9-වසර ගණිතය

විද්‍යාත්මක අංකනය

ආදරණීය නංගියේ මල්ලියේ ,
මේ මම ඔයාලට උගන්වන පලවෙනි පාඩම. විද්‍යාත්මක අංකනය පාඩම ඉතාමත් සරලව කියල දෙන්නයි මම මේ යන්නේ. ඉතාමත් ඕනෑකමින් මෙය කියවන්න. මම ඔයාලට මේ පාඩමේ ගැටළු කෙටි ක්‍රම වලින් විසදන ආකාරය කියලා දෙන්නම්.

කුමක් හෝ සංඛයාවක් 1 ත් 10 ත් අතර සංඛයාවක සහ 10 යේ බලයක ගුණිතයක් ලෙස දැක්වීම තමයි විද්‍යාත්මක අංකනයෙන් දක්වනවා කියලා සරලවම හදුන්වන්නේ. මම පහලින් දක්වලා තියෙන පියවරවල් අනුපිළිවෙලින් කරගෙන ගියොත් ඔයාලටත් ඕනෑම සංඛයාවක් විද්‍යාත්මක අංකනයෙන් දක්වන්න පුළුවන්. බලන්නකෝ මම මේ කියලා තියෙන පියවරවල් කොච්චරනම් ලේසිද කියලා.

අපි හිතමු ඔයාලට ගාණක් තියෙනවා 96725 යන සංඛයාව විද්‍යාත්මක අංකනයෙන් දක්වන්න කියලා. ඔයාලට කරන්න තියෙන්නේ මෙන්න මේ පියවරවල් ටික විතරමයි.

පියවර 01 :-
වමේ සිට දකුණට ගමන් කරන විට හමුවන බින්දුව නොවන පළමු ඉලක්කම සොයාගන්න.
ඇස් දෙක හොදට පේනවනම් ඔයාලට පෙන්න ඕනේ 96725 කියන සංඛයාවේ වමේ සිට දකුණට ගමන් කරන විට හමුවන බින්දුව නොවන පළමු ඉලක්කම 9 කියලා.

පියවර 02 :-
ඔයාලට දීලා තියෙන සංඛයාවේ දශම තිත තියෙන ස්ථානය හොයාගන්න.
දශම ගැන අවබෝධයක් තියෙනවනම් ඔයාලට තේරෙන්න ඕනේ මේ සංඛයාවේ දශම තිත තියෙන්නේ 5 කියන ඉලක්කමට දකුණු පැත්තෙන් කියලා. ( දශම පාඩම ඉදිරි ලිපි පෙලකින් කියලා දෙන්නම්කෝ )

පියවර 03 :-
දැන් වැඩේ ගොඩක් දුරට ඉවරයි නංගියේ මල්ලියේ. ඊලගට ඔයාලට කරන්න තියෙන්නේ දශම තිත තියෙන තැනේ ඉදලා වමේ සිට දකුණට ගමන් කරන විට හමුවන බින්දුව නොවන පළමු ඉලක්කමේ දකුණු පසට වෙනකන් දශම තිත ගමන් කරවන්න.

පියවර 04 :-
හොදට අවදානයෙන් බලන්න දශම තිත ගමන් කලේ වමටද දකුණටද කියලා. ඒ ඇයි කියලා පස්සේ කියන්නම්කො.
විද්‍යාත්මක අංකනය අර්ථ දැක්වීමට අනුව දැන් ඔයාලට 96725 කියන සංඛයාව විද්‍යාත්මක අංකනයෙන් ලියන්න විතරයි දැන් තියෙන්නේ. දශම තිත ගමන් කරපු ස්ථාන ගණනට සමාන දහයේ බලයක් තමයි තියන්න ඕනේ. හැබැයි දශම තිත ගමන් කලේ වමටනම් දහයේ බලය ධන අගයක් විදිහටත් දශම තිත ගමන් කලේ දකුණටනම් දහයේ බලය ඍණ අගයක් විදිහටත් තියන්න අමතක කරන්න එපා.

 මේ photo එකෙන් මම ඉස්සෙල්ලා කියපු පියවරවල් ටික තවත් පැහැදිලි වෙයි. 

විද්‍යාත්මක අංකනය පැහැදිලි කිරීම

දැන් මම කියල දෙන්න යන්නේ ඕනෑම සංඛයාවක් ආසන්න 10 ට ආසන්න 100 ට ආසන්න 1000 ට වටයන ආකාරය ගැනයි.

පූර්ණ සංඛයාවක් ආසන්න 10 ට වටයන ආකාරය

මේකෙදිත් මම ඔයාලට පියවර කිහිපයක් කියනවා. ඒ පියවරවල් ඔස්සේ පිලිවෙලට ගාණ හදාගෙන ගියහම ඔයාලට උත්තරේ ගන්න පුලුවන්. බය වෙන්න එපා මෙ පියවරවල් 100 % ක්ම නිවැරදියි.

