12-වසර නාට්‍ය හා රංග කලාව

කලාව

කලාව

 

 "කලාව"යන වචනය කවදත් විවිධ මත පළකරනු ලබන පදයකි.පැරණි බ්‍රාහ්මණ පඬිවරු කලාව,රසාස්වාදය සඳහා හේතුවන බව කීහ. කලාව(Art) යනු 'කුසලතාව'යි. කලාව පිළිබදව අර්ථ නිරූපනයට වෙහෙස වුවෝ ඒ පිලිබදව විවිධ මත පළ කළහ. නමුත්  කලාව පිලිබදව අදහස් දක්වන විචාරකයින් ඒක මතිකව පොදුවෙි පිළිගත් මතයකි එනමි.
"මිනිසා විසින්ම (කලාකරුවා ) නිර්මාණය කළ රසිකයා පිනවන අපූර්වත්වයෙන් හා සෞන්දර්යයෙන් යුතු නිර්මාණයකි".
මෙි අනුව  ස්භාවධර්මයේ  සෞන්දර්‍යය ,එනම් හැන්දෑවක හිරු බැස යන දර්ශනයක් , මීදුමෙන් වැසීගිය  කඳුවැටි , ඇළ දොළ , ගංඟා , දිය ඇලි, තුරු වදුලු ආදිය කොතරමි සෞන්දර්යාත්මක චිත්තවෙිග ජනිත කලද, ඒවා ම්නිස් දෑතකින් නිර්මාණය නොවු නිසා කලා කෘති ලෙස නොපිළිගැනේ .සොබාදහම කලා කෘතියක් ලෙස නොසැලකුවද එහි කලාත්මක ලක්ෂණ බහුලව ගැබි වී තිබෙි. කලා කෘති නිම වීමට කලාකරුවාට  අවශ්‍ය මූලද්‍රව්‍ය  ඇත්තේ සොබාදහම තුළය. ඒ නිසා කලාව බිහි වන්නේ  කලාකරුවා සිය මාධ්‍යත් , පරිසරයත් යමි ඒකාබද්ධතාවකට පත් කිරීමෙනි . සරලව ම කලාකරුවා තම මාධ්‍ය  භාවිතයෙන් පරිසරය පිලිබද අර්ථ  විග්‍රහය යෙදෙයි .නාද, වර්ණ, වචන, රේඛා , රිද්ම, ශාරිරික චලන භාවිතයෙන් කලාකරුවා තමා ලද ව්න්දනය ඉහත ක්‍රම මගින් ජනතාවට සන්නිවේදනය  කරයි . ඉන් ගීතයක්, ස්වර රචනයක්, චිත්‍රයක් , මූර්තියක් , කවියක්, සාහිත්‍ය කෘතියක් , නර්තනයක්, නාට්‍යයක් ආදී කවර හෝ මාධ්‍යක කලා කෘතියක් බිහි වෙි.මෙලෙස නිර්මිත ගද්‍ය , පද්‍ය, ගීත, මූර්ති,චිත්‍ර , කැටයමි,නාට්‍ය , 'කලාව' ලෙස හඳුනා ගනීයි.
 L.හැවිමෙයර්  හා W.රිජ්වෙි  යන විද්වතුන්ගේ  මතය නමි මිනිසා ආදී මානව යුගයේ සිටම පරිසරයේ තමන් දුටු ,අත්දකින ලද ක්‍රියා විවිධ ස්වරූපයෙන් අනුකරණයත්, ඒවාට සමාරෝපය වීමට ත් උත්සහ දරා ඇති බවයි.
 චිත්‍ර කලාව, රංග කලාව එහි ප්‍රතිථලයන් ය. ස්පාඤ්ඤයේ "ලැස්කෝ" ප්‍රංශයේ "ඇල්ටමීරා" ගුහා සිතුවමි , ඉන්දියාවෙි "අජන්තා" "එල්ලෝරා" ලෙන් සිතුවමි ,චීනයේ "හුනාන්" ශිඛර ලෙන් සිතුවමි, ලංකාවෙි "තන්තිරිමලේ" "හිඳගල" ගුහා  චිත්‍ර ඊට කදිම නිදසුන්ය. මෙලෙස ප්‍රාග් මානවයා අත්විදි  පරිසර අත්දැකීමි තුලින් වර්ධනය වු කලිව 'ප්‍රාකෘත කලාව'(Primitive art) නමි වෙි.
