තාරකා විද්‍යාව ට අත්වැලක් 01
තාරකා විද්‍යාව ට අත්වැලක් ( 01 කොටස )
(මෙම ලිපි පෙළ පාසල් පෙළ පොත් , පුවත් පත් , අතිරේක පොත් හා අන්තර්ජාලය අැසුරින් සැකසුණි.)
අභ්‍යවකාශය යනු ,
අභ්‍යවකාශය යන පදය සෑදී තිබෙන්නේ අවකාශ යන පදය ට අභි යන උපසර්ගය එක් වීමෙනි . කිසිවක් නැති හිස් ප්‍රදේශයක් අවකාශය ලෙස හැදින් වේ. පෘතුවිය වටා අැති අවකාශය අභ්‍යවකාශය ලෙස හැදින්වේ.
කිසිවක් නැති හිස් ප්‍රදේශයක් රික්තයක් ලෙස හැදින් වේ . නමුත් අභ්‍යවකාශය යනු රික්තයක් නොවේ. එහි බොහෝ දේ අන්තර්ගත ය. ඉන් කිහිපයක් පහත දැක්වේ.
- සැලකිය යුතුයි :- රික්තය හා රික්තකය යනු වෙනස් අරුත් දෙන පද දෙකකි .පිළිතුරු ලිවීමේ දී මෙම වදන් දෙක පටලවා නොගත යුතුය. කිසිවක් නැති හිස් ප්‍රදේශයක් රික්තයක් ලෙස හැදින් වේ . නමුත් රික්තකය යනු ශාක සෙෙලයක මධ්‍යයේ අැති සෙෙල යුෂයෙන් අාවරණය කරන දෙය යි.
අභ්‍යවකාශය තුළ අන්තර්ගත දේවල්
- තාරකා
- ග්‍රහලෝක
- චන්ද්‍රයින්
- කුරු ග්‍රහයින්
- ග්‍රහක
- සෙෳරග්‍රහ මණ්ඩල
- මන්දාකිණි
- මන්දාකිණි පොකුරු
- සුපිරි මන්දාකිණි පොකුරු
- කළු කුහර
- පල්සර්
- වල්ගා තරු
- නෙබියුලා
මිනිසා අතීතයේ සිට ම අහස නිරීක්ෂණයේ යෙදුණි . එ තුළින් ජෝතිෂ්‍යය බිහි විය. වර්තමාන තාරකා විද්‍යාව අාරම්භ වීම ට හා එහි වර්ධනය ට ජෝතිෂ්‍යය බොහෝ සේ උපකාරී විය. නමුත් වර්තමාන තාරකා විද්‍යාව හා ජෝතිෂ්‍යය එකක් ලෙස සැලකිය නොහැක. තාරකා විද්‍යාව දිනෙන් දින දියුණු වෙමින් පවතී .
වර්තමාන තාරකා විද්‍යාව හා ජෝතිෂ්‍යය
වර්තමාන තාරකා විද්‍යාව හා ජෝතිෂ්‍යය අතර සමානකම් හා වෙනස්කම් සලකා බලමු.
- වර්තමාන තාරකා විද්‍යාව හා ජෝතිෂ්‍යය යන දෙකම අාකාශ වස්තු පිළිබඳ මිනිසා තුළ වූ කුතුහලය මත අාරම්භ විය.
- වර්තමාන තාරකා විද්‍යාව මගින් අාකාශ වස්තුවල ගමන් මග , විශ්වයේ අාරම්භය හා අවසානය , පිට සක්වල ජීවීන් , පෘතුවිය ට අාකාශ වස්තුවලින් අැතිවිය හැකි තර්ජන පිළිබඳ ව පරීක්ෂා කළ ද ජෝතිෂ්‍යය මගින් මිනිසා ගේ හෝ රටක අනාගතයේ සිදුවන සිදුවීම් පිළිබඳ ව අනාවැකි කියනු ලබයි.
- වර්තමාන තාරකා විද්‍යාව නව සොයා ගැනීම් සමඟ දිනෙන් දින වෙනස් වුව ද ජෝතිෂ්‍යය අාරම්භයේ සිට පැවති තත්වයෙන් පවතී.
අතීතයේ තාරකා විද්‍යාවේ පැවති දියුණුව
අතීතයේ මිනිසා සිය දෑසින් අහස නිරීක්ෂණයේ යෙදුණි . නමුත් ගැලීලියෝ ගැලිලි විසින් දුර දක්නය නිපදවීම , රොකටුව නිපද වීම , නව වාද හා අාකෘති බිහිවීම , අාදිය නිසා වර්තමාන තාරකා විද්‍යාව දිනෙන් දින දියුණුව ට පත් වේ.
මායාවරුන් වැනි පැරණි ශිෂ්ටාචාරවල පවා දියුණු තාරකා විද්‍යාවක් තිබී අැත. එසේම නයිල් නිම්න ශිෂ්ටාචාරය තුළ නිර්මාණය කරන ලද ඊජිප්තු පිරමීඩ ඉදි කිරීම ට පිටසක්වල ජීවීන් උදව් වූ බව ට විශ්වාසයක් අද ටත් පවතී.
නයිල් නිම්න ශිෂ්ටාචාරය
ගංඟා නිම්න ශිෂ්ටාචාර අතුරින් වැඩිම කාලයක් පැවති ශිෂ්ටාචාරය නයිල් නිම්න ශිෂ්ටාචාරය යි. නයිල් නිම්න ශිෂ්ටාචාරය ක්‍රි.පූ. 3100 සිට ක්‍රි.පූ. 1070 පමණ වන තුරු සියවස් 20 කටත් වඩා කාලයක් පැවතුණි. ගංඟා නිම්න ශිෂ්ටාචාර අතුරින් මරණයෙන් පසු ජීවිතයක් අැති බව විශ්වාස කළ ප්‍රථම ගංඟා නිම්න ශිෂ්ටාචාරය ලෙස මෙම නයිල් නිම්න ශිෂ්ටාචාරය ඉතිහාසගත වේ.
එ් අනුව මිය ගිය පුද්ගලයින්ගේ සොහොන් ලෙස ඉදි කල මෙම පිරමීඩ ඉදිකිරීමේ දී භාවිත කර අැති තාක්ෂණය විස්මය ජනකය. කෙසේ වෙතත් ඊජිප්තු ජාතිකයන් මෙම පිරමීඩ දැනුම ගබඩා කර තැබීම ට ඉදි කළ බව සඳහන් කළ ද ඊට පිටසක්වල ජීවීන් උදව් වූ බව පිළි ගැනේ.
