බලශක්ති අර්බුදය සහ ඊට පිළියම් (3)
බලශක්ති අර්බුදය සහ ඊට පිළියම් (3)
(විද්‍යාව පෙළ පොත් ,විජය පුවත්පත හා අන්තර්ජාලය අැසුරෙනි)
(න්‍යෂ්ඨීක ශක්තිය)
මුළු ලෝකය ම එම නිදසුන අනුගමනය කළොත් ෆොසිල ඉන්ධන මගින් ක්‍රියාත්මක විදුලි බලාගාර සියල්ල ඉවත් කොට වසර 30ක ට මදක් වැඩි කාලයක් ඇතුළත විදුලි බලය ජනනය සඳහා ඒ වෙනුව ට න්‍යෂ්ටික බලාගාර පහසුකම් යොදා ගත හැකිවේ. එවැනි ‘හුවමාරුවක්’ සිදු කළ හොත් හරිතාගාර වායු විමෝචන පුදුමාකාර ප්‍රමාණයකින් කපා හැරීම ට හැකිවෙන අතර දේශගුණික විපරියාසයන් ට එරෙහි ව සටනේ ඉලක්ක සම්පූර්ණයෙන් ම පාහේ සාක්ෂාත් කර ගැනීමට ද මග පෑදෙයි. සංවර්ධනය වෙමින් පවතින රටවල කේන්ද්‍රගත ව ඇති, විදුලි බලය සඳහා වැඩිවන ඉල්ලුම පවා මෙමගින් සපුරා ගත හැකි වේ. අඩුව ඇත්තේ ප්‍රාග්ධනය, කැපවීම හා කළමනාකරණය අාදිය පමණකි. විඛණ්ඩනය පදනම් කරගත් න්‍යෂ්ටික ප්‍රතික්‍රියාකාරක සිය ගණන් ඉදිකිරීම වළක්වාලන්නේ න්‍යෂ්ටික බලාගාර සම්බන්ධයෙන් ඇති ආරක්ෂාව හා වියදම අාදිය නිසා ය.
දේශගුණ විපර්යාසයන් ට මුහුණදීම සඳහා න්‍යෂ්ටික බලාගාර මගින් ඉක්මනට බලපෑමක් ඇති කළ නො හැකිය යැයි වහා පිළිගත්ත ද ලැබී ඇති දත්ත පෙන්නුම් කරන්නේ ඊට හාත්පසින් ම වෙනස් චිත්‍රයක් යයි ස්වීඩනයේ උප්සාලා විශ්වවිද්‍යාලයේ භෞතිකඥ ස්ටෙෆාන් කියුවිස්ට් පවසයි. ස්වීඩනයේ න්‍යෂ්ටික වැඩසටහන වැඩිදියුණු කිරීම පිණිස වෙහෙස වුවත් අතර ප්‍රමුඛත්වයක් මුල්තැනක් ඔහු ට හිමි වෙයි. න්‍යෂ්ටික ප්‍රතික්‍රියාකාරක ඉදිකිරීම ස්වීඩනය ආරම්භ කළේ .1962 දීය. එරට අරමුණු වුණේ විදුලිබලය නිපදවීම සඳහා ඛනිජතෙල් දැවීම අඩු කිරීම සහ ජල විදුලිය නිපදවීම ට වේලී බැදීමෙන් වැළකී ගංගා රැක ගැනීම ට ය. 1972වන විට ඔස්කර්ශාම් හි ප්‍රථම නටන ජල ප්‍රතික්‍රියාකාරකය විදුලිය නිපදවීම ඇරඹී ය. 1986 වන විට තව ත් ප්‍රතික්‍රියාකාරක 11ක් ඉදිවෙද්දි ස්වීඩනයේ විදුලි බල අවශ්‍යතාවයෙන් අඩක් ම සැපයීම න්‍යෂ්ටික බලාගාරවල ට හැකි වූ අතර ඒක පුද්ගල කාබන් ඩයොක්සයිඩ් විමෝචන 1970 ඉහළ මට්ටම හා සසදද්දී 75%කින් පහළ වැටිණ.
ස්වීඩනයට වඩා විශාල රාජ්‍යයක් වුව ද ප්‍රංශය ට ද ඇත්තේ ඒ හා සමාන න්‍යෂ්ටික කතාන්දරයකි. ආනයිනික ෆොසිල ඉන්ධන භාවිතය අඩුකර ගනිමින් නෂ්ටික ප්‍රතික්‍රියාකාරක 59 කින් 1970 ගණන්වල සහ 1980 ගණන්වල ඉදිකිරීමෙන් අද වන විට ප්‍රංශයේ විදුලිබල අවශ්‍යතාවයෙන් දළ වශයෙන් 70%ක් පමණ සපයා ගැනීම ට හැකි වී තිබේ.
ස්වීඩනයේ සහ ප්‍රංශයේ දත්ත ගෝලීය මට්ටමක ට සම්බන්ධ කළ විට අපේක්ෂා කළ හැකි හොඳ ම තත්ත්වය වන්නේ, 100% න්‍යෂ්ටික බලයෙන් විදුලිය ජනනය කිරීම ට පෙළඹුණහොත් ෆොසිල ඉන්ධන දහනය මුළුමනින් ම නවතා විදුලිය ජනනය සඳහා යුරේනියම් විඛණ්ඩනය කිරීම වසර 34 ක් ඇතුළත සම්පූර්ණ කර ගැනීම ට හැකිවීම යි. එවැනි තත්වයක් සඳහා යුරේනියම් කැනීම හා සැකසීම ව්‍යාප්ත කළ යුතු බව සැබෑ ය. එමෙන් ම වේගවත් ප්‍රතික්‍රියාකාරක වැඩි දියුණු කිරීම හා ගොඩනැඟීම ද අවශ්‍ය වේ. කාබන් නොමැති වෙනත් විදුලි බල මූලයක් න්‍යෂ්ටික බලාගාර තරම් ඉක්මනින් ව්‍යාප්ත කිරීම ට සමත් වී නැතැයි කියුවිස්ට් පවසයි.
ක්‍රි.ව. 2030 වන විට ලොව පුරා න්‍යෂ්ටික බලය ව්‍යාප්ත වනු ඇතැයි ඇත්ත වශයෙන් ම අන්තර්ජාතික පරමාණු බලශක්ති අපේක්ෂා කර යි.