කලාව පිළිබදව නිර්වචන.
"කලාව" පිලිබදව පොදුවේ  නිර්වචනය කර ගැනීමට බොහෝ  විද්වතුන් උත්සහ දැරුවද ,ඒ පිළිබද පරිපූර්ණ වු පොදු නිර්වචනයක් තවම ඉදිරිපත් වී නැත.
 අපරදිග නිර්වචනය 
 "කාව්‍ය නමි අනුකරණයයි"
                    -ඇරිස්ටොටල්-
"කලාව යනු  අනුකරණයක තවත් අනුකරණයකි " 
                                -ප්ලේටෝ-
"කලාව යනු සුන්දරත්වය හෝ රමණීයත්වයයි"
                                   -වින් ක්ලේබන්-
"කලාව නමි රමණීයත්වයයි.එය දිව්‍යමය , ස්වාභාවික හා කෘත්‍රිම ලෙස ත්‍රිවිධාකාර වෙි"
                                   -පියරේ අන්ද්‍රෝ-
"ස්වාභාවික රමණීයත්වයේ අනුකරණය කලාවයි.එහි අරමුණ  ආස්වාදයයි" 
                          -බෝතෝ-
"යමෙකු තමා ලද  අනුභූතීයක් (අත්දැකීමක්) චලන ,රේඛා , වර්ණ, ශබිද හෝ වචන මගින් ඉදිරිපත් කිරීම කලාවයි"
                               -ලියො තොල්ස්තෝයි-
"කලාව යනු භෞතික ලෝකය පිලිබඳ සමාජ යථාර්තවාදී ප්‍රකාශනයකි"
                                         -කාල් මාක්ස්- 
කලාව - ජනතාව(මිනිසා) සදහා ය.
(බුද්ධිවාදී ප්‍රවෙිශයයි .අපරදිග චින්තනය)
පෙරදිග  චින්තනය 
කලාව පිළිබඳ පෙරදිග විචාර මත ඉදිරිපත් කළ බහුතරය භාරතීයන්ය."විශ්වනාථ" ,"මල්ලිනාථ", ශ්‍රී හර්ෂ", "භරතමුනි"," වාත්ස්‍යායන", "කෞටිල්‍ය" ඒ අතර ප්‍රමුඛ වෙි.
"රසයේ සාර චමත්කාරයයි"
                              -විශ්වනාථ-
"කලාව යනු ගීත ,වාද්‍යාදී, බාහිර ක්‍රියා හා වැලඳ ගැනීමි හා සිප ගැනීමි ආදී ක්‍රියාය".
                        -වාත්ස්‍යායන(කාම සූත්‍රය )-
කලාව - කලාව සඳහා ය.
(සෞන්දර්යවාදී ප්‍රවෙිශයයි.පෙරදිග චින්තනය)
 කලාව වර්ගීකරණය 

 

 මෙි පිලිබදව ලොව මුලින්ම මතවාද රැසක් ඉදිරිපත්  වුයේ ප්‍රංශය කේන්ද්‍ර කර ගනිමිනි.
  • ප්‍රාකෘතික කලා
  • ගැමි කලා
  • ව්‍යවහාරික කලා
  • ශ්‍රව්‍ය කලා
  • දෘශ්‍ය කලා
  • ප්‍රකාශනවාදී කලා
  • ප්‍රාසාංගික කලා
  • මූර්ති කලා
  • චිත්‍ර කලා
  • මාධ්‍ය කලා   
 ලෙස දැක් වීමට පුළුවන.

 


ලිපිය නිර්මාණය කලේ,
අමිල බංඩාර


MEMBER

අදාල තවත් ලිපි,



අමිල බංඩාර

12-වසර නාට්‍ය හා රංග කලාව

අනෙකුත් ලිපි