයද පරීක්‍ෂා කර ගත හැක.ව්‍යාකරණ නිවැරදිතාවය පරීක්‍ෂා කිරිමට අවශ්‍ය නම් Check Grammar යන්න ක්‍රියාකාරීව තිබිය යුතුය.  ව්‍යාකරණ වැරදි ඇත්නම් ඒවා යටින් කොළ පැහැයෙන් යුත් ඉරක් ඇඳ පෙන්වනු ලබයි.  අක්‍ෂර වැරදි සාදා ගත් පරිදිම ව්‍යාකරණ වැරදි ඇත්නම් ඒවා සකසා ගත හැක.

Thesaurus

යම් කිසි වචනයක අර්ථය පිළිබදව සෙවීමට අවශ්‍ය වූ විට හෝ කිසියම් වචනයක අර්ථයට සමාන වෙනත් වචනයක්  ඇතුල් කර ගැනීමට හෝ අවශ්‍ය වූ විට මෙය භාවිතා කරනු ලැබේ.  එම වචනය තෝරා Select කරන්න.  

Tool ---> Language --->Thesaurus

Working With Columns - තීරු ලිපි සැකසිම         

ලිපියක් තීරු ආකාරයට (පුවත් පත් ලිපියක් ලෙස) සකසා ගන්නේ කෙසේ දැයි මෙහිදි ඉගෙන ගැනීමට හැකියාව ලැබේ. සාමාන්‍ය ආකාරයට සැකසූ ලිපියක් තීරු ලිපියක් ලෙසට පෙරලීමට හෝ ආරම්භයේ සිටම තීරු ලිපියක් ලෙස සැකසිමට අවශ්‍ය තිරය නිර්මාණය කරගැනීමට ද හැකියාව ඇත.             

 එමෙන්ම තීරු ලිපියක් සාමාන්‍ය ලිපියක් බවට හැරවීමටත් ඔබට බාධාවක් නොමැත.  ඒ මන්ද යත් මේ අවස්ථා දෙකෙන් එකකදීවත්  ලිපියෙහි අදහසට හානියක් නොවන බැවිනි. මෙහිදී සිදුවන්නේ තිරය සිරස් අතට කොටස් වලට  ඛෙදීමයි.  සාමාන්‍ය තිරයේ වැඩ කිරීමත්, තිරුවලට වෙන්කරන ලද තිරයක වැඩකිරීමත් අතර වෙනසක් නැත.

සාමාන්‍යයෙන්  Document එකක වැඩකරද්දී එක් පිටුවක් අවසානවී Cursor ය ඊලඟ පිටුවට යයි.  ඊට අමතරව පිටුව අවසන් වීමට පෙර අනෙක් පිටුවට යාමට අවශ්‍ය වූ විට වැඩකරමින් සිටින පිටුවේ අවසානය දක්වා  Enter Key භාවිතයෙන් යායුතු බව ඔබ ඉගෙනගත් කරුණකි.  තීරු ලිපි සැකසීමේදීත් මේ කරුණු එසේමය.  මුල් තීරුව පිටුවේ දිග දක්වා Type වී දෙවැනි තීරුවේ මුල දක්වා යයි.  තීරු සියල්ල පිලිවෙලින් පිරී අවසානයේ දෙවනි පිටුවද විධානයකින් තොරව තීරුවලට ඛෙදාගනී.  එක් තීරුවක් සම්පූර්ණ වීමට පෙර අනෙක් තීරුව වෙත යාමටනම් Enter Key භාවිතයෙන් ඒ වෙත යාහැක. තවද Enter කරණ ලද ප්‍රදේශයට Cursor ය භාවිතයෙන් Cursor  ය ගෙනයා හැකිබවද වටහා ගන්න.  Cut, Copy වැනි සාමාන්‍ය තිරයක ඔබ උගත දේ මෙහිදීද ක්‍රියාකර බැලීමට පුළුවන.

Format ---> Column විධානය භාවිතා කරන්න.