13-වසර භූගෝල විද්‍යාව

දේශගුණ වර්ගීකරණ ( ආර්ද්‍ර මාධ්යෝෂ්ණ දේශගුණය )

උසස් පෙළට නියමිත දේශගුණ වර්ගීකරණ පාඩම හා අනුරූප වේ.

ආර්ද්‍ර මාධ්යෝෂ්ණ දේශගුණය - C

1.වියලි ගිම්හාන උප නිවර්තන වර්ගය / මධ්‍යධරණී දේශගුණය - Cs

ව්‍යාප්තිය - උතුරු අර්ධ ගෝලයේ අක්ෂාංශ අංශක 30-45 දක්වාත් දකුණු අර්ධ ගෝලයේ අක්ෂාංශ අංශක 30-40 දක්වාත් කලාපයේ පිහිටා ඇත.මෙම දේශගුණික වර්ගය මහද්වීපවල බටහිර වෙරළබඩ ප්‍රදේශ වලට සාමාන්‍යයෙන් සිමා වී තිබේ.මධ්‍යධරණී මුහුද අවට, උතුරු ඇමෙරිකාවේ කැලිෆෝනියා ප්‍රාන්තයේ කොටසක, දකුණු අප්‍රිකාවේ නිරිත දිග ප්‍රදේශය එනම් කේප්ටවුන්, දකුණු ඇමෙරිකාවේ මධ්‍යම චිලී ප්‍රදේශය, ඕස්ට්‍රේලියාවේ නිරිත දකුණු වෙරළබඩ ප්‍රදේශ යනාදියේ ව්‍යාප්ත වී ඇත.

දේශගුණික ලක්ෂණ - කටුක වියලි ගිම්හාන ඍතුවක් හා තෙත් මෘදු ශිශිර ඍතුවක් ඇත.ගිම්හානයේදී දිප්ට්ඨිමත්ව සුර්යාලෝකය ලැබේ.වායුවේ ආර්ද්‍රතාවය අඩුය.අධික තාපයක් ඇතිවේ.වාර්ෂික සාමාන්‍ය වර්ෂාපතනය මිලි මීටර් 500-760 අතර වේ.

ස්වාභවික වෘක්ෂලතා හා සතුන් - මෙම දේශගුණයේ ඇති ශාක මධ්‍යධරණී වනාන්තර ලෙස හදුන්වනු ලැබේ.වෘක්ෂලතා සදාහරිත වන අතර කටු පදුරුද දැකිය හැකි වේ.මෙම ශාක සදාහරිත ශුෂ්කකාමි ශාක වේ.කේතුධර ශාක ද පිහිටා ඇත.ශාක වල උත්ස්වේදනය අඩු කිරීමට සිහින් පත්‍ර පිහිටා ඇත.බොහෝ ගස් උසින් අඩු වේ.ඒවාට දිගු මුල් ඇත.

මානව කටයුතු - ජනාධික නගර මෙම දේශගුණයේ පිහිටා ඇත.සුර්යාලෝකය බහුල වීම, පලතුරු හා මල් ආදිය බහුල වීම, නිල් අහසක් හා නිල් පාට ජලාශ්‍ර තිබීම, සුන්දර වෙරළබඩ ප්‍රදේශ පැවතීම යනාදී කරුණු නිසා මෙහි ජනාවාසකරණය බහුල වී ඇත.සංචාරක කර්මාන්තයට හා චිත්‍රපටි කර්මාන්තයට මෙම දේශගුණික කලාපය ප්‍රසිද්ධියක් උසුලයි.ධාන්‍ය, පලතුරු, අල, නිවර්තන වැවිලි භෝග වගා කිරීම, සත්ව පාලනය යනාදිය සිදු කරනු ලබයි.

 

2.ආර්ද්‍ර උප නිවර්තන වර්ගය / චීන වර්ගය / උණුසුම් සෞම්‍ය නැගෙනහිර වෙරළබඩ වර්ගය - Ca

ව්‍යාප්තිය - මහද්වීපවල නැගෙනහිර පැත්තේ පිහිටා ඇත.අර්ධගෝල දෙකෙහිම අක්ෂාංශ අංශක 20-35 දක්වා පැතිරී තිබේ.චීනය, ජපානයේ දකුණු කොටස, ඇමෙරිකා එක්සත් ජනපදයේ ගිනිකොණ, දකුණු බර්සිලය යනාදියේ ව්‍යාප්ත වී ඇත.

