MS Excel Part 5

Copying Data

Cell එකක් මත ඇති දත්ත වල පිටපතක් වෙනත් Cell එකකට පිටපත් කිරිම සඳහා එම Cell එක Selecct කර Edit    Copy යන විධානය භාවිතා කරන්න.

පිටපත ලබා ගත යුතු Cell එක තෝරා Edit   Paste විධානය භාවිතා කරන්න.

එක් ස්ථානයක ඇති Row එකක හෝ Column එකක ඇති සියළුම දත්ත එක් වර වෙනත් Row එකකට හෝ Column එකකට පිටපත් කිරීම සඳහා මෙම ක්‍රමයම අනුගමනය කල හැකිය.  (මෙහිදි සම්පූර්ණ  Column එක හෝ Row එකම Select කර පිටපත ලබා ගත යුතු Row එක හෝ Column එක Select කල යුතුය.)

සැ.යු.  Copy හෝ Cut කරන්නේ සමීකරණයක් හෝ සමීකරණයකින් ලබා ගත් දත්තයක් නම් Paste විධානයටවඩාවඩාත්සුදුසුවන්නේ‏Paste Special යන්න තෝරා ගැනීමයි.

Moving Data

Cell එකක් මත ඇති දත්ත එම ස්ථානයෙන් ඉවත් කර වෙනත් Cell එකකට ලබා ගැනිම සඳහා දත්ත ඉවත් කල යුතු Cell එක තෝරාගන්න.  පසුව Edit      Cut විධානය භාවිතා කරන්න.

දත්ත ලබා ගත යුතු Cell එක තෝරා Edit     Paste විධානය භාවිතා කරන්න.

Insert Row & columns

කිසියම් අවස්ථාවක අප Cell කිහිපයක් තුලට දත්ත ඇතුලත් කර අවසන් වු විට එම Cell අතරට තවත් Cell එකක් හෝ කිහිපයක් ඇතුලත් කර ගැනීමට සිදු වන අවස්ථා ඇතිවිය හැකිය. එවැනි අවස්ථාවක දත්ත සියල්ල මකා නැවත දත්ත Type කිරිමට වඩා තිබෙන දත්ත වලට බලපැමක් ඇති නොකර ඒ අතරට දත්ත ඇතුල් කර ගත යුතුනම් එය වඩාත් පහසු වේ.

Insert Row

අළුතින් Row එකක් ඇතුලත් කර ගත යුතු ස්ථානයට පහළින් ඇති Cell එක මත Cell Pointer ය තබා Insert   Row විධානය භාවිතා කරන්න.

මෙහිදි ඔබ Cell Pointer එක තිබු Row එකට ඉහලින් Row එකක් ඇතුල් වේ. 

Insert Column

අළුතින් Column එකක් ඇතුලත් කර ගත යුතු ස්ථානයට දකුණු පසින් ඇති Cell එකක් මත Cell Pointer ය තබා    Insert   Column විධානය භාවිතා කරන්න.

මෙහිදි ඔබ Cell Pointer එක තිබු Column එකට ඉදිරියෙන් (වම් පසින්) Column එකක් ඇතුල් වේ. 

Deleting Row & Column

කිසියම් අවස්ථාවක දත්ත ඇතුලත් කර ඇති Row එක හෝ Column එක මකා දැමීමට සිදුවිය හැකිය. එවැනි අවස්ථාවක Cell එකින් එකට මකා දමනවාට වඩා පහසුවෙන් සම්පූර්ණ Row එකම හෝ Column එකම මකා දැමිය හැකිනම් එය විශේෂ වාසියකි.

Deleting Row - මකා දැමීමට අවශ්‍ය Row එක සම්පූර්ණයෙන්ම Select කරන්න ඉන්පසු

Edit          Delete විධානය භාවිතා කරන්න.

Deleting Column - මකා දැමීමට අවශ්‍ය Column එක සම්පූර්ණයෙන්ම Select කරන්න ඉන්පසු

Edit          Delete විධානය භාවිතා කරන්න.

Filling Series

Work Sheet එකකට දත්ත ඇතුලත් කිරීමේදී තිරස් හෝ සිරස් අතට ස්වයංක්‍රීයව දත්ත සමුහයක් පහසුවෙන් (Type කිරීමකින් තොරව) ඇතුලත් කිරීමටද Excel හි පහසුකම් ඇත. මේ  සඳහා ආරම්භක අගය Type කර අදාල Cell ප්‍රමාණය Select කර Edt       Fill        Series  තෝරා ගන්. මෙහිදී ලැඛෙන වින්ඩෝවෙහි දත්ත ලබා ගත යුත්තේ තිරස් අතටද, සිරස් අතට යන්න තෝරා ආරම්භක අගය හා අවසාන අගයද ලබා දෙන්න. එමෙන්ම දත්ත දෙකක් අතර පරතරයද ලබා දිය යුතුය. 

එසේ නැත්නම් දත්ත කිහිපයක් Type කර Cell Ponter යෙහි හැඩය + ලකුණක් සේ පෙන්වු විට පහලට ඇදගෙන යන්න. එවිට ස්වයංක්‍රීයවම දත්ත Fill වීම සිදු වේ.

1, 2, 3 ලෙස Type කල විට 4, 5, 6, 7ලෙස Type වේ.

9:00, 10:00, 11:00 ආදී ලෙස Type වේ.

Jan, Feb සිට Dec දක්වා Type වේ.

Moday, ඉතිරි දින 6 Type වේ.

2008 , 2009, 2010,2011 ආදී ලෙස Type වේ.

සැ.යු.    මෙහිදී අකුරු උදා A,B C,D ලෙස ලබා ගත නොහැක.