MS WORD Part 6

Replace

Edit ---> Replace

Find What           - මෙම විධානය ඉදිරියෙහි සෙවිය යුත්තේ කිනම් වචනයක්ද, එනම් ඉවත් කල යුතු වචනය සටහන් කල යුතුය.  එය අනිවාර්යයෙන්ම ලිපිය තුල සටහන්ව ඇති ආකාරයෙන්ම විය යුතුය. 

Replace With      - ඉවත් කල යුතු වචනය වෙනුව ආදේශ කල යුතු වචනය මේ ඉදිරියෙන් සටහන් කල යුතුය.

Replace              - එක වරකට එක් වචනය බැගින් වචනයෙන් වචනය ආදේශ වේ.

Replace All         - එකම වචනය ස්ථාන කිහිපයකම Type කර ඇත්නම් එම සියලූම ස්ථානයන්ට එකවර ආදේශ වීම සිදුවේ.

Next                   - යම් ස්ථානයකට යම්  වචනයක් ආදේශ කිරීම අනවශ්‍ය නම් එම ස්ථානය නොසලකා ආසන්නයේම ඇති අනෙක් ස්ථානය වෙත යයි.

Bullets and Numbering

යම් කිසි ඡේද අංක ගත කිරීමට හෝ ඒවා විශේෂ කර පෙන්වීමට අවශ්‍ය නම් අප ඒවායේ මුලට අංක හෝ වෙනත් සංකේත යොදා ගනු ලබයි.  Bullets මගින් නොයෙකුත්  සංකේතයන්ද Number මගින් අංකද දමා ගත හැක.

වචන යතුරු ලියනය කිරීමට පෙර වචන යතුරු ලියනය කිරීමට පසු Bullets හෝ Number දමා ගැනීමට හැකිය.

Format ---> Bullets and Numbering

Number දමා ගැනීමට අවශ්‍ය නම්

Format  ---> Bullets and Numbering  ---> Number

මෙහිදී අපගේ අවශ්‍යතාවය පරිදි සංකේත හා අංක පවතින ආකාරයන් වෙනස්කරගත හැකිය.  එමෙන්ම Number Style එක තෝරා තවත් වෙනස්කම් සිදුකරගත යුතු නම්

Number Format   - Font මගින් Number එකෙහි Style, Color,Size ආදිය වෙනස් කර ගත හැක.

Number Style    - ඔබ මුලින් තෝරා ගත් Style එකට වඩා වෙනත් Number Style එකක් තෝරා ගත හැක.

Number/Bullet Position   -  මෙහිදී අංක හෝ සංකේත පටන් ගන්නා ස්ථානය එනම් පිටුවේ ආරම්භයේ සිට කොපමණ දුරකින්ද යන්න තෝරා ගත හැක.

TextPosition   - මෙහිදී Number සහ සංකේත දැමු පසු අකුරු ලියවිය යුත්තේ කිනම් දුරකින්ද යන්න තෝරාගත හැකිය.

Spelling And Grammar (සකසා ගත් ලිපියේ වචන හා ව්‍යාකරණ නිවැරදි කිරීම)

ලිපි සැකසීමේදී සිදුවන භාෂාමය වැරදි (English) නිවැරදි කර ගැනිම සඳහා භාවිතා කරයි.  පරිගණක මතකයේ ඉංග්‍රීසි භාෂාවේ වදන් සියල්ල කැටිකොට සාදා ගත් Dictionary නම් වූ ගොනුවක් ගබඩාකොට ඇති අතර එමගින් Type කරන ලද වචනයේ අක‍ෂර නිවැරදි නොවේ නම් ඒ අවස්ථාවේදීම එම වචනයට යටින් රතු ඉරක් ඇඳ ඒ බව අපට පෙන්වා දෙයි.  වැරදි ලෙස සටහන් කරන වචනයේ ශබ්ධයට අනුව වචන පෙළක් තෝරා අප වෙත ඉදිරිපත් කරයි. 

අක‍ෂර ගවේෂණය කිරීම වෙත යොමුවන්නේ ලිපිය සැකසීමෙන් පසුය.  ලිපිය මැද කොටසේ Cursor ය තිබිය දි ගවේෂණය සඳහා විධාන කල විට ලිපියේ අවසානය තෙක් පරීක‍ෂාකර නැවත මුලසිට Cursor ය තිබුනු තැන දක්වා පරීක‍ෂා කරයි.  

Tools  --->  Spelling and Grammar 

Not In Dictionary     

ඉහත විධානය වෙත ගිය විට ලැඛෙන Window හි මුලින්ම ඇත්තේ Not In Dictionaryකොටසයි.   මෙහිදි ලිපිය කොටසින් කොටස සම්පූර්ණවම පෙන්වන අතර වැරදි ලෙස පරිගණකය විසින් අදහස් කරන වචන රතුපාටින් සටහන්කොට පෙන්වයි.  නිවැරදිව ලියන එහෙත් පරිගණක Dictionary යෙහි සටහන් නොවන  වචන (නමක්, ගමක් වැනි දේ) ද වැරදි වචන ලෙස සටහන් කරයි.  

Suggestion

වැරදි යැයි පෙන්නුම් කරන වචනය වෙනුවට ආදේශකල හැකි එම වචනයේ ශබ්ධයට අනුරූප වන වචන පෙලක් මෙහිදී අප වෙත ඉදිරිපත් කරයි.  එවායින් අපගේ ලිපියට අනුව ගැලපෙතැයි සිතෙන වචනය තොරා ගැනිමේ අවස්ථාව අප වෙත ලබාදී ඇත.

Change

තෝරාගත් වචනය ලිපියට ආදේශ කිරීමට අවශ්‍ය වූ විට වචනය තෝරා Change යනුවෙන් විධාන කරන්න. 

Change All

ලිපිය පුරා ලියවී ඇති එකම වචනයක් වෙනුවට අනුමාන වචන ලැයිස්තුවේ ඇති වචනයක් එකවරම යෙදීමට යොදා ගැනේ.