ආර්ථික චින්තකයින් - උසස්පෙළ ආර්ථික විද්‍යාව

ආර්ථික චින්තකයින්


ආර්ථික චින්තකයින්  

 

ආර්ථික විද්‍යාව පිළිබඳව ලොවට හදුන්වාදෙමින් විවිධ ආර්ථික න්‍යායයන් හා සංකල්ප ඉදිරිපත් කළ ආර්ථික විද්‍යාඥයන් අතර වඩාත් වැදගත් කිහිප දෙනෙකු පිළිබඳව අපි සාමාන්‍ය අවබෝධයක් ලබා ගනිමු.

 

 ඇඩම් ස්මිත් 

මොහු ආර්ථික විද්‍යාවේ පියා වශයෙන් සලකනු ලබයි.ක්‍රිස්තු වර්ෂ 1776දී ජාතීන්ගේ ධනය  නමැති ග්‍රන්ථය රචනා කරමින් ඉතා වැදගත් ආර්ථික විද්‍යා න්‍යායන් හදුන්වාදෙන ලදි.

එසේම ආර්ථික කටයුතු මෙහෙයවීම පිළිබඳව මිල යාන්ත්‍රණය නමැති අදෘශ්‍යමාන හස්තය හඳුනම්වා දෙනු  ලැබුවේ ද මොහු විසිනි.

මුදල් භාවිතය , ශ්‍රම විභජනය හා විශේෂීකරණය පිලිබඳ අදහස් ,කාර්යක්ෂමතාව පිළිබඳව අදහස් මෙතුමා විසින් ඉදිරිපත් කරනු ලැබිණි .

 

 

ජෝන් මෙනාඩ් කේන්ස් 

 

ආර්ථික විද්‍යාවට නව න්‍යායක් හදුන්වා දෙමින් ආර්ථික විද්‍යාව නවමගකට යොමු කල ආර්ථික චින්තකයෙක් ලෙස මෙතුමා හැඳින්විය හැකිය. මොහු විසින් සේවා නියුක්තිය පොලිය හා මුදල් පිලිබඳ පොදු න්‍යාය යන කෘතිය ප්‍රකාශයට පත්කරන ලදි.

ආර්ථික විද්‍යා විශයට සාර්ව ආර්ථික සංකල්ප ඇතුළත් කරන ලදි.ඒ අනුව ආර්ථික වෘද්ධිය ,ජාතික ආදායම් මුදල් නියුක්තිය ,මිල මට්ටම ඉතිරිකිරීම් හා ආයෝජනය යන සාර්ව ආර්ථික සංකල්ප මොහු විසින් ඉදිරිපත් කරන ලදි.

 

ලයනල් රොබින්සන් 

 

1932 වසරේදී මොහු ආර්ථික විද්‍යාවේ ස්වභාවය හා හරය පිළිබඳව වූ රචනාවක් යන කෘතිය තුළින් ආර්ථික විද්‍යා විශය ක්ෂේත්‍රයට ප්‍රවේශවන  ලදි.

මොහු මාර්ෂල් විසින් ඉදිරිපත් කළ ආර්ථික විද්‍යාව පිළිබවි අර්ථකථනය විවේචනය කරන ලදි.

එසේම මොහු විසින් අසීමිත මිනිස් අවශ්‍යතා ,සම්පත වල විකල්ප ප්‍රයෝජන, සම්පත් හිඟකම පිළිබඳව සිය අදහස් ඉදිරිපත් කරන ලදි.

 

 

ඩේවිඩ් රිකාඩෝ 

 

මොහු එංගලන්තයේ ජීවත් වූ කෝටිපති ව්‍යාපාරිකයෙකි.

1817 වර්ෂයේ දී දේශපාලන ආර්ථික විද්‍යාව මූලධර්ම හා බදු ක්‍රමය යන ග්‍රන්ථය ප්‍රකාශයට පත් කරමින් ආර්ථික විද්‍යා විෂයට විශාල සේවයක් ඉටු කරන ලදි.

