Ms Access Part 05

Primary Key

Primary Key යනු එකිනෙකට සම්බන්ධ Database භාවිතා කරනු ලබන ACCESS වැනි දත්ත කළමණාකරණ වැඩසටහන තොරතුරු ඉක්මනින් නිවැරදිව ලබා ගැනීම සඳහා එක් Field එකක් හෝ කිහිපයක් අනන්‍ය ලෙස හඳුනා ගැනීමට Primary Key යන සංකල්පය භාවිතා කරයි. මෙම අනන්න්‍ය දත්ත තීරුව Primary Key Field ලෙස හඳුන්වයි. ප්‍රධාන ලෙස Primary Key වර්ග තුනක් ඇත.

Primary Key ඇතුල් කිරීමෙන් පසු දත්ත ඇතුල් කරන විට එකම දත්තය නැවත නැවත ඇතුල් කිරීමට අවස්ථාව ලබා නොදෙයි. එමෙන්ම Primary Key ඇතුල් කල Field යට දත්ත ඇතුල් කිරීම නොකර ඉදිරියට යෑමට අවස්ථාවක් ලබා නොදේ.

බොහෝ විට Primary Key ඇතුල් කිරීමට තෝරා ගන්නා Field යෙහි ඇති දත්ත එක් අවස්ථාවකදී පමණක් යෙදෙන දත්ත පමණක් ඇති තීරුවක් විය යුතුය. 

නමක්, ලිපිනයක්, දිනයක් වැනි දත්ත නැවත නැවත යෙදීමේ ඉඩකඩ වැඩිය. එහෙත් දුරකථන අංකය, සේවා අංකය, හැඳුනුම්පත් අංකය, රිසිට් අංකය, වවුචර් අංකයක් වැනි දත්ත නැවත නැවත යෙදීම සිදු නොවේ. එම නිසා එවැනි දත්ත ඇති තීරුවක් Primary Key යෙදීමට යොදා ගනියි.

Auto Number Primary Key

මෙමගින් දත්ත වගුවකට ස්වයංක්‍රීයවම Primary Key ඇතුලත් කරනු ලබයි. ඔබගේ දත්ත වගුවට Primary Key ඇතුල් නොකලහොත් ඒ බව සිහි කැදවීම සිදු කරයි. එහිදී Yes යන විධානය තෝරා ගත හොත් Auto Number තීරුවක් ඇතුලත් කර Primary Key එකක් එම තීරුවට යොදා ගනියි.

Single Field Primary Key

ඔබගේ දත්ත ගොනුවෙහි ඇති එක් Field යක් පමණක් අනන්‍ය දත්ත තීරුවක් ලෙස සකස් කිරීමට අවශ්‍ය විට මෙය යොදා ගත හැක. බොහෝ විට භාවිතා කරනු ලබන්නේ මෙම Primary Key වර්ගයයි. එසේ Primary Key ඇතුල් කිරීමේදී අදාල Field ය තෝරා Primary Key (යතුරක)  සලකුණ Click කල යුතුය.

Relational Ship

එකිනෙකට සම්බන්ධ දත්ත කාණ්ඩ ඇති විටකදී එම සියලූ දත්ත තනි වගුවකට ඇතුලත් නොකර වගු කිහිපයක් භාවිතා කරමින් දත්ත ඇතුල් කිරීම සිදු කර පසුව එම දත්ත අවශ්‍ය අවස්ථාවන්වලදී එකිනෙකට සම්බන්ධ කර ගැනීම මෙහිදී සිදු කරයි. ඔබගේ Data baseහි ඇති ගොනු (Table, Query) එකට සම්බන්ධ කරන්නේ නම් ඒවායෙහි ඇති තොරතුරු එක් එක් Table, Query, Form, Report අතර හුවමාරු කල හැකිය. මෙසේ ගොනු අතර සම්බන්ධතාවය ඇති කිරීම සඳහා Relationalship සකස් කල යුතුය.

ගොනු අතර අවම වශයෙන් එක් පොදු Field (තීරුවක්) භාවිතයෙන් Relational Ship ගොඩ නගා ගත හැකිය. මෙසේ පොදු තීරු සකසා ගන්නේ නම් එම තීරු සියල්ලෙහිම ඇති දත්ත වර්ගය (Data Type) හා Field Size එකක් විය යුතුය. එසේ වුවද විවිධ Field Name ඒ සඳහා භාවිතා කල හැකිය. එහෙත් භාවිතා කරන්නාගේ පහසුව හා ඇතිවිය හැකි අපහසුතා මගහරවා ගැනීමට එකම File Name යක් ඒ සඳහා භාවිතා කරන්නේනම් වඩාත් සුදුසු වේ.

එසේම Table කිහිපයක ඇති තොරතුරු භාවිතා කර අප Query  යක් සකස් කරන්නේ නම් ඒ අතර ඇති පොදු Field අතර Relational Ship ගොඩනගා ගනියි.  මෙසේ ස්වයංක්‍රීයවම ගොඩනගන සම්බන්ධතාවයන් මගින් ඒ ඒ ගොනුවලට ගැලපෙන දත්ත තීරු වල තොරතුරු ලබා ගත හැකිය. මෙසේ හමුවන සම්බන්ධතාවයන් 3ක් ඇත.

One to One

එක් වගුවක ඇති Field එකක් පමණක් අනෙක් වගුවේ ඇති එක් Field යකට සමාන වේ.   

One to Many

එක් වගුවක ඇති Field එකක් සමග අනෙක් වගුවේ ඇති File කිහිපයක් සම්බන්ධ වේ. නමුත් එම වගුවෙහි ඇති එක් Field එකක් පමණක් මුල් වගුවෙහි ඇති Field යකට සමාන වේ.

Many to Many

කිසියම් එක් වගුවක ඇති Field කිහිපයකට සමාන Field කිහිපයක්ම අනෙක් වගුවේ ඇත්නම් එවැනි අවස්ථාවක් many to manyලෙස හැඳින්වේ.