ව්‍යවසායකත්වය 1
ව්‍යවසායකත්වය
ව්‍යාපාර පරිසරය සීඝ්‍රයෙන් වෙනස් වීම් වලට ලක්වේ එබැවින් වේගයෙන් වෙනස් වන ලෝකයේ සංකීර්ණ මිනිස් වුවමනා සපුරාලීම සඳහා එම වෙනස්කම් වලට ප්‍රතිචාර දැක්විය යුතුය.මේ සඳහා ව්‍යවසායකත්වය අවශ්‍යතාව ඉතා කැපීපෙනෙන ලක්ෂණයකි.
මෙය ලෝකයේ සෑම රටකම අත්‍යවශ‍ය අංගයක් බවට පත්විය.අතීතයේ පටන්ම නිශ්පාදන කාර්යය සඳහා ව්‍යවසායකයින්ගේ දායකත්වය යොදා ගෙන තිබුනද ව්‍යවසායකත්වය විෂයක් ලෙස ආරම්භ වූයේ 16 වන ශත වර්ෂයේ සිටයි.
මිනිස් අවශ්‍යතා හා වුවමනා තෘප්තිමත් කිරීම සඳහා නව්‍ය තා සම්පාදනය හෙවත් නව නිෂ්පාදන බිහිකිරීමත් නව ව්‍යාපාරික අවශ්‍යතා හඳුනාගෙන ඒවායේ නියලීමත් ව්‍යවසායකත්වය ලෙස හැදින්වේ. එහිදී ඔවුනට විවිධ අවධානම් වලට මුහුණ දෙමින් අවිනිශ්චිත ව්‍යාපාරික අරමුණක් මුදුන් පමුණුවා ගැනීමට සම්පත් හැසිරවීමද ව්‍යවසායකත්වය ලෙස සැලකේ මෙය නිෂ්පාදන සාධක අතරින් එක් සාධකයක් වේ.කිසියම් ප්‍රතිලාභයක් බලාපොරොත්තුවෙන් වෙනස් කිරීම් කරනු ලබන පුද්ගලයා ව්‍යවසායකයා ලෙස හැදින්වෙන අතර එහිදී භාණ්ඩ හා සේවා නිෂ්පාදනය සඳහා භූමිය,ශ්‍රමය,ප්‍රාග්ධනය යන ආදී නිෂ්පාදන සාධක සංකලනය කරන පුද්ගලයාද ව්‍යවසායකයා වෙයි.
මෙසේ නිෂ්පාදන සාධාක ඵලදායිතා කාර්යක්ෂම ලෙස යොදා ගැනීමේ හා ඒවායේ අවදානම දැරීම වෙනුවෙන් ඔහු ලබන ප්‍රතිලාභය වනුයේ ලාභයයි.
හොඳ ව්‍යවසායකයකු තුල තිබිය යුතු ලක්ෂණ හෝ ගුණාංග
ව්‍යවසායකත්වය යනු විද්‍යාවක් හෝ ශාත්‍රයක් නොව එය හුදෙක්ම ප්‍රායෝගික ක්‍රියාවලියකි.මේ නිසාම ව්‍යවසායකත්වය යන්න අර්ථ දැක්වීම වුවද අසීරු කරුණකි.කෙසේ වුවද මෙහි ඇති සංකීර්ණ භාවයමෙන්ම වැදගත් භාවය නිසාම ලෝකයේ ව්‍යවසායකත්වය පිලිබද පර්යේෂණ ගණනාවක් සිදුකර ඇත.ඒ තුලින් හඳුනා ගත් ව්‍යවසායකත්ව ගුණාංග ගති ලක්ෂණ ගණනාවක් දක්නට ලැබේ.
ස්වයං විශ්වාසය/ආත්ම විශ්වාසය
තම අරමුණු මුදුන් පමුනුවා ගැනීම සඳහා තාත්විකව කටයුතු කිරීමේ හැකියාවක් ඔහු සතුය එබැවින් ඔහුගේ අරමුණු ඉතා පැහැදිලි වන අතර තම ඉලක්කය කරා සෘජුවම ගමන් කරයි.ඕනෑම සර්තක ව්‍යවසයකයකු පිටුපසම පරාජ,බිදවැටීම්,දුක් කම්කටොලු,පසු තැවිලි ගණනාවක් තිබිය හැක.
