MS Excel Part 7 - සාමාන්‍යපෙළ තොරතුරු හා සන්නිවේදන තාක්ෂණය

MS Excel Part 7

Number Format

කිසියම් අවස්ථාවක මුදල්මය අගයක්, දශමස්ථාන සහිත සංඛ්‍යාවක්, ප්‍රතිශත අගයක්, දිනයක්, වේලාවක් ආදී වශයෙන් විවිධ මාදිලියේ දත්ත ඇතුල් කිරිමට අවශ්‍ය වු විට එම දත්ත දුටු පමණනින් හඳුනා ගැනිීම සඳහා ඒවාට ආවේණික ස්වරූපයෙන් දත්ත දර්ශණය වේ නම් පහසුවක් මෙන්ම Excel Work Sheet එකක් පැහැදිලිව හා නිරවුල්ව කෙනෙකුට අවබෝධ කරගත හැකිය.  එසේ අවශ්‍ය ආකාරයට දත්ත ඇතුලත් කිරිම සඳහා Number Format යොදා ගත හැකිය. මේ සදහා පහත සදහන් කර ඇති තොරතුරු සහ එූප සටහන් උපයෝගී කර ගනිමින් ආකර්ශණීය ආකාරයට හා පැහැදිලි, නිරවුල් ආකාරයට Excel Work Sheet එක සකසා ගන්න.

 

අවශ්‍ය වන්නේ මුදල්මය අගයක් Cell එකකට ඇතුල් කිරිමය යැයි සිතමු. එය Rs1000 ලෙස Cell එක තුල Type කරනු ලැබුවේ නම් අවශ්‍ය ගණනය කිරිම් සඳහා එම අගය යොදා ගත නොහැකිය. එයට හේතුව RS ලෙස Type කිරිමේදි Excel එය Text ලෙස ගැනීමයි. 1000 ලෙස Type කල විට එය බලන තැනැත්තාට එකවර එම අගය මුදල්මය අගයක් ලෙස හඳුනාගැනීමද අපහසු වෙයි. එහෙත් Number Format භාවිතා කර 1000 ලෙස Type කල අගය අකුරක් බවට පරිවර්ථනය නොකොට මුදල්මය අගයක් ලෙස පෙන්වීමට හැකියාව ඇත.

මෙසේ වෙනස් කිරිමට අවශ්‍ය Cell එක හෝ කිහිපය Select කර

Format  ---->  Cell ---->  Number යන විධානය භාවිතා කරන්න.

 

 

Category - නම් ස්ථානයේදී අවශ්‍ය Format වර්ගය තෝරා එහි අවශ්‍ය වෙනස්කම් කර Ok කරන්න.

 

General - මෙමගින් සාමාන්‍ය ආකාරයෙන් දත්ත අතුලත් කල හැකිය. එමෙන්ම වෙනස්කම් කළ පසු නැවත Type කරන ලද ආකාරයටම ලබාගැනීම  එනම් මුදල් අගයක්, ප්‍රතිශතයක් ලෙස වෙනස්කම් කළ Cell හි එම සංඛ්‍යා මකා දමනු ලැබූවද එම Cell හි යෙදු Format වර්ගය වෙනස් නොවේ.  එම Cell නැවත සාමාන්‍ය ආකාරයටම ලබාගැනීම සඳහා මෙය භාවිතා කළ හැක.   

     

Number - සංඛ්‍යාවක් දශමස්ථාන යෙදීම හා කොමා යොදා ගැනීම,  

5,56,000.00

 

CurrencyCell තුලට ඇතුල් කිරිමට බලාපොරොත්තු වන්නේ යම් කිසි මුදල්මය වටිනාකමක් නම් (Rs10.00) මෙහිදී Symbol නම් ස්ථානයේදී අවශ්‍ය මුදල් වර්ගය තෝරා ගත හැක. මෙහි ප්‍රථමයෙන් ලැබී තිබෙන්නේ ඇමරිකා ඩොලර් සංකේතයයි. ($)

 

Date Date Format භාවිතා කර ලබාගත් දිනයන්හි Styles වෙනස් කිරීම කල හැකිය.  

උදා 05/12/2010 ලෙස තිරයට ගත් දිනය 12-Mar-2010ලෙස සකස්කර ගැනීම

සැ.යු. Excel හි සෑම විටම දිනයක් පෙන්වීමේදී මාසය, දිනය, අවුරුද්ද ලෙස පෙන්වයි.  එයට හේතුව සාමාන්‍යයෙන් මෙහෙයුම් පද්ධතිය භාවිතා කරන්නේ ඇමරිකානු දින පිළිවෙලයි.  එසේ වුවද මෙහෙයුම් පද්ධතියේ දින ක්‍රමය අපට අවශ්‍ය පරිදි වෙනස් කිරීමටද අවස්ථාව ලබා දී ඇත. 

 

Time - Time Format භාවිතා කර ලබාගත් වේලාවන්හි Styles වෙනස් කිරීම කල හැකිය.

උදා 11:20AM ලෙස ලබාගත්  වේලාව 11:20:30 හෝ 3/14/2000 11:20AM ලෙස ලබාගැනීම සඳහා මෙය භාවිතා කළ හැක.

 

Percentag - යම් කිසි දෙයක ප්‍රතිශතයක් ලෙස ලබාගැනීම සඳහා මෙය භාවිතා කළ හැක.  උදා  10%

 

Text - Type කරන ලද සංඛ්‍යාවක් Text ආකාරයට දැක්වීමට අවශ්‍ය වූ අවස්ථාවකදී මෙය භාවිතා කළ හැක. උදා 001, 002 ආදී වශයෙන් (මෙහිදී මෙම ආකාරයට ලියවිය යුතු Cell Select කර Text Click කර අවශ්‍ය සංඛ්‍යා ඇතුල් කළ පසු ඉහත උදාහරණයෙන්හි දිස්වූ ආකාරයට දත්ත ඇතුල් කර ගත හැක.  ඔබ විසින් Text ලෙස සකස් කරන ලද Cell එකකට ඉලක්කම් ඇතුල් කල පසු එම ඉලක්කම් ගණනය කිරිම් සඳහා යොදාගත නොහැකිය. මෙම විධානය භාවිතා නොකර ඉදිරියේ යොදා ඇති 0 එලෙස තබා ගත නොහැකිය. එම 0 සියල්ල ඉවත් වී අනෙක් අංක පමණක් ඉතිරි වේ.