ජීවයේ රසායනික පදනම 2 කොටස

10 ශ්‍රේණිය විද්‍යාව 1 වන පාඩමේ 2 වන කොටස වෙත ඔබ සැම ඉතාමත් ම සාදරයෙන් පිළිගනු ලබන්නෙමි.ඔබට මෙම ලිපිය කියවීමෙන් පසු ව යම් කිසි සේවයක් ලබා ගැනීමට හැකි වී නම් මෙය Like කරන්න. තව ද මෙම ලිපිය ඔබගේ යහලුවන්ට ද දැන ගැනීම පිණිස Share කරන්න.එසේ නම් අපි පාඩම පටන් ගනිමු.

අපගේ මෙම දේහය තුළ විවිධ මූලද්‍රව්‍ය විවිධ ආකාරවලින් සහ විවිධ ප්‍රමාණවලින් නොයෙක් නොයෙක් වූ ස්ථානවල අන්තර්ගත වී ඇත.එවැනි මූලද්‍රව්‍ය කිහිපයක් සහ එම මූලද්‍රව්‍ය අඩංගු වන විවිධ ස්ථාන ද පහතින් නිරූපණය කර ඇත.

1) ඔක්සිජන් - සියලු ම තරලවල, පටක, අස්ථි, ප්‍රෝටීන්

(සියයට හැට පහයි)

2) කාබන් - සිරුරේ සෑම ස්ථානයක ම

(සියයට දහ අටයි)

3) හයිඩ්‍රජන් - සියලු ම තරලවල, පටක, අස්ථි, ප්‍රෝටීන්

(සියයට දහයයි)

4) නයිට්‍රජන් - සියලු ම තරලවල, පටක, ප්‍රෝටීන්

(සියයට තුනයි)

5) කැල්සියම් - මොළය, පෙණහලු, වෘක්ක, අක්මාව, හෘදය, තයිරොයිඩ් ග්‍රන්ථිය, පේශී, අස්ථි

(සියයට එකයි දශම පහයි)

6) පොස්ෆරස් - මුත්‍ර සහ අස්ථි

(සියයට එකයි)

7) පොටෑසියම් - එන්සයිමවල

(සියයට බිංදුවයි දශම තුනයි පහයි)

8) සල්ෆර් - ප්‍රෝටීන්වල

(සියයට බිංදුවයි දශම දෙකයි පහයි)

9) සෝඩියම් - සියලු ම තරලවල, පටක, අස්ථි, ප්‍රෝටීන් 

(සියයට බිංදුවයි දශම එකයි පහයි)

10) මැග්නීසියම් - මොළය, පෙනහලු, වෘක්ක, අක්මාව, හෘදය, තයිරොයිඩ් ග්‍රන්ථි, පේශී

(සියයට බිංදුවයි දශම බිංදුවයි පහයි)

11) ක්ලෝරීන් - සමේ සෛලවල

(සියයට බිංදුවයි දශම දෙකයි)

12) යකඩ - රුධිරයේ හිමොග්ලොබින්වල

(සියයට බිංදුවයි දශම බිංදුවයි බිංදුවයි හතයි)

13) අයඩීන් - තයිරොයිඩ් ග්‍රන්ථි හෝර්මෝනවල

(සියයට බිංදුවයි දශම බිංදුවයි බිංදුවයි බිංදුවයි දෙකයි)

මීළගට අපි සජීවී පදාර්ථය තැනීමට දායක වී ඇති ප්‍රධානත ම කාබනික සංයෝගයක් වන කාබෝහයිඩ්රේට් පිළිබඳ ව සාකච්ඡා කරමු.

1) කාබෝහයිඩ්රේට් ( Carbohydrate )

අප වාසය කරනු ලබන මෙම පෘථිවිය තුළ සුලභ ව ම පවතින කාබනික සංයෝගය වන්නේ මෙම කාබෝහයිඩ්රේට් ය.අප පරිසරයේ තිබෙන හරිත ශාක විසින් සිදු කරනු ලබන ප්‍රභාසංශ්ලේෂණ ක්‍රියාවලිය මඟින් මෙම කාබෝහයිඩ්රේට් නිපදවනු ලබයි.කාබෝහයිඩ්රේට් අඩංගු වන විවිධ ආහාර වර්ග තිබෙන අතර ඒවායින් කිහිපයක් පහතින් සඳහන් වෙයි.

1) අල වර්ග

2) සීනි

3) පිටි

4) ධාන්‍ය වර්ග

5) බතල

මෙම කාබෝහයිඩ්රේට්වල අඩංගු වන මූලද්‍රව්‍ය සංයුතියක් තිබෙයි.එම මූලද්‍රව්‍ය සංයුතියට අයත් මූලද්‍රව්‍ය කිහිපය නම් කාබන්, ඔක්සිජන්, හයිඩ්‍රජන් වෙයි.ඒ වගේ ම මෙම කාබෝහයිඩ්රේට් සඳහා පොදු අණුක සූත්‍රයක් ද තිබෙයි.එම සූත්‍රය පහතින් දක්වා ඇත.

CX ( H2O )Y

තව ද මෙම කාබෝහයිඩ්රේට් ප්‍රධාන වශයෙන් කොටස් තුනකට බෙදා දැක්විය හැකි ය.එලෙස බෙදා දැක්වීමට හැකි ප්‍රධාන ම කොටස් තුන පහතින් සඳහන් කර තිබෙයි.

1) මොනොසැකරයිඩ

2) ඩයිසැකරයිඩ

3) පොලිසැකරයිඩ

එසේ නම් මෙම ලිපිය කිය වූ මගේ පාඨක සැමට මාගේ හද පිරි ස්තූතිය පිරි නමන්නෙමි. මෙම ලිපිය මඟින් ඔබ සැමට ඉතාමත් ම වැදගත් තොරතුරු රාශියක් දැන ගෙන ඇතැයි මම හිතමි.එසේ නම් මීළඟ ලිපියෙන් හමු වන තුරු ඔබ සැමට ආයුබෝවන්....