දේශගුණික ලක්ෂණ - ගිම්හානයේ දිවා කාලය උෂ්ණාධික වේ.වාතයේ ආර්ද්‍රතාව අධික වේ.උණුසුම් සාගර ප්‍රවාහ වල බලපෑම ලැබේ.අහස නිතරම වලාකුළු වලින් බහුල වේ.උපනිවර්තන වැඩි පීඩන කලාප ආශ්‍රිතව හා ඊට පහල අක්ෂාංශ වල පිහිටා ඇත.සාමාන්‍ය වාර්ෂික වර්ෂාපතනය මිලි මීටර් 1000 ක් පමණ වේ.

ස්වාභවික වෘක්ෂලතා හා සතුන් - සදාහරිත ශාක ප්‍රධාන වශයෙන්ම වර්ධනය වේ.ශාක වල කොළ පළල්ය.තද දැව සහිත පතනශීලි ශාක ද කේතුධර ශාක ද වර්ධනය වේ.සයිප්‍රස්, සීඩර්, හිකෝ වැනි ශාක වර්ග දැකිය හැකි වේ.ලෝරල් වැනි පදුරු වර්ග ද, මීන ශාක ද, උණ ගස් හා වැල් වර්ග ද තැනින් තැන බහුල වේ.තෘණ භුමි වල සාරවත් පසක් ඇත.

මානව කටයුතු - මිනිසාගේ සැප පහසුවට හා ශාක වර්ධනයට මෙම දේශගුණික වර්ගය ඉතා සුදුසු වේ.වී වගා බිම් හා තිරිගු වගා බිම් මෙහි දක්නට ලැබේ.නිවර්තන වැවිලි භෝග ද හොදින් වගා කල හැකිය.

 

3.සාමුද්‍රික වර්ගය / බ්‍රිතාන්‍ය වර්ගය / සිසිල් සෞම්‍ය බටහිර වෙරළබඩ වර්ගය - Cb / Cc

ව්‍යාප්තිය - උතුරු අක්ෂාංශ අංශක 45-60 අතර ද දකුණු අක්ෂාංශ අංශක 40-55 අතර ද පැතිරී ඇත.යුරෝපා මහද්වීපයේ බටහිර ප්‍රදේශයේ මෙම දේශගුණය කැපී පෙනේ.බ්‍රිතාන්‍ය දුපත්, නොර්වේ, ප්‍රංශය, ජර්මනිය, යනාදියේ ව්‍යාප්ත වී ඇත.

දේශගුණික ලක්ෂණ - ගිම්හානය ප්‍රසන්න වේ.උප නිවර්තන වැඩි පීඩන කලාපයේ හා සෞම්‍ය අඩු පීඩන කලාපය අතර පිහිටා ඇත.අඩු සුර්යලෝකයක් ලැබේ.වාර්ෂික වර්ෂාපතනය මිලි මීටර් 760 ක් පමණ වේ.

ස්වාභවික වෘක්ෂලතා හා සතුන් - සෞම්‍ය කලාපික පතනශීලි වනාන්තර අවේනික ස්වභාවික වෘක්ෂලතා වර්ගය වේ.කේතුධර වනාන්තර ද පවතී.බීච්, හිකරි, සයිප්‍රස් වැනි ශාක වර්ග දැකිය හැකිය.

මානව කටයුතු - ජනධික නගර පිහිටා ඇත.තෘණ වගාව දියුණු කර ඇත.මස් පිණිස ගවයින් ඇති කරනු ලබයි.තිරිගු, බාර්ලි, ඕට්ස් වැනි ධාන්‍ය ද වගා කෙරේ.ඇපල් ප්‍රධාන වශයෙන්ම වගා කෙරේ.

 

 

උසස් පෙළ
ආර්ථික විද්‍යාව
(සිද්ධාන්ත/පුනරීක්ෂණ)
තනි හෝ කණ්ඩායම් පන්ති
076-6557372 (කොළඹ/ගම්පහ අවට පමණි)

(විශ්ව විද්‍යාල සිසුවෙකු විසින් මෙහෙයවයි)

 

 

 

 


ලිපිය නිර්මාණය කලේ,
S
Samith Alwis


TOP MEMBER

අදාල තවත් ලිපි,



Samith Alwis

13-වසර භූගෝල විද්‍යාව

අනෙකුත් ලිපි