ඔයාල හිතන්නකෝ ඔයාලට ගැටළුවක් තියෙනවා 24 කියන සංඛයාව ආසන්න 10 ට වටයන්න කියලා. මම කියන මේ පියවරවල් එක්ක ගාණ හදලා බලන්න කොච්චර ලේසියිද කියලා.
පියවර 01 -
ඔබට ලබාදී ඇති සංඛයාව සංඛයා රේඛාවක් මත ලකුණු කරගන්න.( මතක තියාගන්න මේ අඳින සංඛයා රේඛාව කටු සටහනක් වගේ ඇදගන්න. අන්තිමටම දීලා තියෙන එක දැක්කම ඔයාලට තේරෙයි වැඩේ.)

පියවර 02 - 
දැන් ඔබට ලබා දී ඇති සංඛ්‍යාව දෙපස පිහිටන 10 යේ ගුණාකාර දෙක ඉහත සංඛ්‍යා රේඛාවේම ලකුණු කරගන්න.

පියවර 03 -
සෑම විටම ඔබගේ වම් අත පැත්තේ පිහිටන 10 යේ ගුණාකාරය හදුන්වන්නේ පහල 10 යේ ගුණාකාරය ලෙසයි. සෑම විටම ඔබගේ දකුණු අත පැත්තේ පිහිටන 10 යේ ගුණාකාරය හදුන්වන්නේ ඉහල 10 යේ ගුණාකාරය ලෙසයි.
දැන් ඔබට ලබා දුන් සංඛ්‍යාවෙන් ඒ කියන්නෙ 24 කියන සංඛයාවෙන් පහල දහයේ ගුණාකාරය අඩු කර ලැඛෙන පිලිතුර ලියාගන්න.

පියවර 04 -
ඉන් පසුව ඉහල දහයේ ගුණාකාරයෙන් ඔබට ලබා දුන් සංඛ්‍යාව අඩු කර ලැඛෙන පිලිතුර ලියාගන්න.

පියවර 05 -
දැන් ඒ ලියාගත්ත පිලිතුරු දෙකෙන් අඩුම අගයක් තියෙන පිලිතුර තෝරගන්න. ඊට පස්සේ බලන්න එ පිලිතුර ලැබුණ පැත්තේ තියෙන 10 යේ ගුණාකාරය මොකක්ද කියලා.
ඒ 10 යේ ගුණාකාරය තමයි ඔයට දුන්න සංඛ්‍යාව ආසන්න 10 වැටයූ විට ලැඛෙන අගය. පහල තියෙන PICTURE එකත් බලලම වඩේ තවත් ෂුවර් කරගන්නකෝ. මෙන්න මේකත් හොදින් මතක තියාගන්න. මොකක් හරි ගාණක් ඔයා මම දැන් කියපු පියවරවල් වලින් හදනකොට ඔයාට දුන්න සංඛ්‍යාවෙන් පහල 10 යේ ගුණාකාරය අඩු කල විට ලැඛෙන අගයයි, ඉහල 10 යේ ගුණාකාරයෙන් ඔයාට ලබා දීල තියෙන සංඛ්‍යාව අඩු කල විට ලැඛෙන අගයයි සමාන උනොත් අනිවාර්යෙන්ම ඉහල 10 යේ ගුණාකාරය ඔයාට දීල තියෙන සංඛ්‍යාව ආසන්න 10 ට වැටයූ අගය ලෙස ගන්නම ඕනෙමයි.

 

වැඩේ පැහැදිලි වෙන්න ඇති ලියල හිතනවා මම. 

මම ඔයාලට කියලා දුන්නු දේවල් තෙරෙනවනම් ඔයාලට කැමතිනම් මගේ මේ ලිපියට එකක් දාගෙනම යන්න නංගියේ මල්ලියේ. ඒක මට ගොඩාක් ලොකු හයියක් වෙයි.

ගණිතය විෂය හරිම ලේසියි නංගියේ මල්ලියේ. මම දන්නා කෙටි ක්‍රම ගොඩක් මම ඉදිරි ලිපි වලින් ඉදිරිපත් කරන්නම්. දැනට මම නවතින්නම්. ලගදීම දෙවෙනි ලිපියත් බලාපොරොත්තුවන්න.

ඔබට ජයෙන් ජය !!!!


ලිපිය නිර්මාණය කලේ,
ඉමන්ත ලක්ෂාන්


MEMBER

අදාල තවත් ලිපි,



ඉමන්ත ලක්ෂාන්

9-වසර ගණිතය

අනෙකුත් ලිපි