නිර්මාණශීලී බව
නව්‍යතා බිහිකිරීමේ හැකියාවකින් යුක්තව යමක් දෙස බැලිම යමක් ඉතා සුවිශේෂි ආකාරයට සිදුකිරීම නිර්මාණශිලී බවයි.එබැවින් ඔහු අභියෝග භාර ගැනීමට කැමතිය ඒ තුලින් තවදුරටත් ව්‍යාපරික පන්නරයක් ලබයි.මේ නිසා සෑම විටම නව නිර්මාණයක් බිහි කිරීමට ව්‍යවසායකයා උනන්දුවේ.
මනා අවබෝධය/දුර දක්නා නුවණ
ව්‍යාපාර පරිසරයේ සිදුවන වෙනස් වීමක් කල්තියා අවබෝධ කර ගැනීමේ ශක්තියක් තිබීම මනා අවබෝධය ලෙස හදුන්වයි.එ බැවින් ඕනෑම අභියෝගයකට මුහුණදීමට කල්තියා ඔහු සුදානම්ව සිටියි.මෙය දුර දක්නා නුවණ ලෙස හැදින්විය හැකිය.එ බැවින් ව්‍යාපාර පරිසරය ප්‍රවනතා තුලින් උපරිම ප්‍රතිඵල අත්කර ගනී.
වැඩට කැපවීම
කැපවීමෙන්,මහන්සියෙන් කටයුතු කිරීම වැඩට කැපවීම ලෙස හදුන්වයි.ඔහු නිතරම ශ්‍රමයට ගරු කරයි,ශ්‍රමයට ආදරය කරයි,ශ්‍රම අභිමානි හැගීම් සහිතයි.හොද හෝ නරක සෑම ක්‍රියාවක්ම එකසේ දරා ගැනීමේ ශක්තියක් ඇත.
න්‍යමයශිලී බව
ව්‍යවසායකයා යනු කැපවීමෙන් හා මහන්සියෙන් යම් කාර්යක් කරනු ලබන පුද්ගලයාය.ඔහුට ඕනෑම හොද දෙයක් මෙන්ම නරක දෙයක් දරා ගැනීමට පුළුවන පරිසර වෙනස් වීම් ඇතිකරන තෙක් බලා නොසිට මොහු විසින් වෙනස් කම් ඇති කිරීම මින් අදහස් කරයි.එනම් ඕනෑම පුද්ගලයකු සමග සහයෝහයෙන් වැඩකිරිමට ඇති හැකියවයි.පරිසරය වෙනස් විම් වලට අනුකූලව නිතර වෙනස් වීමට ඔහු සුදානම්ය.පරිසරය විසින් මෙහෙයවන තෙක් නිසිට ම්හු ප්‍රථමයෙන් ක්‍රියා කරයි.
උසස් අභිලාශයෙන් යුක්තවීම
ප්‍රතිලභ තුලින් ඉදිරියට තල්ලු විමේ ශක්තියක් ඔහු තුල පවතී.එක් ඉලක්කයක් සපුරා ගැනීම තුලින් නව ඉලක්යක් කරා යොමුවේ.
අවදානම කලමනාකරනය කළ හැකි වීම
ව්‍යවසායකයා අවදානම මැන ත්ක්සේරු කර බාර ගනි.සාර්ථක විමේ ප්‍රවනතාවය අසාර්ථක වීමේ ප්‍රවණතාවයට වඩා වැඩිනම් පමණක් අවදානම බාර ගනී.අසාර්ථක වීමේ ප්‍රවණතාවය ඉහල මට්ටමක පවතී නම් එය අත්හැර දැමීමට හෝ අවම කර ගැනීමට උත්සාහ දරයි.
ස්වාධීන තීරණ ගැනීම
තමාගේ කැමැත්ත පරිදි වැඩ කිරීමට තීරණ ගැනීමට ව්‍යවසයකයකු බලාඅපොරොත්තු වේ.අන් අයගේ අදහස් වලට මතිමතාන්තර වලට ගරු කරන අතරම ඒ මතම යැපීමට ඔහු අකමැති වීම හා සිය තීරණ වලට එලබීමේ නිදහස මින් අදහස් කරයි.