ආර්ථික වර්ධනයේදී බදු ක්‍රමය මගින් කළ හැකි කාර්යභාරය මොහු විසින් පෙන්වා දෙනු ලැබීය.

එසේම මොහු හඳුන්වා දෙනු  ලැබූ සාපේක්ෂ වාසි න්‍යාය , ආරක්ෂක තීරු බදු ප්‍රතිපත්තිය ,ජාත්‍යන්තර ශ්‍රම විභජනය යන ආර්ථිකය සංකල්ප ඉතා වැදගත් වේ.

 

 

ඇල්ෆ්රඩ් මාර්ෂල්

 

නව ආර්ථික විද්‍යාවේ ශ්‍රේෂ්ඨතම චින්තකයා වූයේ මොහුයි.

1890 වර්ෂයේ දී මෙතුමා විසින් රචිත ආර්ථික විද්‍යාවේ මූලධර්ම නම් ග්‍රන්ථය රචනා කිරීමෙන් ආර්ථිකවිද්‍යා විෂයට විශාල සේවයක් කරන ලදි. මාර්ෂල් තම විග්‍රහයන් තුළින් ඉල්ලුම් න්‍යාය ,ලාභය , වෙළෙඳපොළ තත්ත්වයන් ,ආදායම් ව්‍යාප්තිය ,බදු අයකිරීම් ,මූල්‍යමය ප්‍රශ්න ඉදිරිපත් කරන ලදි. එසේම මොහු සුබසාධක ආර්ථික විද්‍යාව පිළිබඳව ද විවිධ අදහස් ඉදිරිපත් කරන ලදි.

 

 

Definition to Economics

ආර්ථික විද්‍යාව නිර්වචනය කිරීම.

 

යමක් නිර්වචනය කළ හැක්කේ ඒ පිළිබඳව මනා අවබෝධයක් ලබාගත් පසුවය එම නිසා ආර්ථික විද්‍යාව ඉගනීමට අත්පොත් තැබීමේදී ප්‍රථමයෙන්ම ඉගනීමට පෙර මේ පිළිබඳව ඔබට නිර්වචනය කළ නොහැකිය. එපමණක් නොව දන්නා අයෙකු ඉදිරිපත් කරන ලද නිර්වචනයක් තෙරුම් ගැනීමටද ඔබ අපොහොසත් වනු ඇත. එම නිසා මූලිකවම ආර්ථික විද්‍යාව පිළිබඳව ඉදිරිපත් වී ඇති නිර්වචනයන් මොනවාදැයි විමසා බලමු.

 

ඇඩම් ස්මිත්ගේ නිර්වචනය....

  " ආර්ථික විද්‍යාව යනු ධනය පිළිබඳව හැදෑරීමේ විද්‍යාවයි."

 

ලයනල් රොබින්ස්ගේ නිර්වචනය...

  "විකල්ප භාවිතයන් සහිත හිග සම්පත් හා මිනිස් වුවමනා අතර පවතින සම්බන්ධතාවයේදී මිනිස් හැසිරීම් පිළිබඳව අධ්‍යනය  කරන විද්‍යාවයි "

 

ඇල්ෆ්රඩ් මාර්ෂල්ගේ නිර්වචනය...

 " එදිනෙදා ව්‍යාපාරික ජීවිතයේදී මිනිසුන් කටයුතු කරන ආකාරය පිළිබඳව අධ්‍යයන කරනු ලබන විෂය ආර්ථික විද්‍යාවයි."

 

පෝල් සැමුවෙල්සන්ගේ නිර්වචනය...

 "සමාජය විසින් ඵලදායක භාණ්ඩ නිෂ්පාදනය කිරීම සඳහා  හිඟ සම්පත් භාවිතා  කරනු ලබන්නේ කෙසේද ,එලෙස නිපදවනු ලබන භාණ්ඩ හා සේවාවන් සමාජයේ විවිධ පුද්ගලයන් අතර බෙදාහරිනු ලබන්නේ කෙසේද යන්න අධ්‍යයනය කරනු ලබන විෂයකි."