සංගීත භාණ්ඩ 05
සංගීත භාණ්ඩ 05
3.එකෝඩියනය
බටහිරින් අැරඹී ලොව පුරා ප්‍රචලිත ව අැති ස්වර පුවර් සංගීත භාණ්ඩ වර්ගය ට අයත් වන සංගීත භාණ්ඩයක් ලෙස එකෝඩියනය හදුන්වා දිය හැකි ය.මෙය 19 වන සියවසේ දී පමණ එළි දක්වන ලද්දකි. මෙය සුළග මගින් නාදය නිපද වන නිසා ෂුසිර ගණය ට අයත් වේ. මෙහි ප්‍රධාන වර්ග දෙකකි.
- බට්න් එකෝඩියනය
- පියානෝ එකෝඩියනය
මෙහි බැලෝව සර්පිනාවේ බැලෝව ට වඩා විශාල වීම මෙහි විශේෂත්වයකි.අැදීම හා තල්ලු කිරීම මගින් ස්වර නිකුත් වන සේ නලා යොදා කිබේ.සෑම එක් ස්වරයක් සදහා ම නලා දෙක බැගින් යොදා තිබේ. එකෝඩියනයේ දකුණු පස අැති යතුරු මගින් ගීතයේ තනුව වාදනය කරනු ලබයි. වම් පස අැති බොත්තම් මගින් බේස් සහ කෝඩ්ස් රිද්මයානු කූලව වාදනය කරයි. වාදනය විචිත්‍ර කර ගැනීම ට දකුණතින් ගී තනු වාදනය කරන විට වමතින් බේස් බට්න් රිද්මයානුකූල ව තද කරයි.
4.විදුලි ඔ්ගනය
මෙය ස්වර පුවරු වාද්‍ය භාණ්ඩයක් හා විද්‍යුත් අවනද්ධ භාණ්ඩයක් ලෙස වර්ග කළ හැකි ය.මෙම සංගීත භාණ්ඩ වල හඩ නිපදවන්නේ විදුලි ධාරාවක් මගින් අැති කරනු ලබන කම්පණ සංඛ්‍යාත්මක නාදයක් ස්පීකරයක් මගින් විකාශනය කිරීම මගිනි. මෙහි විශේෂ ලක්ෂණ කිහිපයකි.
- නාදයේ ගුණාත්මක භාවය වෙනස් කිරීම
- තාල රිද්ම රටා යොදා ගැනීම
- මතකය ගබඩා කර ගැනීම
මෙම විශේෂ ලක්ෂණ වලින් සමන්විත වීම නිසා ඔ්ගනය ස්වර පුවරු පවුලේ ප්‍රමුඛයා බව ට පත් ව කිබේ. ඹ්ගනය දියුණු වූ පසු එය සින්ත සයිසරය ලෙස නම් කර අැත. වර්තමාණයේ තාක්ෂණික දියුණුව නිසා බිහි වී අැති ඩිජිටල් තාක්ෂණය නිසා ඔ්ගනය වඩාත් දියුණූ වී අැත.
5.ඔක්ට පෑඩ්
සංගීතයේ දී වර්තමානය තුළ තාල වාදනය ට වැඩි වශයෙන් ඔක්ටපෑඩ ය භාවිත කරනු ලැබේ. ඍජුකෝණාස්‍රකාර හැඩයෙන් යුක්ත අතර එය සම චතුරස්‍ර අාකාර කොටස් අටක ට බෙදා අැත. මෙය ද ඔ්ගනය මෙන් ම විද්‍යුත් උපකරණයකි. මෙය වාදනය කිරීම ට කුඩා කෝටු දෙකක් යොදා ගනී. මෙය විදුලිය ට සම්බන්ධ කරන්නේ ඩ්‍රම් මැෂින් නම් කොටස කිනි. ශබ්දය තීවුර කිරීම ට මික්සර් හරහා අැම්ප්ලිෆයරය ට සම්බන්ධ කරයි. කොටස් අට ට අමතර ව පසෙකින් ඩිජිටල් කවුන්ටර් නම් කොටසක් අැත. එහි අැති අංක අවශ්‍ය පරිදි සකසා ශබ්දය වෙනස් කර ගනී. ඔක්ට පෑඩයෙන් බටහිර සමාඝාත භාණ්ඩ වල ට සමාන ශබ්දයක් අැති කරයි.
6.සන්තූරය
සන්තූර නම් භාණ්ඩය ගසල් ශෙෙලියේ ගීත වල ට සහාය වාද්‍ය භාණ්ඩයක් ලෙස බහුල ව භාවිත කරයි. මෙම සංගීත භාණ්ඩය ඉන්දියානු චිත්‍රපට ගීතවල ට ද භාවිත කරයි. ලාංකීය සරල ගීතවල ට ද මෙම උපකරණය භාවිත කර තිබේ. එ්කල හා යුගල ශාස්ත්‍රීය වාදන වල ට ද මෙය ඉදිරිපත් කර අැත. ත්‍රපීසියමක හැඩය අැති ලී පෙට්ටියක ට තත් සවි කර මෙය නිර්මාණය කර තිබේ. එක් පසෙක බ්‍රිජ් 15 ක් බැගින් බ්‍රිජ් 30 ක් අැත. මන්ද්‍ර ස්වරයක ට තත් එකක් ද, මධ්‍ය ස්වරයක ට තත් දෙකක් ද ,උච්ච ස්වරයක ට තත් තුනක් ද බැගින් අැත.
ක්වාලම් නැමති කෝටුවකින් මෙය වාදනය කරයි. ඉන්දියාවේ පංජාබ් ප්‍රදේශයේ මෙය ප්‍රචලිත ව අැත.දක්ෂ ඉන්දීය සන්තූර් වාදකයෙක් ලෙස ශිව කුමාර් ෂර්මා මහතා ද, දක්ෂ ලාංකීය සන්තූර් වාදකයෙක් ලෙස කරුණාරත්න කිරි වන් තුඩුව මහතා ද දැක්විය හැකි ය.
