ICT and Society part 4
ICT in Industries
කර්මාන්ත අතින් දියුණු බොහෝ රටවල් තම මහා පරිමාණ කර්මාන්තහාලා වල පාලන කටයුතු මෙහෙය වීම සදහා පරිගණක සහය ලබා ගෙන ඇත. ජල විදුලි බලාගාර, තාප විදුලි බලාගාර, ඛණිජ තෙල්, වානේ, මොටර් රථ, නැව් මේ අතර ප්‍රධාන තැනක් ලබා ගනී.
ලෝකයේ ගුවන් ගමන් පාලන කටයුතු සදහා ගුවන් තොටුපල වල විශේෂ පරිගණක පද්ධති භාවිතයට ගැනේ. ගුවන් ගමන් පාගන මැදිරි තුළින් ගුවන් යානාවල හා ගුවන් මගීන්ගේ ආරක්ෂාව තහවුරු කිරීම මෙම පරිගණක පද්ධති වලින් ඉටු කරන ප්‍රධාන කාර්ය්‍ය වේ. පාලන මැදිරි තුළින් අහසේ පියාසර කරන ගුවන් නියමුවන්ගෙන් පණිවිඩ ලබා ගැනීමත් ගුවන් යානා නියමුවන්ට උපදෙස් දීමත් වඩාත් කාර්ය්‍යක්ෂම සේවාවක් සැපයීමට පුළුවන.
රොබෝ වරු යොදා කෙරෙන කර්මාන්ත බොහෝමයක් අද බිහි වී ඇත. මිනිසුන් යොදාගෙන කෙරෙන අවදානම් කටයුතු අවම කිරීම සදහා මෙසේ රොබෝ වරුන් යොදා ගනී. විශේෂයෙන්ම විකිරණශීලී මූල ද්‍රව්‍ය භාවිතා කරමින් කෙරෙන කර්මාන්ත ශාලා වල ඇතැම් කටයුතු සදහා සම්පුර්ණයෙන් ම යොදාගෙන ඇත්තේ රොබෝ වරුන්ය. එසේම ගිනිකදු ආශ්‍රිතව කෙරෙන පර්යේෂණ. සාගර පත්ල ගවේෂණය ආදී කටයුතු සදහා ද රොබෝවරු බාවිතා කරනු ලැබේ. එසේම රොබෝවරු භාවිතා කිරීමට තවත් හේතුවක් වන්නේ වෙහෙස මහන්සියක් නොබලා වැඩෙහි යෙදීමට ඇති හැකියාවයි. දින සති මාස ගණන් වුව ද අඛණ්ඩව වැඩ කිරීමට රොබෝ වරුන්ට පුළුවන.
සංකීර්ණ යන්ත්‍ර සූත්‍ර, ගුවන් යානා, නැව්, නිවාස, පර්යේශනාගාර ආදිය නිර්මාණ කිරීම සදහා නූතන පරිගණක තාක්ෂණය ඉමහත් සේවාවක් ඉටු කරයි. මේ සදහා පරිගණක පැකේජ කිහිපයක් දායක වේ. CAD (Computer Aided Design) හා CAM (Computer Aided Manufacturing) ඉංජිනේරුවන් නව සැලසුම් සකස් කිරීමේ දී පළමුවෙන්ම පුවරු මත දළ සැලසුමක් අදිනු ලැබේ. විටින් විට ඇති වන වෙනස් කම් කරමින් නැවත නැවත මේවා ඇදීමට සිදුවේ. මෙයට පරිගණක තාක්ෂණය යොදා නොගන්නේ නම් මෙවැනි කටයුත්තකට දීර්ඝ කාලයක් ගතවේ. එහෙත් වැනි පරිගණක පැකේජ් ඉතාම නිවැරදිව ක්‍රමානුකූලව ඇදීමට අවස්ථාව සලසා ඇත. අප අද ලියන පෑනක් පවා එහි මූලික හැඩය නිර්මාණය කරනු ලබන්නේ පරිගණකය උපයෝගී කරගෙනය.
යම් භාණ්ඩයක නිෂ්පාදන ක්‍රියාවලිය හා සම්බන්ධ විවිධ උපකරණ හා යන්ත්‍ර සූත්‍ර ආදිය පාලනය කරමින් නිෂ්පාදන ක්‍රියාවලිය පවත්වා ගනු ලබන පරිගණක වැඩසටහන් CAM (Computer Aided Manufacturing) ලෙස හැදින්වේ. මෙම CAM (Computer Aided Manufacturing) යන්ත්‍රසූත්‍රථ බොහෝ මහා පරිමාණ කර්මාන්තශාලා වල භාවිතා වේ. මෝටර් රථ. වානේ, නැව්, ගුවන් යානා නිෂ්පාදන කර්මාන්තශාලා මෙයට උදාහරණ වේ.
ගුරුවරුන්, වෛද්‍යවරුන්, ගෘහසේවකයන් හා ආරක්ෂක නිළධාරින් විසින් කෙරෙන කටයුතු සදහා අද පරිගණක යෙදුම් නිපදවා ඇත. අපගේ ආහාර පාන ආදිය සකස් කර දීමත් ඇදුම් පැළදුම් නිර්මාණය කර දීමටත් අනාගතයේ දී මීට වඩා පරිගණක යෙදුම් භාවිතයට ගනු ලැබේ.
දැනටමත් තමන්ගේ ගෙදර තිබෙන ඉලෙක්ට්‍රොනික ගෘහ උපකරණ කාර්යාලයේ දී හෝ මග තොටේ දී හැසිරළුීමට අවශ්‍ය මෘදුකාංග දැන් නිපදවා තිබේ. තමන්ගේ ශීතකරණයේ ඇති ආහාර ද්‍රව්‍ය වල ප්‍රමාණයන් හා හිස් වී ඇති ආහාර මොනවාද යන්න පිළිබද ලැයිස්තුවක් ලබා ගැනීමටත් නිවසින් බැහැරව සිටින අවස්ථාවක දී වුවත් මේ මගින් දැනගැනීමට පුළුවන. මේ ආකාරයට රෙදි සෝදන යන්ත්‍ර, දුම්රිය, ගුවන් යානා ආදී සියලු උපකරණ හා රථවාහන පරිගණක වැඩසටහන් මගින් පාලනය කළ හැකි වේ. අද ලෝකයේ බලවත් රටවල් සතුරු ඉලක්කයන් සදහා නිපදවන මිසයිල සියල්ලම පාලනය කරන පරිගණක පද්ධති නිර්මාණය කර ඇත. එසේම තමන් දෙසට එන මිසයිල වලට අමතා එම මිසයිල ආපසු හරවා යැවීමේ හැකියාව ද මේවාට ඇත. මෙසේ ආරක්ෂක අංශ සදහා පරිගණක භාවිතය ප්‍රකට කරුණකි. මෙසේ මිනිසාගේ භෞතික අංශ සංවර්ධනය සදහා මෙන්ම අනාගතයේ දී සිරිත් විරිත් ඇතුළු අධ්‍යාත්මික අංශ දියුණු කිරීමට ද පරිගණක තාක්ෂණය යොදා ගනී යැයි බලාපොරොත්තු තබා ගත හැකිය. .
