මොකක්ද මේ ‘‘රතු දත්ත පොත ’’ (3 කොටස)
මොකක්ද මේ ‘‘රතු දත්ත පොත ’’ (3 කොටස)
(මෙය අන්තර් ජාලය අැසුරින් සැකසිණි.)
- ගහනයේ පැහැදිලි අඩු වීමක් වර්ග කිලෝ මීටර් විසි දහසක ප්‍රදේශයක් තුල හෝ වර්ග කිලෝ මීටර් දෙදහසක ප්‍රදේශයක් තුල දක්නට ලැබෙන ශාක හා සත්ත්ව විශේෂ
- ගහනයේ සංගණන වාර්තා තුල පරිනත සතුන් දස දහසක ට අඩු ගණනක් වාර්තා වන ශාක හා සත්ත්ව විශේෂ
- ගහනය ඉතා කුඩා වීමක් හෝ සීමිතා වීමක් දක්නට ලැබෙන ශාක හා සත්ත්ව විශේෂ
- ප්‍රමාණාත්මක සංගණන වාර්තා වලට අනුව ගහනයේ අවම වශයෙන් 10%ක අඩු වීමක් වසර 100ක් තුල දක්වා තිබෙන ශාක හා සත්ත්ව විශේෂ
මෙම වර්ගය ට අයත් වේ.
අප්‍රිකානු අලියා ,අැමරිකානු පැඩ්ල් ෆිෂ් ,චීටා ,රතු පැන්ඩා මේ සදහා උදාහරණ වේ.
අවදානම හමුවේ ඇති (NT)
CR, EN, VU, යන කාණ්ඩ වලට අයත් නොවන නමුත් නුදුරු අනාගතයේදී එම කාණ්ඩ වලට ඇතුලත් වීමේ අවදානමක් ඇති ජීව විශේෂ මෙම කාණ්ඩයට අයත් වේ.
අප්‍රිකානු අළු ගිරවා ,අාසියාතික රන් පූසා ,දිවියා ,ජගුවර් (කොටියා) මේ සදහා උදාහරණ වේ.
අවම අවදානමේ පවතින (LC)
CR, EN, VU, NT යන කාණ්ඩ වලට අයත් නොවන ජීව විශේෂ මෙම කාණ්ඩයට ඇතුලත් වේ. පුළුල් ව ව්‍යාප්ත වූ බහුල ශාක හා සත්ත්ව විශේෂ මෙම කාණ්ඩයට අයත් වේ.
අැමරිකානු කපුටා ,බැබූන් ,දුඹුරු වලසා ,දුඹුරු මීයා ,ඔ්කා ,ජිරාෆ් මේ සදහා උදාහරණ වේ.
8.දත්ත ඌනතා සහිත (DD)
යම් ශාක හා සත්ත්ව විශේෂයක් මෙම කාණ්ඩයට අයත් වන්නේ එහි ව්‍යාප්තිය හෝ ගහණයේ තත්ත්වය පිලිබඳව ප්‍රමාණවත් දත්ත නොමැති වීම නිසා හෝ ප්‍රමාණවත් දත්ත නිවැරදි ලෙස රැස් කර ගැනීම ට අැති අපහසුව නිසා ය.
වර්ගීකරණයට ලක් නොවූ (NE)
යම් ශාක හා සත්ත්ව විශේෂයක් මෙම කාණ්ඩයට අයත් වන්නේ තර්ජනයට ලක් වූ විශේෂ පිලිබඳව ඇති නිර්ණායකයන්ට අනුව තක්සේරු කර කාණ්ඩ ගත කර නොමැති විටදීය.
රතු දත්ත පොතක වැදගත්කම
වඳ වී යාම ට ලක් වන හා ලක් වූ ජීවීන් ලයිස්තු ගත කිරීමේ දී රතු දත්ත සමුදාය ලෝකයේ අවදානය දිනා ගන්න ට සමත් වූ වැදගත් පියවරකි. වර්ගීකරණයන් ට අදාළ ජීවීන් සහිත පරිසර කොටස් වෙත විශේෂ අවදානය යොමු කරමින් ඔවුන් රැක ගැනීමට පියවර ගැනීම සඳහා රාජ්‍ය පාලකයන්ගේ ද උනන්දුවක් දක්නට ලැබේ. කෙසේ වුවත් ප්‍රමාණවත් දත්ත නිසි පරිදි ලබා ගැනීමේ අපහසුව , ක්‍රියාකාරී සාමාජික හිගයන්, ඇතැම් රටවල පවතින නීති ක්‍රියාදාමයන් ද රතු දත්ත පොතේ ඉදිරි ක්‍රියාවලින් ට බාධා අැති කරන බව සැලකිය යුතු වේ. එසේ ම සත්ත්ව හා ශාක විශේෂ අති විශාල ගණනක් ලෝකයේ වාසය කරති. ඇතැම් ජීවීන් හඳුනා ගැනීම ට ලක් කිරීමක් කර නොමැති අවස්ථා ද පවතී. එසේ තිබියදී ඔවුන් පිළිබද විශ්ලේෂණය හා ලැයිස්තුගත කිරීම එක්තරා අයුරකින් ප්‍රායෝගික බාධා ඇති කරන්නක් බව ට ද පත්ව තිබේ. එහෙත් වර්තමානයේ ලොව පවතින පිළිගන්නා ලද එකම වර්ගීකරණය හා විශ්ලේෂණය වශයෙන් “රතු දත්ත පොත ” පිළිගැනීමකට ලක්ව තිබේ.
